اغاني .. واغاني

[جيجي]

المشاركة الأصلية كتبت بواسطة قيقراوي

كلٌ يغني على ليلاه

الحاج سرور .. الشيخ قريب الله


رائع يا سني


قال البرعي اليمني:

اغالط عن سلمى بسعدى تنصلاً وما قصدي سعاد ولا لبنى ..
ما بغيتي الا قباءً و قبابها













-------

يا غالي ما سمعت بنكتة هيثم دي انتا ..

وانت الصادق يا رشيدنا بقت عليو نكتة السوداني واللبناني النسوانم راحن ..
لمن اللبناني وصف مرتو ..وسأل السوداني مرتك كيف شكلها؟
قال ليو كدي مرتي ارخيها اسي .. ارح نفتش مرتك دي!

البسمع بالمعيدي!!

طب باقيقراوي انت ماسمعت بالسودانية الراجلها راح في تركيا لامين مشت البوليس تدلي باوصافه
-اصفر وطويل
الاولاد-يا امي
-وشعره ناعم
-يا امي
وعيونه خضر
يااااااامي ياخ
-يااولاد ماتسكتوا يمكن يجيبوا لينا مهند

[مها عبدالمنعم]

مسا الاحساس قيقا وضيوفه
معتز غني كويس غايتو عن نفسي
اعجبني رغم انو ع قول الحاج والدي مافي داعي يعبر وشي

[قيقراوي]

المشاركة الأصلية كتبت بواسطة جيجي

طب باقيقراوي انت ماسمعت بالسودانية الراجلها راح في تركيا لامين مشت البوليس تدلي باوصافه
-اصفر وطويل
الاولاد-يا امي
-وشعره ناعم
-يا امي
وعيونه خضر
يااااااامي ياخ
-يااولاد ماتسكتوا يمكن يجيبوا لينا مهند

تأبريني!!

مرة في حفلة سارة - رفراف قلبي الشمال- اختفت من راداراتي ..
رسلت فادي - كزول ذمتو وااااسعة، عشان عارفو اروش- كدي امش فتش امك دي .. عشان كان ما لقيتنا نعزل لينا واحدة تانية من الجكس النضيف دا!











-----

كان رسلت واحدة من حبيبات ألبي السغار ديل بجيبوها لي من يدها!!

[أمير الأمين]

المشاركة الأصلية كتبت بواسطة خالد غالي

والله ياحبيبنا انا بس في فمي ماء، ماقادر اتكلم بي راحتي والا كان وريتكم انا مالي
بس الله غالب

اوع يكون عندو علاقة "بالصَبَرة"

[قيقراوي]

المشاركة الأصلية كتبت بواسطة مها عبدالمنعم

مسا الاحساس قيقا وضيوفه
معتز غني كويس غايتو عن نفسي
اعجبني رغم انو ع قول الحاج والدي مافي داعي يعبر وشي

انا برضو يا فردة

كتب استاذنا الموصلي همسلف في سودانيز:

رمضان كريم يامعز ولعلك طيب
والله لو معتز غناها بطريقة الاستاذ الكبير الطيب عبد الله لما كتبت عنه حرفا واحدا
لانه لايغني بطريقة الطيب عبد الله الا الطيب عبد الله نفسه ذاك البديع
فما تسميه انت عدم التزام
اسميه انا تنويع
بعدين قفلاتو دي نفسها هي المجنناني
وقد تكون جننت الاورسترا ولكنه "السينكوبيشن نفسه" اي ترحيل النبر القوي في الايقاع الى النبر الضعيف
عشان مايجو يقولو تعالي وكده
ياخي ده زول زمنو الايقاعي ماعادي
ربنا يخليهو ويخليك تسلم

------

اول ما انتهت وصلة معتز، جريت كتبت ليهم (الليلة مافي كلام!)

[مها عبدالمنعم]

المشاركة الأصلية كتبت بواسطة قيقراوي

انا برضو يا فردة

كتب استاذنا الموصلي همسلف في سودانيز:



------

اول ما انتهت وصلة معتز، جريت كتبت ليهم (الليلة مافي كلام!)

[قيقراوي]

احمد يا زين

دحين كلامك في فاطنة السمحة ما كان شين!؟










------

الليلة وين؟

سهران يا ليل

[خال فاطنة]

اداء مميز جدا لمعتز صباحي اليوم (يستحق نجومية الحلقة)
اداء مميز لفاطمة
ادا جيد جدا لطه سليمان
اداء عادي لفهيمة و فرفور و مصطفى السني

[الزوول]

سلامات يا شباب
سؤال يلح علي
ممكن الزول يطرب لفنان مختلف معاه ايدولجياً ؟؟
يعني أخوانا البلاشفة ديل مثلاً
ممكن ينطربو لقيقم مثلاً
وللا حكاية الطرب دي مربوطة بالتقبل الفكري برضو
طبعاً الموضوع
Vice Versa
ما لاقاني زول شّنف زولاً محسوب عليهو ايدولوجياً
جبنا المقدمة دي ليه؟؟
عشان ناوي ابستف ليكم مصطفى السني
مصطفى السني زول مسكون بالابداع
يملك احساساً بالمغني واللحن وبالكلمات ويجتهد ليعبر عنها بما يملك من امكانيات
ولكن من قال انه يملك الامكانيات تلك
رأيي أنه يفتقد للخامة الصوتية المتميزة
دعك من الخامات الصوتية (الخارقة) كخامة صوت ابوداؤد
نعم أداءه جميل جداً
ولكن الصوت متوسط أو أقل من المتوسط
ولا اظن ان تجربتو
ستختلف كثيراً عن تجربة عباس تلودي
أداء ممتاز جداً ... وصوت متوسط الجمال
.....
(ياخي انا شاعر اني بقيت شنّاف جداً اليومين ديل)

[الزوول]

يعني يا قيقا
إلا تجيكم من الموصلي

ياخي ده زول زمنو الايقاعي ماعادي

الزوول المسكين ما قال الكلام ده من كم صفحة فاتت

المشاركة الأصلية كتبت بواسطة الزوول

.....
يملك زمن داخلي في غاية الادهاش بما يمكنه من الخروج على الرتم في اي وقت والعودة بحرية تامة
.....

الله في

[أسعد]

المشاركة الأصلية كتبت بواسطة خالد غالي

بعدين انا مغترب في دبي انت قايلني في السعودية ولاشنو!

مع اختيارك دا
اذا الغربة في السعودية افضل
على الاقل بتخلي الواحد ذهنو متفتح ويمتلك حواس فعالة لاختيار الجمال

[قيقراوي]

المشاركة الأصلية كتبت بواسطة الزوول

حاسي اني بقيت شنّاف جداً اليومين ديل)

مالك كدا فجأة بقيت حساس!

ما تتحسس .. مابقيت .. انت من اول مداخلة ليك السنة دي من سودانيون على خط الشناف دط كوم


















-------

الزوول المسكين ما قال الكلام ده من كم صفحة فاتت

انت زعلتا يا دكتور!

ابداً والله

فيما يليني، لمن انتا قلتها ان احساسي بمعتز كان مختلف ..
نجح معتز في انو يقعلني من خانة (الشناف) .. لخانة التأييد والدعم اللامحدود
امكن كترة الشناف وتكأكؤ العالمين عليو ساقتني لموقفي الجديد دا
[ما ندري!]

تحياتي يا حبيب

[أسعد]

الرشيد
قالوا عندك مداخلة اتجدعت فيها وقلت انو لمن كنت بتسجلوا في حلقة شنو في الاستديو
قدر ما فتشتها ما لقيتها

بس حبيت اغني ليك:
حاول يعمل فيها اسامة معاوية
بس شفناهو وشفناهووووووgap

[قيقراوي]

المشاركة الأصلية كتبت بواسطة أسعد

مع اختيارك دا
اذا الغربة في السعودية افضل
على الاقل بتخلي الواحد ذهنو متفتح ويمتلك حواس فعالة لاختيار الجمال

يا سعادتك تربيع .. في جابن آخر، انت وخالد ومعاكم ماريل ما (مؤهلين) تتكلموا عنو في الحتة دي (وشوشة العبير)
ح اجع ليو ..

منى مجدي سليم دي بالمناسبة اخت صاحبنا (يا ربي!)








ساعود


-----

حتة (مؤهل/ما مؤهل) دي مرة في زمن غابر من نهايات القرن المنصرم كنت شغال في مجموعة مطاعم في الرياض، عبدو زميلنا ربنا يمسيو بالخير وين ما امسى، كان مدير قسم الحفلات والتسويق .. مرة جاب ليو طباخ سوداني وقال ح يسكنو معاي -كمغرز منو- في المعاينة كان -عبدو- بس مركز على النقطة دي وبذكر بيها المدير العام كل مرة .. فاستجاب الاخير وسأل صاحبنا: (متأهل؟) يقصد متزوج؟
فرد صاحبنا بثقة شديدة: هيييييي انا مؤهلات -شهادة فندقة وسياحة- ماااا عندي ... مؤهلاتي يديني ديل!!

ومعاها حركة كدا محرجة خلااااس!!

[خالد غالي]

ياقيقرا كان فهمتك صاح، ماريل مؤهلة وانا حا اتأهل قريب، لكن شلاقة ده ما اظنو