اغاني .. واغاني

[قيقراوي]

اكتر دعاية عاجباني:

http://youtube.com/watch?v=DpMJ090Di...%3DDpMJ090DiHw

[الزوول]

المشاركة الأصلية كتبت بواسطة مهند الخطيب

والله ياقيقا بالغ أحمودي ، الزول ده بلعب عود لعب!!
غايتو انا مالاقاني في بلد المليون ميل بالقديم زول بلعب في رقبة العود بأربعة أصابع !!
د.العوض بالغت في قرشة ملحة الزول ده والله....

...
يا زول ما تبهتني ساكت
كلامي فهمتوهو عكس المقصود منو
انا غايظني السر قدور الما عندو الحاسة الفنية البتدي عوض احمودي الفرصة الكافية لامتاعنا
تعرف يا رباطابي انا لو مكان عمك قدور ده
كنت خصصت اقل حاجة حلقتين وللا تلاتة تقتصر فقط على الفرقة الموسيقية وعزف مقطوعات موسيقية سودانية او عربية لغرس ثقافة الاستماع والاستمتاع الموسيقي البحت
ويمكن ان تكون مؤلفات موسيقية مخصوصة مثل مقطوعات بشير عباس او الكمنجست عثمان جمال الدين او محمدية هيمسلف ، او اختيار اغاني ذات قوالب موسيقية ابداعية مثل الطير المهاجر او الود او المستحيل او مرحباً يا شوق (ومعظم اغاني وردي تحتوى على مقاطع غاية في الابداع الموسيقي)
شفت الفرقة الموسيقية دي ابدعت كيف في مقدمة اغنية زمان الناس ؟؟

[الزوول]

المشاركة الأصلية كتبت بواسطة قيقراوي

الله يرحمه ياخي ويبشبش الطوبة التحت راسا

------

عندي شك ما مؤسس انو ابو امنة حامد كتب سال من شعرها الذهب فيها ..
استصحبو اني قلت (شك) يعني ظن ؤ كدا .. ؤ ما مؤسس .. آآثم!

هو -رحيمو الله- عندما سُئل عنها، قال كل السودان بحبها .. واسي ماتت!

...
المعروف يا قيقا
ان القصيدة المشهورة التي يغنيها سيد خليفة (يا صوتها لما سرى)
والتي كتبها الشاعر المبدع إدريس جماع
مكتوبة فيها
...

يا صوتها لما سرى .....
------------------------

يا صوتها .. لما سرى
مثل الحريرِ نعومةً
ونداوةً .. وتكسُّرا
مثل الصباحِ
طلاقةً .. ورشاقةً وتبختُرا ..
وتدفقت كلماتها ..
عطراً ندياً عنبرا
وهما حنيناً حالماً
وشذاً يضوع تخضّرا
--
يا صوتها لما سرى
يا روعةً ..
لحناً سماوياً سرى
مات الكنارُ مُغرّدا
والنايُ ناح تحسرا
والعندليبُ إذا حكى
لحناً تفجّر أبحُرا
ماذا يكونُ وصوتُها
صوتُ السماءِ من الثرى
--------------------

[الزوول]

المشاركة الأصلية كتبت بواسطة قيقراوي

امها حكت -مش زمان في غنية: "رحلت بعيد يا سارة وشلت معاك (قلوب) اتنين “ او نحو ذلك- قالت انها كانت حافظاها:
رحلتي بعيد يا سارة .. وشلت معاك (هدوم) اتنين!

....

يا عاصم شبارقة
بالله لو مريت بى هنا ضم لينا أم وجن القيقراوية دي
مع مجموعتنا بتاعت الناس البشرتمو الغنا

خَلّي الناس تموت ، والهم يفوت
....

[الزوول]

المشاركة الأصلية كتبت بواسطة قيقراوي

اكتر دعاية عاجباني:

http://youtube.com/watch?v=DpMJ090Di...%3DDpMJ090DiHw

...
نفس الشعور يا قيقا
تعرف
الاعلان ده من اجمل الاعلانات الذكية والمعبرة
.....
اذكر اني استعملت فكرتو
ايام كنا بنجهز في صفحة سودانيات الرئيسة
المصممين ، ناس شركة جملة ناس قطيمين وجافين جداً
وكل ما اطلب منهم حاجة يقولو لي ده ما شغلنا وما اختصاصنا
ونحن بس علينا نديك التصميم ونديك الكود ...الخ الخ
وانت مفروض تعدل فيهو بالشكل الدايرو
واخوك اليومين ديك جديد في الشغلانية
بعد عمك محمد ابو عاقلة (اشتر) فكانا ليك فجأة عكس الهوا
المهم يوم كدي قفلت معاي وقمت قلت ليهم
شوفو يا ولاد بمبة gapgap
اذا كنتو ح تقومو تدوني الدقيق والصلصلة والزيتون وما اليها
وتقولو لي اديناك بيتزا
فالموضوع ده ما بيقسم معاي
...
انقر شنو؟
فكوها ليك ضحكة كاربة
وفصلو طوالي
...

[خالد غالي]

يا الرشيد وياطارق

غلاط الكشتينة ده مابينفع، اها الراي نتلاقى في عيد الضحية كلنا في الخرطوم، انتو العبو زملان وانا بجيب زميلي معاي ونحسم القصة دي، اها قلتو شنو؟

ويالرشيد، التمثال قاعد في الحصاحيصا لكنو بيخص كل البشرية، يعني عايزهم يختو ليك التمثال في البشرية كلها عشان يمثلها ولا شنو؟

[قيقراوي]

في شك موضوعي اننا صايمين غلط وبكرة العيد!!
والله صحي

انحنا متحرين هلال العيد مساء الليلة



















--------

والشك الموضوعي يفسر لمصلحة المتهم طبعاً
المافي شنو!؟

[الزوول]

المشاركة الأصلية كتبت بواسطة قيقراوي

في شك موضوعي اننا صايمين غلط وبكرة العيد!!
والله صحي

انحنا متحرين هلال العيد مساء الليلة
----

والشك الموضوعي يفسر لمصلحة المتهم طبعاً
المافي شنو!؟

....
والمتهم ده منو يا عمك
..
صحيح والله يا قيقا
دخلت المستشفى يا دوبك ... لاقتني ليك الاشاعة دي وجهاً لوجه
وكمان شنو
ناسنا دسل اصلهم بيحبو القوالات والشمارات
قالو الديوان الملكي الأردني اتكفل بأنو يدفع الفدية عن كل الاردنيين المسلمين
شفت النشامى كيف
اها
بالمناسبة دي
أهدي اغنية العطبراوي (نحن الشعوب الكادحون ) ... للخوان نافع وعمر والحاج وكل الذين تجمهروا في البيعة تحت الشجرة
...

[شبارقة]

المشاركة الأصلية كتبت بواسطة الزوول

....

يا عاصم شبارقة
بالله لو مريت بى هنا ضم لينا أم وجن القيقراوية دي
مع مجموعتنا بتاعت الناس البشرتمو الغنا

خَلّي الناس تموت ، والهم يفوت
....

والله قبل يومين إتذكرت البوست بتاعك دا .. والسبب كان بلال موسى .. بلال موسى في بداياتو كان ما حافظ الغنا .. مندلين صوتو عالي والجماعة يخوجلو والعجاجة في السماء والعمم تتطاير .. وعمك بلال موسى يقطع من رأسو سااي وزول جايب خبر مافي.

[شبارقة]

المشاركة الأصلية كتبت بواسطة الزوول

...
المعروف يا قيقا
ان القصيدة المشهورة التي يغنيها سيد خليفة (يا صوتها لما سرى)
والتي كتبها الشاعر المبدع إدريس جماع
مكتوبة فيها

أولا ً : (يا صوتها) ليست من كلمات جـمّاع بل هي من كلمات الشاعر / محمد يوسف موسى

ثانيا ً : صوت المرحومة ليلى المغربي كان من الأصوات المميزة ولكن لما كـُتبت (يا صوتها) لم تكن المرحومة ليلى المغربي قد ذاع صيتها بعد.

[شبارقة]

المشاركة الأصلية كتبت بواسطة الزوول

مات الكنارُ مُغرّدا

مات الكنار دي تشيلا براك يا العوض وتوديها البوست بتاعك (خلى الناس تموت والهم يفوت) *

ما ذا الكنار مغردا ً .. يعني صوتها ليس كصوت تغريد الكنار بل أجمل من ذلك.

* إنتا آ العوض أخوي مرة تكتل الكنار ومرة تكتل الناس

[الزوول]

المشاركة الأصلية كتبت بواسطة شبارقة

أولا ً : (يا صوتها) ليست من كلمات جـمّاع بل هي من كلمات الشاعر / محمد يوسف موسى

ثانيا ً : صوت المرحومة ليلى المغربي كان من الأصوات المميزة ولكن لما كـُتبت (يا صوتها) لم تكن المرحومة ليلى المغربي قد ذاع صيتها بعد.

...
سلامات يا عاصم
ما قايلك سريع قدر كدي

المهم الأولانية دي اوافقك فيها 100% الكلمات لمحمد يوسف موسى
بس انها اتكتبت في ليلى المغربي ...فدي ما فيها اي نقاش
سمعتها بى أضاني دي من الأستاذ محمد سليمان
وكمان اختبر بها فنانة من نجوم الغد اسمها اجلال عوض من سنار
بعد غنت الأغنية سالها
تعرفي الأغنية مكتوبة لى منو؟
وكب ...كب المعلومة
وكان ما أخاف الكضب
أظن برضو ذكر انو محمد يوسف موسى هو خال جمال فرفور وللا حاجة بالشكل ده
....

[الزوول]

المشاركة الأصلية كتبت بواسطة شبارقة

مات الكنار دي تشيلا براك يا العوض وتوديها البوست بتاعك (خلى الناس تموت والهم يفوت) *

ما ذا الكنار مغردا ً .. يعني صوتها ليس كصوت تغريد الكنار بل أجمل من ذلك.

* إنتا آ العوض أخوي مرة تكتل الكنار ومرة تكتل الناس

....



قاتل الله الكوبي والبيست...

[خالد غالي]

ده شنو يا طه الضرس غنية البنات الغنيتها دي

[طارق صديق كانديك]

المشاركة الأصلية كتبت بواسطة خالد غالي

يا الرشيد وياطارق

غلاط الكشتينة ده مابينفع، اها الراي نتلاقى في عيد الضحية كلنا في الخرطوم، انتو العبو زملان وانا بجيب زميلي معاي ونحسم القصة دي، اها قلتو شنو؟

دييل

المشاركة الأصلية كتبت بواسطة شبارقة

والله قبل يومين إتذكرت البوست بتاعك دا .. والسبب كان بلال موسى .. بلال موسى في بداياتو كان ما حافظ الغنا .. مندلين صوتو عالي والجماعة يخوجلو والعجاجة في السماء والعمم تتطاير .. وعمك بلال موسى يقطع من رأسو سااي وزول جايب خبر مافي.