قناة كريمة الفضائية...وأيُّ قناة!

[أمين محمد سليمان]

المشاركة الأصلية كتبت بواسطة خالد غالي

انصحك بانك ماتتحاور مع البروف وبابكر ديل، فهم حقيقي ما اتو لحوار

غايتو إنت أخير منك بكة !!
المنتدى ده ما فيهو زول بطلع النصيحة كلو كلو !!
ياخي أنا جيت أسلم و أطايب ... ما ممكن عسوم يقول لي لا بأس !!
لا بأس دي جارحة جدا لزول حساس زيي ... و ما شايف لي حل غير إعتذار !!

[عادل عسوم]

المشاركة الأصلية كتبت بواسطة خالد غالي

ياعسوم حا انصحك نصيحة بمقابل!

انصحك بانك ماتتحاور مع البروف وبابكر ديل، فهم حقيقي ما اتو لحوار
والمقابل البطلبو منك هو انك تتم قصة الشياطين ديك سرعة لانو فعلا لياقتنا تعبت وتعبنا من المتابعة والانتظار



صورتك مع صلاح قوش مستفزة جدا لمشاعرنا، ومع ذلك نسامحك وده ممكن تعتبرو هوادة فوق البيعة عشان تتم القصة سرعة

مرحبا بالغالي خالد
شكرا للنصيحة ياحبيب والحياة والمخالطة مع الناس (على اطلاقهم) تعلم الكثير وتعين على المفاضلة والتقييم ياصاحب
بخصوص البوست الآخر أعدك والأحباب بالمواصلة فيه بعد العودة الى مقر عملي خلال يومين بالكثير اذ لم أزل في مدينة جدة الى يومي هذا...
أما الأخ صلاح عبدالله (نائب دائرة مروي) فلك أن تسأل عنه كل من له صلة بهذه الديار عن الكثير الذي قدمه الرجل منذ أن فاز في الانتخابات الفائتة ياخالد...
وان كنت أعلم بأن المعاناة قسمة بين أهلنا على امتداد هذا السودان الكبير لكن (ثق) بأن معاناة أهلنا في الشمال لاتتناسب أبدا بما قدمه هذا الشمال للوطن (وسيظل ذلك واجبا)!
الأمر الآخر والأهم هو اننا في منحنى النيل هذا (ندّعي) بأننا نمتلك الكثير من أدب وشعر وثقافة ونثر وفن مبدع يمكننا تقديمه للناس من خلال هذه القناة الفضائية التي ستضيف بحول الله الكثير من الايجاب على أديم خارطة الثقافة والشعر والأدب والفن والمعرفة في هذا السودان الفسيح...
بالأمس القريب ياخالد كنت أقرأ في متن كتاب (مروي المظهر والجوهر) فراقني -ولا أقول هالني- (كم) المبدعين في كل ضروب المعرفة والأدب والسياسة والثقافة والفن والتشكيل الذين جاد بهم هذا المنحنى للوطن فما لبثوا أن تركوا البصمات المشرقات على صحائفه ووثائقه!...لعلي أورد تلك الأسماء في متن هذا المفترع ياحبيب...
صلاح قوش هو ابن منطقة مروي وبرغم تقديمه الكثير الاّ أننا لم نفتأ نرجو من الكثير في سبيل ترقية المنطقة وخدمة أهلنا الذين عانوا الأمرّين خلال العقود المنصرمة ومنذ الاستقلال...
مودة تترى ياحبيب

[خالد غالي]

المشاركة الأصلية كتبت بواسطة أمين محمد سليمان

غايتو إنت أخير منك بكة !!
المنتدى ده ما فيهو زول بطلع النصيحة كلو كلو !!
ياخي أنا جيت أسلم و أطايب ... ما ممكن عسوم يقول لي لا بأس !!
لا بأس دي جارحة جدا لزول حساس زيي ... و ما شايف لي حل غير إعتذار !!

ياعسوم غايتو انا نصحتك، لو ماعايز تسمع نصيحتي، تم لينا القصة ديك اول حتى تجي تتحاور مع البروف ده، لانو ما اظن يفضل فيك باقي

[عادل عسوم]

المشاركة الأصلية كتبت بواسطة خالد غالي

ياعسوم غايتو انا نصحتك، لو ماعايز تسمع نصيحتي، تم لينا القصة ديك اول حتى تجي تتحاور مع البروف ده، لانو ما اظن يفضل فيك باقي

لا بأس

[خالد غالي]

المشاركة الأصلية كتبت بواسطة عادل عسوم

لا بأس

لا بأس بي ابتسامة؟؟!!
يابكة افتكر دي خشنة صاح؟؟
دي والله اخير منها حقت البروف السادة


معليش يابروف والله اتاريهو لابأس دي حارة خلاص

[عادل عسوم]

المشاركة الأصلية كتبت بواسطة خالد غالي

لا بأس بي ابتسامة؟؟!!
يابكة افتكر دي خشنة صاح؟؟
دي والله اخير منها حقت البروف السادة


معليش يابروف والله اتاريهو لابأس دي حارة خلاص

انتا ياخالد ما تخليك من التانين وتلعب صالح ورقك شوية
وبعدين الابتسامة ياها دي

[خالد غالي]

المشاركة الأصلية كتبت بواسطة عادل عسوم

انتا ياخالد ما تخليك من التانين وتلعب صالح ورقك شوية

لا بأس

[عادل عسوم]

المشاركة الأصلية كتبت بواسطة خالد غالي

لا بأس

حلوة وملعوبة

[أمين محمد سليمان]

المشاركة الأصلية كتبت بواسطة خالد غالي

معليش يابروف والله اتاريهو لابأس دي حارة خلاص

يعني يا خلود ما بتحسو إلا تتبلو في عضمتكم !!
طيب ... عشان نمشي لقدام ... اتكلم مع عسوم يعتذر لي ... الموضوع ده ح يكبر و ياخذ حجم استاد الهلال ... أنا ما بقدر أمشي مجرح الأحاسيس كده !!!

[عادل عسوم]

هذا هو الكتاب...
مع التحية والاعزاز للأخ الفاضل السر حليب زميل المنبر في منتديات جزيرة مساوي والتحية كذلك للزميل في منتدى التوثيق الشامل عوض الخليفة طه:
http://www.mossawi.com/vb/showthread.php?t=1460

[ام التيمان]

المشاركة الأصلية كتبت بواسطة أمين محمد سليمان

يعني يا خلود ما بتحسو إلا تتبلو في عضمتكم !!
طيب ... عشان نمشي لقدام ... اتكلم مع عسوم يعتذر لي ... الموضوع ده ح يكبر و ياخذ حجم استاد الهلال ... أنا ما بقدر أمشي مجرح الأحاسيس كده !!!

صديقي ابو صلعة
ما يستاهل تنجرح مشاعرو
يا عسوم حرام عليك

[عادل عسوم]

المشاركة الأصلية كتبت بواسطة ام التيمان

صديقي ابو صلعة
ما يستاهل تنجرح مشاعرو
يا عسوم حرام عليك

مرحب ام التيمان وكل عام وأنت بخير
عجبتني انك كتبتي (ام درمان) في خانة (الدولة) في البروفايل

[ام التيمان]

المشاركة الأصلية كتبت بواسطة عادل عسوم

مرحب ام التيمان وكل عام وأنت بخير
عجبتني انك كتبتي (ام درمان) في خانة (الدولة) في البروفايل

يا عسوم دى برضو زى لا بأس
بتاعة البروف و الغالى

[أمين محمد سليمان]

المشاركة الأصلية كتبت بواسطة ام التيمان

صديقي ابو صلعة
ما يستاهل تنجرح مشاعرو
يا عسوم حرام عليك

عليك الله كلميه يا ستهم !!
الجروح في مشاعري شايفها أهي دي جرحة جرحة ... و عسوم ما داير يعتذر لي، غير مبالي بما سببو من الالام النفسية و التشوهات الداخلية !!
معا لحث عسوم على الاعتذار !!

[عادل عسوم]

المشاركة الأصلية كتبت بواسطة ام التيمان

يا عسوم دى برضو زى لا بأس
بتاعة البروف و الغالى

لابأس ياأم التيمان