يوميات ليمونه المجنونه

[مها عبدالمنعم]

يوميات ليمونه المجنونه
امي امي
مالك ياولد
لالا بس جيعان مافي شي ياكلو؟
انت مش فطرت في المدرسه؟
ااي
حليت ؟
ااي
سمح وكت اكلت في المدرسه عامل متل راس ابوك كدي بتفتش في الاكل مالك؟؟امي جيعان ياخ
مافي باقي من الفطور؟
شوف الصحن الفوق راس التلاجه مغطي عارفاك بتجي متل اللكنك جاي من الصومال!!
اها اخوك وينو؟
اتاخر معاقبنهن؟ورمت الشايله ونطت علي حيله
م شنو؟؟؟؟؟؟؟؟؟
امي بسم الله مالك
ياولد الله يكسر ضلعك شايف لك جان اشان بتتبسمال؟
لالا بس ست رشا
ست مني؟
مي البت الضعيفونه التقول مابتاكل عند اهله ديك
قووم ارح معاي
مابمشي بدقوني والله
ياولد منو البدقك قوم والا بصلك ابرطشك ببرطوشي دا
قال رشا قال رشاها بشاي من نارو تعاقب ولدي انا ؟؟
الليله ان ماوديتك مكتب التعليم قوم ياولد الكع سريع متل ابوك تدبي تدب فيك اصله؟؟
ووصلو باب المدرسه لاقوها الولاد مارقين ومن شافوها قام كل واحد جاري من شارع...وولده مازاد
عاوزه شنو ؟؟
ست رشا
ماجات الليله
ماقال اخوك اب راسا قليد دا معا
ياولد اقيف اقيف وقفت فيك عجله توديك الاخره بلا كرعين بلقاك في البيت والا مابتجي الاياخدكن نسيت الماسوره فاتحه تكون م لت الحوش مويه!!

[مها عبدالمنعم]

يوميات ليمونه لمجنونه
فرش تسجيل هيثم للمريخ
هووي ياراجل قوم كفاك دحين الجنا دا كان سجل والا ماسجل هو في همو.. انتو خاتين سرايركن تحت الضلله وشايلنو !!خلو؟؟
قوم اترفع خلي الوليدات يشوفو شغلتن مش كتاب مافتحو من يوم سجل التقول سجل لمانشستر والا الريال والا الميلان الله يقطع الكوره حقتنا دي.. كرهتونا !!
الرجال مظاهرات اشان البلد مايمرقو ويمرقو اشان السجم الاسمو منو دا
قوم علي حيلك يفكفك صواميل كرعيك انا مالي ومال هيثم قام هيثم قعد الله يقطعكن كلكن ماعرفت انا والده مع اولادي والا شنو؟قو م ياراجل اتحلحل يحل رباطات راسك المكعوج دا
وانت ياولد قوم علي حيلك واوعاك اسمع ه من هيثم منك تاني
وماتفتح لي خشمك دا كدي !!
كلامي دا اااخر مره اقولو وتاني من يوم الليله قناة رياضه واحده ماعاوزاها هنا ولا جريده
علي الطلاق تشيلي قناة من التلفزيون الا ترجعي اهلك بقميصك بس
سجمي من يوم عرستني اول مره تنطقه واشان منو هيثم!!!
والله عفيت منو راجل ود رجال ان شاءالله يجيب اقوان فيكن ماواحد
ومدام انو مغبون منكن ان شاءالله ياخدو الممتاز وتتلاقو في دوري افريقيا الكبير ويمركن بقون في الدقيقه التسعين تتطلقني اشان هيثم المابتعرفو ؟؟ياراجل يافراغ يامباري الفراغ هسه دي كوره تتشاف مش التلفزيون انا دافعه حقو انا والله قناة سودانيه مااخليها فيهو وطلقني كان مطلق وامرق لبره شنطتك برميها ليك قال تمرقي
مرق لك حبوب في جسمك ماتفهم متين جات متين مرقت
قوووم ياولد من خلقتي دي جيب العيش من الدكان واوعا تتلاكع
قال اطلقك طلقه من مدفع يقرضك انت والبشبهك يامخولق يامعولق
قال هيثم ؟؟

[مها عبدالمنعم]

المشاركة الأصلية كتبت بواسطة البديري

متابعة لصيقة وحضور يومى ..

مساك سعيد اسفه ماقصدت افوت ماانتبهت

[مها عبدالمنعم]

المشاركة الأصلية كتبت بواسطة جيجي

غايتوا ليمونة لذيذة بشكل
وانت الاجمل
وكتابة طعامتها في واقعيتها
تحياتي ياستنا

جيجي سلامات
غايتو مامتاكده كان رديت والا لا
كان لا ليك العتبي
كان ااي مامشكله نرد تاني

[مها عبدالمنعم]

يوميات ليمونه المجنونه
يوم حنة العريس الصغيره
تبرطم وتدخل تمرق وتاني تدخل الاوضه وتمرق تدخل المتبخ والولد واقف راجيها
امي امرقي بتسوي في شنو
ياولد اصبر ملكوع علي شنو
امي الحفله قربت تنتهي وانت تتمحركي
اتمحرك ياولد؟؟بحضر في العشاء يمكن مايكون في عشا ودا شنو البطلون اللابسو دا ماعندك غيرو
امي مالو مالولاد كللم لابسين زيو (يبرطم) هسه تقول لي امرقو انا اريتني كان مااتشبكت معاها كان مشيت مع الاولاد احسن من رجيانه هسسه يجي في راسه تقول امرقو و
صرخت هوي ياولد امرق بنطلونك الناصل دا والا ارفعو لفوق كدا دار تباريني بخلقتك دي وعان شعيراتو متل خيوت البابور
امي
ياولد ولاااا كلمه يا البس بنطلون اخر والا مافي حفله
امي الحفله انتهت وقميصي مابغيرو
ياولد انا سعالت من قميص ؟؟ مخصر زي الفتوات مابتخجل هسه يفرزوك من البت بشنو؟
امي
بلا امي بلا وجع راس الله ياخدك ادخل غير خلقاتك ديل
مش الحنه دي ماني ماشي
ماتمشي تمشي فيك ترله
امييييييييييين
ياولد كمان ترد علي ردت المويه في زورك ابوك شاف خلقتك المارق بها دي
ااي وراضي
يرضا عليك ملائكة جهنم ابوك كان راجل كان مرقت مايص كدي ما الحنه دي مافي مشي وعشا زاتو مافي شوف لك نوم نومو

[عادل البراري]

قولنا نثبت حضورنا
بما لا يجعل مساحة من الريبه
ومازال الاشيتاق للوطن
فرض قائم متوضي بالرحيل

[مها عبدالمنعم]

يوميات ليمونه المجنونه
انجري قدامي جراك قطر بضاعه في عربية الفرمله
امي في شنو جنيتي
جن يجننك ياهامله المحومك شنو نص النهار ماقلت مافي مروق انا
امي انا ... واااااااااااااي
ماتجعري مابتحننيني
المرقك شنو
امي انا م وااااااااااي يابت بتكوركي متل القرصانه مالك
مح وااااااااااي
يابت محمد ؟
ااي مالو السجمان الطين الوسخان اليومو كلو في الشارع البليد النخرينو سايلات
الريالتو كابه طول اليوم
يما
مالك فاتحه خشمك كدي
محمد ود خالتي امنه ست العيش
اها مالو..ودموعك مشن وين ياكضابه يامستهبله دايره تنسيني الدقه
لالا بس قالو
قالو شنو قلقلك حر
قالو ضربتو عربية ناس النظام العام ماشايفنو مات!!!

[مها عبدالمنعم]

المشاركة الأصلية كتبت بواسطة عادل البراري

قولنا نثبت حضورنا
بما لا يجعل مساحة من الريبه
ومازال الاشيتاق للوطن
فرض قائم متوضي بالرحيل

سلامات ياعادل
تشكر ع المرور الانيق

[مها عبدالمنعم]

ﻣﺮﻗﺖ ﻭﺗﻮﺑﻲ ﻣﺎﺳﻜﺎﻩ ﺑﺴﻨﻮﻧﻲ ﺷﺪﺓ ﻣﺎﻧﻲ
ﻏﻀﺒﺎﻧﻪ ﻭﺍﺷﻮﻑ ﺍﻟﺤﺠﺎﺭ ﻗﺪﺍﻡ ﻋﻴﻮﻧﻲ ﻧﺎﺱ ﻣﺎﺷﻪ
ﻭﻛﻞ ﻣﺎ ﺍﻗﺮﺏ ﺷﻮﻳﻪ ﻣﻦ ﺑﻴﺖ ﺍﻟﻤﺮﻩ ﺍﻟﺸﺮﺍﻧﻴﻪ
ﺧﺘﺎﻓﺔ ﺍﻟﺮﺟﺎﻝ ﺍﻟﺒﻴﺖ ﻳﺒﻌﺪ ﺷﻮﻳﻪ ﻭﺍﻟﻠﻪ ﻳﻨﻌﻞ
ﺍﻟﻨﻌﻼﺕ ﺍﻟﺒﺸﺮﻭﻫﻦ ﻣﻦ ﺍﺏ ﻋﺸﺮﻩ ﺍﻟﻨﻌﺎﻝ ﺗﻒ
ﺍﺗﻨﺘﻔﺖ ﺩﻧﻘﺮﺕ ﺍﻋﺪﻟﻪ ﻟﻘﻴﺖ ﻧﻔﺴﻲ ﻻﺑﺴﻪ ﺍﺗﻨﻴﻦ
ﻓﺮﺩﻩ ﺷﻤﺎﻝ ﺍﺣﻴﻴﻴﻲ ﻣﻦ ﻭﺟﻌﺘﻲ ﺍﻟﺮﺍﺟﻞ ﺍﻟﺴﺠﻤﺎﻥ
ﺍﻟﺮﻣﺪﺍﻥ ﻳﻘﻮﻝ ﺷﻨﻮ !!
ﻟﻴﻠﻲ ﻓﻲ ﺍﻟﻐﻨﻴﻪ ﺍﻟﻠﻴﻠﻪ ﺍﻥ ﻣﺎ ﻣﺮﻕ ﻉ ﺍﻟﺘﺮﺏ
ﻳﻌﺮﺱ ﻓﻴﻨﻲ ﺍﻧﺎ ﻟﻴﻤﻮﻧﻪ ﺍﻟﻠﻪ ﻳﺎﺧﺪﻩ ﻣﻨﻮ ﺩﻱ
ﺍﻟﺒﻬﻤﻬﺎ ﻋﺮﺱ ﺍﻟﺮﺍﺟﻞ ﻛﺎﻥ ﻳﻌﺮﺱ ﺍﻥ ﺷﺎﺀ ﺍﻟﻠﻪ
ﻋﺸﺮﻩ ﻧﺴﻮﺍﻥ ﻓﺮﺩ ﻣﺮﻩ ﺑﺲ ﺍﻟﻠﻪ ﻳﻘﺪﺭﻭ ﻋﻠﻲ ﺷﻴﻞ
ﻋﻴﺸﺘﻪ .... ﻋﻴﺸﺔ ﺷﻨﻮ ﻫﻲ ﺍﻟﻐﺪﺍ ﺍﺏ ﺳﺨﻴﻨﻪ
ﺷﺎﺣﺪﻩ ﺑﺼﻠﺘﻪ ﻭﺍﻻ ﺍﻟﻌﺸﺎﺀ ﺑﺸﺎﻱ ﻭﺭﻏﻴﻒ ﻓﺎﺿﻞ
ﻣﻦ ﺍﻟﺼﺒﺎﺡ ﻳﻌﺮﺱ ﻓﻴﻨﻲ ﺍﻟﻠﻴﻠﻪ ﻳﺎ ﻣﺮﻩ ﻳﺎﺑﺎﻳﺮﻩ
ﻳﺎﺷﻴﻨﻪ ﻛﺎﻥ ﻣﺎﻙ ﺑﺎﻳﺮﻩ ﻭﺷﻴﻨﻪ ﺗﺎﺧﺪﻱ ﺭﺍﺟﻠﻲ
ﺍﻟﻌﺮﺳﻮ ﻟﻴﻪ ﺍﺧﻮﺍﻧﻲ ﺯﻣﺎﻥ ﺍﺣﻴﻴﻲ ﺍﻫﺎ ﻭﻭﺻﻠﺖ
ﺍﻟﺒﻴﺖ ﻭﺧﺒﺘﻮﻓﺮﺩ ﺧﺒﺘﻪ ﻟﻤﻦ ﺍﻧﻜﺴﺮ ﻭﺍﻧﻔﺘﺢ ﻫﻮﻱ
ﻳﺎﻟﻴﻠﻲ ﻳﺎ ﺳﺠﻤﺎﻧﻪ ﻳﺎ ﻭﺳﺨﺎﻧﻪ ﻳﺎ ﻣﺎﺑﺘﺸﺒﻬﻲ
ﺍﻟﺒﻨﻮﺕ ﻭﺍﻟﻔﺎﺕ ﻋﻠﻴﻚ ﺍﻟﻔﻮﺕ ﻟﻤﻦ ﺭﺿﻴﺘﻲ ﺑﺒﺎﻗﻲ
ﺍﻟﺮﺟﺎﻝ ﺍﻣﺮﻗﻲ ﻟﻲ ﺟﺎﻱ ﺍﻟﻠﻴﻠﻪ ﺷﻌﻴﺮﺍﺗﻚ ﺩﻳﻞ
ﻛﺎﻥ ﻋﻨﺪﻙ ﺍﻻ ﺍﺣﻠﻘﻦ ﻟﻴﻚ ﺑﺴﻜﻴﻦ
ﺍﻟﻀﺒﻴﺤﻪ ﻭﻓﺮﺩ ﻣﺮﻩ ﺗﺠﻲ ﻣﺎﺭﻗﻪ ﻟﻴﻠﻲ ﺍﻟﻌﺎﻟﻢ ﺍﻟﻠﻪ
ﻣﺮﺓ ﺳﻐﻴﺮﻩ ﻭﺟﺎﻫﻠﻪ ﻭﺻﻼﺓ ﺍﻟﻨﺒﻲ ﻓﻮﻗﻪ ﻭﺩﻳﻚ
ﺍﻟﺠﻴﻬﻪ ﺍﻭﻝ ﻣﺎ ﺷﺎﻓﺘﻨﻲ ﺣﺒﺎﺑﻚ ﻟﻴﻤﻮﻧﻪ ﺍﺩﺧﻠﻲ
ﺍﺩﺧﻠﻲ ﻣﺎﺑﺘﺪﻭﺭﻱ ﻟﻚ ﻋﺰﻭﻣﻪ ﻓﻲ ﺑﻴﺖ ﺭﺍﺟﻠﻚ
ﻭﻣﺎﺳﻤﻌﺖ ﺑﺎﻗﻲ ﻛﻼﻣﻪ ﻋﺎﻳﻨﺖ ﻟﺠﻠﺒﺎﺑﻲ ﻟﻘﻴﺘﻮ
ﺑﺎﻟﻘﻠﺒﻪ ﻭﻧﻌﻼﺗﻲ ﻛﻞ ﻓﺮﺩﻩ ﻟﻮﻥ ﻣﺮﻗﺖ ﻣﻦ ﺍﻟﺠﻨﻪ
ﺍﻟﻤﻌﻴﺶ ﻓﻴﻬﺎ ﻣﺮﺗﻮ ﺍﻟﺴﻐﻴﺮﻩ ﻋﻠﻲ ﺍﻫﻠﻲ ﻣﺎﺣﺴﻴﺖ
ﺍﻻ ﺑﺎﻟﻮﻟﺪ ﺑﻜﻮﺭﻙ ﺍﻣﻲ ﻫﻮﻱ ﺍﻛﻞ ﺍﻛﻞ
ﻣﺎﻓﻲ ؟
ﻳﺎﻭﻟﺪ ! ﺗﺎﻛﻞ ﺍﻟﺴﻢ ﺍﻧﺖ ﻭﺍﺑﻮﻙ ﺍﻟﻤﺨﻠﻘﻦ
ﺍﻟﻤﺪﻟﻘﻦ ﺗﺎﻛﻞ ﺍﻟﺤﻤﺾ ﺭﻣﺾ ﻛﺪﻱ ﺍﻣﺮﻗﻨﻲ
ﻭﺍﺭﺟﺎ ﺍﻟﺴﺠﻤﺎﻥ ﺭﺍﺟﻞ ﻟﻴﻠﻲ ﺍﻟﻴﺠﻴﺐ ﻟﻚ ﺍﻛﻞ