المجدلية من دفتر الغياب إلى دفتر الزوجية (حـوّل) ألف مبروك

[الطيب بشير]

.
التهانيء القلبية الحارة..للصديقة المجدلية، صاحبة بوست دفتر الغياب، و التي كانت تتفقد الناس هنا، و التي نسعد بلقائها كلما جاءت الحصاحيصا أو ذهبنا نحن للإمارات..وصلت بالأمس و سيتم تسجيلها اليوم ضمن المتزوجات و شطبها من كشف التسجيلات...
ألف مبروك..الليلة العقد..و شهر ديسمبر إن شاء الله الزفاف...نبارك للعريس الوجيه محمد عوض و نتمنى أن نرى المجدلية تعاود النشاط في سودانيات و تقوم بطلب باس ويرد للعريس...
التهنئة موصولة للدكتورة حنينة، وزيرة العروسة، و لكل صديقاتها في البورد و خارجه..و نتمنى أن تعود الأفراح و تعم سودانيات و كل السودانيات..
فرحت ليك و الله يا مجدلية
ربي يهنيك
إن شاء الله
.

[عكــود]

سلام يا الطيب،

خبر مفرح والله.
لها وللعريس التهاني الحارة والأمنيات بكل السعادة والسكينة والرحمة.

المجدلية تستاهل كل خير، فهي من تفقد الناس عندما كانت تكتب واستمرت بعد ذلك.

شكراً جنابو جالب الأخبار المفرحة.

[نبراس السيد الدمرداش]

مبارك ان شاء الله
وربنا يتمم ليهم على الخير ويسعدهم

تسلم يا بشيرنا الطيب
وتحياتي للعمده

[باسط المكي]

الف الف مبروك للزميلة المجدلية
وبيت مال وعيااااااااااال

[سارة]

يا سلام يا ابو بشير ياخ على الاخبار الحلوة
مبروك يا مجدلية الف مبروك وبالرفاء والبنين
اجمل التهانى لكى وللعريس بحياة زوجية سعيدة

[الطيب بشير]

.
هلا بالعمدة
التحية ليك
و معك نكرر التهانيء للعزيزة مجدلية

و مرحبتين نبروسة
تسلمي يا أخية
الفرح فال الجميع ان شا الله

حباب باسط المكي
مبروكين تلاتة للعروسة
و شكرآ ليك

أووووو سارة...ديشك ياخ
و الله يا أمينة أنا أحبك في الله
يرتبط دخولك في أيو بوست ببسمة عريضة
ياخ حسابك كم ياخ...رصيد حسناتك يثقـل برضاي المتصل
بسمات مني سااااااي تكسبي
مبروك لمجد
.

[عماد بشير حامد]

والله خبر جميل وانت جميل ياجنابو
الف مبروك. ربنا يهنيهم ويسترهم التحية والمباركة موصولة للاخت حنينة (طال غيابك)

[وهاد ابراهيم محمد]

مبروك للمجدلية..
ربي يغطي عليهم بسعادة تامة ودايمة
ويتمم ليهم بكل الخير.


مبروك ليها يا جنابو
وتتبارك أيامك انت, وتتسهّل مقاصدك
قول آمين.

[الطيب بشير]

.
ألف أهلآ سعادتو عماد بشير حامد
تشرفنا يا سيدي بدخولك
و ألف مبروك للعرسان
ربنا يديم هناءات الجميع

وهاد يا مهاد صديقي
المعرفة بذاتها ..
لعل سرّ ذكر الجيلي هنا ..أن أظهر أنا
بخيت و سعيد على المجدلية
و يا ريت كاسات المودة تدور..بالبهجة و الأفراح
و الليل يغنينا..و البدر لينا سمير
.

[الرشيد اسماعيل محمود]

تبريكاتنا للمجدلية والعريس، الأمنيات بحياة عامرة بالوداد..

سلامات يا سعادة

[الطيب بشير]

.
و كثير ما أجراها الله على لساني (أليس منكم رجل رشيد)
فيردد المجيب الآلي بدلآ عن القوم "هذا المشترك لا يمكن الوصول إليه"
و معك نهنيء ست الدفتر التي أصبحت (ست النفر)
و كل زوجة هي في الأول ست بيت و في الأخير ست لنفر واحد
لوووول...فتحت على نفسي طاقة..

.

[الطيب بشير]

.
تحزم العروســـة المجدلية حقائب سفرها في هذا اليوم الحار من أيام نهايات الخريف ..
إستعداد للعودة لدار البعد و الغربة..
نتمنى لها السلامة في حلها و ترحالها..
و تاني...ألف مبروك يا عروســة
.