نسوان سمحات محننات ومكبرتات ذهبن لمعسكر مرتزقة الدفاع الشعبى فى المرخيات

[AMAL]

المشاركة الأصلية كتبت بواسطة سارة

حسب قرايتى وفهمى انا بشوف العنوان صادم وفيهو تجنى
دا فيما يتعلق بقرايتى وفهمى
انا لا ادافع عن اى جهة انا فقط استنكر ان نفعل ما تفعله
الانقاذ ودا كل الموضوع ببساطة
عندما وصفت الانقاذ من خرجن فى المظاهرات بالعاهرات
رفضت وعندما وصفت الوزيرات بما يعنى انهن عاهرات
ايضا رفضت.

ما اصدم من الواقع
ولا اصدم من صورة علم ولا توقيع جيجي
الصدمة فيهن كنساء نالن قسط من الوعي
واتعلمن علي حساب الشعب دا وعايشات علي حسابو
اشرف ليهن يستقيلن من اول قطرة دم سالت
الصدمة في انهن امهات وماهزاهن موت الاطفال
واكباد امهات تانيات انفطرت
الصدمة في عدم احساسن بالشعب دا وبي اوجاعو وهمومو
الصدمة في الحنة بي دم الشهداء ا
لصدمة مافي العنوان

[سارة]

امال خلينا نتكلم بموضوعية
وخلينى اتفق معاك الوزيرة المفروض ما يكون عندها وقت
للحنة اوكى.
بس لو اتحننت دا ما بيدينى الحق اطعن فى شرفها وان اختلفت
معها سياسيا
بعدين مزبلة التاريخ دى انا طبعا بتمناها لاى بشر ايدو ملوثة
لكن قلنا الكلام دا ايام نيمرى واكيد قالوه ايام سابقة والناس ياها
نفس الناس والغريب فى وزراء وسفراء شغالين كل الحقب
بتصدقى
يا امال يا حبيبة اقدر زعلك واقدر النار الجواك لكن صدقينى
ان كررنا مما تفعله الانقاذ فلا يكون هناك فرق بيننا وبينهم
خليهم هم يرتكبوا الاخطاء والحماقات وخلينا انحنا نؤسس
لمجتمع العدل والمساواة والديمقراطية والعدالة لنا ولسوانا
ولا ضاع حق وراه مطالب لكن كما قال العم شوقى الله يديه
الصحة والعافية يجب ان لا ننزلق ولا نحذو حذو الانقاذ.

[AMAL]

ياسارة شوفتي صورة اوباما ببكي لموت ضحايا الارهاب
ياخي ابداء الحزن والتعاطف ابسط مايقدمنو هؤلا الكوزات لاسر ضحايا سبتمبر
ماشفنا صورن في بيت عزا ولا تصريح بالتعاطف او التعزية
علي العكس ديل بشجعن علي مزيد من سفك الدماء
وبستفزن مشاعر ا لاسر الاولادا استشهدوا
بالسوداني كدا
دي حنة في بيت البكا الكبير الاسمو السودان
اكتر من 200شهيد ياسارة لسة ماتمو شهر
ووزيرات محننات

[سارة]

امال يا صديقة الواقع مر مرارة العلقم
ولكن لا يمكن تغيره بمثل عنوان البوست صدقينى
فنحن المفروض يكون لدينا ما هو اهم من حنة وكبريت الوزيرة
مهما كان مستفزا وانتى قلتيها جثث الشهداء مالية المشارح
يبقى مهمتنا يا صديقة كيف الوقوف مع اهالى الضحايا وماهو
المفروض علينا تقديمه بدل ان ينشغل العالم بحنة ودخان
الوزيرة الافضل لنا ان ننشغل بمن قتلهم دخان البمبان
وليس من اعجبهم كبريت الوزيرة
وقع ليك كلامى؟؟؟؟

[AMAL]

المشاركة الأصلية كتبت بواسطة سارة

امال خلينا نتكلم بموضوعية
وخلينى اتفق معاك الوزيرة المفروض ما يكون عندها وقت
للحنة اوكى.
بس لو اتحننت دا ما بيدينى الحق اطعن فى شرفها وان اختلفت
معها سياسيا
بعدين مزبلة التاريخ دى انا طبعا بتمناها لاى بشر ايدو ملوثة
لكن قلنا الكلام دا ايام نيمرى واكيد قالوه ايام سابقة والناس ياها
نفس الناس والغريب فى وزراء وسفراء شغالين كل الحقب
بتصدقى
يا امال يا حبيبة اقدر زعلك واقدر النار الجواك لكن صدقينى
ان كررنا مما تفعله الانقاذ فلا يكون هناك فرق بيننا وبينهم
خليهم هم يرتكبوا الاخطاء والحماقات وخلينا انحنا نؤسس
لمجتمع العدل والمساواة والديمقراطية والعدالة لنا ولسوانا
ولا ضاع حق وراه مطالب لكن كما قال العم شوقى الله يديه
الصحة والعافية يجب ان لا ننزلق ولا نحذو حذو الانقاذ.

غايتو لو الطعن في شرف الوزيرة يقولو محننة ومكبرتة
يبقي ماعندهن شرف اصلو
ياستي اليراعن شرف المهنة ويدننا عرض اكتافهن
بعدين حنك انزلاق واننا بنعمل نفس البتعملو الانقاذ
دا حنك عاضي بصراحة
دا خبر وخبر حقيقي وعرضو التلفزيون
يعني لا كاذب ولا مضروب ودلالاتو معروفة وواضحة
وزيرات مترفات وناعمات بدل يدعمن الشعب بدعمن في البكتلو فيه
دي دايرة درس عصر

[سارة]

المشاركة الأصلية كتبت بواسطة AMAL

ياسارة شوفتي صورة اوباما ببكي لموت ضحايا الارهاب
ياخي ابداء الحزن والتعاطف ابسط مايقدمنو هؤلا الكوزات لاسر ضحايا سبتمبر
ماشفنا صورن في بيت عزا ولا تصريح بالتعاطف او التعزية
علي العكس ديل بشجعن علي مزيد من سفك الدماء
وبستفزن مشاعر ا لاسر الاولادا استشهدوا
بالسوداني كدا
دي حنة في بيت البكا الكبير الاسمو السودان
اكتر من 200شهيد ياسارة لسة ماتمو شهر
ووزيرات محننات

مع احترامى طبعا لدموع اوباما لكن انا بالنسبة لى الموت واحد
اوباما لم تذرف له دمعة واسرائيل تقتل اطفال غزة بالكيماوى
مباشر على شاشات التلفزة اوباما لم يذرف دمعة على اطفال سوريا
والنظام القمعى يقتلهم جهارا نهارا وبمجرد ان تمت صفقة لمصلحة
اسرائيل نسى الاطفال والعزل يواجهون الموت لذلك دموع اوباما
اعتبرها دموع التماسيح
اما مسالة الحنة فانا احترم وجهه نظرك ولكن لا اذيع لك سرا ان قلت
لك الحنة هينة لانه جات موضة فى السودان اسمها حنة بيت البكى
يعنى انحنا باختصار بقينا شعب احساسنا ببعض انعدم او تهاوى
والدليل على ذلك تغير الفيسبوك مواضيعه من الثورة وصور الشهداء
الى نكات المساطيل وبرامج ارب ايدول.
خليها مستورة يا حبيبة خليها مستورة

[AMAL]

كلو يتعمل ياسارة
يتفضحوا وتتفضح ادوارم وفسادم وسؤم وعدم انسانيتم
والبسو فيه كلو
طالما حاصل وحقيقي
الناس لازم تعرفم علي حقيتم وتشوف وشهم البشع
وانهم مامن الشعب دا ولا بشبهو
وبرضو نعمل في الجبهات التانية ومانقصرابدا

[AMAL]

http://www.sudanyat.org/vb/showthread.php?t=28724

شوفي جنس دا
اهو دا نموزج نساء الانقاذ
ودي الصدمة الجد
2مليون دولار ياوداد
يدخلن عليك بالساحق والماحق والبلا المتلاحق

[سارة]

المشاركة الأصلية كتبت بواسطة AMAL

http://www.sudanyat.org/vb/showthread.php?t=28724

شوفي جنس دا
اهو دا نموزج نساء الانقاذ
ودي الصدمة الجد
2مليون دولار ياوداد
يدخلن عليك بالساحق والماحق والبلا المتلاحق

اها هى وكت تدفع اتنين مليون دولا ر عشان يدوها لقب
بتكسب كم من وراء اللقب؟؟؟ انا جادة والله عشان دايرة اعرف
بكون فى بزنس فى الشغلانة ولا بس اسم ساكت؟؟؟؟
انا غايتو بصدق حتتة شراء الالقاب دى لكن مليونين دى والله
كتيرة
وهى مرة السجم والرماد وكت عندها مليونين دايرة بالالقاب شنو؟؟
غايتو مخير الله عليك يا سودانى الجوة وجدانى

[أبوبكر عباس]

المشاركة الأصلية كتبت بواسطة Hassan Farah

نسوان سمحات محننات ومكبرتات
فى مقدمتهن مشاعر الدولب

مشاعر الدولب مكبرتة في التلفزيون؟!
كانت صديقة لاحدى قريباتي
كنت أقول لقريبتي: يخيل لي مشاعر دي، عندها طبل (جمع طبلة) لملابسها حول جسمها!!
مشاعر مكبرتة!!
يا أخي، ربنا دا، عندو قنس حاقات!!

حسن فرح يا كضاب، إزيك؟

[أبوبكر عباس]

المشاركة الأصلية كتبت بواسطة بدر الدين اسحاق احمد

عيب والله عليك يا ( كبير )*
* عمر

عبط التعيير بالعمر دي، شنو يا بدر وعادل؟

[سر الختم إبراهيم نقد]

حصرياً إلى المدعو رأفت ميلاد
نعم أحمد محجوب حاج نور شهيد وعالم وعالم عامل أي أنه يطبق علمه كما يحث الناس على تطبيقه الشهيد أحمد محجوب حاج نور أشرف وأسمى من أن ينال منه قلم واحد حثالة قميء مثلك ونحن لنا نفس تنبض بالحياة أنت أيها الكذاب الحاقد لم تعايش الشهيد حاج نور فكيف تحكم عليه ،نعم حاج نور حارب في الجنوب لردع المتمردين كما حارب كل السودانيين منذ تمرد 55 حارب من أجل عقيدة هو لا يخجل منها ولا يضن بروحه في سبيلها كما تضن أنت الآن إن كان السودان يهمك ولديك غبينة مع النظام لماذا لا تترك الماء البارد وتأتي وتضع يدك ورجلك في هذا الهجير والله دا الفضل أن يتحدث الأقزام عن العماليق.
لعلمك الذي يجهل الشهيد حاج نور أن الرجل الفاضل قال لمن حاول إثناءه عن الذهاب للجهاد لأن ابنه استشهد في الجنوب:
إنني درست المذاهب الأربعة ، فلم أجد ما يمنع الرجل من الجهاد إذا استشهد ابنه ، صدق الله فصدقه الله.
صدقني أن مثلك لا يمكن ويستحيل أن ينال من رجل في قامة وعلم وإخلاص ونظافة الشهيد أحمد محجوب حاج نور عليه رحمة الله ورضوانه.
وقبل أن أغادر أقول لك لكي لا تفلقنا أن أخاك إن مات على عقيدتك فهو ليس شهيدا الشهيد عنده مواصفات خاصة ومعروفة ليس من بينها الموت على غير دين الإسلام.

[عادل عسوم]

المشاركة الأصلية كتبت بواسطة سارة

عادل سلامات واريتك طيب

خلينى اتكلم معاك بصراحة ..بحكم انى اعرفك وبينى وبينك عيش وملح
وعلاقة اسرية بمعنى اعرف اسرتك القريبة واعرف اخوانك ولى علاقة
جيدة جدا ومتواصلة مع بعضهم..
انا بنصحك فالنصح اغلى ما يباع ويوهب واتمنى ان يتسع صدرك لكلامى
انا اراك تستعدى الناس يا عادل قول لى كيف؟؟؟ انت فى منتدى فيه كل
الوان الطيف السياسى بس للشيوعيين وجود خاص وانا بقول وجود
خاص بحكم العلاقات والترابط بين الاعضاء والمنتدى دا يشهد الله فيه
على سبيل المثال شيوعى احمر شديييييييييييد وفيهو اسلامى متدين شدييييييييييد
لكن لا يوجد بين هولاء ما يوجد بينك وبين الشيوعين كمثال فياخى
عليك الله ورغم ادبك فى الكتابة لكن حسب وجهه نظرى انا سارة
تدس احيانا السم فى العسل يعنى ودا ممكن يكون حق مشروع ولا يخالف
اللوائح لكنه يخالف الكثير من المتعارف عليه ..يعنى مثلا الشارع مولع
وشباب زى الورد بيموتوا من غير ذنب غير انهم ارادوا ان يقولوا
رايهم مثلك فقط الفرق بينك وبينهم انت تكتب ما تريد وهم قرروا ان يقولوا
ذلك لمن يهمهم الامر تم قتلهم بدم بارد فى هذه الظروف الناس
مشحونة والناس موجوعة
يعنى لو اجرموا قانونيا حالة الاستفزاز الشديد تخفف العقوبة وانت النصيحة
لى الله مستفز جداgap غايتو يا عادل عارفنى كلمتى ما بموت بيها
انا ارفض مبدأ الشتائم وشخصنة الامور جملة وتفصيلا لكن مرات بحس
انه الناس مضطرة اضطرار لاستعمال الفج من المفردات.. لا اقول اوافق
لكن اجد للناس بعض العذر

ياسارة أنا من حقي أطعن في روايات الشيوعيين في مذبحة قصر الضيافة واللا لا؟!
وين الاستعداء هنا؟!
أنا من حقي أنو أعترض على وصف نساء سودانيات بأنهن مكبرتات -زي ما انتي اعترضتي واللا لا؟! وين الاستعداء هنا؟!
أنا من حقي اني أقول انو الحزب الشيوعي سارق لثورة أكتوبر وأجيب الدليل على ذلك واللا لا؟! وين الاستعداء هنا؟!
أنا من حقي أوري رأفت ميلاد من هو حاجنور واللا وهو الفاكر نفسو انو بنبزني بيهو؟!وين الاستعداء هنا؟!
وخليك من أي بوست تاني كدي نجي نمسك مداخلاتي هنا كلللللها ونشوف هل فيها دس سم في العسل؟!
وين استعدائي للناس؟!
هل لأنو بعض الناس (مرفوع عنهم القلم) وما اتعودوا زول يقول ليهم كدا ماصاح ولمن يجي عادل عسوم يعترض على (قماءة) منو يبقى عادل عسوم مستعديهو؟!
ياسارة مافي أي مبرر لأي زول أو زولة انو ينبز ليهو زول تاني أو يشتمو طالما الأمر رأي ورأي آخر في المنتدى دا!
والفارق بين الناس هنا في الشتيمة وعدمها هي التربية والفكر والمنهج
وطالما بقت فيها نصائح أنا بقول ليكي:
صحي انتي بتحاولي تكوني حمامة سلام في المنتدى لكن طالما انبريتي للأمر دا فالمفروض مايكون اللون عندك رمادي ياأما أبيض أو اسود زي ماقال عادل امام
يعني بالواضح البنبز والبشتم يقولوا ليهو انتا غلطان الشتيمة ما بتاعت ولاد ناس أو زول عندو فكر ومنهج عاوز يقولوا للناس وطالما الاتكتب راي فأكتب راي برضو والمفاضلة بتكون للحجة والمنطق
سمح

[عادل عسوم]

المشاركة الأصلية كتبت بواسطة سر الختم إبراهيم نقد

حصرياً إلى المدعو رأفت ميلاد
نعم أحمد محجوب حاج نور شهيد وعالم وعالم عامل أي أنه يطبق علمه كما يحث الناس على تطبيقه الشهيد أحمد محجوب حاج نور أشرف وأسمى من أن ينال منه قلم واحد حثالة قميء مثلك ونحن لنا نفس تنبض بالحياة أنت أيها الكذاب الحاقد لم تعايش الشهيد حاج نور فكيف تحكم عليه ،نعم حاج نور حارب في الجنوب لردع المتمردين كما حارب كل السودانيين منذ تمرد 55 حارب من أجل عقيدة هو لا يخجل منها ولا يضن بروحه في سبيلها كما تضن أنت الآن إن كان السودان يهمك ولديك غبينة مع النظام لماذا لا تترك الماء البارد وتأتي وتضع يدك ورجلك في هذا الهجير والله دا الفضل أن يتحدث الأقزام عن العماليق.
لعلمك الذي يجهل الشهيد حاج نور أن الرجل الفاضل قال لمن حاول إثناءه عن الذهاب للجهاد لأن ابنه استشهد في الجنوب:
إنني درست المذاهب الأربعة ، فلم أجد ما يمنع الرجل من الجهاد إذا استشهد ابنه ، صدق الله فصدقه الله.
صدقني أن مثلك لا يمكن ويستحيل أن ينال من رجل في قامة وعلم وإخلاص ونظافة الشهيد أحمد محجوب حاج نور عليه رحمة الله ورضوانه.
وقبل أن أغادر أقول لك لكي لا تفلقنا أن أخاك إن مات على عقيدتك فهو ليس شهيدا الشهيد عنده مواصفات خاصة ومعروفة ليس من بينها الموت على غير دين الإسلام.

جزاك الله عن حاجنور كل خير ياأخ سر الختم
رأفت ميلاد (تطاول) من قبل على عمر بن الخطاب رضي الله عنه وأرضاه فكيف لا يتطاول على حاجنور أو غيره!
أنظر كيف يجامله البعض برغم العوار والقماءة التي يكتب بها ويتناول الشخوص وأهلهم وذويهم؟!
بالله عليك لو عادل عسوم قال لرأفت ميلاد هذا ياحامل جينات (مش عارف مين واللا مين)...بالله كم من اقلام كانت ستخرجني من الملة السودانياتية
أسأل الله السلامة
مودتي أخ نقد

[Hassan Farah]

اقتباس:
المشاركة الأصلية كتبت بواسطة AMAL
ياسارة اقري كويس
دي واقعة محددة
وزيرات محننات وفي ابهي حلتهن
عرض صورهم تلفزيون السودان في زيارة لمعسكرات الدفاع الشعبي
في الوكت دا
الشوارع بتغلي والناس مغبونة ومقهورة
وجثامين الشهدا مالية المشرحة
بتدافعي عن شنو بالضبط انتي
----------------------------------------------------------------
(عرض صورهم تلفزيون السودان في زيارة لمعسكرات الدفاع الشعبي
في الوكت دا)
صباح الخير عليكى بت اخوى...
حبيت ان اضيف الى كلامك حقيقة ما اثارنى ورفع ضغطى فى ذلك الخبر.....الخطب التى القنها يا بت الشيخ....خطاب تحريضى على القتل فى اقوى تعابيره يلقى على شباب دفعهم الجوع والتعطل للالتحاق بتلك المليشيات المجرمة يدفعن بهم دفعا لقتل ابناء الشعب ...اى جريمة هذه.... وتصدر من شخصية عامة بدرجة وزير...هل نصبت مشاعر الدولب ورفيقتها محاسن ابوطويلة من انفسهن نافع على نافع آخرا.....
اما بنتنا سارة دى سيبك منها... عجبتنى بما قدمته من نصائح لعسوم...بس اشك ان تأتى تلك النصائح حتى بمريسة تامزينو