مقترحات لوقف إغراق المنتدى..

[معتصم الطاهر]

المشاركة الأصلية كتبت بواسطة رأفت ميلاد

عشان ما أكون ماسك العصاية من النص .. حركة معتصم والمعاهو غير مقبولة وتحتاج فعلاً لائحة .. إذا الزول كان داير يسخر من الموضوع فليكن من لب الموضوع والتعليق عليه كما يريد .. لكن بالطريقة دى سخرية من الكاتب نفسه وشيئ غير مقبول

صوت لوم لمعتصم والمعاه يصل الى الإدانة

و يا ر~أفت

ماقصدت كاتب للبوست

قصدت الحوار الدائر بين الجميع ..

هو مسألة قلع/شكل و لن تصل لنتيحة لأتها مسألة دائرية و المقطع ليس له نهاية

كما هو المشكلة القائمة

فهل يستطيع طرف اقناع الآخر أو هزيمته هنا ..؟

..

انظروا بعيون واسعة ..

[جيجي]

انا ست الدلوكة
يا رافت شوف البوست وقدر الحاصل انت براك

[رأفت ميلاد]

المشاركة الأصلية كتبت بواسطة معتصم الطاهر

و يا ر~أفت

ماقصدت كاتب للبوست

قصدت الحوار الدائر بين الجميع ..

هو مسألة قلع/شكل و لن تصل لنتيحة لأتها مسألة دائرية و المقطع ليس له نهاية

كما هو المشكلة القائمة

فهل يستطيع طرف اقناع الآخر أو هزيمته هنا ..؟

..

انظروا بعيون واسعة ..

المشاركة الأصلية كتبت بواسطة جيجي

انا ست الدلوكة
يا رافت شوف البوست وقدر الحاصل انت براك

أحول الأمر لى عيدروس .. غايتو أنا الباش وست الدلوكة أقنعونى بوجهة نظرم .. يا ريت بس كان الفيديو يرافقو تعليق عشان المخ بقى ما لماح كلو كلو .. السن يا أنتيمة عندو تبعياتو برضو .. مافيها حاجة الصدأ بجى فى الحديد برضو

تعرفى اليومين ديل بتعكز على عصايتين .. كنت معزوم حفلة عرس ولد واحد صاحبى .. الصالة بطلعوا ليها سلم .. طلعت سلمة سلمة والحجة ساندانى .. فوق لقيت ليك بنات سمحات خلاس مستعدات للمساعدة .. قلت ليهن (كنت مارى بى جاى لامن شفتكن قلت أطلع أمسى) .. الحجة قالت حقو أفكك تدردق فى السلم

عروس الولد روسية شوفى السوهو فيها المسكينة الأقباط

[IMG][/IMG]

[جيجي]

المشاركة الأصلية كتبت بواسطة رأفت ميلاد

أحول الأمر لى عيدروس .. غايتو أنا الباش وست الدلوكة أقنعونى بوجهة نظرم .. يا ريت بس كان الفيديو يرافقو تعليق عشان المخ بقى ما لماح كلو كلو .. السن يا أنتيمة عندو تبعياتو برضو .. مافيها حاجة الصدأ بجى فى الحديد برضو

تعرفى اليومين ديل بتعكز على عصايتين .. كنت معزوم حفلة عرس ولد واحد صاحبى .. الصالة بطلعوا ليها سلم .. طلعت سلمة سلمة والحجة ساندانى .. فوق لقيت ليك بنات سمحات خلاس مستعدات للمساعدة .. قلت ليهن (كنت مارى بى جاى لامن شفتكن قلت أطلع أمسى) .. الحجة قالت حقو أفكك تدردق فى السلم

عروس الولد روسية شوفى السوهو فيها المسكينة الأقباط

[IMG][/IMG]

لاحولالالالا
عاد اهلك والله خمجانييين
ومسكينة البنية قالوا شقي الحال يقع في القيد
اما عن الفيديو والله بي تعليقو الظاهر يا عمك داسي النظارة وقلت النمرق العكاز اول حاجة
اولا الفيديو كان مزحة مع ابراهيم لانه قال نغيب نجي نلقى الدنيا كلها نسوان
وفاتت علينا وشنو كدا
ان كتبت ليه نستناك عاد لمتين والفيديو بيحتوي على نفس المعنى
ثم ياخ والله البوست دا ملك عام الزنقة لزومها شنو
ولا وقفوا لينا الفة قدام خشم باب كل بوست احسن

[الجيلى أحمد]

قلت ليهن (كنت مارى بى جاى

يامارى عند الأصيل

http://www.youtube.com/watch?v=GsBNZJzZxHs

[أمين محمد سليمان]

المشاركة الأصلية كتبت بواسطة الجيلى أحمد

العراجين تب ماأبيناها,
بس يازول صلح لينا أخلاقك الملتوية دى..

[ماجد تاج]

المشاركة الأصلية كتبت بواسطة ود الخير

قال ليك واحد اتوفت أمو الساعة واحدة صباحاً ، إتلملمو الناس ومشو دفنوها
وكانو كتار شديد...عندو جار سمع البكاء وخروج الجثمان لكن تكاسل لا قام راحم ولا شيّع مع الناس...الجار قام من الصباح وشال سيرمس الشاي وجاء ماشي فوق الناس بما فيهم جارو صاحب العزاء وقال : السلام عليكم..كيف أصبحتو؟؟ وكأنه كان بالليل مع الناس!
جارو قال ليه أصبحنا أُمنا ميته خت شاييك دا وتعال راحمنا..

إت يا زول ما بتراحمني في أبوي مالك؟؟؟
يا زول انشاء الله ما تشوف شر...لكن بالجد حارة ..
والمحل دا لو فقد التواصل والمحبة معناها فقد كل شي!

المشاركة الأصلية كتبت بواسطة الجيلى أحمد

البركة فيكم ياودالخير,
ياأخى مالك جيتنى فى الفجة الحارة دى؟

ـ


قسماً بالله الحق تستحق رفع القبعات يا جيلي ...

- الطقس العام هنا أليف, ويسود بين الناس خيط غامض يجمع بين الخلاف والغلظة وطيبة الخاطر وحسن الحديث, وهو خيط يصعب ايجاده فى مكان غيره, لأنه يتعلق بالهارمونى بين الاعضاء, ذلك الهارمونى غير المرئى ........
الجيلي أحمد

ما أوضح المثال ياخ ...






ـ

[صديق عيدروس]

المشاركة الأصلية كتبت بواسطة معتصم الطاهر

و يا ر~أفت

ماقصدت كاتب للبوست

قصدت الحوار الدائر بين الجميع ..

هو مسألة قلع/شكل و لن تصل لنتيحة لأتها مسألة دائرية و المقطع ليس له نهاية

كما هو المشكلة القائمة

فهل يستطيع طرف اقناع الآخر أو هزيمته هنا ..؟

..

انظروا بعيون واسعة ..

على فكره انا بينت انه ما كان عندي اي نية انبهك وقد جاء الكلاك بمناسبة كلامك عن اللائحة ، ونحترم تقديرك بان الموضوع مجرد قلع وما منه فايدة او ما حانصل فيه لنتيجة ..!

بس عايزين نعرف شنو الما منو فايدة وما حانصل فيه لنيجة ..؟
لانو مجرد الكلام في الموضوع ده والتذكير بيه يعتبر فائدة ونتيجة في نفس الوقت ، وماعندو اي علاقة بالسجال السياسي الدائر من قريب او بعيد

والشكوى مسحوبة اصلا من امس ومعاها اعتذار (مقدما ) راجع مداخلتي مع رافت

[معتصم الطاهر]

المشاركة الأصلية كتبت بواسطة رأفت ميلاد

.. يا ريت بس كان الفيديو يرافقو تعليق عشان المخ بقى ما لماح كلو كلو .. ا
]

سلام رأفت

يا رأقت

لن أعدل اسلوبى و طريقتى فى الحديث و الكتابة لأنها ستكون " أدعاء" ..

لا افكر بالكتابة و التعليق هكذا .. فقط اكتب و أعلق.

أنسيت " بدون تعليق".

لكت جو المنبر لا بسمح بالتفكير هذه الأيام

فقط العصا ..

[صديق عيدروس]

المشاركة الأصلية كتبت بواسطة جيجي

لاحولالالالا
عاد اهلك والله خمجانييين
ومسكينة البنية قالوا شقي الحال يقع في القيد
اما عن الفيديو والله بي تعليقو الظاهر يا عمك داسي النظارة وقلت النمرق العكاز اول حاجة
اولا الفيديو كان مزحة مع ابراهيم لانه قال نغيب نجي نلقى الدنيا كلها نسوان
وفاتت علينا وشنو كدا
ان كتبت ليه نستناك عاد لمتين والفيديو بيحتوي على نفس المعنى
ثم ياخ والله البوست دا ملك عام الزنقة لزومها شنو
ولا وقفوا لينا الفة قدام خشم باب كل بوست احسن

اولا تبريرك مقبول بان الفيدو موجه الى ابراهيم
واتفق معاك انو البوست ملك عام ، لكن مافي اي زنقة ، ومافي سبب للزنقة اصلا ، وبيني وبينك انا كنت متمني اسمع الرأي المخالف وكنت حا اكون سعيد بذلك ، والى الان لم يتكرم اي احد بذلك (اقصد تبرير مقبول لمسلك نسوان كمبالا )

ومن ناحية عامة فكون البوست ملك عام لايسوغ لاي احد ان يقوم باغراق اي بوست والتشويش عليه بفيدوهات توم ان جيري ومواد لاعلاقة لها بالموضوع وليست لها دلالة تفيد فيه ، لمجرد ان البوست ملك عام ..؟
لانه لو قلنا بغير كده فكنا حانقول من البداية للجيلي ان المنتدى ملك عام والكل حر ومافي داعي للزنقة
هذا كان مقصود كلامي وقد جاء بمناسبة الحديث عن اللائحة
وارجو ان تقبلي اعتذاري

[معتصم الطاهر]

يا عيدروس

ما رفضته خناك

أرفضه هنا

تريدون أن ينتهى اى بوست بكاسب و خاسر

لذا كان رأيي" مجرد انتزاع بزازة فى مداخلة هنا و بوست ختاك"

البوستين مرفوضات أصلا ..

عن نساء القتلة أو عن نساء كمبالا ..

و كل فيه عدم احترام للنساء ولو اختلقتم معهم ..

صحي" توم منو فيكم ؟"

[صديق عيدروس]

المشاركة الأصلية كتبت بواسطة معتصم الطاهر

يا عيدروس

ما رفضته خناك

أرفضه هنا

تريدون أن ينتهى اى بوست بكاسب و خاسر

لذا كان رأيي" مجرد انتزاع بزازة فى مداخلة هنا و بوست ختاك"

البوستين مرفوضات أصلا ..

عن نساء القتلة أو عن نساء كمبالا ..

و كل فيه عدم احترام للنساء ولو اختلقتم معهم ..

صحي" توم منو فيكم ؟"

جزاك الله خير على التوضيح يامعتصم ولكن الغرض من بوست (نسوان كمبالا ) ليس تحقيق مكسب او زيادة نقاط لفريق على حساب فريق ، لانه ليس للبوست اي دلالة سياسية وانما كان للتنبيه على امر ديني اجتماعي ، وبيني وبينك هذه ليست المرة الاولى التي اتناول فيها هذا الموضوع وما اظنها تكون الاخيرة، لان هناك قلة تحاول خرق قيمنا وتقاليدنا المستقرة (كمجتمع سوداني محافظ )