اقتباس:
المشاركة الأصلية كتبت بواسطة الجيلى أحمد
زول الله
جيجى
ود المصطفى
صباحاتكم بنفسج
بالله الزول الدايرين تقرو ليهو بدون الناس تتحقق من المعلومة خلوهو يرسل ليكم الحاجات فى الايميل الخاص, أو أفتحو معاهو صفحة بتاعت شات خاصة..
دا منتدى عام بتاع نقاش,
تفك ليك معلومة هنا تتزنق فيها وروحك تطلع فى نقاشا,
مافى حاجا إسمها انا زول كويس ووضئ وكلام الاستهبال بتاع عسوم دا..
زميل المنتدى دا كتب ليهو كلام بيحتوى معلومات وأغلب البوستات بتاعتو عاملة كدا, المعلومات دى عايزا فلفلة وفتيش وبحث, الناس من اهتمامها وحرصها مشت فتشت ولقت الكلام دا كلو خارم بارم,
فبالله العايز يقرا بدون شوشرة ماعندو حل غير إنو يقول للأخ عادل, رسل المعلومات المضروبة دى فى إيميل أو جهة إتصال خاصة
لكن مايجى يتعاطف على الناس بالشكل بتاع خلونى وانا الكلام عاجبنى!!
مافى زول منعكم انكم تعجبو بأى كلام مكتوب,
فكمان مافى زول عندو حق يمنع النقد للمعلومة المضروبة القاعدا تتكتب بمجانية كدا وكأنو الناس الهنا دى عندها قنابير..
السيد عادل دا اى كلام فتحو فيهو معلومة طلع أغلبها معلومات مضروبة,
ودا ياسادة وسيدة أبدآ ماتجنى على زول, دا كلام الناس ماشا بتثبت فيهو بالنقاش والمقاربة,
- تلفيق لغوى (انجليزى بتاع مرسى)
- تلفيق معلومات مسروقة أو منجورة (الحديث عن أبحاث وكتب ليس لها وجود)
- دعوات تمجيد علنية للنازية وترويج لها دون خوف أو وجل تحت مزاعم الحديث النرجسى الناعم البيغش العقول ويخدرا.. يعنى إنك تلفق ليك أى كلام وتلزق فيهو آيتين وتقول مهذب..
على اليمين الكلام بتاع قلة الادب البكتب فيهو عادل هنا على المستوى الادبى أو الهمز واللمز لو جبنا ليها قلاب هينو مايشيلو.. وأى واحد منكم يغالطنى بجى أرشو ليهو هنا وبالاقتباس من بوستاتو بس ماتشبكونى طلعتا برا الموضوع
- الزول دا اتعدا على أمين بذكرو لى عمو بدون اى رابط بينو وبين الموضوع (لو قلتو لى أم أربعة وأربعين ودرب الاربعين دا بزعل بالجد)
يسعد صباحكم ويومكم
|
سلامات يا الجيلي نعلك طيب يا اخوي
.
.
انا اعتراضي ما كان في الحوار البكون في ذات السياق او في اطار الموضوع
اعترضت علي طريقة الاخ أمين لانها بتطلع برة الموضوع وبتكون حاجة زي ما بنقول عليها لياقة ساي
ومافي لزوم كوننا معجبين بكتابات عادل ارسل لينا في الخاص
لا اكتب لينا طالما انو منبر حوار ... تعالوا انتو زرزرو في كتاباتو لكن كمان ما تطلعو لينا برة الموضوع
وما اكون حواركم معاهو خارج عن اللياقة والأدب
يا الجيلي انتو اصلاً ما بتشوفو الصاح وين في كتابات عسوم
انتو بتترصدو اخطأ عادل عسوم
والمُهمة دي بتقوموا بيها بشكل جماعي ... والحتة ظااااااااهرة ما مدسوسة
اكون واضح معاك اكتر
الواقفين في موقف الضد هنا في المنبر هم مجموعة من الشيوعين وآخرين لهم موقف سابق شكلوا من خلالو رايهم في عسوم
الاتنين الفوق ديل نحن ما ملزمين نقيف معاهم عشان نفتش اخطأ عادل عسوم
بتحاولو دائماً بكل السبل انكم تشتتوا انتباه الناس عن مواضيع عسوم في حوار ابداً ما فيهو منطق ولا فكرة اللهم تشويش فقط
وبعدين ادراج عسوم لعم الاخ امين هنا ذكر دوافعو فما تمسكو في الحتة كدافع للبتقول فيهو ده
يا الجيلي نحن في النهاية دعوتنا للحوار المحترم الايجابي ... الما فيهو همز او لمز
بستغرب ياخ لما القي ناس بتدعوا للديمقراطية وبتمارس العنصرية
العايز انتقد اوكي مافي مشكلة لكن اكون نقد مش كلام علي شاكلة قلة ادب وغشاش وسارق واستهبال
ياخ انتو ما مجبرين تحترموا عادل ده لكن بس احترمو القاري
طريقتكم عوجة يا الجيلي ما تكابرو ساي ... الموضوع ما موضوع دواس ده حوار واي كلمة محسوبة عليك
المشكلة كلها يا الجيلي لما عادل اكتب انتو بتتدخلو عشان تشوف وييييين الغلط تقعدو تقوقل وتفتشو ولو لقيتو ليكم حاجة شبيهة بس تجونا ليها وتقول لقد سرق عسوم
عسوم ده لو نزل سورة الفاتحة ممكن تجو تقول ليهو نزل لينا رابط المصحف
.
.
نهارك سعيد
