الكتابات ... بين المساخر و السخافات !!

[رأفت ميلاد]

لكن يا ماجد تاج سويتا ظاهرة

[AMAL]

المشاركة الأصلية كتبت بواسطة AMAL

ياخ ممكن تتكرم تدخلني في نا دي
لاني فترت من مكنة الشيوعين شانين حرب علي عادل عسوم
كلما فتحنا خشمنا وقلنا لا في وجه هذا العادل عسوم
طوالي الاتهام جاهز ديل الشيوعيين
ياخي البسوي فيه الزول دا الخواجات بسموه mental abuse
والغريبة قصصو مابتمشي علي اطفال الروضة
ومازال هناك من يصدق ويدافع بدون منطق او حجة
زول بغلط في الاسبلينق بين كل تلاتة كلمات اربعة غلط
ويتم تصحيحو ويدعي بانو حاور مندوبة الشركة الالمانية
وناقشا في الادب والتاريخ والفن وبتاعت كافتيريا المطار
وسواق التاكسي وقرا كتاب ابليس بالانجليزي وحيترجموا علي روح خالد :shok:ويتزرزر في الكتاب ويعمل رايح
ويحلف قسم مغلظ ان لايدخل بوست الجن والشواطين
وما ان ينسي الناس الموضوع ويختفي العضو منتئ
الجا سجل هنا مخصوص عشان افتراءات وكذب ودجل عادل
حتي نفاجأ بعادل عادي يبلع قسمو المغلظ ويدخل البوست ويواصل فيه
افتونا بالله في قصة الحلايف دي ايها المدافعون !!!

المشاركة الأصلية كتبت بواسطة ماجد تاج

ـ



منصور خالد قال " قدرة الانسان على خداع الاخرين كبيرة .. لكن قدرته على خداع نفسه أكبر "

يا بروف : مااااااا بيشبهك والله ..

مافي مبرر واحد يخليك تجاري أمال والجيلي في مسألة عسوم دي ..

ديل عندهم ثأرات قديمة مع الرجل ما زالت جراحها تنضح زي ما شايف ..


ـ

ياماجد تاج سألتك بالذي سواك
تجي هسي توريني التار شنو البيني وبين عادل عسوم
وشنو الشخصي البلمني بيه زي ما لمحت قبل كدة
لو قصدك علي المشكلة الحصلت هنا انا بعيدة عنها كل البعد
ولا اعرف تفاصيلها ولا شخوصها الا بعض ماهو منثور هنا
وهو مقزز ومقرف وكنت بعيدة من سودانيات مثلي ومثل لنا وناس كتار كانوا حردانين في تلك الفترة ودونك الشهود وناس قريبين منك عارفين التفاصيل قليل من الامانة لا يضير ياماجد تاج
البروف يشيل ويجيب ليك في الادلة والبراهين
وانت في ضلالك القديم اتق الله
واعلم اني اعرضت عن كل افتراأتك وتجنيك وتجاوزك في حقي
وخليتك للاقوي مني ومنك
وبلاقيك بكل سطر اتكتب هنا يوم الحق البتدعي انك بتتكلم باسمو
الناس دي كلها تهاجم عادل عسوم بسبب البسوي فيه الظاهر وجلي للعيان
وماجد تاج ماشايف غير امال والجيلي عندهم تارات قديمة مع عادل
البرئ ومسكين
أسفة جدا ياامين
واهي دي العينة وبراك شايف
واطمأن ماحاساهم في حرف البوست عن مسارو
بس سيد ماجد مطالب يوريني التار شنو البيني وبين عادل عسوم
غير الكذب والدجل
والتدليس واستغفال الناس واستهبالم واحتقار عقولم

[مهند الخطيب]

سلام وتحية ...

وحمدالله على السلامة ياماجد تاج ليك زمن غايب ....

الشيء الغريب ياماجد بالنسبة لي حاضر في نقطتين :

اول هام هو تغاضيك عن "المادة" الجايبا امين المتعلقة بالسرقة دي ، السرقة من محمد المسند ، والتدليس بتاع النحلة اياها ، عدا اشارة سريعة وتقريرية (انو دي ماسرقة!)
التقريرية دي جايبا من وين انت ياماجد؟ وللا هي خطوة مهمة عشان تنتقل للشئ المهم بالنسبة لمداخلتك اللي هي بتدور على انو الموضوع عداء بين امال والجيلي من جهة وعادل عسوم من جهة تانية ، وما امين غير همبول جاء انضم للصراع المابشبهو ده (لاحظ هنا انك عارف البشبه أمين أكتر منو)
تعال ورينا ياماجد النماذج الجايبا أمين دي ما سرقة كيف عليك الله ...

تاني هام ، حيرتني حكاية تجربة أمين مع هشام آدم انت صنفتها كـ (رجل) وتجربته مع عادل عسوم صنفتها كـ (كراع) ليه ؟ مع انو الأدوات والطرائق واحدة؟ هل لأنه نتائج تجربته دي في ظنك ح تخدم خط آمال والجيلي العندهم ثأر مع عسوم وتجربة امين مع هشام كانت بتخدم خطك انت؟؟

يا ماجد في مداخلتك في شكل تناقضات وقفزات رهيبة ، ولوي للكيبورد والافكار عشان (ثأرك) القديم مع آمال و الجيلي (ما الكلام ما بقروش ممكن عادي الصق ليك حكاية الثأر دي بناء على كتاباتك بس)
بس ان بقى عندك ثأر لا سمح الله اتذكر انك ما بتاخده بالتناقض ده واتذكر انك قبل كده قلت ماعندك مصلحة في انه يديرك سارق في بوست تاني ...

الأصل في الكتابة زي ماقال البروف فوق هو الحرية ، خلي عسوم يكتب ، وخلي البروف يتهمه بالسرقة ويجيب أدلته وبراهينه ، وخلي لينا كلنا الحكم والتعليق على المادة (وأولنا عسوم طبعا) نتاج نار ده كله ح يكون تبر الحقيقة ...

لكن نسيب المادة الموجودة قدامنا ونمسك في النوايا والتارات الما واقفة على كرعين أو دلائل دي نبقى يا عندنا مشكلة مع (شلة آمال / الجيلي / أمين ) يا ما عندنا مشكلة مع السرقة كمثل هنا ....

[أمين محمد سليمان]

أخونا في الله و الوطن ماجد ...سلام ياخي و لعلك بخير

المشاركة الأصلية كتبت بواسطة ماجد تاج

ـ



منصور خالد قال " قدرة الانسان على خداع الاخرين كبيرة .. لكن قدرته على خداع نفسه أكبر "

يا بروف : مااااااا بيشبهك والله ..

مافي مبرر واحد يخليك تجاري أمال والجيلي في مسألة عسوم دي ..

ديل عندهم ثأرات قديمة مع الرجل ما زالت جراحها تنضح زي ما شايف ..

وعسوم دا ما هو الا رجل عادي يحاول أن يكتب في أسافير الله الواسعة دي

في ركن قصي اسمه سودانيات " تواصل ومحبة " ..

لا هو قدم محاضرة ، ولا ادعى نبوة ، ولا افترض أنه معصوم ..

التدقيق المجاوز للانصاف والمتعنت دا ما بيشبهك ، ودا ما محله ..

بعد تجربتك الاصيلة مع هشام آدم !

وتعريف السرقة الادبية لا ينطبق على أي مما أوردته أعلاه ..

قصة الحملة على عسوم دي ما قصة سرقة أدبية ولا دياولو ..

دي قصة شلة متكالبة على المسكين بسبب خلافات الطرفين ما قادرين يتجاوزوها ..

وح تورد المنتدى دا موارد الهلاك !

لا اكثر .

هم عجزو عن صيد الرجل الا من مساكة السرقة الواهية دي ..

وانت أقدر على ما هو أبدع من ذلك




ـ

تعرف ... مداخلتك دي تصلح أن تكون تعريف وافي للقراية بال perception !!
تترك كل ما أقول ... تفهم ما تود فهمه ...ثم تكتب ما عندك بدون أي تاثير أو مرجعية أو حد أدنى لفهم ما كتبته أنا !!
يا سيدي العزيز ... البوست أصلا ما موجه لعادل عسوم ... البوست موجه للناس البتجيك (واثبة) لمن تسخر من كتابات عسوم ... البجو يقولو ليك دي حرب قذرة ...و كعوبيه منكم ... الناس البتجي تشتمك و تهاترك و تقولك ما لم تقل لمن تطرح رأيك في شكل ساخر عما يكتبه عسوم !!
قلنا لهم ... إن حريتنا في السخرية من كتابات عسوم مكفولة لنا ...مثلما كتاباتهم مكفولة له و لهم ... قلنا لهم ...مثلما لكم الحق في تصديق حكايات الف ليلة و ليلة العسومية دي ...لنا الحق في تكذيبها و السخرية منها !!!

و لاننا لا نسخر من كتابات الناس ما لم تسخر كتاباتهم منا ... جبنا أسباب السخرية دي ... نماذج لمواضيع بوستات كتبها عسوم ... إنت و غيرك من حقكم تصدقوها ... و أنا و غيري من حقنا نشوفها كذب و إستوساخ و insulting لعقولنا كبني آدمين .... و مش كده و بس ... من حقنا نشوفها بتسئ للمنتدى و الناس الفيه ....يبقى ليه يقولو لينا أخرسو ...و إلا دي حرب و كعوبيه و مساككة !!
البوست ده يا ماجد دفاعا عن حقنا في الكتابة و التعبير و السخرية ممن يستحق السخرية !!

بالنسبة لمجاراتي لآمال و الجيلي في مسألة عسوم كما تفضلت ... فدا كلام لا يسندو منطق و لا عقل و لا واقع ... و بحبة معرفتك الاسفيرية بي البتخليك تحسن فيني الظن و تقول لي ما بشبهك .... أنا ما الزول البملو عليه يقول شنو ولا يعمل شنو ... و شهد الله الذي لا إله غيره ...البوست ده من أثقل البوستات علي و لي يومين بفكر افتحو ولا لا ... لكن كان لا بد مما ليست منه بد ... لانو بشوف مافي زول عندو الحق يحد من حريتي في قول العايزو طالما هم عندهم نفس الحق !!

بالنسبة للسرقات الادبية ... مبررات إنو عادل ما محاضر ، ولا ادعى النبوة ، ولا قال إنو معصوم .... دي مبااالغة ... ما عندي عليها تعليق ذاتو ...تماما مثل قصة إنو المعروض ما فيهو سرقات أدبية و تدليس لدرجة نسب إيراد دراسات وهمية لمجلة علمية ... بعدين بالجد ... هل دخلت اللنك بتاع الجيلي الجبتو أنا فوق ده ؟!!
كان ما دخلتو ... هاك ليه تاني هنا :
http://sudanyat.org/vb/showthread.php?t=10579&page=13
غايتو كان دي ما سرقات أدبيه ... بكرة بجيب ليكم الالياذة و أقول ليكم دي باكورة إنتاجي الأدبي !!

كن بخير يا صديق ...

[أمين محمد سليمان]

اخوانا ود الخير ...سلام و لعلك بخير

المشاركة الأصلية كتبت بواسطة ود الخير

السودان سلة تمويل العالم ب (الغُلاط والكِجار) من دون منازع !!

مداخلتك دي يا أخ أمين لو لقت إنسان عنده ذرة سوء ظن ..ممكن يمشي

يبحث ويصفك بالكذب( لا إيدك لا كراعك) ويغالطك إنك قلت إنك سبب تحريك خمول بوست الجن دا !! وإنك الجابك للبوست عمنا قوقل ...وأثناء ما إنت بتحاول تثبت ليهو إنك بريء من تهمة الكذب يكون وصفك بهذه الصفة (الكذب)100 مره ...والجمال مآآشيه !!...
برضو عاين دي:
قلت عمك الاستاذ أحمد سليمان ..الله يرحمو ... إنسان متضايق من كلمتك حقت (بل ..بليتو ..البل..بلني.. الخ..

حايجي يغالطك ويقول ليك إنت ( كذاب) مستحيل بروف إبن بروف وعمه بروف بمكانة الأستاذ أحمد سليمان الله يرحمو ! يكون دا أسلوبه ودي عباراتهو البستعملها ..

ما أسهل الترصد وخاصة في أشياء مثل المواقف التي تمر بالناس في سفرهم وترحالهم الكثير...

هسة أنا كنت عاوز أحكي قصتي بتاعت (درب النمل) وإننا ماشين من لبنان الى أوربا كداري..وفي أثناء الطريق إتزوجو ناس وولدو ..ونفس الناس ديل تتطالقوا وتزوجوا تاني في نفس الرحلة ! والإتنبن تاني رزقوا بأبنا ..ودا كلو قبل الوصول...متأكد بالطريقة دي ما حا تصدقوني ...وأنا ما حا أحكي ..

الغيور والمترصد العادي (الماوصل درجة بروف) الصفات دي فيهو شينة !

لكن ناس دكتور وبروف و و و ..والله شناتها ما بتتقابل ..

بالله الحق (والحقوق محفوظة للأخ ماجد) متردد من أمبارح ما بين مداخلتي دي..ولا آخد لي (حردة) صغيّرة كدي من سودانيات ..! لانو والله ما إتعودنا نتلمّ نحن والظلم في مكان واحد !

تحياتي أخ أمين.. وآمال دي عليك الله أمرقها من هنا ! نحن السودانيين ديل عودنا بيدوّر في اي لحظة...مساكين يا بروف نحن لي هسا بنتشاكل !! لا حولة ولا قوة الا بالله !!

اتفق معاك جدا اننا سلة غذاء العالم ب (الغُلاط والكِجار) ...و بشوفها جزء من سبب تخلفنا ...قلة قليلة جدا مننا قدرو يسمو بروحهم حتى لو مظلومين ... بالتأكيد أنا ما منهم !!
بالنسبة لمداخلتي الجبتها دي ... أو حتى أي مداخلة لي ولا لغيري ... ممكن أي زول يعمل منها الداير يعملو ... لكن الناس بتقرأ و تفهم ... هل في موضوعية في الكلام ولا لا .... أنا صححت كلامي في مداخلة تانية و كان ممكن أعدل مداخلتي ... و لسه أنا مقتنع بكلامي القلتو أول تماما مثل ما هو ... فقط صلحت معلومة إنو ديك ما كانت أول مداخلة لي ...لكن الباقي كلو زي ما هو !!
بالنسبة لمعلومة أحمد سليمان أو لانك مشيت كداري من لبنان ل أوروبا ... المشكلة شنو ... هسي أفتح بوست قول انك شاكي اني ما ود أخو ... أو انك مشيت القمر كداري خليه أوروبا ... من حقك تكتب الدايرو طالما مافيهو ما يمنع لائحيا ... و من حقي و حق باقي الناس نصدق ... نكذب ... نسخر ... نحرد ... نعمل أي حاجة ...طالما في حدود المسموح بيه في اللائحة .....دا البوست يا ود الخير ...و دا فهمو ....و ما جئت به مما أظنه كذبات و سرقات و مواقف لا يصدقها عقل من كتابات عسوم ... عبارة عن عرض لاسباب سخريتي من كتاباتو ... و ما جبتها إلا مضطرا !!

كلامك بتاع إنو البروفات ما بعملو كده ...و ما عارف شنو ... أنا بعتبرو نوع من محاولات التحييد الغير مجدية ... أنا جبت كلام محدد ...وضحت الغرض منو شنو ...و وضحت ليه أنا جبت كتابات الف ليلة و ليلة العسومية و السرقة و التدليس .. إنت و من نحى نحوك ما عندكم سكة تقولو لي إنت كذاب عسوم ما قال كده ... ولا إنت بهتو ... عشان كدا مافي سكة غير ياخي الكلام دا ما بشبهك و دا ترصد و دي حرب و كرهتونا المنتدى و كنت داير أحرد و باقي كلامك دا !!
موضوعي هنا بسيط جدا يا ود الخير ... مثلما للكل الحق بالكتابة و التعليق على الكتابات ... أنا عندي نفس الحق ... مافي زول من حقو يقول لي دي حرب و دي كعوبية و يشتمني و يقولني ما لم أقل ... بس... ببساطة كدا !!
و كن بخير ...

[أمين محمد سليمان]

سلام يا خالتو آمال و لعلك بخير

المشاركة الأصلية كتبت بواسطة AMAL

ياخ ممكن تتكرم تدخلني في نا دي
لاني فترت من مكنة الشيوعين شانين حرب علي عادل عسوم
كلما فتحنا خشمنا وقلنا لا في وجه هذا العادل عسوم
طوالي الاتهام جاهز ديل الشيوعيين
ياخي البسوي فيه الزول دا الخواجات بسموه mental abuse
والغريبة قصصو مابتمشي علي اطفال الروضة
ومازال هناك من يصدق ويدافع بدون منطق او حجة
زول بغلط في الاسبلينق بين كل تلاتة كلمات اربعة غلط
ويتم تصحيحو ويدعي بانو حاور مندوبة الشركة الالمانية
وناقشا في الادب والتاريخ والفن وبتاعت كافتيريا المطار
وسواق التاكسي وقرا كتاب ابليس بالانجليزي وحيترجموا علي روح خالد :shok:ويتزرزر في الكتاب ويعمل رايح
ويحلف قسم مغلظ ان لايدخل بوست الجن والشواطين
وما ان ينسي الناس الموضوع ويختفي العضو منتئ
الجا سجل هنا مخصوص عشان افتراءات وكذب ودجل عادل
حتي نفاجأ بعادل عادي يبلع قسمو المغلظ ويدخل البوست ويواصل فيه
افتونا بالله في قصة الحلايف دي ايها المدافعون !!!

قصة إنو الشيوعيين مستهدفين عسوم دي ...زي قصة إنو الشيوعيين مسيطرين على المنتدى ... كلام الغرض منو تحييد الناس و اسكاتهم ...و هسي أنا لو كان فيني أي ريحة شيوعية كان كسو بلحم الحزب الشيوعي العرايا و طلعو إنها مؤامرة صهيونية دبرت في موسكو لتدمير عسوم سنة 73 !!
قسما بالله ... أنا جيت المنتدى دا بقوقل لبوست الجن و الشياطين ... و إتحيرت جدا جدا لكمية الكلام الذي لا يصدقه عاقل ... ما فهمت ذاتو الزول دا جادي ولا بهزر ...لحدي ما بعداك قعدت و قريت جزء من بوستاتو حتى وقعت لي القصة ...عشان كده مداخلاتي في بوست الجن و الشياطين أنا شايفها مهمة جدا ..عشان البجيبو العم قوقل - إن شاء الله بعد 60 سنة - ما يظن بالمنتدى و الناس الفيه الظنون !!
بالنسبة للحلايف ... حقيقة بفتكر إنو أطعم أو صام كفارة اليمين ...لانو فعلا حلف بالله الا يعود للبوست و عاد زي الما حصل شئ !!

عادل في عضمو يا آمال ما بهمني و لا عندي بيه شغلة ...أنا أعلم يقينا إنو لا بوست بوقفو ... لا بيان كذب أو تدليس أو سرقات بوقفو ... أنا البهمني حقي في إبداء رأيي بدون نعوت و بدون تصويري كجزء من حروب و مؤامرات و كلام لا يوجد إلا في عقل من يقول به ...
كوني بخير يا صديقة

[خضر حسين خليل]

التحية لعضو سكرتارية الحزب الشيوعي فرع الأسافير أمين محمد سليمان لهذا الجهد




ـــــــــــ
حتي بالامارة اسمو الحركي تولا


يا ماجد تاج
الحزب الشيوعي السوداني بالأسافير يحييكم ومبسوط منك شديد ساي كده لله في لله تصور

[أبوبكر عباس]

وقد ورد في مجلة Byte Magazine عدد 1992أكتوبر ...بأنه قد أجريت دراسات عديدة على (عين الحمار) فوجدوا في تقنية الابصار لديه قدرة على استقبال والتعامل مع الأطوال الموجية الأطول التي تنحصر مابين (0.780 و400 أنجشتروم) وهو المدى الموجي الذي يميز (الاشعة تحت الحمراء) حيث تكون الأنتقالات أهتزازية ودورانية لجزئ المادة فيها...
يعني ذلك أن الحمار (بطئ جدا) في القدرة على رؤية الأشياء دون الأنسان ويمكنه كذلك الرؤية في الظلام الدامس!...
عادل عسوم

المشاركة الأصلية كتبت بواسطة أمين محمد سليمان

أما الدراسة نفسها فيمكن تحميلها من الرابط التالي :

http://papers.cnl.salk.edu/PDFs/Sili...201992-618.pdf

و هكذا بضربة كيبورد يصبح لمجلة Byte و هي مجلة متخصصة تعتني بعلوم الكومبيوتر ....يصبح لها دراسة عن عين الحمار في أكتوبر 1992 لان السيد عسوم قد قرر ذلك !!

سلام يا أمين،
- بارك الله في عسوم الخلاني أطالع العدد العاشر الحجم السبعتاشر من مجلة بايت لشهر اكتوبر1992، كنت أُمني نفسي بايجاد مخرج لصديقي عسوم من باب: " من فرّج عن صديق إسفيري كُربة"، لكن عشمي راح فشوش.
- مجلة بايت في عددها المحدد أعلاه لم تورد أي إشارة لدراسة في عين الحمار!! ودا، بخلي عادل إما ناقل من شخص آخر أو نجر المسألة دي من راسو!!!
- لكن يا أمين، عادل لم يقل انو مجلة بايت عملت دراسة حول عين الحمار، إنما قال: مجلة بايت أوردت دراسات أُجريت على عين الحمار وبنى دراسة عين الحمار للمجهول، دا، في الدراسات العلمية اسمو: literature review ويأتي به الباحث من دراسات أُخرى لعقد المقارنات.

الكاتب: بابكر عباس

[أبوبكر عباس]

المشاركة الأصلية كتبت بواسطة بابكر عباس

سلام يا أمين،
- بارك الله في عسوم الخلاني أطالع العدد العاشر الحجم السبعتاشر من مجلة بايت لشهر اكتوبر1992

تحديدا طالعت silicon brains وبقية العناوين فقط.
أحسن الزول يكون دقيق
القصة بقى فيها زرزرة وترصد؛ وأنا غلبان

[أمين محمد سليمان]

المشاركة الأصلية كتبت بواسطة بابكر عباس

سلام يا أمين،
- بارك الله في عسوم الخلاني أطالع العدد العاشر الحجم السبعتاشر من مجلة بايت لشهر اكتوبر1992، كنت أُمني نفسي بايجاد مخرج لصديقي عسوم من باب: " من فرّج عن صديق إسفيري كُربة"، لكن عشمي راح فشوش.
- مجلة بايت في عددها المحدد أعلاه لم تورد أي إشارة لدراسة في عين الحمار!! ودا، بخلي عادل إما ناقل من شخص آخر أو نجر المسألة دي من راسو!!!
- لكن يا أمين، عادل لم يقل انو مجلة بايت عملت دراسة حول عين الحمار، إنما قال: مجلة بايت أوردت دراسات أُجريت على عين الحمار وبنى دراسة عين الحمار للمجهول، دا، في الدراسات العلمية اسمو: literature review ويأتي به الباحث من دراسات أُخرى لعقد المقارنات.

الكاتب: بابكر عباس

و عليكم السلام يا بكة ...
كلامك سليم جدا ...عادل فعلا قال إنو المجلة اوردت دراسة عن عين الحمار.... و هو ما لم يحدث !!!
القصة مافي انها اوردت أم عملت دراسة ...القصة في السلوك الغير سوي بتاع انك حتى في سرقتك تكون غير أمين ... عادل لصق (([Byte Magazine, October, 1992]! )) قدام عين الحمار بدل النحلة عشان تدي مصداقية لكلامو !!!!

[نبراس السيد الدمرداش]

سلام يا بروف عليك وعلى ضيوفك الكرام

وتحيه لماجد
سؤالي ليهو ما ممكن يناقش موضوع البوست
بدون ذكر امال والجيلي
اسي لو سالتك يا ماجد تار شنو البينهم وبين عادل

[ماجد تاج]

المشاركة الأصلية كتبت بواسطة رأفت ميلاد

لكن يا ماجد تاج سويتا ظاهرة

المشاركة الأصلية كتبت بواسطة AMAL

ياماجد تاج سألتك بالذي سواك
تجي هسي توريني التار شنو البيني وبين عادل عسوم
وشنو الشخصي البلمني بيه زي ما لمحت قبل كدة
لو قصدك علي المشكلة الحصلت هنا انا بعيدة عنها كل البعد
ولا اعرف تفاصيلها ولا شخوصها الا بعض ماهو منثور هنا
وهو مقزز ومقرف وكنت بعيدة من سودانيات مثلي ومثل لنا وناس كتار كانوا حردانين في تلك الفترة ودونك الشهود وناس قريبين منك عارفين التفاصيل قليل من الامانة لا يضير ياماجد تاج
البروف يشيل ويجيب ليك في الادلة والبراهين
وانت في ضلالك القديم اتق الله
واعلم اني اعرضت عن كل افتراأتك وتجنيك وتجاوزك في حقي
وخليتك للاقوي مني ومنك
وبلاقيك بكل سطر اتكتب هنا يوم الحق البتدعي انك بتتكلم باسمو
الناس دي كلها تهاجم عادل عسوم بسبب البسوي فيه الظاهر وجلي للعيان
وماجد تاج ماشايف غير امال والجيلي عندهم تارات قديمة مع عادل
البرئ ومسكين
أسفة جدا ياامين
واهي دي العينة وبراك شايف
واطمأن ماحاساهم في حرف البوست عن مسارو
بس سيد ماجد مطالب يوريني التار شنو البيني وبين عادل عسوم
غير الكذب والدجل
والتدليس واستغفال الناس واستهبالم واحتقار عقولم

المشاركة الأصلية كتبت بواسطة مهند الخطيب

سلام وتحية ...

وحمدالله على السلامة ياماجد تاج ليك زمن غايب ....

الشيء الغريب ياماجد بالنسبة لي حاضر في نقطتين :

اول هام هو تغاضيك عن "المادة" الجايبا امين المتعلقة بالسرقة دي ، السرقة من محمد المسند ، والتدليس بتاع النحلة اياها ، عدا اشارة سريعة وتقريرية (انو دي ماسرقة!)
التقريرية دي جايبا من وين انت ياماجد؟ وللا هي خطوة مهمة عشان تنتقل للشئ المهم بالنسبة لمداخلتك اللي هي بتدور على انو الموضوع عداء بين امال والجيلي من جهة وعادل عسوم من جهة تانية ، وما امين غير همبول جاء انضم للصراع المابشبهو ده (لاحظ هنا انك عارف البشبه أمين أكتر منو)
تعال ورينا ياماجد النماذج الجايبا أمين دي ما سرقة كيف عليك الله ...

تاني هام ، حيرتني حكاية تجربة أمين مع هشام آدم انت صنفتها كـ (رجل) وتجربته مع عادل عسوم صنفتها كـ (كراع) ليه ؟ مع انو الأدوات والطرائق واحدة؟ هل لأنه نتائج تجربته دي في ظنك ح تخدم خط آمال والجيلي العندهم ثأر مع عسوم وتجربة امين مع هشام كانت بتخدم خطك انت؟؟

يا ماجد في مداخلتك في شكل تناقضات وقفزات رهيبة ، ولوي للكيبورد والافكار عشان (ثأرك) القديم مع آمال و الجيلي (ما الكلام ما بقروش ممكن عادي الصق ليك حكاية الثأر دي بناء على كتاباتك بس)
بس ان بقى عندك ثأر لا سمح الله اتذكر انك ما بتاخده بالتناقض ده واتذكر انك قبل كده قلت ماعندك مصلحة في انه يديرك سارق في بوست تاني ...

الأصل في الكتابة زي ماقال البروف فوق هو الحرية ، خلي عسوم يكتب ، وخلي البروف يتهمه بالسرقة ويجيب أدلته وبراهينه ، وخلي لينا كلنا الحكم والتعليق على المادة (وأولنا عسوم طبعا) نتاج نار ده كله ح يكون تبر الحقيقة ...

لكن نسيب المادة الموجودة قدامنا ونمسك في النوايا والتارات الما واقفة على كرعين أو دلائل دي نبقى يا عندنا مشكلة مع (شلة آمال / الجيلي / أمين ) يا ما عندنا مشكلة مع السرقة كمثل هنا ....

المشاركة الأصلية كتبت بواسطة نبراس السيد الدمرداش

سلام يا بروف عليك وعلى ضيوفك الكرام

وتحيه لماجد
سؤالي ليهو ما ممكن يناقش موضوع البوست
بدون ذكر امال والجيلي
اسي لو سالتك يا ماجد تار شنو البينهم وبين عادل

ـ



انتو بتتضارو واللا أنا واقف قدام شديد !!

يعني هسي ما في أي مشكلة قديمة بين عادل عسوم والجيلي وأمال ؟!!

والبيناتم دا كله تواصل ومحبة صرفة !!




ـ

[ماجد تاج]

المشاركة الأصلية كتبت بواسطة رأفت ميلاد

لكن يا ماجد تاج سويتا ظاهرة

ـ



ازيك يا كبيرنا ..

ياخي لا ظاهرة ولا خفية .. كل القصة أنو ملاحقة الزول دا من قبلكم بقت مسيخة ومكررة وفيها ترصد مبالغة ..

ما ممكن يكتب أي كلمة تطلعو ليه فيها القرون الحمر كأنما تصحيح الكون يعتمد على بيان أخطاء الرجل ..

ما عادل عسوم الا رجل عاااااادي يكتب ويغلط طالما كتابته في حتته

ومحاولة شيطنته بكل السبل وبالضغط المتواصل دا ما عندها مبرر

غير العداءات القديمة المتناقلة معاكم كلكم من بوست لي بوست ..

عادل عسوم دا أنا تحديداً قلّ ما أتداخل معاه وعندي رأي قطعاً في كثير مما يكتبه

لكن ما أعنيه ترصدكم للرجل حتى صار الترصد نفسه سمة لمداخلاتكم معاه ..

امال والجيلي تحديداً ما فرطو في بوست واحد لعادل عسوم

ولا ضيعوا فرصة للسخرية منه والنيل منه والاساءة ليه والبوستات على قفا من يشيل

والبيكضبني يفتح أي بوست لعادل عسوم ويشوف مداخلاتهم فيه ..

خلو الراجل يكتب وانتقدوه بالكيفية البتناسبكم لكن كمان حكاية الترصد المستمر

وقصة محاكمته بالمقاييس العالية الدقة دي في شأن لا يستحق دي ما جاية ..

دا المقصد



ـ

[ماجد تاج]

المشاركة الأصلية كتبت بواسطة خضر حسين خليل

التحية لعضو سكرتارية الحزب الشيوعي فرع الأسافير أمين محمد سليمان لهذا الجهد




ـــــــــــ
حتي بالامارة اسمو الحركي تولا


يا ماجد تاج
الحزب الشيوعي السوداني بالأسافير يحييكم ومبسوط منك شديد ساي كده لله في لله تصور

ـ


الله يسلمك ويسلمو ..

قول ليه شكراً ..

دا كلام دا يا خضر ياخ







ـ

[ماجد تاج]

المشاركة الأصلية كتبت بواسطة أمين محمد سليمان

سلام يا خالتو آمال و لعلك بخير
قصة إنو الشيوعيين مستهدفين عسوم دي ...زي قصة إنو الشيوعيين مسيطرين على المنتدى ... كلام الغرض منو تحييد الناس و اسكاتهم ...و هسي أنا لو كان فيني أي ريحة شيوعية كان كسو بلحم الحزب الشيوعي العرايا و طلعو إنها مؤامرة صهيونية دبرت في موسكو لتدمير عسوم سنة 73 !!
قسما بالله ... أنا جيت المنتدى دا بقوقل لبوست الجن و الشياطين ... و إتحيرت جدا جدا لكمية الكلام الذي لا يصدقه عاقل ... ما فهمت ذاتو الزول دا جادي ولا بهزر ...لحدي ما بعداك قعدت و قريت جزء من بوستاتو حتى وقعت لي القصة ...عشان كده مداخلاتي في بوست الجن و الشياطين أنا شايفها مهمة جدا ..عشان البجيبو العم قوقل - إن شاء الله بعد 60 سنة - ما يظن بالمنتدى و الناس الفيه الظنون !!
بالنسبة للحلايف ... حقيقة بفتكر إنو أطعم أو صام كفارة اليمين ...لانو فعلا حلف بالله الا يعود للبوست و عاد زي الما حصل شئ !!

عادل في عضمو يا آمال ما بهمني و لا عندي بيه شغلة ...أنا أعلم يقينا إنو لا بوست بوقفو ... لا بيان كذب أو تدليس أو سرقات بوقفو ... أنا البهمني حقي في إبداء رأيي بدون نعوت و بدون تصويري كجزء من حروب و مؤامرات و كلام لا يوجد إلا في عقل من يقول به ...
كوني بخير يا صديقة

ـ


مرحب يا سيد أمين ..

الجزء الاول بالاحمر أعلاه برضو ما بيشبهك ..

وللحق لو توقفت قليلاً وراجعت ما تخطه يمينك مؤخراً حيال عادل عسوم دا

لوجدت أنك ـ بإرادتك أو بدونها ـ تورطت في الحرب دي ..

وبشدة



ـ