الكتابات ... بين المساخر و السخافات !!

[ماجد تاج]

المشاركة الأصلية كتبت بواسطة أمين محمد سليمان

أخونا في الله و الوطن ماجد ...سلام ياخي و لعلك بخير
تعرف ... مداخلتك دي تصلح أن تكون تعريف وافي للقراية بال perception !!
تترك كل ما أقول ... تفهم ما تود فهمه ...ثم تكتب ما عندك بدون أي تاثير أو مرجعية أو حد أدنى لفهم ما كتبته أنا !!
يا سيدي العزيز ... البوست أصلا ما موجه لعادل عسوم ... البوست موجه للناس البتجيك (واثبة) لمن تسخر من كتابات عسوم ... البجو يقولو ليك دي حرب قذرة ...و كعوبيه منكم ... الناس البتجي تشتمك و تهاترك و تقولك ما لم تقل لمن تطرح رأيك في شكل ساخر عما يكتبه عسوم !!
قلنا لهم ... إن حريتنا في السخرية من كتابات عسوم مكفولة لنا ...مثلما كتاباتهم مكفولة له و لهم ... قلنا لهم ...مثلما لكم الحق في تصديق حكايات الف ليلة و ليلة العسومية دي ...لنا الحق في تكذيبها و السخرية منها !!!

و لاننا لا نسخر من كتابات الناس ما لم تسخر كتاباتهم منا ... جبنا أسباب السخرية دي ... نماذج لمواضيع بوستات كتبها عسوم ... إنت و غيرك من حقكم تصدقوها ... و أنا و غيري من حقنا نشوفها كذب و إستوساخ و insulting لعقولنا كبني آدمين .... و مش كده و بس ... من حقنا نشوفها بتسئ للمنتدى و الناس الفيه ....يبقى ليه يقولو لينا أخرسو ...و إلا دي حرب و كعوبيه و مساككة !!
البوست ده يا ماجد دفاعا عن حقنا في الكتابة و التعبير و السخرية ممن يستحق السخرية !!

بالنسبة لمجاراتي لآمال و الجيلي في مسألة عسوم كما تفضلت ... فدا كلام لا يسندو منطق و لا عقل و لا واقع ... و بحبة معرفتك الاسفيرية بي البتخليك تحسن فيني الظن و تقول لي ما بشبهك .... أنا ما الزول البملو عليه يقول شنو ولا يعمل شنو ... و شهد الله الذي لا إله غيره ...البوست ده من أثقل البوستات علي و لي يومين بفكر افتحو ولا لا ... لكن كان لا بد مما ليست منه بد ... لانو بشوف مافي زول عندو الحق يحد من حريتي في قول العايزو طالما هم عندهم نفس الحق !!

بالنسبة للسرقات الادبية ... مبررات إنو عادل ما محاضر ، ولا ادعى النبوة ، ولا قال إنو معصوم .... دي مبااالغة ... ما عندي عليها تعليق ذاتو ...تماما مثل قصة إنو المعروض ما فيهو سرقات أدبية و تدليس لدرجة نسب إيراد دراسات وهمية لمجلة علمية ... بعدين بالجد ... هل دخلت اللنك بتاع الجيلي الجبتو أنا فوق ده ؟!!
كان ما دخلتو ... هاك ليه تاني هنا :
http://sudanyat.org/vb/showthread.php?t=10579&page=13
غايتو كان دي ما سرقات أدبيه ... بكرة بجيب ليكم الالياذة و أقول ليكم دي باكورة إنتاجي الأدبي !!

كن بخير يا صديق ...

ـ


مرحب يا سيد أمين

للحق ما شفت الرابط ولا عندي الرغبة أتابعه لسبب بسيط :

أنا أضع كتابات عادل عسوم في موضعها الطبيعي بالنسبة لي ..

وما شايف أنه لو كتب ما كتب ممكن يؤثر على المنتدى وسمعته زي ما انت قلت ..

أهو مجرد عضو من مجموع كبير من الاعضاء من حقه يكتب العايزه

وللناس طبعاً حق مناقشته وانتقاده وضبطه حتى لو كان سارق ..

ما أقصده أن ينحصر المقياس العالي الدقة دا حيال زول وااااااحد بس دون البقية ..

وكان علي المبررات لأي سلوك انساني فااا هي على قفا من يشيل يا سيد أمين ..

وكان للحرية أهو دلوقت في بوست في الصفحة الاولى عنوانه " حييييييييي .. ووووووووب "

بيتكلم عن اللواط .. وبي صوره كمان !!

قسم بالله جد !!

ح تقول لي حرية صاح ؟

لكن ياخ من حقنا نقول أنها حرية مقرفة ، ومقززة ، ونتنة الحرية البتخلي الحق يتلطخ بالمقاصد السيئة

وال بتخلي مبدأ الغاية تبرر الوسيلة يسود ..

بحجة أنو عادل عسوم سارق نتمسخر منه ..

وبحجة أنو كوز نتجاوز في حقه ونخرب ليه بوستاته ..

ولأنو اتصور مع قوش يبقى من حقنا نبول في راسو ذاااتو زي ما وصل الحال بالبعض !!

طيب ما المقابل في رأيك لممارسة حرية بالمقدار دا يا بروف ؟

وما النتيجة ؟!

بعدين يا سيدي طالما كيبوردك في يدك يبقى ما في زول ممكن يحد من حرية استخدامك ليه ..

لكن ما نقوله أنه قصة عادل عسوم والسبعة العظام دي بقت منهكة ومزعجة لينا كأعضاء ..

وكمتابعين مغلوبين على أمرهم ..

وبتضر بالمنتدى اكتر مما يضر بيه تدليس عادل عسوم المفترض وكذبه ..

لأنه قصة ترصد أخطاءه طغت الشخصنة والاستهداف فيها على الحقيقة ..

وكل المطلوب مش ترك الرجل في حاله ، شوية معقولية في القصة ياخ ..

وأهو قدامك دكتور زين وحسين عبد الجليل قاع يدخلو الرجل في نقاط محرجة وبمنتهى الادب كمان ..

بالله الحق الواحد لمن يتكيف من شغلهم ..

يااااا بروف : الهتر والسخرية والمسخرة ممكن تلقى ليها ألف مبرر ومبرر يا سيدي

لكن تظل ..

دون المقام !



ـ

[ماجد تاج]

المشاركة الأصلية كتبت بواسطة AMAL

ياماجد تاج سألتك بالذي سواك
تجي هسي توريني التار شنو البيني وبين عادل عسوم
وشنو الشخصي البلمني بيه زي ما لمحت قبل كدة
لو قصدك علي المشكلة الحصلت هنا انا بعيدة عنها كل البعد
ولا اعرف تفاصيلها ولا شخوصها الا بعض ماهو منثور هنا
وهو مقزز ومقرف وكنت بعيدة من سودانيات مثلي ومثل لنا وناس كتار كانوا حردانين في تلك الفترة ودونك الشهود وناس قريبين منك عارفين التفاصيل قليل من الامانة لا يضير ياماجد تاج
البروف يشيل ويجيب ليك في الادلة والبراهين
وانت في ضلالك القديم اتق الله
واعلم اني اعرضت عن كل افتراأتك وتجنيك وتجاوزك في حقي
وخليتك للاقوي مني ومنك
وبلاقيك بكل سطر اتكتب هنا يوم الحق البتدعي انك بتتكلم باسمو
الناس دي كلها تهاجم عادل عسوم بسبب البسوي فيه الظاهر وجلي للعيان
وماجد تاج ماشايف غير امال والجيلي عندهم تارات قديمة مع عادل
البرئ ومسكين
أسفة جدا ياامين
واهي دي العينة وبراك شايف
واطمأن ماحاساهم في حرف البوست عن مسارو
بس سيد ماجد مطالب يوريني التار شنو البيني وبين عادل عسوم
غير الكذب والدجل
والتدليس واستغفال الناس واستهبالم واحتقار عقولم

ـ



إنا لله وإنا اليه راجعون ياخ ..

لو ما سألتيني بالله ، بالله الحق ما برد عليك

وللمرة الالف : العواطف ما محلها النت ..

انتي المطالبة بتفسير ترصدك المستمر للمسكين المتكالب عليه عادل عسوم

وبتفسير سبب مطاردته في بوستاته ، وتخريبها ليه كل مرة

مش أنا ..

كرهتونا المنتدى ذاتو يعلم الله



ـ

[معتصم الطاهر]

أمين
سلام
انت وعدت بفتح بوست لسرقات عادل ( وكنت بفتكر انو ممكن تراجع نفسك)

ياخ البوست دا ما عندو لازمة ..
لأنو أى بوست ممكن تثبت خطأ عادل فيهو فى محلو .. رغم انو اعتاد الانكار- حسب رأيي-

ممكن أقول بوست لم توفق فيه ..
الموضوع ما بستاهل ..

أقبلها مننا ملامة و عتاب

[اشرف السر]

سلام يا أمين
For Whom The Bell Tolls




غطيني ياصفية مفيش فايدة

[AMAL]

المشاركة الأصلية كتبت بواسطة ماجد تاج

ـ



انتو بتتضارو واللا أنا واقف قدام شديد !!

يعني هسي ما في أي مشكلة قديمة بين عادل عسوم والجيلي وأمال ؟!!

والبيناتم دا كله تواصل ومحبة صرفة !!




ـ

قلت مشكلة شخصية الشخصي
شنو البلمني انا والجيلي من ناحية وعادل عسوم من ناحية
علي اساس اننا قرينا جامعة ام القري سوا !!!
وليه بس ما شايف غيري والجيلي في معركة المنتدي كلو مع عادل
في كذبو وتهويماتو وتدليسو المالي بيه المكان
لسة بتحداك ياماجد مشكلتنا شنو انا والجيلي مع عادل عسوم

المشاركة الأصلية كتبت بواسطة ماجد تاج

ـ




امال والجيلي تحديداً ما فرطو في بوست واحد لعادل عسوم

ولا ضيعوا فرصة للسخرية منه والنيل منه والاساءة ليه والبوستات على قفا من يشيل

والبيكضبني يفتح أي بوست لعادل عسوم ويشوف مداخلاتهم فيه ..




ـ

كذااااااب ودي ياها القراية ام غرض والغرض مرض
ودونك بوستات عادل في الصفحة دي
وريني وين انا اتداخلت غير بوست واحد لما السادة المدافعين
اتكالبوا علي امين بالباطل
قبل كدا اتحديتك تجيب لي اساءة واحدة بس لعادل فشلت
ولسة التحدي قائم

المشاركة الأصلية كتبت بواسطة ماجد تاج

ـ



إنا لله وإنا اليه راجعون ياخ ..

لو ما سألتيني بالله ، بالله الحق ما برد عليك

وللمرة الالف : العواطف ما محلها النت ..

انتي المطالبة بتفسير ترصدك المستمر للمسكين المتكالب عليه عادل عسوم

وبتفسير سبب مطاردته في بوستاته ، وتخريبها ليه كل مرة

مش أنا ..

كرهتونا المنتدى ذاتو يعلم الله



ـ

عواطف:sarcastic:
عواطف ايه يابو عواطف
الزول البخاطبو عواطفو دا زول عشمانين في انسانيتو
يعني هسي زول يشتكيك لله دا موضوع عاطفي سااي والنت ما مكانو !!!
يمين الله انا زول يشتكيني لله تلا تة ماانوم
حتي لو كنت عارفة اني علي حق
واوضح انك مابتقيف ولابترعوي الا البياخدو حقهم منك ناشف
وبتعمل ليهم حساب اما مواضيع حساب الاخرة دا ماهاماك شديد


انظر عزيزي القارئ
لنموزج المتأسلم ونهج تفكيرو متمثل في نموزجين هنا
عادل عسوم يكذب دا ما مشكلة ومابمس دينو بشي
يسرق ويلفح وينسب مجهود الغير لنفسو عادي والدين في محلو
يغش ويخدع ويدلس ويعمل روحو عالم ورحالة وباحث وكاتب بالكذب
برضو مافي مشكلة الدين الدخلو هنا شنو !!
يحلف قسم ويرجع فيه
يحلف بالله كاذب
يحرف في الايات وياكابر ويصر علي الغلط
دا كلو مسامح فيه ولا ينتقص شئ من دين عادل
وعند المتأسلم ان تشكو لله برضو عادي
لا وشنو دي عواطف ساااي !!!
شفت الفرق بين دينا ودينكم
انا ابلغ ما اصله مع شخص عندي ان اشكوه للحق عز وجلّ
وانت بالنسبة ليك دا كلام عاطفي ساااي!!
قارن عزيزي القاري بين سلوك المتأسلمين الحاكمننا هسي
وبين مايحدث هنا
هذا نموزجهم
ان تسرق
تكذب
تحلف كاذبا
تغش
تخدع
تاكل المال العام
تفسد
ودينك في محلو !!!!

[أمين محمد سليمان]

و عليكم السلام يا باش

المشاركة الأصلية كتبت بواسطة معتصم الطاهر

أمين
سلام
انت وعدت بفتح بوست لسرقات عادل ( وكنت بفتكر انو ممكن تراجع نفسك)

ياخ البوست دا ما عندو لازمة ..
لأنو أى بوست ممكن تثبت خطأ عادل فيهو فى محلو .. رغم انو اعتاد الانكار- حسب رأيي-

ممكن أقول بوست لم توفق فيه ..
الموضوع ما بستاهل ..

أقبلها مننا ملامة و عتاب

لم يحدث أبدا أني ( وعدت بفتح بوست لسرقات عادل ) !!
و زي ما قلت و كررت... البوست ده أنا فتحتو مكرها لبيان حقي في الكتابة بدون ما أتنعت أو أتشتم أو يجهل علي ... سرقات عادل جات كجزء من بيان ليه أنا بسخر منو ... و أنا قررت إنو ما أجيب أي حاجة إضافية من سرقاتو و تدليسو ...لانو الغرض ما بيانها ... الغرض تثبيت نقطتي إنو بالاضافة للكذب الممنهج و حكايات الف ليلة و ليلة العسومية ...هناك سرقات أدبية و تدليس ...و إنو ده تحديدا المخليني أسخر منو !!
ملامتك و عتابك على الراس يا معتصم ... فاهم و متفهم كلامك جدا ...لكني اضطريت مجبرا ... لا بطل !!

[رأفت ميلاد]

المشاركة الأصلية كتبت بواسطة معتصم الطاهر

أمين
سلام
انت وعدت بفتح بوست لسرقات عادل ( وكنت بفتكر انو ممكن تراجع نفسك)

ياخ البوست دا ما عندو لازمة ..
لأنو أى بوست ممكن تثبت خطأ عادل فيهو فى محلو .. رغم انو اعتاد الانكار- حسب رأيي-

ممكن أقول بوست لم توفق فيه ..
الموضوع ما بستاهل ..

أقبلها مننا ملامة و عتاب

طيب الحلل شنو يا باش .. أمين رد هناك ووب كتب بوست منفرد ووب .. المدعو عادل ممنوع من اللمس ولّ الفولة شنو

[أمين محمد سليمان]

و عليكم السلام يا يا دامي العينين و الكفين !!

المشاركة الأصلية كتبت بواسطة اشرف السر

سلام يا أمين
For Whom The Bell Tolls




غطيني ياصفية مفيش فايدة

والله يا أبوالشوش ... أنا الأجراس دي قارعها لرقبتي ... و عارف إنو صفية ح تكون بتصوت كدا إلى أن يقضي الله أمرا كان مفعولا !!

[رأفت ميلاد]

المشاركة الأصلية كتبت بواسطة ماجد تاج

ـ



ازيك يا كبيرنا ..

ياخي لا ظاهرة ولا خفية .. كل القصة أنو ملاحقة الزول دا من قبلكم بقت مسيخة ومكررة وفيها ترصد مبالغة ..

ما ممكن يكتب أي كلمة تطلعو ليه فيها القرون الحمر كأنما تصحيح الكون يعتمد على بيان أخطاء الرجل ..

ما عادل عسوم الا رجل عاااااادي يكتب ويغلط طالما كتابته في حتته

ومحاولة شيطنته بكل السبل وبالضغط المتواصل دا ما عندها مبرر

غير العداءات القديمة المتناقلة معاكم كلكم من بوست لي بوست ..

عادل عسوم دا أنا تحديداً قلّ ما أتداخل معاه وعندي رأي قطعاً في كثير مما يكتبه

لكن ما أعنيه ترصدكم للرجل حتى صار الترصد نفسه سمة لمداخلاتكم معاه ..

امال والجيلي تحديداً ما فرطو في بوست واحد لعادل عسوم

ولا ضيعوا فرصة للسخرية منه والنيل منه والاساءة ليه والبوستات على قفا من يشيل

والبيكضبني يفتح أي بوست لعادل عسوم ويشوف مداخلاتهم فيه ..

خلو الراجل يكتب وانتقدوه بالكيفية البتناسبكم لكن كمان حكاية الترصد المستمر

وقصة محاكمته بالمقاييس العالية الدقة دي في شأن لا يستحق دي ما جاية ..

دا المقصد



ـ

تعرف يا ماجد كان فى طالب فى مدرسة التجارة الثانوية* جنو أفلام كاوبوى مباريى الأفلام فى العاصمة المثلثة .. يشاغلوهو الليلة الفلم وين .. يقول ليهم والله الليلة العرضة شوف عينى الرصاص بدخلوهو ورا الشاشة بالقفف

أها الأسافير دى كان عندها حيطة بلبد وراها للزول ده لامن البوست يخلص

العملتها ظاهرة المساسكا بتاعتك للجيلى وآمال أمين ده كبرى ساى .. ياخ أنت ما مترصد الجماعة ديل بمزاج ما تخلى أمين بمزاجو ياخ .. وبعدين حسب علمى عسوم ما قاصر ولسانا فلغة

*أنتو التجارة الثانوية لسة قاعدة؟

[أمين محمد سليمان]

المشاركة الأصلية كتبت بواسطة رأفت ميلاد

طيب الحلل شنو يا باش .. أمين رد هناك ووب كتب بوست منفرد ووب .. المدعو عادل ممنوع من اللمس ولّ الفولة شنو

الغريبة يا رأفت ... بعد كلامك دا حتى انتبهت اني ما رديت للباش في النقطة دي ... البوست دا أصلا مفتوح لانو السخرية و التعليق على كتابات عادل بتجيب ليك حملات تأديبية و إتهامات بالضلوع في حرب عليه و ممكن تسمع فيها وسخ إضنيك !!
عادل بقى بقرة مقدسة ... تكذب و تسرق و تدلس و تكابر ...و البفتح خشمو ... متأمر مع الحزب الشيوعي و ضالع في حروب قذرة !!و الكلام دا لا يستقيم !!
الادى عادل حق المنكرات دي كلها بدينا حق السخرية منو !!

[أمين محمد سليمان]

المشاركة الأصلية كتبت بواسطة رأفت ميلاد

العملتها ظاهرة المساسكا بتاعتك للجيلى وآمال أمين ده كبرى ساى .. ياخ أنت ما مترصد الجماعة ديل بمزاج ما تخلى أمين بمزاجو ياخ ..

يا عمو رأفت ... ماجد مترصد آمال و الجيلي بس ... أنا ما معاهم

[قاسم الحاج]

الادى عادل حق المنكرات دي كلها بدينا حق السخرية منو !!

والاداك حق السخريه برضو ادانا او اداني بالاحري حق الامتعاض من سخريتك وحق رفضها ليس وقوفا في صف عادل ولا لانو ما بتشبهك لكنها مؤلمه ويصعُب
بلعها وايضاً not funny !!

[أمين محمد سليمان]

سلام يا قاسم

المشاركة الأصلية كتبت بواسطة قاسم الحاج

والاداك حق السخريه برضو ادانا او اداني بالاحري حق الامتعاض من سخريتك وحق رفضها ليس وقوفا في صف عادل ولا لانو ما بتشبهك لكنها مؤلمه ويصعُب
بلعها وايضاً not funny !!

أنا ما اعترضت على امتعاضك أو إمتعاض أي زول .... و لا على رفضك أو رفض أي زول لسخريتي من عادل ... دي وجهة نظر ... أنا اعترضت على قصة اننا ضالعين في حرب على عسوم و والغين في مؤامرة عليهو ... اعترضت على الشتايم و تقويلي ما لم أقل... و القصة دي ما في البوست الاخير و بس !!
لا أنا ...لا عادل ..ولا أي زول هنا بقر مقدس أو فوق النقد أو السخرية !!

[قاسم الحاج]

بعدين انت الموضوع ده زعلك شديد كده ليه يعني, من الكبائر انو يقولوا ليك حركتك
دي ما حلوه ام انت ايضاً من المعصوميين !!تبريرك محصور في انو الزول ده كذاب
وحرامي لحاجات ما عندها علاقه بالبوست المعني ..تعال امعط ريشو في موضوع
يخص البوست شوف لو زول قال ليك تلت التلاته كم ,تراهو معتصم عاصرو في
ملف لما جاب الزيت في حته واضحه وصريحه وبكميه مداخالات اكتر من صاحب
البوست ذاتو.. فماتاخدك العزه بالاثم ,اذا الناس لفتت انتباهك لحته اُخدا بصدر رحب
ما لم تكون شايف نفسك اكبر من ان يُلفت انتباهك او الناس اقل من ان تلفت انتباهك
لشئ...

[معتصم الطاهر]

المشاركة الأصلية كتبت بواسطة قاسم الحاج

ب ,تراهو معتصم عاصرو في
ملف لما جاب الزيت في حته واضحه وصريحه وبكميه مداخالات اكتر من صاحب
البوست ذاتو.. .

سلام قاسم

واحد .. ما شفت زيت
اتنين .. مداخلات صاحب البوست اكتر ..