و عليكم السلام و رحمة الله و بركاته يا أشرف و خالد .
اسمحو لي أرد عليكم سوا لتشابه الفكرة
اقتباس:
المشاركة الأصلية كتبت بواسطة اشرف السر
السلام عليكم ورحمة الله
السيد صاحب البوست أمين محمد سليمان
والمتداخلين جميعاً...
شايف انو البوست دا نموذج للاستغفال والاستسهال والورجغة البلا فايدة، وكتل لروح الرصانة في سودانيات..
وما شايف في داعي تجي ناس تقيف تدافع عن عادل عسوم، وناس تانين يجيوا يقيفوا ضدوا..
كلام أمين واضح وصريح ولا يحتمل أي لبس أو تأويل...
زول جاكم بأدلة دامغة...
على من يحاول الرد ان يحتفظ بمستوى الرصانة في النقاش. وأن يأتي بأدلة وأسانيد تنقض اتهامه لعادل بالسرقة..
وخصوصا الدليل المتعلق بـعين الحمار ومجلة Byte Magazine
وأرى أنه على أمين أن يتمسك ويصر على هدف البوست الأصلي...
فيا إما أمين محمد سليمان يلفق أدلة كاذبة ضد عادل عسوم وعادل عسوم بريء من التهمة جملة وتفصيلا..
ويا إما أن أدلة أمين صحيحة وبالتالي عادل عسوم سارق وملفق.. وعليه الاعتذار للقراء وعضوية سودانيات..
المسألة ما مسألة ونسة وتقضية بوست بمشاركات لا فائدة منها...
وضحوا السبيل يا عضوية واحترموا وجودكم الاسفيري...
فنهاية هذا البوست ستوضح (بالنسبة لي أشياء كثيرة) فيما يخص هذا الموقع وعضويته...
|
اقتباس:
المشاركة الأصلية كتبت بواسطة خالد التجاني
السلام عليكم
يا عادل عسوم اري ان مصداقيتك الان علي المحك امام معجبيك
وبالمناسبة انا منهم . والكثيرين معي ينتظرون منك دفع التهم الموجهة اليك
لا سيما عين الحمار ، واعتقد انه غير عسير عليك مواجهة التهم ودفعها . ولو في بوست منفصل
فانت كما اعرفك لا تنقصك الادوات ولا تعوزك القدرة علي ذلك
او علي الاقل اتوسم فيك الشجاعة علي الاعتذار ان كان ما قيل عنك هنا صحيحا
تبرير انك مستهدف .ومقصود . عذر غير مقبول . لان التهمة في حد زاتها غير متعلقة بهدف المتهم . لانها قضية منطقية قائمة بذاتها تستوجب عليك دفعها بغض النظر عن مصدرها
مع محبتي المعلومة
|
الاشكاليه الانا شايفها هنا ... ياها قصة ( الرصانة في النقاش ) ... غير كدا أنا شايف الناس تكسب زمنها و to move on !!
البوست أصلا ما كان عن سرقات عسوم.... لانو أنا ما جبت غير حاجة حاجتين ...عينات فقط لبيان سبب من أسباب سخريتي من هذا الرجل !!
و عادل عسوم بالتأكيد ما هو الزول الوحيد البكذب... و يسرق... و يدلس... و يكابر... في سماء الاسافير السودانية ... لكنو بالتأكيد الزول الوحيد البكذب... و يسرق... و يدلس... و يكابر ثم لا يجد في نفسه حرجا إنو يتراذل على الناس بل و يقل أدبو عليهم ...و من ثم يمشي في الارض مرحا كانو ما عمل أي حاجة !!
عشان كدا مسألة مطالبة عادل باعتذار دي حيرتني جدا منكم ... عادل لو كان بشر طبيعي ...ما كان وصلنا هنا ذاتو ...و لا كان في بوست اتفتح ... و لا كان في كلام اتقال أصلا !!
و متحير جدا من كلامك يا خالد عن مصداقية عسوم الفي المحك دي !!
ياخي الجيلي ليه سنينا عددا - تبع المؤامرة الشيوعية للنيل من عسوم
- بجيب ليه سرقتو لمقال محمد زغيبة ... عسوم ما سأل فيه و لا إشتغل بيه الشغلة ...فما الجديد الان ؟!!
بعدين الزول ده ما غبيان من كلامكم ده ...لكن ما عندو رد يردو ... انتو دايرنو يعمل شنو يعني ؟!!
و الحقيقة إنو جاء و رد لبكة بكوبي بيست من واحد من بوستاتو ...و قال ليه لو عرفت منو الاشاد بالبوست ده بتقوم تقيف على حيلك
... تماما زي الزول القالو ليه سرقت البتاعة دي ليه ...قال ليهم المريخ مرشوش اتنين !!!
عشان كدا أنا شايف إنو الناس تكسب زمنها و تحاول تطلع بال moral of ما حدث ... و كل زول و قرايتو !!
ياخي في ناس هنا ...في البوست ده ذاتو ... قالو ليك ما شايفين أي سرقة أدبية و لا تدليس ...و إنو المسألة مؤامرة شيوعية للنيل من عسوم ...و إنو ده ترصد قد يؤدي لموت التواصل و المحبة في سودانيات ...ياخي في ناس كانت دايره تحرد المنتدى من شدة ما البوست ده كعب
!!
عشان كدا زي ما قلت ليكم حقو ناخد ال moral و نمشي لقدام... لكن قصة إنتظار عسوم يعتذر دي أحسن منها نرجى المريخ يتأهل بكرة !!
