اقتباس:
المشاركة الأصلية كتبت بواسطة أمين محمد سليمان
سلام يا عبدالله و عذرا على تأخير الرد
أنا ضد إنو زول يتهم زول بمذهب هو ينكره ... تماما مثل ما أنا ضد الشتائم المتبادلة في حوار و نقاش ديني ...لكن زي ما وضحت ليك و وضحو ليك اخوان تانيين - بكل أدب - إنو الكتير مما تتبنى من أراء لا يقول بها إلا الشيعة ... و ده - في تقديري - ما سوء فهم من الناس أو فهم عوام كما تقول ... لكنها حقائق يمكن التدليل عليها ... و ده ذاتو - بالنسبة لي - ما بيعني انك شيعي ...ببساطة لانك قلت انك ما شيعي و ده بيكفيني لانو ما شايف سبب انك تكذب في معتقدك و الأهم من ده ما شايف في زول عندو عندك حاجة عشان تكذب في معتقدك ... فهمت الموضوع على أساس إنك متبني رأي الشيعة في أشياء معينة و لكنك لست بشيعي !!
بالنسبة لهل كل ما يعتقده الشيعة خطأ أم لا ... اختصر ليك طريق طويل و اوريك أنا فهمي شنو ...أنا بفتكر إنو الشيعة الان دين مختلف تماما عما نحن عليه بعد لا إله إلا الله محمدا رسول الله ...و في نقاش سابق مع اخوان شيعة في س. أونلاين قلت ليهم أنا حقيقة بعتقد إنو الشيعة - تحت تحت - معتقدين إنو القران الذي بين يدينا الان محرف و إنو النسخة الصاح عندهم ... لانو ما ممكن و لا من المنطق و العقل أن تتبنى ردة الصحابة و آيات الله عنهم و عن فضلهم كان جبناها المحل ده ما بشيلها ...و ما ممكن تتبنى الوصية لسيدنا علي و الامامة و الأئمة بالفهم الشيعي ما لم تقول إنو في قران تاني فيهو هذه الأشياء واضحة جليه .... و أنا أعلم إنو في صحاح كتب الشيعة توجد نصوص منسوبة لآل البيت بتقول إنو القران محرف ...لمن تجيبها ليهم ...بقولو ليك الكلام ده ما صاح رغم إنو في الكافي للكليني مثلا و هو - كما تعلم - زي صحيح البخاري عند السنة ... هنا بتجي قصة التقية و تبقى ما عارف هل الكلام ده تقية ولا فعلا مقتنعين بانو القران ما محرف !!!
المهم النقاش ده متشعب و شايفك إنت و صديق مشيتو فيه كتير ... فقط رجاء رجاء أبعدو من الشتائم و خلونا كلنا نستفيد .
|
آامك البروف يا!
أهلاً بك مجدداً متداخلاً يثري النقاش و متابعاً حارصاً على عدم اللغط فيه.
طيب يا سيدي...
إنه أنا متبني أراء الشيعة دة أيضاً يا بروف كلام عايم ساي و ليس له معنى مفهوم!
في شنو متبني اراءهم، و لما لا أكون متفق معهم في أشياء بدل متبني أراهم دي ؟ و هي دي شنو الأراء دي ؟
زولك دة قال أنا بطعن في معاوية و دة كلام شيعة عشان كدة أنا شيعي جبته ليو سيادة الحسن البصري سيد الإسم والمكانة قال ما هو اخطر من ما قلت أنا في معاوية، والامام الشافعي قال لا يقبل شهادته و معه أربعة صحابة، والنسائي وطؤه في المسجد حتى مات لأنه قال للعامة أنه لم يصح ولا حديث واحد في فضل معاوية، و إبن أحمد إبن حنبل إستنكر على والده إدراج كلام في فضل معاوية! يا سيدي أكرمك الله وريني الأراء حقتي المتبني فيها أنا كلام الشيعة دون غيرهم دي أكون ممتن, كان حسبناها يا بروف بتلقاني سني أكتر منك و ولدنا دة
! إذا عايز تقول لي الولاية ردي جاهز و مبدئياً أقول ليك طيب ليه ما حددته إنه قصدك مسألة الولاية بدل ما نخلي الموضوع مفتوح على مصراعية كدة، أرجع لي أي بوست أنا فتحته من ما خشيت هنا جيب لي شئ بالشكل دة.
ما علينا أنا ما عايز أبقى زول مسيخ و أعلم حسن نيتك لكن ما تخليك زول دفاعي وتطلق كلام عام، كثر ذكر الشيعة هنا دة نصب و تسميم بئر يا بروف الله يرضى عليك.
أنا مسرور يا بروف انك قلتة بفتكر المره دي، كلامك دة يا عزيزي مليان مغلطاط كتيرة هو طبعاً افتراضك و أنت حر فيه لكن فقط للتنبيه والتنويه:
إذا كان على تحريف القرآن يا بروف قال به هذا الدكتور و هو من أكابر علماء السنه و لن تجد عاقلاً قال فيه بالزندقة أو الكفر و طعن فيه بما يدعي وجوب تكذيبه، أضف على ذالك إنه دة علامة له وزنه تماماً و لعلك تعرفه. المقال عندك:
http://www.alarabiya.net/views/2006/09/26/27781.html
و توسع أكثر في "مدخل إلى القرآن الكريم"
إذاً يا بروف الواحد إلا يكون عايش تحت صخرة حتى يفتكر أنه جدلية تحريف القرآن دي عند الشيعة فقط!!!!
و بالمناسبة كلام الجابري دة اخطر من أي كلام يقوله بعض غلاه الشيعة. كلام الجابري دة كلام علمي و مدروس ولا يتجرأ أن يكتب فيه إن لم يتمكن فيه من الحجة! الجابري برضة دينه مختلف يا أمين ؟
بالنسبة للصحابة، وهم كبير إنه الواحد يفتكر إنه في كلمة مفهومة اسمها "صحابة" دي كلمة متخيلة تماماً في عقول أغلب المسلمين. و بدون ما أخوض معاك كتير في جدلية "الصحبة" وال-"صحابة" و من هم أصلاً الصحابة و هل هم معصومين و هل هم درجة واحدة أم فقط كل من حام مع الرسول إسمه صحابي جليل! لأنه في صحابي كاتب وحي إرتد! و صحابة ارتكبوا أفعال تهوي بهم في الدرك الأسفل من النار لاستوفأهم كل شروط الفسق المتفق عليها سنة و شيعة ولا دينيين ذاته! كلمة صحابة هكذا "كوار" كلمة ليس لها معنى ولا حجية صدقني يا بروف، و راجع جدل عدالة الصحابة و تعريف الصحبة تشوف هزل المسألة.
أنت تفتري علي ساي حين تقول أني اتبنى نظرية الشيعة في الامامة، أنا اتبنى نظرية ما أظن أنه حق لا استطيع نكرانه. أنت لم تراه بعد يا بروف لكي تراه ما محتاج قوة خارقة محتاج إسلوب نصح به أرسطو زمان قال :"It is the mark of an educated mind to be able to entertain a thought without accepting it."
إبداء هناك و ابحث و تقصى فلحق لم يسرق تماماً بعد دة إذا حابي فعلاً تعرف الحقيقة ما عندك غير الاسلوب دة، كذالك كان اباءنا يفعلون ما بطلع أي حقايق في الدنيا دي يا بروف.
تحياتي
