UOTE=زول الله;272189]
* جانيت علاقتك بالمطبخ كيف ..الشعبيات خصوصاً
[/QUOTE]
ممتازة جدا لانو هواية بالنسبة لي غير انو انا البت الكبيرة في البيت بديت هوايتي في نهايات الثانوي ولمن جات الفترة بين الثانوي والجامعه انا كنت بعوس وافرك واطبخ
بطبخ اي صنف بس القراصة التقيلة بخاف اقلبها وبنادي امي تقلبها
الشعبيات ناس التقلية والنعيمية والسبروك والكداد والمفروك بانواعو بعرف اعملو
بس انا تخصص مشويات وفطاير وحلويات
اقتباس:
المشاركة الأصلية كتبت بواسطة زول الله
* رمضان وغسيل العدة بعد الفطور ..جواب وإقتراحات لو أمكن
|
علي انا وبس
وده المجنن بوبي والبيجيب العصبي الغريبة انو مطبخ رمضان لايخلو من العدة ابدا كل ماتدخل بتلقى حوض العدة مليان ولا يوجد اي اقتراحات العدة العليك تغسلها وخشمك صامي
والدلوعه العندي الفي البيت بتقول الجونتي بيضايقها والصابون بينشف يدينها حسما للنقة الكتيرة بغسلها انا
بس لازم لازم افتح معاها ازاعة البيت السوداني ادندن واشطف
اقتباس:
المشاركة الأصلية كتبت بواسطة زول الله
* البنيات التوائم دي أمنيتك انتي ولا أمنية العريس ؟
|
امنيتي انا وما عندها ارتباط بي الحرتبط بيه بس بتمنى انو يشاركني الامنية
ومسمياهم كمان 
اقتباس:
المشاركة الأصلية كتبت بواسطة زول الله
* العزوبية للبنات ودورها في الاستعداد للحياة الزوجية .. اقتراحات إذا أمكن
|
احلى مرحلة العزوبية مرحلة خالية من المسئوليات بتكون الواحدة بترسم لي روحها في مستقبل وردي 
اقتراحات زي المطبخ ود اساسي لانو اقرب طريق الى قلب الرجل معدتو
المسايسة والدبلوماسية في التعامل لانوبرضو وراء كل رجل عظيم امرأة 
ترتيب حياتها في شخصها تتعلم ترتب روحها وكمان ترتيب الامور المادية وترتيب حياة الحواليها لانو ما حتكون مسئولة من شخص واحد بس
وفي اقتراحات كتيرة بس شوية شوية ...............يمكن الفي البر شنو بيقولو 
