ارشيف : ضيف على مائدة سودانيات ...! - 22 -1

[أبو أماني]

المشاركة الأصلية كتبت بواسطة طارق الحسن محمد

ابو امانى الجميل
سعال واحد بس
ياخى انت بتميل لبعض العبارات
المصرية فى كتابتك
هل برضو فى كلامك موجودة
والتاثير دا جائى من وين
تشاااااااااااااااااااااو

لا تختلف معي كثيرا في إن المصريون أشقائنا أخف مننا دما وأظرف كمان .. كما أن لهجتهم محببة ومفهومة وشائعة أكثر من لهجتنا العامية أضف لذلك إن معظم علاقات النسب والمصاهرة تسود بين القطرين بصورة ملحوظة .. يعني عدد لا يستهان به من السودانيين جذورهم مصرية وأنا من هؤلاء .. عموما هذا لايمنع إنني في الواقع مكجنهم .. لعدة سلبيات في الكاريزما المصرية أز أ هول .. وبصراحة مرات بنكجنهم لتفوقهم علينا في بعض المجالات يلا تشششااااوووو

[أبو أماني]

المشاركة الأصلية كتبت بواسطة فتحي مسعد حنفي

تعرف يابو أماني أنا لما كنت قاعد في بيتكم عاينت ليك ولي أم أماني وقلت في سري قادر ألله اللم الشامي علي المغربي لكن الحاجات دايما بتكون سالب وموجب..صورة وعفريتة...جبنة وزيتون حتي الخواجات عملو ويسكي..black&white يعني انت ما فلتة زمان بل مثال لما يجود به الزمان علي المانات الزيك..
عشان كدا يالحبيب أشعارك في توأم روحك حالة طبيعية مادام الالهام جاييك من الطرف الآخر يعني أم أماني هي الكتبت الكلام الجميل دا بي وحيها..
خودا حافظ يارفيق

فتحي مسعد (أعصابك) حاول تخفي غيرتك شوية ..وبطل تجديف .. يا أخي بدل تقعد تهاجم فيني عمال على بطال ..ما تحذو حذوي وتقلدني .. أسع دي مثلا أنا الفقير لله تعالى ده كتبت في زوجتي يجي تلطاشر قصيدة..منها الولعت فيك نار دي .. كدي يا سليل الشعراء الأماجد ويابن الشاعر الفذ العم مسعد رحمه الله وريني قلت شنو في أم أحمد وألآء والتي هي بلا شك أحق من أم أماني بالمدح .. لصبرها طول هذه السنين على ( بلوى مسيحة ) زييك ؟؟؟ يلا تشاووو

ملحووووزة ود مخير :-

فتحي ما تنسى قبال تشرع في الرد على..بلع حبوب الدغت وبالمرة قيس السكري ..

[أبو أماني]

المشاركة الأصلية كتبت بواسطة زول الله

ابوأماني مساك الله بالخير والنور

* اسمع انت جيت البيت دا كيف ومين الهداك ليهو وهل لديك عضوية في بيوت اخرى؟؟
- اغلب الناس بتاخد انطباعا عن الآخرين من النظرة الأولى أو اللقاء الأول ..
*السؤال: انطباعك عن ناس سودانيات قبل تشوفهم وبعد داك ؟

* رأيك في جملتين ..
1/ خالد الحاج
2/ طارق الحسن
3/ فتحي مسعد حنفي
4/ سمراء
5/ سارة
6/ جانيت
7/ فيصل سعد
8/ عكود
9/ الأمين العام النور
10/ معتصم الطاهر
11/ بابكر مخير
12/ عبدالعزيز عبدالله
13/ رأفت ميلاد
14/ نبراس الدمرداش
15/ بدرالدين اسحق


اجيك تاني ؟؟؟؟

سمح












اقول قولي هذا واستغفر الله لي ..................

[color=#8B0000]* اسمع انت جيت البيت دا كيف ومين الهداك ليهو وهل لديك عضوية في بيوت اخرى؟؟
جيت تينقيش تينقيش بكرعي .. وهداني ليهو الحبيب الغالي هاشم قبل حوالي سنة من إلتحاقي و نعم لدي عضوية عديدة في بيوت عدة ..
- اغلب الناس بتاخد انطباعا عن الآخرين من النظرة الأولى أو اللقاء الأول ..
*السؤال: انطباعك عن ناس سودانيات قبل تشوفهم وبعد داك ؟
* رأيك في جملتين ..[/0color]
1/ خالد الحاج : لم نلتقي وإنطباعي عنه إنه رجل ودود يسعى جاهدا لعمل موازنة عادلة بين كونه مالكا للموقع .. وعضووا فيه .. له التحية والتقدير ..
2/ طارق الحسن : لم نلتقي بعد ولكني أحسبه رجل ظريف تتمنى معرفته لا يخلو من جمجرة !
3/ فتحي مسعد حنفي : إلتقيته (بكل أسف)! أو بالأحرى لسؤ حظه .. الخصه لك في كلمتين ( شماسي أورستوقراطي)
4/ سمراء البنت الحديقة فهي تحمل من كل حديقة زهرة .. حفظها الله
5/ سارة: بنت وأخت وأم وحبيبة وزوجة تتمناها.. وفي أحيان كثيرة..أخ ملء السمع والبصر
6/ جانيت : مزبج من الأصل والأدب والعلم وخفة الدم والروح وال (ثماحة) السؤال المحير الرجال.. وين؟؟ ما تقولوا لي مشوا كندا..
7/ فيصل سعد: ود العم البزيل الغم .. إنشاء الله من الغربة يا ود أمي تنجم .. قول آمين
8/ عكود ؛ نموذج رائع متكامل للسوداني ود البلد الأصيل .. ولو عمل باروكة فتحي مسعد تعب والجيكس كلو حيفتح ليو ويحول لعكود .. كدي جرب الباروكة يا عكود !
9/ الأمين العام النور: إلتقينا بالسودان زيارته الأخيرة .. وهو رجل حبوب صافي النية والسريرة .. لاحظت عليه لحظات شرود وسرحان .. من آثار (شاكوش قديم) على ما أظن.
10/ معتصم الطاهر: شخصية لاتمل الجلوس معها والحديث إليها .. ظريف وبشوش ..
11/ بابكر مخير : يكفي إن كل بنية بتقول ليو يا أبوي ..وكل زول بيقول ليو يا الحبيب أها تاني في شنو كمان فضل ؟؟
12/ عبدالعزيز عبدالله : بشوف في عزوز شبابي والغريبة يا زول الله كل ما أشوف عبعزيز بتذكر المرحوم إبني البكر رامي رحمه الله .. تسلم يا أبو عبد الله
13/ رأفت ميلاد : أول من رحب بي في سودانيات .. يحمل قلب وليد وعقل شيخ وقور .. وفتوة فارس وجاذبية تؤثر فعاليتها في الجنسين !!!
14/ نبراس الدمرداش: شبه البنيات و (عزة)السودان وعمة زي تيجان فوق رؤوس الأخوان .. وبنتي التي لم أنجبها ..!
15/ بدرالدين اسحق : لم نلتقي .. ولكني أحسبه (كوز) يحاول جاهدا للتخلص من الأذن الوحيدة الموجوده به .. له خالص المعزة والتقدير ..

اجيك تاني ؟؟؟؟ جاي تعمل شنو؟ عليك الله خليني ..خلاس طلعة روحي.. يلا تشششاااووو

[أبو أماني]

اقتباس:
المشاركة الأصلية كتبت بواسطة أبو أماني
(1) ينسف مين يا عم .. خليو ينسف السفة الفي خشمو دي بالأول .. ده مياس ..!

(2) هذه حقيقة لا يتناطح عليها عنزان .. تسلم !!

(3) معليش في دي مخي تخين! أرجو التوضيح .. حقيقي ما فهمتها وحسن النية متوفر!!

(4) بخصوص الأصل ده .. أنا بتفرج بس يبدو إنك تعرف فتحي أكثر ..!!

في كل الأحوال لك خالص معزتي .. يلا تشششاااووو



(أنتم هؤلاء) أعلاه مقصود بها هنا الزميل طارق محمد الحسن تحديدا ! وهو في المداخلة التي رد فيها على الأخ فتحي مسعد أورد ضمنها كلمة (بتشحدها) ثم أعقبها بثلاث علامات إستفهام؟ ثم ال .. ههههههههه..!!!

حيث إن الطرف النسائي الوحيد في المداخلة هو زوجتي المصون حفظها الله من كل سؤ فمن حق كل من يقرأ تلميح طارق هذا أن ينسب الفعل لها .. وعندما خدشت الكلمة الغريبة الغير مبررة أذني ثم كرامتي!!.. لم أشاء أن أتهمه أو أجرمه وعملت بحسن النية ومنحت طارق فرصة للتفسير والدفاع عن مقصده إن كان شريفا .. ولكن خذلني بتجاهله التام لما ألمحت إليه وهو يملك فرصة الإدعاء أو الجزم بأنه (لم يرى أو يشاهد ماكتبته)! وهو أمر مردود عليه إن حدث فهذا هو اليوم الثالث .. وأجزم أنا غيبا وعن يقين بأنه شاهدها وطنش ربما عامدا .. الله أعلم .. عموما هذه فرصة أخيره له لتبرير أو إثبات التهمة التي أوجهها إليه علنا وهي التهكم واللغو في عرض وشرف زوجة من يفترض فيه أن يكون أخا أو زميلا .. وإن واصل التطنيش .. فلكل مقام مقال .. أقول قولي هذا وأستغفر الله لي (وله) ولكم .. وإن لم تعودوا عدنا يا .. طارق ..!!!

[فتحي مسعد حنفي]

المشاركة الأصلية كتبت بواسطة أبو أماني

اقتباس:
المشاركة الأصلية كتبت بواسطة أبو أماني [

(أنتم هؤلاء) أعلاه مقصود بها هنا الزميل طارق محمد الحسن تحديدا ! وهو في المداخلة التي رد فيها على الأخ فتحي مسعد أورد ضمنها كلمة (بتشحدها) ثم أعقبها بثلاث علامات إستفهام؟ ثم ال .. ههههههههه..!!!

حيث إن الطرف النسائي الوحيد في المداخلة هو زوجتي المصون حفظها الله من كل سؤ فمن حق كل من يقرأ تلميح طارق هذا أن ينسب الفعل لها .. وعندما خدشت الكلمة الغريبة الغير مبررة أذني ثم كرامتي!!.. لم أشاء أن أتهمه أو أجرمه وعملت بحسن النية ومنحت طارق فرصة للتفسير والدفاع عن مقصده إن كان شريفا .. ولكن خذلني بتجاهله التام لما ألمحت إليه وهو يملك فرصة الإدعاء أو الجزم بأنه (لم يرى أو يشاهد ماكتبته)! وهو أمر مردود عليه إن حدث فهذا هو اليوم الثالث .. وأجزم أنا غيبا وعن يقين بأنه شاهدها وطنش ربما عامدا .. الله أعلم .. عموما هذه فرصة أخيره له لتبرير أو إثبات التهمة التي أوجهها إليه علنا وهي التهكم واللغو في عرض وشرف زوجة من يفترض فيه أن يكون أخا أو زميلا .. وإن واصل التطنيش .. فلكل مقام مقال .. أقول قولي هذا وأستغفر الله لي (وله) ولكم .. وإن لم تعودوا عدنا يا .. طارق ..!!!

تعرف يابو أماني الزول لامن الزول يكون شين زيك وكمان حالك السواد وفوق دا يكون مخرف دي بتكون عوجة كبيرة ما ليها علاج..
عليك الله دا كلام شنو الكاتبو فوق دا والقعدت تلاتة يوم تتحاوم عشان تلقي الشجاعة تقولو وتبين عقدتك الأصلية..طوالي فسرتها بي عقلك الزنخ وعملت لينا فيها مؤنث ومذكر وقمت فهمت كل شيئ غلط مع انو القاصدو طارق واضح ولو في زول مفروض يزعل بكون أنا ياذكي الحلة..
الراجل دا بخاطبني وقال علي حلبي لئيم وبس ثم أردفها بي كلمة وتساؤل بتشحدا؟؟؟ وهنا المقصود اللآمة يالحبيب الهي جزو مني ما محتاج أفتش ليها ولا أشحدا..فهمت يابو مخ زي وشكهسة عليك الله تفتكر الدار في عقلك دا ممكن يخطر علي بال طارق ولا حتي يفكر فيهو..
أنا الأستغفر الله لك يامرتد:p

[أبو أماني]

اقتباس:
المشاركة الأصلية كتبت بواسطة فتحي مسعد حنفي
تعرف يابو أماني الزول لامن الزول يكون شين زيك وكمان حالك السواد وفوق دا يكون مخرف دي بتكون عوجة كبيرة ما ليها علاج..
عليك الله دا كلام شنو الكاتبو فوق دا والقعدت تلاتة يوم تتحاوم عشان تلقي الشجاعة تقولو وتبين عقدتك الأصلية..طوالي فسرتها بي عقلك الزنخ وعملت لينا فيها مؤنث ومذكر وقمت فهمت كل شيئ غلط مع انو القاصدو طارق واضح ولو في زول مفروض يزعل بكون أنا ياذكي الحلة..
الراجل دا بخاطبني وقال علي حلبي لئيم وبس ثم أردفها بي كلمة وتساؤل بتشحدا؟؟؟ وهنا المقصود اللآمة يالحبيب الهي جزو مني ما محتاج أفتش ليها ولا أشحدا..فهمت يابو مخ زي وشكهسة عليك الله تفتكر الدار في عقلك دا ممكن يخطر علي بال طارق ولا حتي يفكر فيهو..
أنا الأستغفر الله لك يامرتد:p



اللهم اجعلنا من الذين يسمعون القول فيتبعون أحسنه .. ومن القول مايرد فيه ضمير الغائب المؤنث كما جاء سلفا في كلمة بتشحدها..قد يصوغها بهذه الكيفية وهو يقصد لآمتك المشهود بها على كل لسان وأنا أثق في طارق شخصيا حسب حسن ظني ولكن من بأنفسهم مرض ولايتبعون القول الكريم أعلاه قد بل حتما سينسبون وبكل خبث الضمير للمؤنث الآخر وما أثار حفيظتي وهاجسي هذا الإحتمال في تفسير كل إمرئ على حسب هواه فسارعت بطلب وضع النقاط فوق الحروف (وبدون إتهام) وطلبت من الأخ طارق التوضيح .. ولا أظن إن ما فعلت يستحق أن تتهم أخيك الأصغر بالخرف والمخ الزنخ .. فتحي .. طارق .. لا أظن أن فيكما من يتقبل بحقه أو حرمه قولا يحتمل التأويل..عموما من حق الأخ طارق أن يتجاهل الرد إن لم يلق بالا للأمر أو صاحبه .. وشكرا لفتحي مسعد على محاولة رأب الصدع أو إزالة سؤ التفاهم والتصدي بالرد إنابة عن طارق وهو موجود .. سلام ..

[طارق الحسن محمد]

اقتباس:
المشاركة الأصلية كتبت بواسطة أبو أماني
(1) ينسف مين يا عم .. خليو ينسف السفة الفي خشمو دي بالأول .. ده مياس ..!

(2) هذه حقيقة لا يتناطح عليها عنزان .. تسلم !!

(3) معليش في دي مخي تخين! أرجو التوضيح .. حقيقي ما فهمتها وحسن النية متوفر!!

(4) بخصوص الأصل ده .. أنا بتفرج بس يبدو إنك تعرف فتحي أكثر ..!!

في كل الأحوال لك خالص معزتي .. يلا تشششاااووو

(3) بتشحدها

قصدت يا جميل انه لئيم جينينا
ومافى حوجة انه يشحد او يستلف اللؤم



واخوك ما ( جمجار ) ياود بمبة

[طارق الحسن محمد]

يا حبيب
والله انا كل الكلام الفوق دا انا ما قريتو
ومرة فتحى لمح لى فى بوست
انه ارجع ارد هنا
ودى اول مرة ادخل البوست دا
من يوم ما سالتك
فانا اسف اذا فسرت كلامى بغير
معناه
والله لم اطنشك ولا استطيع
فانت اخ عزيز جدا
اكرر اعتذارى

[طارق الحسن محمد]

شغل الف والله


نسفت ابو امانى من جذوره


حلبى

لئيم

وبس
بتشحدها

؟ ؟


! ! !


من اصلك




ههههههههههههههههههههه

واضح انه

المخاطب هنا فتحى

[أبو أماني]

اقتباس:
المشاركة الأصلية كتبت بواسطة طارق الحسن محمد
يا حبيب
والله انا كل الكلام الفوق دا انا ما قريتو
ومرة فتحى لمح لى فى بوست
انه ارجع ارد هنا
ودى اول مرة ادخل البوست دا
من يوم ما سالتك
فانا اسف اذا فسرت كلامى بغير
معناه
والله لم اطنشك ولا استطيع
فانت اخ عزيز جدا
اكرر اعتذارى



الحبيب طارق أبو الحسن .. لك تحيتي وخالص إعتذاري على مابدر بتلك الشاكلة ولكن كان لزاما على (الإستقصاء والمراجعة) منعا للتأويل.. وكنت منتظر نفس ردك المهذب المتجاهل لكل تحاملي عليك والذي يفيض تهذيبا كمصدره.. طب نفسا يا عزيزي .. مثلما طبت أنا نفسا وحبور لرائع ردك .. تحياتي بث قبال أمشي .. زعلان لأني إكتشفت إنو الليمبي قصدي فتحي مسعد بحبك أكتر مني يـــلا.. تشششاااووو

[طارق الحسن محمد]

والله كلكم اعزاء وكرام
طيبون و الكلام والحديث معكم
كم هو ممتع وجميل
كن طيبا دائما وبالف خير
وتحت تحت
بحبك اكتر من فتحى انا
اها شن قولك

[فتحي مسعد حنفي]

المشاركة الأصلية كتبت بواسطة طارق الحسن محمد

والله كلكم اعزاء وكرام
طيبون و الكلام والحديث معكم
كم هو ممتع وجميل
كن طيبا دائما وبالف خير
وتحت تحت
بحبك اكتر من فتحى انا
اها شن قولك

واللاي ياطارق جاتني كلمة في طرف لساني كنت داير أفكها في الكي بورد لكن خفت اترفد بي سبب شرعي..لكن كدي فكر فيها وأصرفا لي روحك ولي أبو أماني

[طارق الحسن محمد]

اقتباس:
المشاركة الأصلية كتبت بواسطة فتحي مسعد حنفي

واللاي ياطارق جاتني كلمة في طرف لساني كنت داير أفكها في الكي بورد لكن خفت اترفد بي سبب شرعي..لكن كدي فكر فيها وأصرفا لي روحك ولي أبو أماني




وصلتنى
وصرفتها
لابو امانى

[أبو أماني]

اقتباس:
المشاركة الأصلية كتبت بواسطة طارق الحسن محمد
اقتباس:
المشاركة الأصلية كتبت بواسطة فتحي مسعد حنفي

واللاي ياطارق جاتني كلمة في طرف لساني كنت داير أفكها في الكي بورد لكن خفت اترفد بي سبب شرعي..لكن كدي فكر فيها وأصرفا لي روحك ولي أبو أماني




وصلتنى
وصرفتها
لابو امانى





وصلت الكلمة وماها كلمة واحده .. كلمتين !.. بث في ظمتك بتقدر على الكلام معقول تقدر على اللتنين ؟؟؟ .. عامل فيها ذكي .. عليك الله يا طارق شوف مغسة الحلب دي .. البركة في بابكر مخير المنعني أسحب منو الجنسية .. الللللول ...

[زول الله]

اقتباس:
المشاركة الأصلية كتبت بواسطة فتحي مسعد حنفي

واللاي ياطارق جاتني كلمة في طرف لساني كنت داير أفكها في الكي بورد لكن خفت اترفد بي سبب شرعي..لكن كدي فكر فيها وأصرفا لي روحك ولي أبو أماني



ابوالفتوح ياخ ماسمعت بالحلفاوي المشى الحج شايل معاو قُـفة مليانة ورق صُغار ومطبق ؟؟
ياها زاتا مش؟؟











اقول قولي هذا واستغفر الله لي ...................