تلفزيون سودانيات ـــــ بسم الله نبدأ

[ناصر البهدير]

شكرا الحبيب ناصر...
والدعوة خليها تجي مني ...
ببساطة دخولي السعودية عاوز تأشيرة
وابق مارق ومنتظرك في الكبري بدون كاميرا

[عكــود]

المشاركة الأصلية كتبت بواسطة ناصر البهدير

سلامات إلى صاحب المشروع.... ناصر وإخوته
اكتر من 5 ساعات أمس الثلاثاء 17 يونيو لايص افتح دا واخلي دا واجري على داك وكدا.. القصة لما الزمن روح وخليت شغلي .. لكن بيني وبينكم يستحق اكتر من كدا والله يدينا الزمن ونتابع بالجد ونشوف كل العوالم التي تعرفنا على مجتمع سودانيات اكتر من قريبو الاغرب لقيتي ود عمتي ضيف محكر ويا الله عليك يا هيثم الاكدت لي عظمة جميلنا حميد الله عليه الشجرة التي اتسعت لكل انسان ونفسي اكتب عن بعض ما جري بيني وبينه لكن انا ما شاعر زيك يا جميل فقط جمعتنا محبة الشعر وانسانيته الخالدة (الكلام ليك يا هيثم) عشان ناصر يوسف ما يخطفو ويلفحو ويجربيو محل تاني!!.. ناصر عندي ليك فكرة واضافة للمشروع وخليها في سؤال.. ما المانع بعد البداية السمحة دي انك انو الناس تبدا كعمل جماعي في التوثيق لبعض الناس العاديين ولهم دور في حياة الجميع.. وخلو هيثم الشفيع يبدا ليكم مع والده الجميل وصاحب تجربة ثرة في الحياة وفي حوش الشرطة وعمي بحب السياسة وخطير في تحليلاتو!
بالجد سعيد اني القى اشياء ما كنت احلم بيها ويمكن قربت لي المسافة خاصة الحكي عن سودانيات من كم عضو وخاصة عمي ناصر ورفيق دروبي ونصرتي هنا طبعا...
جد كنت مندهش من فكرة المشروع وتنفيذو رغم اني ما بحب حاجة اسمها التلفزيون خالص وما عندي بيهو اي علاقة سوى مشاهدة بعض الافلام الوثائقية ودا ذاه الا القى ليها فرصة وزمن... كنت متخيل الفكرة منصبة في فكرة برامج تلفزيونية متنوعة زيها وزي بتاعت ناس قريعتي راحت العاوزة تدخلنا جحر الضب ديك...
المهم احي جميع الذين كانوا ورا الفكرة وتنفيذها ونسأل الله ان نكون معكم بالمشاهدة والمشاركة..

سلام يا ود البهدير،

ما قام به ناصر يوسف شئ يدعو للإعجاب، ويعتبر فوت بالنسبة للمنتديات الأخرى.
أتمنى أن نقدر تلفزيون سودانيات حق قدره، وأن نحفظ الفضل، من بعد الله، لناصر ولمن شارك في الحوارات والتسجيلات، و
سودانيات عالم من التواصل والمحبة، ليست شعاراً فقط.

أثني بقوة:

ما المانع بعد البداية السمحة دي انك انو الناس تبدا كعمل جماعي في التوثيق لبعض الناس العاديين ولهم دور في حياة الجميع.. وخلو هيثم الشفيع يبدا ليكم مع والده الجميل وصاحب تجربة ثرة في الحياة وفي حوش الشرطة وعمي بحب السياسة وخطير في تحليلاتو!

لتكن البداية مع والد هيثم، وتستمر السلسلة.
وناصر يوسف لها.

برضك لا تهمل إقتراح ناصر في مداخلتو السابقة بقطعك الكوبري واللقاء.

تحياتي.

[ناصر البهدير]

اهلا وسهلا عكود..
سلام الله عليك...
التجربة فريدة وفي بداياتها وعاوزة وقفة بنفس واحد من الجميع وناصر خت المدماك الأول والباقي مشاركة جماعية حتى يستمر المشروع خاصة في ظل توفر الميديا الساهلة...
دعوة ناصر مشكور عليها فقط دخولي للسعودية صعب للغاية الا اجراءات عمرة او حج او زيارة ودي ذاته مرات تاخد زمن طويل عشان تقدر تدخل ودا جزء من الحكاية والباقي رسلتو ليهو في الخاص وعلى الايميل.. عموما جيتو لي ساهلة جدا وما بتاخد منو اي اجراءات طالما هو في السعودية...

[ناصر يوسف]

المشاركة الأصلية كتبت بواسطة ناصر البهدير

شكرا الحبيب ناصر...
والدعوة خليها تجي مني ...
ببساطة دخولي السعودية عاوز تأشيرة
وابق مارق ومنتظرك في الكبري بدون كاميرا

ياخي نحن ما ناس عُمرَه ساي ياخ ،،، كبري شنو الحأقدر أعبروا يا الحبيب

إنت قايلني مُقيم في السعوديه بنين ولا شنو

ههههههههه

المشاركة الأصلية كتبت بواسطة عكــود

سلام يا ود البهدير،



أثني بقوة:

لتكن البداية مع والد هيثم، وتستمر السلسلة.
وناصر يوسف لها.

برضك لا تهمل إقتراح ناصر في مداخلتو السابقة بقطعك الكوبري واللقاء.

تحياتي.

المشاركة الأصلية كتبت بواسطة ناصر البهدير

اهلا وسهلا عكود..
سلام الله عليك...
التجربة فريدة وفي بداياتها وعاوزة وقفة بنفس واحد من الجميع وناصر خت المدماك الأول والباقي مشاركة جماعية حتى يستمر المشروع خاصة في ظل توفر الميديا الساهلة...

عموما جيتو لي ساهلة جدا وما بتاخد منو اي اجراءات طالما هو في السعودية...

بالفعل المشروع محتاج لوقفة متكامله من الجميع

والمسأله كما تفضلت إنت ،،، بسيطه

طيب يا ناصر ،،

وكتين ما حنقدر نتلاقي ونصور معاك

من هسي دي تعمل إتصالاتك وتشوف ليك أي مُصور يجيب كاميرتو ويختها قدامك

سَجِل لينا أي شئ عن ناصر البهديري ،، من ناصر البهديري ،، عن دولة البحرين ،، عن حياة السودانيين هناك ،،،

مع علم من الأعلام السودانيه هناك ،،، عن أي تجربة إنسانية حياتية ممكن تُضيف للناس بعض الوعي


أي كاميرا بتعمل بشريط DVCAM

وترسل لي الشريط هنا في السعودية بالنقل الجماعي لو ما لقيت ليك أي زول من معارفك جاي علي السعودية قبل الخامس من رمضان القدامنا ده

وكل سنه وإنت طيب ياخ

[ناصر البهدير]

سلامات ناصر يوسف..
بالله السعودية عندك بنين.. انت هناك وشايل فرارك في حطب البلد.. اعمل حسابك ما تلحق لسان الثورة المأجور...
لا عليك أيام الله كتار إن مد في العمر وبنتلاقى ونتلاقى..
نعدك بالغالي والنفيس إن ندعم المشروع وعلى الرحب والسعة..
بالضرورة التسجيل ان يكون بكاميرا تعمل بشريط DVCAM أم من الممكن أن يكون التسجيل على كاميرا رقمية عادية .. واذا كان ممكنا لدي كاميرا رقمية صغيرة تعمل فوتو غراف وفيديو وتصويره نظيف ومجربه..
وعمرة مقبولة

[ناصر يوسف]

المشاركة الأصلية كتبت بواسطة ناصر البهدير

سلامات ناصر يوسف..
بالله السعودية عندك بنين.. انت هناك وشايل فرارك في حطب البلد.. اعمل حسابك ما تلحق لسان الثورة المأجور...
لا عليك أيام الله كتار إن مد في العمر وبنتلاقى ونتلاقى..
نعدك بالغالي والنفيس إن ندعم المشروع وعلى الرحب والسعة..
بالضرورة التسجيل ان يكون بكاميرا تعمل بشريط DVCAM أم من الممكن أن يكون التسجيل على كاميرا رقمية عادية .. واذا كان ممكنا لدي كاميرا رقمية صغيرة تعمل فوتو غراف وفيديو وتصويره نظيف ومجربه..
وعمرة مقبولة

التصوير بأي كاميرا ممكن يا ناصر

بس الماده المُصوره دي حتصلني مِنك كيف ؟؟

أبقي طيب يا طيب

[ناصر يوسف]

الاهل الكرام تحية طيبة وبعد

تم بحمد الله حتي اللحظه

تسجيل خمسة حلقات تلفزيونية مع خمسة أعضاء من أهل سودانية بالمملكة العربية السعوديه

مكة المكرمة بدر الدين الطائف
مكة المكرمة فخري الزين

الدمام أبو ريم
الدمام جمال تاج السر

وقبل دقائق انتهينا من تسجيل حوار بالرياض مع الزميلة مشتهي الجيلي بادي

[ناصر يوسف]

لكل بورداب الرياض
تحية طيبة

انا وكاميرا تلفزيونكم تلفزيون سودانيات الان في الرياض
وحاغادر الي جده مساء الاربعاء

دعونا نلتقي لنواصل تسجيل ما قد ينفع الناس كبرامج تلفزيونيه

سيقوم الاخ اسامه عبد الماجد بالتنسيق معكم

[ناصر يوسف]

باكر ،، كاميرا تلفزيون سودانيات حتحل ضيفة علي ( جمعية الخطوه السودانيه بالرياض)
وهي جمعية أُنشئت لمساعدة أطفال السودانيين بالسعودية ،، من ذوي الإحتياجات الخاصة

هذه الجمعية من أوجب الواجبات علينا ان نُسَلِط عليها الضوء


الجمعه سيكون هناك لقاءا جامعاً لبورداب الرياض بمشيئة الله

دعواتكم لنا بالتوفيق

[ابوريم]

شكرا ناصر يوسف على المجهود الضخم القاعد تقوم بيه، التوثيق والارشفة دي حتفيد اجيال لي قدام.
...
الاخ ناصر البهدير من البحرين لك التحية، بامكاني الحضور الى البحرين عندما تقوم باكمال التسجيل ومن ثم ارسال الشريط لناصر يوسف.
تلفوني حيجيك في الخاص

[ناصر البهدير]

المشاركة الأصلية كتبت بواسطة ناصر يوسف

التصوير بأي كاميرا ممكن يا ناصر

بس الماده المُصوره دي حتصلني مِنك كيف ؟؟

أبقي طيب يا طيب

سلامات ناصر...
تمام لكن سنعمل على التصوير بكاميرا احترافية كما تود انت اذا تيسرت الأمور
تصلك وستصلك ومافي اي مشكلة في وصولها والاخ ابو ريم اضافة وحل للمشكلة كما ترى.. وانتظرني فقط...
وشكرا جزيلا

[ناصر البهدير]

المشاركة الأصلية كتبت بواسطة ابوريم

شكرا ناصر يوسف على المجهود الضخم القاعد تقوم بيه، التوثيق والارشفة دي حتفيد اجيال لي قدام.
...
الاخ ناصر البهدير من البحرين لك التحية، بامكاني الحضور الى البحرين عندما تقوم باكمال التسجيل ومن ثم ارسال الشريط لناصر يوسف.
تلفوني حيجيك في الخاص

حبابك ابو ريم
وصل التلفون وانتظرني ريثما نبدأ ويكتمل التصوير
وشكرا جزيلا

[ناصر يوسف]

المشاركة الأصلية كتبت بواسطة ابوريم

شكرا ناصر يوسف على المجهود الضخم القاعد تقوم بيه، التوثيق والارشفة دي حتفيد اجيال لي قدام.
...
الاخ ناصر البهدير من البحرين لك التحية، بامكاني الحضور الى البحرين عندما تقوم باكمال التسجيل ومن ثم ارسال الشريط لناصر يوسف.
تلفوني حيجيك في الخاص

المشاركة الأصلية كتبت بواسطة ناصر البهدير

سلامات ناصر...
تمام لكن سنعمل على التصوير بكاميرا احترافية كما تود انت اذا تيسرت الأمور
تصلك وستصلك ومافي اي مشكلة في وصولها والاخ ابو ريم اضافة وحل للمشكلة كما ترى.. وانتظرني فقط...
وشكرا جزيلا

المشاركة الأصلية كتبت بواسطة ناصر البهدير

حبابك ابو ريم
وصل التلفون وانتظرني ريثما نبدأ ويكتمل التصوير
وشكرا جزيلا

ياها المحريه فيكم وماكم مشحودين عليها يعلم الله

شكرا ابوريم علي كرم الضيافه وشكرا لمساعدة اخونا ناصر في البحرين

شكرا ناصر البهديري

شكرا سودانيات

[الجيلى أحمد]

سلامات ياكونفو باندا
وأريتك طيب

عندى مجموعة بتاعت تصاوير فيديو متعلقة بالاقلاع والهبوط فى المطارات..
جن منى انو أغلب الرحلات كنت بسجل فيها الاقلاع والهبوط.. بعضها سيئ التسجيل والبعض بحالة جيدة.. كنت مدخرا لكتابة تفصيلية حولها فى المشلعيب لكن أفتكر انها بتكون أفضل فى تلفزيون سودانيات..

أها يااخى أشرح لينا طريقة التنزيل كيف

[ناصر يوسف]

المشاركة الأصلية كتبت بواسطة الجيلى أحمد

سلامات ياكونفو باندا
وأريتك طيب

عندى مجموعة بتاعت تصاوير فيديو متعلقة بالاقلاع والهبوط فى المطارات..
جن منى انو أغلب الرحلات كنت بسجل فيها الاقلاع والهبوط.. بعضها سيئ التسجيل والبعض بحالة جيدة.. كنت مدخرا لكتابة تفصيلية حولها فى المشلعيب لكن أفتكر انها بتكون أفضل فى تلفزيون سودانيات..

أها يااخى أشرح لينا طريقة التنزيل كيف

ابشلاليف كيفنك يا ضراعي واريتك طيب ورمضان كريم عليكم في مانشستركم ياخ

حابعت ليك الباسويرد الخاص بقناة تلفزيون سودانيات برسالة خاصة

الخطوات

مقطع الفيديو لازم يكون باي امتداد من الامتدادات بتاعة ناس اليوتيوب
تعمل للفيديو ابلودنق علي القناة
بعد نهاية الابلودنق تضغط علي ايقونة ببلش عشان يكون عام وكل زول ممكن يشاهده
تفتح الفيديو وتعمل كوبي للرابط
وتجي تنزله هنا ده

وبس

اديني دقايق بس وابعت ليك الباسويرد يا حبوب