فطرنا بحمد الله .. سودانيات بالفعل تواصل ومحبة

[ناصر يوسف]

المشاركة الأصلية كتبت بواسطة معتصم الطاهر

سلام


و بعدين الشكلة تستمر حتى الاحضان و المقالدة ..

ياخي المقالده والاحضان ابدا ما بتغيب بفعل الحردي ولا غيرو

أهي سودانيات .. الواحد يحرد يفوت وفي جواه شئ من حتي
وشئ من حتي دي خت تحتها عشرات الخطوط الحمراء يا باش
كلنا حردنا .. زعلنا .. وقفنا ..
7 شهور عجاف كانت الوقفه الإختياريه ولا الما إختياريه ما عارفها
كنت يومييييييييا بفتح سودانيات .. اقراها بألم شديد

وتاني جيت عملت صاين إن

عارف ليه يا باش ؟

لأنو وبكل بساطه ..








سودانيات ياها بيتي وناسي وأهلي
وياها أمانه في الذمه .. أمانة خالد ربنا يرحمه ويغفر ليه

خليهم يا باش .. هم قاعدين بتابعوا في بيتهم ده بكامل المحبة صدقني

وحيجوا راجعين

وتبقي سودانيات ... المنبر المحترم .. البيت الوسيع .. الحوش الكبير

عالم من التواصل والمحبة حقيقي وليس مجرد شعار

[معتصم الطاهر]

المشاركة الأصلية كتبت بواسطة ناصر يوسف

ياخي المقالده والاحضان ابدا ما بتغيب بفعل الحردي ولا غيرو

أهي سودانيات .. الواحد يحرد يفوت وفي جواه شئ من حتي
وشئ من حتي دي خت تحتها عشرات الخطوط الحمراء يا باش
كلنا حردنا .. زعلنا .. وقفنا ..
7 شهور عجاف كانت الوقفه الإختياريه ولا الما إختياريه ما عارفها
كنت يومييييييييا بفتح سودانيات .. اقراها بألم شديد

وتاني جيت عملت صاين إن

عارف ليه يا باش ؟

لأنو وبكل بساطه ..








سودانيات ياها بيتي وناسي وأهلي
وياها أمانه في الذمه .. أمانة خالد ربنا يرحمه ويغفر ليه

خليهم يا باش .. هم قاعدين بتابعوا في بيتهم ده بكامل المحبة صدقني

وحيجوا راجعين

وتبقي سودانيات ... المنبر المحترم .. البيت الوسيع .. الحوش الكبير

عالم من التواصل والمحبة حقيقي وليس مجرد شعار

يا ناصر
نحرد ليه ... سبعة شهور
زعلة تستمر سبعة شهور دى قوية
نجي نناقشها ..

[ناصر يوسف]

المشاركة الأصلية كتبت بواسطة معتصم الطاهر

يا ناصر
نحرد ليه ... سبعة شهور
زعلة تستمر سبعة شهور دى قوية
نجي نناقشها ..

ما ظنيتها حتحاج يا باش
أهو نحرد .. نزعل .. نمشي ونجي
نغلط ... نجي نعتذر

وتبقي سودانيات ياها سودانيات

وطالما ساس البيت قوي وسليم ومتين

يبقي مافي اي خوف علي الطوابق العليا ولا مو كدي يا هندسه ؟

[معتصم الطاهر]

المشاركة الأصلية كتبت بواسطة ناصر يوسف

وطالما ساس البيت قوي وسليم ومتين

يبقي مافي اي خوف علي الطوابق العليا ولا مو كدي يا هندسه ؟

ما عاوز أقول منو و منو الساس و منو الراس و منو الركن و منو الأمينة و منو الشعبة و منو المِرق ..


عشان كدا فقد اى فرد هو مشكلة ..

الناس دى ما مشت الفيس عشان خفيف
مشت لموقف ..

[عكــود]

سودانيات بمن حضر،
فكفى إستجداءً

[ناصر يوسف]

المشاركة الأصلية كتبت بواسطة معتصم الطاهر

ما عاوز أقول منو و منو الساس و منو الراس و منو الركن و منو الأمينة و منو الشعبة و منو المِرق ..


عشان كدا فقد اى فرد هو مشكلة ..

الناس دى ما مشت الفيس عشان خفيف
مشت لموقف ..

نعم يا باش كل زول بمشي علي موقف ما
والمواقف بتختلف من شخص لآخر
وصدقني يا باش ماها مشكله كبيره غياب البعض او حضورهم

ببقي الاصل موجود .. ساسو متين

والساس ده ياهو خالد الحاج وإنت وانا وندي شارف وحمدي ابجقادو وعكود والطيب بشير ولنا جعفر وووووووو ياهم كلهم أعضاء سودانيات البنوها طوبه طوبه وجعلوا اساسها متين للغايه

مطلقا ما بيتأثر بغياب احد اعضاء هذه الاسره الكبيره

المشاركة الأصلية كتبت بواسطة عكــود

سودانيات بمن حضر،
فكفى إستجداءً

كلام معتصم الطاهر الفوق ده يا عمده انا ما بسميه إستجداء

دي فلفلة زول محب لهذا الوطن سودانيات
واهو كل زول بيغني علي ليلاه بأسلوبه

ومعتصم إنت خابرو اكتر مني

زولا حنيييييييييييين خلاص

وتبقي سودانيات المنبر المحترم تحقق شعارها ويبقي حقيقه


عالم من التواصل والمحبة


شكرا سودانيات

[عكــود]

سلام ناصر،

الاستجداء ما بقصد بيهو ابداً كلام معتصم.

بقصد النداءات المتكررة للغائبين والإستجابة الضعيفة؛
تلك التي يجب أن تتوقف،

هناك بوستات اتفتحت هنا وفي الفيس بوك بهذا الخصوص، ولعل أشهرها بوست الأخ أمين محمد سليمان وفي بداية رمضان بوست لمعتصم الطاهر ومناشداتك المتكررة؛ فماذا كانت النتيجة؟

عندك في هذا البوست، في كم مداخلة إنت اترجّيت البعض للتداخل، وبالأسم، ليدلوا بدلوهم في شأن يخص سودانيات ويقولوا حاجة، ماذا كانت النتيجة؟

ده يا ناصر غير الاتصالات الشخصية الانا متأكد إنو كتير مننا قام بيها.

أفهم أن يتوقف الشخص لتثبيت موقف أو لإيصال رسالة ما، لكن لا أفهم أن يستمر التوقف حتى بعد وصول الرسالة وتثبيت الموقف.

كفى إستجداءً.

[مهند الخطيب]

سئيلي الله خربتو علينا سماح البوست كان معتصم كان عكود كان ناصر ( بدرجة أقل )..

الباندويث ماهو ضيق والصفحة الاولى بتشيل بوستات النقاش الدايرين تناقشوا..

والاعوج راي..

[مهند الخطيب]

المشاركة الأصلية كتبت بواسطة عكــود

سودانيات بمن حضر،
فكفى إستجداءً

سنة 2007 بعد المفاصلة في سودانيات وانتهاء فترة الحكم الثنائي سودانيات نزفت عضوية بشكل ماطبيعي ومن اوردة عدة، ناس كانوا بفتكروا انو حنينة على صواب، وناس على الحياد بطنهم طمت، وناس اختفت بيهم دروب الحياة.. وقتها أحزنني النزيف ده، فشكيت الى احد الاعضاء اللي بثق في ايمانه ودرايته، قلت ليهو سودانيات فضت ... قال لي : ياخ سودانيات بدت بخمسة اعضاء، هسي لو فضل ليها سبعة بس بتكبر تاني...وقد كان..
الافكار بتقوم على التطبيق، ﻻ على المشوا ﻻ علينا نحن القاعدين...

[عكــود]

المشاركة الأصلية كتبت بواسطة مهند الخطيب

سئيلي الله خربتو علينا سماح البوست كان معتصم كان عكود كان ناصر ( بدرجة أقل )..

الباندويث ماهو ضيق والصفحة الاولى بتشيل بوستات النقاش الدايرين تناقشوا..

والاعوج راي..

سلام مهند،

ما عندي مانع في نقل المداخلات غير ذات العلاقة لبوست يفتحو ناصر او معتصم او إنت.

[معتصم الطاهر]

المشاركة الأصلية كتبت بواسطة مهند الخطيب

سئيلي الله خربتو علينا سماح البوست كان معتصم كان عكود كان ناصر ( بدرجة أقل )..

الباندويث ماهو ضيق والصفحة الاولى بتشيل بوستات النقاش الدايرين تناقشوا..

والاعوج راي..

البوست فاتوه اهلو ..
...
فقلنا نحرر سوقو

[ناصر يوسف]

اول شئ خلوني اقوا ليكم كلكم وكل اهل سودانيات الحاضرين والغايبين

كل سنه وإنتوا طيبين
ربنا يجعلنا جميعا من عتقاء الشهر الكريم
ويجعل العيد عيد فرح وفتح عليكم اجمعين

[Sana Mursi]

كل سنه و انتوا طيبين و تامين و سالمين
انا عن نفسي ﻻ حردانه ﻻ عندي اي موقف تجاه سودانيات وﻻ اي عضو فيها....و غبت عن سودانيات يمكن ﻻنني كنت باسس لحياتي انا و بناتي هنا واكيد انتوا عارفين انو العوده لﻻستقرار بعد 16 سنه غربه شئ ما هين.....
ما انقطعت عن السايبر تماما و بتواجد في الفيس ﻻنو ما فيه التزام بمتابعة بوستات و خفيف....
عموما انا باعتذر عن غيابي و اتمنى اني اتواجد زي زمان......بس ربنا يهونها مع الجري الكتير....

[ناصر يوسف]

المشاركة الأصلية كتبت بواسطة Sana Mursi

كل سنه و انتوا طيبين و تامين و سالمين
انا عن نفسي ﻻ حردانه ﻻ عندي اي موقف تجاه سودانيات وﻻ اي عضو فيها....و غبت عن سودانيات يمكن ﻻنني كنت باسس لحياتي انا و بناتي هنا واكيد انتوا عارفين انو العوده لﻻستقرار بعد 16 سنه غربه شئ ما هين.....
ما انقطعت عن السايبر تماما و بتواجد في الفيس ﻻنو ما فيه التزام بمتابعة بوستات و خفيف....
عموما انا باعتذر عن غيابي و اتمنى اني اتواجد زي زمان......بس ربنا يهونها مع الجري الكتير....

أها قول واحد يا معتصم الطاهر

قلنا تتعدد اسباب الغياب و كل زول غائب عذرو معاه

سناء مرسي .. كل سنه واناي طيبه يا بت العن

[معتصم الطاهر]

اها و جبنا سيرة الجنيه ليه ؟