براءة اختراع...

[أميرى]

قبيل بالمسا كنت ماسك ورقة وقلم وشغال ارسم مخططات بيوت صغيرة تفي بالحاجة وتقلل التكلفة لقيت روحي سرحت مع كلمة براءة اختراع جات من وين ما عارف وجات لي برضو ما عارف المهم في سرحتي نفسها قلت لي روحي لي مافي برنامج في قنواتنا المحلية معني بالبحث عن اصحاب براءات الاختراع ديل ومحاولة تمويل وتسويق مبادراتهم تجاريا وجعل الامر جاذب لآخرين لإعمال مخيلتهم في إنتاج افكار تخرج للنور وتخرجهم من دائرة الوظيفة الي براح سوق الله أكبر.. المهم مرقت من سرحتي ومشيت احضر تي في كانت التلفزيون مفتوح وعليه قناة زي الوان وكان في برنامج عن اختراعات المراهقين في الهند جابوا بت عمرها 15 ساهمت في تعديل عصا المعوقين بتاعت سلفر جزيرة الكنز ديك وعملت ليها يايات في المنتصف عشان تقلل او بالاحري تزيل الالام البتنتج تحت الابطين من الخير..والنموذج التاني لي فتي صغير اخترع خلية طاقة شمسية

المهم قلت لي روحي
it's asign

بالله ساين ولا ما ساين ؟
....
المهم سئمنا من برامج الاغاني وطق الحنك
and we want do some business

...
فكرة برنامج بمسمي براءة اختراع ما حيكون بطال مش؟ ولا دهب الحجة حيروح شمار في مرقة ساي ؟

[النور يوسف محمد]

بسم الله الرحمن الرحيم

أميرى ،
كيفنك وإزيك ،

البدايات البعيدة يا صديقى ،
والناجح المن عشو زوزاى ،،
إشراقات ،
أنيسة الليل والحمى والسهر ،،
يقتلها ( ضل الضحى ) ومبارات الحيط ،

ليس المهم دهب الحاجة ،
المهم يا سيدى نداء الحاجة ،
( ما يكون مس كول ، ولا تعذر الوصول لهذا المشترك )


لكن غيابك طال ،،

[الرشيد اسماعيل محمود]

المشاركة الأصلية كتبت بواسطة أميرى

فكرة برنامج بمسمي براءة اختراع ما حيكون بطال مش؟ ولا دهب الحجة حيروح شمار في مرقة ساي ؟

هو بالله لسّع دهبا قاعد؟
في برنامج في النيل الازرق بالتضامن مع مؤسسات ما عارفها بالضبط هي شنو، تقريبا اسمو (مشروعي)، شاركت فيهو ميسون مطر وعملت شغل كويس شايفها.
المهم:
إنت من عشك زوزاي ولا بس داير تزازي بينا؟

[جيجي]

المشاركة الأصلية كتبت بواسطة أميرى

قبيل بالمسا كنت ماسك ورقة وقلم وشغال ارسم مخططات بيوت صغيرة تفي بالحاجة وتقلل التكلفة لقيت روحي سرحت مع كلمة براءة اختراع جات من وين ما عارف وجات لي برضو ما عارف المهم في سرحتي نفسها قلت لي روحي لي مافي برنامج في قنواتنا المحلية معني بالبحث عن اصحاب براءات الاختراع ديل ومحاولة تمويل وتسويق مبادراتهم تجاريا وجعل الامر جاذب لآخرين لإعمال مخيلتهم في إنتاج افكار تخرج للنور وتخرجهم من دائرة الوظيفة الي براح سوق الله أكبر.. المهم مرقت من سرحتي ومشيت احضر تي في كانت التلفزيون مفتوح وعليه قناة زي الوان وكان في برنامج عن اختراعات المراهقين في الهند جابوا بت عمرها 15 ساهمت في تعديل عصا المعوقين بتاعت سلفر جزيرة الكنز ديك وعملت ليها يايات في المنتصف عشان تقلل او بالاحري تزيل الالام البتنتج تحت الابطين من الخير..والنموذج التاني لي فتي صغير اخترع خلية طاقة شمسية

المهم قلت لي روحي
it's asign

بالله ساين ولا ما ساين ؟
....
المهم سئمنا من برامج الاغاني وطق الحنك
and we want do some business

...
فكرة برنامج بمسمي براءة اختراع ما حيكون بطال مش؟ ولا دهب الحجة حيروح شمار في مرقة ساي ؟

شكيتك يالضيعت دهب الحجة شمار في مرقة

[somiaadam]

اميري يا امير كيفنك ..
ياخ اطلق لاحلامك العنان وفجأه يصحوك تلقي روحك في بص الوالي ومسروق موبايلك .. وتبقي انسرقت مرتين حلمك وموبايلك

اها مشتاقين واخبارك وكن بخير
ودهب الحاجه شوف بيو طياره تمرقك من حبيبتنا البلد دي وبأزن الله رجعو ليها واما الشعب الفضل نص اليوم ف المواصلات ماش والنص التاني راجع ليتكئ لغد مزعج








ا