لمه ما احلاها الان ناس سودانيات في بيت سودانيات

[ناصر يوسف]

يا سلااااااام ياخ

متلمين في الخير ديمه يا رب

هسسسسسي دي معاي في بيتي بيتهم بيتكم بيت سودانيات كأحلي ما تكون عليه سودانيات في تواصلها ومحبتها

عكود
طارق كانديك
احمد محمد زين
ناصر البهدير
ابرا ... ابراهيم فرح .. زول خرافي
اشرف السر
محمد علي

هسي دي عليكم الله الاحسن مني منو ياخ

[أسعد]

عليك الله ما تجيب ليهم العشاء، شرهم فترة طويلة لحدي الساعة اتنين صباحا
ولمن تجيب ليهم العشاء، جيب ليهم صينة وفيها صحن وفي الصحن ورقة مكتوب فيها
(وييييييي خذلتكم)

[ناصر يوسف]

المشاركة الأصلية كتبت بواسطة أسعد

عليك الله ما تجيب ليهم العشاء، شرهم فترة طويلة لحدي الساعة اتنين صباحا
ولمن تجيب ليهم العشاء، جيب ليهم صينة وفيها صحن وفي الصحن ورقة مكتوب فيها
(وييييييي خذلتكم)

هههههههه

انا وعكود وكانديك واحمد زين اتعشينا قبيييييل

بقية الشباب وصلو يا دوبهم قبل ساعة ...

الورقة انا حاكتبها بإسمك سمح ؟

ههههه

والله لمه فاقداكم يا جميل

[سجمان]

ملموين في الخير يا رب

ناصر وصُحبه سلام جاكم ..

[اشرف السر]

حباً في ناصر يوسف
وما يمثله في سودانيات طيلة فترة عضويته
او بالأصح طيلة فترة عضويتي..
أحييكم من عقر داره الرحبة
والأجواء تعبق بالصفاء والتواصل والمحبة كما ينبغي أن تكون:
لا لغرض دنيوي..

بل لله وفي الله
والرحمة والمغفرة لمؤسس سودانيات خالد الحاج الذي بفضل المنبر الذي أسسه اجتمعنا وتعارفنا.. على الخير وفي الخير وبالخير..



بحوزتي كمية من الصور الجميلة التي توثق لهذا اللقاء جزء اليوم وجزء الغد إن شاء الله..

[ناصر يوسف]

المشاركة الأصلية كتبت بواسطة سجمان

ملموين في الخير يا رب

ناصر وصُحبه سلام جاكم ..

الحبوب الزول الممراح
محمد

تحية وشوق

يا اخوي اعفي لي ياخ ... قصرت في حقك وما اتصلت عليك تاني وشكلك رجعت للبرد تتقاسمو مع الحبيب رأفت

[ناصر يوسف]

المشاركة الأصلية كتبت بواسطة اشرف السر

حباً في ناصر يوسف
وما يمثله في سودانيات طيلة فترة عضويته
او بالأصح طيلة فترة عضويتي..
أحييكم من عقر داره الرحبة
والأجواء تعبق بالصفاء والتواصل والمحبة كما ينبغي أن تكون:
لا لغرض دنيوي..

بل لله وفي الله
والرحمة والمغفرة لمؤسس سودانيات خالد الحاج الذي بفضل المنبر الذي أسسه اجتمعنا وتعارفنا.. على الخير وفي الخير وبالخير..



بحوزتي كمية من الصور الجميلة التي توثق لهذا اللقاء جزء اليوم وجزء الغد إن شاء الله..

اشرف السر يا صاحب
شكلك مغشوش فيني يا حبوب
ما انا سوي زول ساي ...
قررررربت اقول زول الله ساي يقوم خلف ود الشيخ يفتح فيني بلاغ إستغلال اسمو

هههه
ياخي والله انا الليله اسعد بن ادم بجيتكم دي والبيت ياهو بيتكم .... بيت سودانيات حبابكم يود يا حبوب

[احمد ابوزيد]

لمه ما منظور مثيلا ..

ي سلام ياخ .. ناس حلوين.

التحيه ليك يا زول يا مضياف صاحب (الحوش الواسع) اخونا وحبيبنا ناصر ..
والتحيه لكل ضيوفك في بيت سودانيات فردا فردا ..

[هاني عربي]

من ورانا ؟

[معتصم الطاهر]

ما احلاكم

[ناصر يوسف]

المشاركة الأصلية كتبت بواسطة احمد ابوزيد

لمه ما منظور مثيلا ..

ي سلام ياخ .. ناس حلوين.

التحيه ليك يا زول يا مضياف صاحب (الحوش الواسع) اخونا وحبيبنا ناصر ..
والتحيه لكل ضيوفك في بيت سودانيات فردا فردا ..

ابو حميد اعفي لي يا حبوب
انا فاقد لمعظم ارقام الهواتف .
ما اتصلت عليك ..
حقيقي كنت فاقدك

[ناصر يوسف]

المشاركة الأصلية كتبت بواسطة هاني عربي

من ورانا ؟

هاني عربي كيفنك اخوي ونعلك عافية يا جميل

[ناصر يوسف]

المشاركة الأصلية كتبت بواسطة معتصم الطاهر

ما احلاكم

بيت سودانيات فاقدك يا باش

فاقدك كتييييير والله

[يحي عثمان عيسي]

ما تنسونا من صالح سودانيالت
مسعول يا ناصر من الخير
حافظ حسيبن
وابو جضوم
الناس دي ليه ما معاكم

[عبد المنعم حضيري]

يا ناصر كتر خيرك

وزادك الله من فضله ونعيمه

وما بكضب عليك لو قلت ليك بقيت (تارجت) لأول إجازة قادمة بإذن الله ...حضر العشا بدون ورقة أسعد ...

والتحية للجميع