انا مُقدِم شكوى من كم يوم وما وصلنى رد او إخطار باستلامها،،!!

[البديري]

ارجو العدل والشفافية والضمير والقانون ومخافة الله....وألف تراليون ..لا لروح القانون فى شكوتى!!

[شبارقة]

وعليكم السلام ورحمة الله أخونا البديري وعساك طيب

قبل ما يجوك أصحاب الإختصاص خليني أذكرك (وأكيد إنت عارف) بأن الشكاوى تقدم برسائل داخلية للأمين العام (وعليك التأكد من ظهور إسم المرسل إليه ومن ثم تضغط عليه لضمان الوصول) .. وعند وصول الرسالة للأمين العام أو نائبه فإنهما يحتاجان لبعض الوقت لدراستها وفحص مضمونها ومن ثم يتم الرد ... فعليك بالصبر.

أما إذا كانت الرسالة للجنة الإنتخابات بخصوص الطعون فإن اللجنة كما أشارت لذلك في بوستات الطعون (وحسب اللائحة) فإنها سترد على الطعون في خلال 3 أيام من قفل باب الطعون ... وبرضو شيل الصبر وما تشيل هم وأكيد ح يردوا عليك .. فسودانيات في أيدي أمينة.

تسلم يا البديري ومع تحياتي.

[شبارقة]

المشاركة الأصلية كتبت بواسطة البديري

وإلأ تظل سودانيات ....السودان المصغر!، (*شُلاليات ومعارف ولمات، وشيلنى واشيلك، وهلوماجرا....حتى كل الشعب السودانى يطلع برة!)

لا يا البديري ..

لا ننكر الشلليات والمعارف واللمات .. والتواصل والمحبة .. وده شئ يكاد يكون طبيعي في كل المجتمعات ولكنه لا يؤثر على المساواة أمام القانون وتطبيق العدالة ... ولا تنبني هذه العلاقات على ظلم الآخر بأي حال من الأحوال .. هنا في سودانيات وفي قضية معينة تم الحكم على مالكها ومؤسسها بعقوبة الإيقاف وتم تنفيذ الحكم وأمتثل الرجل (يرحمه الله) للقرار وكنت أنا أحد أعضاء مجلس الإدارة وقتها .. وكذلك تمت معاقبة الكثير من الإخوة والأخوات الذين قد يخيل للبعض منا أن يد القانون لا تطالهم .

[أمين عام سودانيات]

الأخ البديري

السلام عليكم ورحمة الله وبركاته

لم تستلم الأمانة العامة عبر بريد (أمين عام سودانيات) أو حساب الأمين العام الشخصي(طارق صديق كانديك) أية شكوى منك،ربما أرسلت شكواك الى عنوان غير العنوانين الموضحين أعلاه، فأرجو التدقيق في رسالتك التي أرسلتها قبل افتراضك للكثير مما لا حاجة لذكره في هذا المفترع.

قليل من التريث قبل اصدار الأحكام لا يضير.

لك شكري وتقديري

طارق صديق كانديك
أمين عام سودانيات

[البديري]

المشاركة الأصلية كتبت بواسطة شبارقة

وعليكم السلام ورحمة الله أخونا البديري وعساك طيب

قبل ما يجوك أصحاب الإختصاص خليني أذكرك (وأكيد إنت عارف) بأن الشكاوى تقدم برسائل داخلية للأمين العام (وعليك التأكد من ظهور إسم المرسل إليه ومن ثم تضغط عليه لضمان الوصول) .. وعند وصول الرسالة للأمين العام أو نائبه فإنهما يحتاجان لبعض الوقت لدراستها وفحص مضمونها ومن ثم يتم الرد ... فعليك بالصبر.

أما إذا كانت الرسالة للجنة الإنتخابات بخصوص الطعون فإن اللجنة كما أشارت لذلك في بوستات الطعون (وحسب اللائحة) فإنها سترد على الطعون في خلال 3 أيام من قفل باب الطعون ... وبرضو شيل الصبر وما تشيل هم وأكيد ح يردوا عليك .. فسودانيات في أيدي أمينة.

تسلم يا البديري ومع تحياتي.

وعليكم اجمل سلام ورحمة الله وبركاته،
الغالي/ شبارقة
شكراً جزيلاً، على ''الاهتمام''
وح ابعث بشكوتى مجدداً
لك الف تحية

[البديري]

وينو بريد عام امين سودانيات? ولجنة الانتخابات؟ ما شايف آي صندوق بريد ارجو رابط لصندوق هذا البريد!

[شبارقة]

المشاركة الأصلية كتبت بواسطة البديري

وينو بريد عام امين سودانيات? ولجنة الانتخابات؟ ما شايف آي صندوق بريد ارجو رابط لصندوق هذا البريد!

حبابك تاني يا البديري

أفيدك بأن رسالتك للجنة الإنتخابات قد وصلت

أها بنفس الطريقة دي قوم رسّل رسالتك للأمين العام.

[البديري]

المشاركة الأصلية كتبت بواسطة شبارقة

حبابك تاني يا البديري

أفيدك بأن رسالتك للجنة الإنتخابات قد وصلت

أها بنفس الطريقة دي قوم رسّل رسالتك للأمين العام.

تسلم يا حبيب،
وبنفس الطريقة الوصلتك رسلتها للامين العام لسودانيات، وحسبى الله ونعم الوكيل.
ولك جزيل التقدير والشكر والامتنان.

[البديري]

على فكرة يا حبيبنا شبارقة; اخوك عضو فى لجنة تطوير اكبر منتديات سودانية عبر الاثير ''ستارز تايمز'' '..''منتدى كووورة سودانية'' ، ماشي مع عشرات الآلاف من الاعضاء من المحيط للخليج بمايرضية الله وضميري! ''والقانون واللوائح'' '
وإسمي بهناك ''الطوفان الازرق 10''
تحياتى وشكراً للاهتمام، وآسف للازعاج

[البديري]

قمت بحزف جزء من مضمون البوست، اعتذر وآسف جداً

[شبارقة]

المشاركة الأصلية كتبت بواسطة البديري

وإسمي بهناك ''الطوفان الازرق 10''
تحياتى وشكراً للاهتمام، وآسف للازعاج

مافي أي إزعاج يا الحبيب

بخصوص (الطوفان الأزرق ) أذكر مرة في بوست (التونسية) الذي قمت أنا بفتحه هنا في سودانيات لتصحيح وتوصيل معلومة معينة أشار أخونا الرشيد إسماعيل إلى أنو في واحد إسمو الطوفان الأزرق في منتدى كووورة سودانية قام بالإشارة لبوست (التونسية) وأتضح لنا فيما أنك أنت زميلنا البديري (الكان حردان وقتها ) هو من يكتب هناك بإسم الطوفان الأزرق .. وأسمح لي بأن أشكرك (ولو جات متأخرة) على الإشادة ببوست التونسية بسودانيات والإشارة إليه على صفحات منتديات كورررة.

طيب طالما إنت عضو في لجنة تطوير أكبر منتديات سودانية عبر الأثير فشنو المانعك تمد يد العون وتساعد في تطوير منتدانا ده .. نعم صحيح إنو مطوّر .. لكن البحر ما بيابا الزياة .

تسلم ،،،

[معتصم الطاهر]

http://sudanyat.org/vb/showthread.php?t=30047

[شبارقة]

المشاركة الأصلية كتبت بواسطة البديري

قمت بحزف جزء من مضمون البوست، اعتذر وآسف جداً

يلم فيك شبارقة وكانديك (يمنطقوك) بلطف ومحبة .. ويخلوك تتأسف وتعتذر ولا على كيفك

ولله يا البديري وجودك في سودانيات ليهو طعم ورائحة ... كفاية كيشو لما قال ليك خليتو يضحك ومبسوط عدة أيام بسبب مداخلاتك وقفشاتك وشطحاتك الجميلة (شطحاتك دي ما من كيشو .. مني أنا )

[أبوبكر عباس]

في إحتمال كبير تكون الشكوى مشت لحساب أمين محمد سليمان بدل أمين عام سودانيات، الاسمين بتشابهو، تعارييف!

[جيجي]

يعني نفهم من كدا يا بديري انه ابوبكر دا شاكيه في محلين

ياخ بتبالغ

الشكية لي الله-على قول خالد الحاج رحمه الله