وآحة الترابلة،، مزارع بالواتساب!!

[خالد غالي]

المشاركة الأصلية كتبت بواسطة ود الخير

الغالي خالد

مرحب بيك في واحتنا ونعل تربالك مااامتاورك؟

كانت لي تجربة في شحن عدد 3 تراكتور ماسي فيرجسون جمعتها من بعض المزارعين الفرنسين وشحنتها في حاوية 40 قدم /// 12 متر ، تكلفة شحن الحاوية بيكلف 3500 يورو تعادل في ذلك الوقت قبل 5 شهور تقريباً واليورو كان بي 12500 ج ،، فكانت تكلفة الشحن 44 الف سوداني " للكونتينر" وبداخلو ال 3 تركتور،، وصلت بورتسودا في 21 يوم ، واجهتني مشكلة الجمارك ،، بما انو مافي جمارك على الالات الزراعية ، لكن رسوم الميناء فرضت علينا 20 الف س رسوم ميناء على التراكتور الواحد ، الجملة 60 الف س ، وحتى اليوم ناس الخرطوم " التجارة الخارجية" بيقولو ليك مافي جمارك لكن ناس الميناء بواسطة ناس الجمارك بيخلصو منك رسوم بالقيمة دي!! المهم عندك عشرة يوم بس من وصول المعدة الزراعية للميناء لو ما دفعت الرسوم ، اليوم الحداشر بيحسبو عليك رسوم اضافية كأرضية ،

في ضعاف نفوس في الميتاء! يعني عادي ممكن واحد يشيل البطارية!

سلامات يا ود الخير

التربال في داخلي يتململ

انا من النوع البيؤمن ان الزراعة هي الحل، وفعلا لو تم تمديد ترعتين من سد النهضة لغاية نهر النيل بي قصاد عطبرة، فأنا استطيع ان اجزم انو ممكن ننتج ما لاعين رأت ولا اذن سمعت من سهول البطانة بالغة الخصوبة، ولكن لاحياة لمن تنادي

المهم
انا عايز لي تركتور بكامل ملحقاتو، ومستعد ادفع المبلغ ده بكل سرور
ادينا نصايحك وشورتك في الموضوع ده

[ناصر يوسف]

المشاركة الأصلية كتبت بواسطة ود الخير

الغالي خالد

، وحتى اليوم ناس الخرطوم " التجارة الخارجية" بيقولو ليك مافي جمارك لكن ناس الميناء بواسطة ناس الجمارك بيخلصو منك رسوم بالقيمة دي!! المهم عندك عشرة يوم بس من وصول المعدة الزراعية للميناء لو ما دفعت الرسوم ، اليوم الحداشر بيحسبو عليك رسوم اضافية كأرضية ،

في ضعاف نفوس في الميتاء! يعني عادي ممكن واحد يشيل البطارية!

ناس الجمارك ؟!!!!!

احيييييييييا عاوز تتور علي النفس وترفع لي الضغط مالك يا خالد ياخ

حأحكي عن تسعة ايام من القهر مع ناس الجمارك وقبح سواكن وقرف البوليس ياخي وحتي الكله عمال المواني الزمانك ديلك ياخ ..

لا اله الا الله ...









يا زول بطاطستك مبروكه ياخ .. وتحية وسلام

معليش السلام بقي في الاخير ياخ لأنو موضوع الجمارك دي واجعني شدييييييد ياخ

[ناصر يوسف]

المشاركة الأصلية كتبت بواسطة خالد غالي

سلامات يا ود الخير

التربال في داخلي يتململ

انا من النوع البيؤمن ان الزراعة هي الحل، وفعلا لو تم تمديد ترعتين من سد النهضة لغاية نهر النيل بي قصاد عطبرة، فأنا استطيع ان اجزم انو ممكن ننتج ما لاعين رأت ولا اذن سمعت من سهول البطانة بالغة الخصوبة، ولكن لاحياة لمن تنادي

المهم
انا عايز لي تركتور بكامل ملحقاتو، ومستعد ادفع المبلغ ده بكل سرور
ادينا نصايحك وشورتك في الموضوع ده

يا خالد غالي يا غالي

التراكتور الماسي فيرجسون ده تراهو قاااااعد غي بطن بيتنا ليه عشرات السنين مافي زول اشتغل بيه
ابقي تعال شوف الناقصو شنو غير اللسات والبطارية ...

نحن التربله دي ما لاقين ليها زمن بس .. خلاص انغمسنا في تفاصيل المدنية الفالصو دي ياخ

[جيجي]

سلمات ود الخير
حسب كلامك والحسابات بتاعتك تكلفة الفدان زي 10 مليون يعني اكتر من الف دولار
ما بتفتكر التكلفة دي عالية واسة حتزيد
وهل انتاجية الفدان حتغطي ليك التكلفة دي?
كدي بالله ادينا فكرة عن انتجية الفدان في الزمن دا وسعر البطاطس
باقي عندي 8 فدان في حتة و10 في حتة

د

[Hassan Farah]

المشاركة الأصلية كتبت بواسطة جيجي

سلمات ود الخير
حسب كلامك والحسابات بتاعتك تكلفة الفدان زي 10 مليون يعني اكتر من الف دولار
ما بتفتكر التكلفة دي عالية واسة حتزيد
وهل انتاجية الفدان حتغطي ليك التكلفة دي?
كدي بالله ادينا فكرة عن انتجية الفدان في الزمن دا وسعر البطاطس
باقي عندي 8 فدان في حتة و10 في حتة

د

---------------------------------------------------------
التحية لود الخير على هذا البوست الشحمان يا قول المرحوم خالد الحاج ...والتحية ليكى انتى يا ست البنات وكلامك فى محلو والحساب ولد....كلنا ترابلة والله...واول مشيريع انشأته فى ارضنا فى الرباطاب عام 1979 ومنذ ذلك التاريخ ظل منتجا الا فى الموسم الشتوى لهذا العام لسبب بسيط وهو ان جالون الجازولين سعره اليوم بلغ 22 جنيه بالجديد والبرميل(40 جالون) ب 880 جنيه..... اولاد اخوى ابلغونى انهم هذا الموسم ما زرعوا لانها ما حتقطى تكلفتها وحيركزوا على سقاية اشجار الفاكهة فقط والسعية...انا اسأل الاخ ود الخير هل حسب تكاليف الجازولين ام نساها....والسماد....

[خالد غالي]

المشاركة الأصلية كتبت بواسطة ناصر يوسف

يا خالد غالي يا غالي

التراكتور الماسي فيرجسون ده تراهو قاااااعد غي بطن بيتنا ليه عشرات السنين مافي زول اشتغل بيه
ابقي تعال شوف الناقصو شنو غير اللسات والبطارية ...

نحن التربله دي ما لاقين ليها زمن بس .. خلاص انغمسنا في تفاصيل المدنية الفالصو دي ياخ

ناصر ياحبيبنا

الله يجيب الاجازة، انا مواضيعي معاك كترت، لكن كان فتوني في مشوار ضوينا ما عافي ليكم

[ود الخير]

المشاركة الأصلية كتبت بواسطة عبد المنعم حضيري

ناس ود حامد طبعاً أهلنا ..... ومعروف تأريخياً أن هنالك هجرات وهجرات معاكسة بين بعض قبائل الشمال مثل هجرة قبائل العوضية ذات الأصول الجعلية وإستوطانهم بمناطق الشايقية وكذلك هجرة القبائل الشايقية المختلفة وإستوطانهم في مناطق الجعليين مثل ود حامد والحقنة وسَلَوَىَ وحجر العسل وحوش بانقا وجوير ود ضبعة وكلي وغيرها.

ومن الأسر التي ما زالت تحتفظ بتواصلها معنا في الشمال أسرة أبناء الشيخ ود العامل في ود حامد .... وأسرة العكوداب في سلوى وعِبدِ الله ومنهم دكتور محمد بادي عكود

تحياتي

أسف اخ عبد المنعم ،، فعلاً ريفي ود حامد فيهو من التنوع والتعايش رغم اختلاف وتنوع قبائل المنطقة ، وهي منطقة تجد فيها جميع الأجناس والمهنة الرئيسية هي الزراعة ، وطبعاً مشهورين بزراعة البصل والفول والفاصوليا والكبكبي وعندنا تمور بتكفي حاجة المنطقة ،،

[ود الخير]

المشاركة الأصلية كتبت بواسطة خالد غالي

سلامات يا ود الخير

التربال في داخلي يتململ

انا من النوع البيؤمن ان الزراعة هي الحل، وفعلا لو تم تمديد ترعتين من سد النهضة لغاية نهر النيل بي قصاد عطبرة، فأنا استطيع ان اجزم انو ممكن ننتج ما لاعين رأت ولا اذن سمعت من سهول البطانة بالغة الخصوبة، ولكن لاحياة لمن تنادي

المهم
انا عايز لي تركتور بكامل ملحقاتو، ومستعد ادفع المبلغ ده بكل سرور
ادينا نصايحك وشورتك في الموضوع ده

تمام خالد حل امدك بالتفاصيل والروابط الفيها التراكتورات وانت تختار وعلينا نعمل ليك الاتصالات بالمزارع ونكمل ليك الإجراءات من هنا ،،، دا بعد ما تشوف تراكتور الأخ ناصر،،

شحن الكونتينر بيكلف حوالي 3500 يورو وبشيل 3 تراكتور ،، المهم بمدك بالتفاصيل ،،،

[ود الخير]

المشاركة الأصلية كتبت بواسطة جيجي

سلمات ود الخير
حسب كلامك والحسابات بتاعتك تكلفة الفدان زي 10 مليون يعني اكتر من الف دولار
ما بتفتكر التكلفة دي عالية واسة حتزيد
وهل انتاجية الفدان حتغطي ليك التكلفة دي?
كدي بالله ادينا فكرة عن انتجية الفدان في الزمن دا وسعر البطاطس
باقي عندي 8 فدان في حتة و10 في حتة

د

أوووو المُلاك ظهرو ،، مرحب أخت جيجي ،، طبعاً أنا شايل هم من هسا للشوالات الفاضية ،،، تقديرات أهل المنطقة وتجاربهم بيقولو الشوال الواحد بيجيب 20 شوال يعني لو زارع 60 شوال اذا ربنا رزقك ولو ما جابت خالص بتنتج 800 شوال ،، وبرضو قالوا سعر جوال البطاطس لما تتطلع بيكون بي 180 الف سوداني يعني حوالي 20 دولار للشوال الواحد. الجملة 16 الف دولار.

بس إنتاجية الشوال الواحد عشرين شوال تتوقف على المنطقة ونوعية تربتها

[ود الخير]

http://www.leboncoin.fr/annonces/off...assey+ferguson

رابط تركتورات معروضة من أصحابها مباشرة

[ود الخير]

المشاركة الأصلية كتبت بواسطة Hassan Farah

---------------------------------------------------------
التحية لود الخير على هذا البوست الشحمان يا قول المرحوم خالد الحاج ...والتحية ليكى انتى يا ست البنات وكلامك فى محلو والحساب ولد....كلنا ترابلة والله...واول مشيريع انشأته فى ارضنا فى الرباطاب عام 1979 ومنذ ذلك التاريخ ظل منتجا الا فى الموسم الشتوى لهذا العام لسبب بسيط وهو ان جالون الجازولين سعره اليوم بلغ 22 جنيه بالجديد والبرميل(40 جالون) ب 880 جنيه..... اولاد اخوى ابلغونى انهم هذا الموسم ما زرعوا لانها ما حتقطى تكلفتها وحيركزوا على سقاية اشجار الفاكهة فقط والسعية...انا اسأل الاخ ود الخير هل حسب تكاليف الجازولين ام نساها....والسماد....

مرحب دكتور حسن ،، المزارع في السودان منهكاهو مصاريف الزراعة المرتفعة وأتخيل اغلب المزارعين بيكونو مستلفين تكاليف الزراعة وحق الجاز وحراثة الارض، وبيضطروا يبيعو المحصول في ارضه لأنهم ما عندهم حتى مصاريف إرسال المحصول للاسواق !!، دا بالاضافة للمجهود المبذول من فلاحة ونظافة الارض لغياب وعدم وفرة المعدات الزراعية ، فصراحة الناس دي هناك تعبانة شديد ! رغم خصوبة الارض وسهولة الري ،،فالقصة دايرة مساعدة من الناس المرقو برة السودان وشافوا التقانات المستخدمة في الزراعة ونقلها للناس الهناك ، وأي زول مغترب لو اجباري كل سنة بيلزموه يدخل آلة زراعية للسودان بتكون دي اكبر خدمة للاهل وللوطن ،،، لكن يا خال العراقل ما تديك الدرب ! بس قول يا رب

[طارق صديق كانديك]

المشاركة الأصلية كتبت بواسطة ود الخير

أوووو المُلاك ظهرو ،، مرحب أخت جيجي ،، طبعاً أنا شايل هم من هسا للشوالات الفاضية ،،، تقديرات أهل المنطقة وتجاربهم بيقولو الشوال الواحد بيجيب 20 شوال يعني لو زارع 60 شوال اذا ربنا رزقك ولو ما جابت خالص بتنتج 800 شوال ،، وبرضو قالوا سعر جوال البطاطس لما تتطلع بيكون بي 180 الف سوداني يعني حوالي 20 دولار للشوال الواحد. الجملة 16 الف دولار.

بس إنتاجية الشوال الواحد عشرين شوال تتوقف على المنطقة ونوعية تربتها

سلامات اخونا ود الخير

أظن (المحمر) ده قاصد (فدان) بدل (شوال)

بالتوفيق والله ..

ماعصرت على ناس الحلة بي برد النرويج ده

تحياتي

[ود الخير]

المشاركة الأصلية كتبت بواسطة طارق صديق كانديك

سلامات اخونا ود الخير

أظن (المحمر) ده قاصد (فدان) بدل (شوال)

بالتوفيق والله ..

ماعصرت على ناس الحلة بي برد النرويج ده

تحياتي

مرحب بيك أخ طارق ،، إنتاجية الفدان 200 شوال والفدان الواحد بيستهلك 10 شوال لزراعته ، " تعرف أنا بعيني ما شفت " واتساب بس😥" أمس قالو عيّنو زول بالشهر وراتبو 1600 ج لمتابعة ال16 شربة ! تعرف قربت أقول ليهم ،، ما ممكن نحصد على كدا😣 غرقان أخوك يا أستاذ واحد قال لهم " جنا محجوب دا حايم زمنو كلو ،، كان أكلوه او خسر الاليفات ديل بيسولو شنو!!؟ غايتو ان وقعت عليّ قصة الزول العرش على متر داك ،، يا ني الجاييك تب.😂
هم البرد دايرنو ،، أماني ما دعايين ناس البلد

شكراً يا حبيب للملاحظة ،،، وبعدين الأعضاء المشاغبين ديل ما تتوصوا بيهم ليكم اللحم ولينا العضم

[ود الخير]

يقع هذا المشروع الضخم شرق منطقة أبو قرون
وهو متخصص زراعة علف البرسيم.

نوع الري "ري محوري"

تكلفة شراء وتركيب محور واحد عدد 145 فدان 700 الف س جديد

[ود الخير]

انتشرت زراعة المانجو الجنوب أفريقي
في السودان ، وخاصة شمال الخرطوم بحري
، وشمال أم درمان

يزرع مع المانجو علف البرسيم ، للأستفادة من
الأرض الي أن يثمر شجر المانجو ،،