الإدارة على ورق أبيض ناصع

[رأفت ميلاد]

المشاركة الأصلية كتبت بواسطة أسعد

أنتو موش الادارة عندها جوب ديسكربشن محدد ليها؟!
كنت عاوز أقول لو ما تم تحديد وصف وظيفي للادارة كلمونا عشان نرمي طوبة الادارة دي
لكن اتذكرت اني اساسا من جيت سودانيات دي ما حصل شلتها عشان ادعي اني ارميها

عني شخصيا ما متذكر اني رشحت او شاركت في قصة انتخابات سودانيات دي
لا لشيء الا بس اني شايفها تحصيل حاصل.
البجي اي كان برنامجه او مقاصده او افعاله ما ح يغير في سودانيات دي كتيير
سودانيات ح تكون هي سودانيات زي ما كانت عليه سودانيات.


لذلك مسألة طرح احلام اجتذاب أقلام وعضوية أو حتى حلم بكور في تحويل افتراضية سودانيات الى واقع ووغيرها من بقية الاحلام... اعتقد ان هذه الاحلام والرؤى ستفسد عمل الادارة.

قالوا عبود لامن النميرى ذاع البيان الأول ضحك ضحكة مجلجلة وقال (وقع إبن الهرمة)

عشان أسترسل يا ريت يمن علينا المرشحين رؤيتهم فى الإدارة على ضوء مداخلة ولدنا أسعد الأسعد .. رغم عدم دخوله الإدارة من قبل كلامو زى المكشوف عنو الحجاب

[كيشو]

المشاركة الأصلية كتبت بواسطة رأفت ميلاد

قالوا عبود لامن النميرى ذاع البيان الأول ضحك ضحكة مجلجلة وقال (وقع إبن الهرمة)

عشان أسترسل يا ريت يمن علينا المرشحين رؤيتهم فى الإدارة على ضوء مداخلة ولدنا أسعد الأسعد .. رغم عدم دخوله الإدارة من قبل كلامو زى المكشوف عنو الحجاب

هو مادام واقع واقع ما تمشي في فكرتك طوالي عايز بي برنامجو شنو؟

[أسعد]

عمنا، جمعة مباركة ^_^

كدي هاك احضر حلقة (الحلة) من حكايات سودانية
الحلقة دي بتحاكي حال سودانيات بالملميتر

YouTube

النعيم: الادارة عموما بغض النظر عن شخوصها
العمدة: يمثل حال كل حادب ومهتم بحال سودانيات
ام النعيم: عكود ^_^
سيد الدكان: يمثل شريحة الحالمين الذين يتعاملون مع سودانيات بناء على ذكريات قديمة ربطتهم بها
زوجة العمدة: تمثل شريحة اللامبالين زي حلاتي كدة

[أسامة معاوية الطيب]

المشاركة الأصلية كتبت بواسطة أسعد

عمنا، جمعة مباركة ^_^

كدي هاك احضر حلقة (الحلة) من حكايات سودانية
الحلقة دي بتحاكي حال سودانيات بالملميتر

http://www.youtu.be/N9aEKOEMXa4

النعيم: الادارة عموما بغض النظر عن شخوصها
العمدة: يمثل حال كل حادب ومهتم بحال سودانيات
ام النعيم: عكود ^_^
سيد الدكان: يمثل شريحة الحالمين الذين يتعاملون مع سودانيات بناء على ذكريات قديمة ربطتهم بها
زوجة العمدة: تمثل شريحة اللامبالين زي حلاتي كدة

طبعا حلاتك مافي شك منقطعة النظير

انا يا سيد رأفت مستغرب من فكرة برنامجي وبرنامجك دي ، وأعتقد انها شرك دفنتو لينا فكرة الديمقراطية المربوطة عندنا دايما بشعار المنجل والحمامة ، وحا اعمل ليكم كوبري لي جدة ووووو
مجلس الإدارة عندو برنامج في رقبتو ، مفروض نختار البيقدر ينفذو ، مش البيجيب برامجو ويجي ويقعد يحاور في برنامج المجلس في (الاتجاه المعاكس) لامن الدورة تنتهي

اقول قولي هذا وأمرق

[رأفت ميلاد]

المشاركة الأصلية كتبت بواسطة كيشو

هو مادام واقع واقع ما تمشي في فكرتك طوالي عايز بي برنامجو شنو؟

سلام يا كيشو
ياخ حاسمنى طوالى كده ليه .. خلينا ندردق ونتحاوم شوية عشان الكلام ما ينزل ناشف فى الحلق

الفكرة إتحولقت ليها وقلتها فى بوست ( الحظوة حضرة)

باين نس كتير ما شافوا قرارو فما حصل لىّ هجوم داخل وخارج الإدارة ولّ بلعوهو ساكت الله وأعلم

الفكرة الزاحف ليها هنا تختلف وداير أحطم الجدار من أصلو كان أقدر

[رأفت ميلاد]

المشاركة الأصلية كتبت بواسطة أسامة معاوية الطيب

طبعا حلاتك مافي شك منقطعة النظير

انا يا سيد رأفت مستغرب من فكرة برنامجي وبرنامجك دي ، وأعتقد انها شرك دفنتو لينا فكرة الديمقراطية المربوطة عندنا دايما بشعار المنجل والحمامة ، وحا اعمل ليكم كوبري لي جدة ووووو
مجلس الإدارة عندو برنامج في رقبتو ، مفروض نختار البيقدر ينفذو ، مش البيجيب برامجو ويجي ويقعد يحاور في برنامج المجلس في (الاتجاه المعاكس) لامن الدورة تنتهي

اقول قولي هذا وأمرق

سلامات يا أسامة معاوية

أنت قربت لىّ المسألة شديد خلاس .. قصة برنامجى وبرنامجك قصة وهمية شديد .. مجلس الإدارة عموماً بتحلَ فى اليوم الأول من إجتماعو .. بكون إجتماع من أعضاء المجلس المنتخبين والمعينين تضيع (صلاحيتم)* كاملة بإختيار رئيس مجلس الإدارة من بينهم .. وفائدتم تكون حسب مزاج رئيس المجلس .. يمكن يطرطروا كما فى حالتنا

بعد داك بتبدأ لعبة التلاتة الكبار

*صلاحيتم دى ما غلطة إملائية

[أسعد]

المشاركة الأصلية كتبت بواسطة أسامة معاوية الطيب

طبعا حلاتك مافي شك منقطعة النظير

طبعا دا تحرش واضح وصريح
لذلك ساقوم برفع شكوى ضد المتحرش/اسامة
بس الشكوى دي ارسلها لي منو؟
هل ارسلها للادارة الحالمة التي تسعى لتحقيق أهداف واحلام أهم من التحرش الحاصل دا؟
ولاّ أرسلها لي للجنة الانتخابات؟
حقو الواحد يرسلها للجنة الطعون!

غايتو زي ما قال المثل العظيم (الما عندو ضنب يتحرش على بطنو)

[أبوبكر عباس]

طبعا أي زول بفتكر انو الآخرين لهم نفس إمكانياتو أو أقل!!
يا رأفت، يا صديق، وضحنا قبل بوستك دا شنو المقصود بالبرامج، والناس فهمت أنها مستعارة من الديمقراطية القديمة بالسودان.
تجربتكم يا رأفت، تجربة فريدة في فشلها لا يقاس عليها.
ح ندير سودانيات بمتعة شديدة وسهولة ونسعى لإحداث تغيير خارج "الجوب دسكربشن"

[وهاد ابراهيم محمد]

تحياتي يا عم رأفت..

خلينا ناخد الموضوع واحدة واحدة وطالبين طولة بالك..
طيب ده ما ورد بخصوص مجلس الإدارة ومهامه في اللائحة..

1-6 مجلس الإدارة

هو أعلى سلطة في الهيكل الإداري للمنتدى وتكون دورته سنتين ميلاديتين ويتكون من ستة أعضاء, أربعة أعضاء يتم اختيارهم عن طريق الانتخاب الحر, بالإضافة للأمين العام ونائبه علي ان تختار اللجنة رئيساً لها ( بالإنتخاب الحر المباشر بإدارة الأمين العام).

1-1-6 مهام المجلس

أ/ يطرح على الأعضاء التعديلات المقترحة بالميثاق أواللوائح الداخلية بغرض مناقشتها ومن ثم إجازتها.
ب/ يعقد إجتماعات شهرية للتداول حول شئون المنتدي, على أن يتم تنوير العضوية بمقررات الاجتماع.
ج/ الفصل في الإستئنافات المقدمة من العضوية وتعتبر قرارته نهائية فى هذا الشأن.
د/ المسائل التي لم يرد فيها نص في اللائحة، وحسب تقدير الأمين العام، يمكن للأمين العام عرضها على مجلس الإدارة للإستئناس برأيه.
هـ/ له الحق في وضع لوائحه الداخلية التي تضبط عمله.
و/ للمجلس الحق في تكوين لجان لتنظيم أعماله والاستعانة بذوي الخبرة والاختصاص متى تطلب الأمر ذلك.

ما الذي يقول بأن لا برنامج لمجلس الإدارة هنا؟

[وهاد ابراهيم محمد]

لماذا يُحاسب مجلس الإدارة لعدم تواجده الفعلي في ساحات المنبر؟
لماذا يُحاسب مجلس الإدارة على عدم تفاعله مع العضوية؟
لماذا يُحاسب مجلس الإدارة على تطوير المنبر من عدمه؟
لماذا يُحاسب مجلس الإدارة على العضوية المتوقفة من سنين؟


لماذات كثيرة بالمناسبة يا عم رأفت

[سر الختم إبراهيم نقد]

ممكن جداً أن ينجح مجلس الإدارة المرتقب فيما فشل فيه سابقوه ، الجوب دسكربشن المسكين فضفاض ولا يمنع المرشح من إعلان برنامجه ورؤاه، طيب إذا بمنع على أي أساس سيختار العضو من يمثله بشخصه فقط، أم بهندامه ودمه الخفيف، اللائحة المقدسة لا تمنع الافكار والتحمس للتغيير إلى الأفضل وحتى هذه -أي اللائحة ممكن أعضاء المجلس يغيروها، إن كانت ثمة تجربة فاشلة فلا يسأل عنها شخص واحد ولا يلام عليها رئيس المجلس وحده، حتى أنت يا رأفت أريد فقط أن أذكرك بأنك ذات مرة أعلنت أنك تقدمت باستقالتك لأنك لم تستطع تحقيق برنامجك ، ليه عملت برنامج حينئذ وتريد هنا أن تهزأ بالآخرين لأنهم مساكين ما عارفين البعملوه تحصيل حاصل أبدا أبداً ممكن جداً يستطيعوا تطبيق ما وعدوا به الناخبين.
فأرجو أن لا تكون من المثبطين المحبطين.
ولك التحية.

[وهاد ابراهيم محمد]

المشاركة الأصلية كتبت بواسطة رأفت ميلاد

قصة برنامجى وبرنامجك قصة وهمية شديد .. مجلس الإدارة عموماً بتحلَ فى اليوم الأول من إجتماعو .. بكون إجتماع من أعضاء المجلس المنتخبين والمعينين تضيع (صلاحيتم)* كاملة بإختيار رئيس مجلس الإدارة من بينهم .. وفائدتم تكون حسب مزاج رئيس المجلس .. يمكن يطرطروا كما فى حالتنا

بعد داك بتبدأ لعبة التلاتة الكبار

يا عم رأفت الكلام ده مش ما جميل وبس, ده إتهام إستباقي سيئ جداً بالمناسبة

برنامجي وبرنامجك, قصة وهمية؟
تضيع صلاحيات أعضاء مجلس الإدارة عند إختيارهم لرئيس من بينهم؟
فائدة أعضاء مجلس الإدارة تكون حسب مزاج رئيس المجلس؟
يطرطروا؟
لعبة الثلاثة الكبار؟




فسّر لي يا عم رأفت (شئون المنتدى) المذكورة في مهام مجلس الإدارة دي معناها شنو؟
وحكاية برنامجي وبرنامجك (الوهمية) دي تُقرأ معاها ولا لا؟
ووضِّح لي مجلس الإدارة بدون إختيار رئيس ليهو من بين عضويته, العضوية تتعامل معاهو كيف؟
الأمانة العامة تتعامل معاهو كيف؟
ممثل المالك يتعامل معاهو كيف؟



انت يا عم رأفت لما جيت ورشحت أعضاء هنا لمجلس الإدارة (منهم انا)
هل كنت بتقدم الإنت شايفه أنسب عشان يمشي ليك المجلس بمزاجه؟
ولا كنت بتختار الشايفه أنسب عشان يطرطر ليك باقي المجلس؟


شوفك بإنه إدارة المنبر ده هي (لعبة ثلاثة كبار) للأسف ما بقدر حتى أناقشك فيها.

[وهاد ابراهيم محمد]

لما تكون دخلت في تجربة مُنيت بفشلٍ ما يا عم رأفت
ولأنك شفت العوجة وين
بيكون الأفضل انه (بحسب تجربتك) تخت نقاط للإنتباه ليها
سميها نصايح سميها ارشادات سميها بفتح ليكم عيونكم أي حاجة
لكن تاخد التجربة بكل سلبياتها وتسقطها على مجلس لسه ما اتكون وباصم عليها كمان!!!
دي كتيرة منك, كتيرة شديد


ان كانت مشكلة اللوائح الداخلية وطريقة تعامل المجلس السابق معاها
أوجد (طرطرة) ليك يا عم رأفت
فما تفترض في أناس آخرين عدم القدرة على تمضية أمور وحل مشاكل الداخل.

الإرتضوا وقبلوا الترشح لمجلس الإدارة للدورة دي ناس كانت من الشجاعة بمكان
انها تقبل, أيوة مجرد القبول في ظل الوضع الراهن, والغالبية معتصمة بعدم المشاركة والفرجة من بعيد أياً كانت تبريراتها.
وعارفين تماماً المنتظرهم شنو, وتقيل قدر شنو
فما تبخس الناس أقدارها يا عم رأفت!

[زول الله]

المشاركة الأصلية كتبت بواسطة وهاد ابراهيم محمد

الإرتضوا وقبلوا الترشح لمجلس الإدارة للدورة دي ناس كانت من الشجاعة بمكان
انها تقبل, أيوة مجرد القبول في ظل الوضع الراهن, والغالبية معتصمة بعدم المشاركة والفرجة من بعيد أياً كانت تبريراتها.
وعارفين تماماً المنتظرهم شنو, وتقيل قدر شنو

[أبوبكر عباس]

سودانيات بعد دورة ناس رأفت الفاشلة بقت تشبه المرأة أو الرجل المطلق في مجتمع شرقي، إذا تزوج مرّةً أخرى؛ زواجو لازم ينجح لازم ينجح
نحن بالرغم من كوننا الزوج الجديد، لكننا حاسين بوجع طلاق سودانيات للديمقراطية!!