منتدي الحوار ــ أدب الحوار

[ناصر يوسف]

ادب الحوار

الغلو ورفض الآخر
إحترام وجهات نظر الآخرين
إجبار الآخر بتَقَبُل وجهة النظر الخاصة بشخص ما

ترك الأصل والإمساك بالجزئيات في طرح شخص ما والخروج بالموضوع من أصله إلي فرعيات

الخروج بالحوار من أدبه كحوار و ( شخصنة الحوار )
الخروج من أصل الموضوع إستناداً علي ( شخصنة الحوار) إلي أصل صاحب الموضوع وإلي أهله


هل نحن كبشر قادرين علي تحمل من يختلف معنا في وجهة نظر ما ،،، فقط لأنه مختلف معنا ؟؟

هي بعضُ ما يجيش في الخاطر منذ أعوام خلت

خرج هذا البوست بعد حوار جميل مع شخص أكن له الإحترام
إذ جدد لي الرغبة في فتح هذا البوست من خلال أطروحاته المتميزة في ذات السياق

[كيشو]

سﻻم يا ناصر
موضوع مهم
الله يوفقك ويمشي كما تشتهي

[أبو جعفر]

سلام ناصر

وكلام جميل يدل على جمال دواخل صاحبه

ولكن يا أخي المشكلة في المتطرفين الذين يريدون أن يفرضوا الفكر الفاسد عبر العنف اللفظي ...

[زول الله]

المشاركة الأصلية كتبت بواسطة أبو جعفر

ولكن يا أخي المشكلة في المتطرفين الذين يريدون أن يفرضوا الفكر الفاسد عبر العنف اللفظي ...

[عزة السودان]

أسعد الله صباحك ناصر يوسف..دوما حملت هم أدبيات الحوار بس صدقني ده عله ماله دواء.. ادارة الحوار فن وذوق..متأصل في النفس .. صباحك تصالح..

[ناصر يوسف]

المشاركة الأصلية كتبت بواسطة كيشو

سﻻم يا ناصر
موضوع مهم
الله يوفقك ويمشي كما تشتهي

سلام يا صاحب

مشتاقين يا رجل

ياخي من يوم امس في مشكلة في الشبكة
قريب تلاتة ساعات بحاول أفتح البوست ده ما قدرت

أما عن مسير البوست كما أشتهي ...

فدي والله ما بحلم بيها مطلقاً

نخليه يمشي كما يشتهي هو ،،، كما يشتهي الحوار ،،، كما يشتهي المتحاورين

[ناصر يوسف]

المشاركة الأصلية كتبت بواسطة أبو جعفر

سلام ناصر

وكلام جميل يدل على جمال دواخل صاحبه

ولكن يا أخي المشكلة في المتطرفين الذين يريدون أن يفرضوا الفكر الفاسد عبر العنف اللفظي ...

حبيبنا ابو جعفر

تحية طيبة وبعد

ديل دواعش الحوار ولا شنو ؟؟ المتطرفين بتاعين العنف اللفظي ديل

انا بتحدث عن مسألأة الإختلاف ،،، الرفض للآخر
ياخي زول تكون مُكجنو ساااااااااكت كدي بلا أيتها سبب
تقوم تحتو في راسك وكلما يجي يكتب ليهو بوست ولا مداخله ،،
تقوم تديهو في حنان ابو أهلو ذاتو ياخ

طيب ،،،

قول الليله انا صنفت أبو جعفر ده كزول ( داعشي إرهابي ) .. مثلاً مثلاً كده ياخ

كتب ابو جعفر بوست عن محمد وردي ،،،

اجيه تووووووشك داخل واقول ليه شنو الخلاك تكتب عن وردي وإنتَ يا التركتك ويا الفعلتك ويا شنو شنو شنو داك ؟؟؟

وأمش أنَكت ليهو مداخلات تانية من بوستات تانية ،،، أمشي أقصها واجيبها بمزاااااااج في البوست بتاع وردي وأحشرها حشر بمزاج العكننه وفتل البوست

ممكن ببساطة إنو المداخلة الأنا مشيت جبتها وحشرتها هنا دي

نزولها هناك كان بيعني شئ مختلف تماماً للمعني الهنا بعد حشرها حشر

وده ممكن تسميه الترصد مُش ؟؟

[ناصر يوسف]

المشاركة الأصلية كتبت بواسطة زول الله

يا حبوب ،،، بتتكشم مالك ؟؟









ثُم إنو مشتاقين ياخ

[ناصر يوسف]

المشاركة الأصلية كتبت بواسطة عزة السودان

أسعد الله صباحك ناصر يوسف..دوما حملت هم أدبيات الحوار بس صدقني ده عله ماله دواء.. ادارة الحوار فن وذوق..متأصل في النفس .. صباحك تصالح..

عزة السودان

تحية واحترام

بس ،،، لكل علة دواء ،، أو كما قيل

ولا شنو ؟؟

[زول الله]

المشاركة الأصلية كتبت بواسطة ناصر يوسف

يا حبوب ،،، بتتكشم مالك ؟؟






ثُم إنو مشتاقين ياخ

هلا حبيبنا
كنت عايز ارد عليهو لكن اتذكرت انو ماحيشوف ردي قمت ضحكت وجليتو
بس







اقول قولي هذا واستغفرالله لي........................

[ناصر يوسف]

في الأحكام الجاهزة بتاعة تصنيف الناس ديك

انا برضو قاعد اقع في ذات الأخطاء

لما تحكم علي قلم وتضع ليهو صورة في ذهنك وتثبت الصورة دي وتمشي عليها

خلاص ،،، تاني الجن الأحمر ما بزيل الصورة دي


شئ تاني ،،،

تقوم تدخل بين إتنين بداعي الإصلاح ولا الصلح ولا مجرد تلطيف الجو الهو أصلاً مُعَكَر ،، شبكوك


إنتَ مااااااالك ؟؟ إنتَ مصلح إجتماعي ؟؟ وإنت وإنتَ وفجأة المسألة تعوج من جديد وتمرق من فجات النقاش المُعَكَر داك وتمشي لأبو أهلك إنتَ ده

سياسة النفس القصير ،،، والحفاظ علي شعرة معاوية















بجيكم تاني راجع صاد لو الله هون القواسي


مع فائق إحترامي للجميع

[ناصر يوسف]

المشاركة الأصلية كتبت بواسطة زول الله

هلا حبيبنا
كنت عايز ارد عليهو لكن اتذكرت انو ماحيشوف ردي قمت ضحكت وجليتو
بس







اقول قولي هذا واستغفرالله لي........................

دي برضها واحدة من أشكال ( رفض قبول بالآخر )

مسألة قائمة التجاهل دي يا زول الله ،،





يا ابو جعفر يا صديقي ،،،

كدي خليني أمسك فيك قوي ياخ وأناقشك ( ده ) لو تكرمت لي ولو قبلت بإني أناقشك في جزئية مهمة للغاية وبتصب في البوست ده كمان

ألا وهي جزئية

وضع X person في قائمة التجاهل

فلو حبيت إني أناقشك فيها يكون جميل ولو ما حبيت أناقشك فبرضو لك الخيار وكامل الحرية في رفض نقاش الأمر معاك برااااااحة كده يا حبوب

[أبو جعفر]

المشاركة الأصلية كتبت بواسطة ناصر يوسف

يا ابو جعفر يا صديقي ،،،

كدي خليني أمسك فيك قوي ياخ وأناقشك ( ده ) لو تكرمت لي ولو قبلت بإني أناقشك في جزئية مهمة للغاية وبتصب في البوست ده كمان

ألا وهي جزئية

وضع X person في قائمة التجاهل

فلو حبيت إني أناقشك فيها يكون جميل ولو ما حبيت أناقشك فبرضو لك الخيار وكامل الحرية في رفض نقاش الأمر معاك برااااااحة كده يا حبوب

سلام يا فنان
تعرف يا حبوب حق التجاهل ده حق أصيل شديد، ويصل في بعض المنتديات درجة حرمان من تضعه في قائمة التجاهل من التداخل في مفترعاتك حتى لا يجد الفرصة لتخريبها، كما حدث معي شخصياً ... وطبعاً النقطة دي ونقطة حقوق الأعضاء في سودانيات عامة ضعيفة جداً ... وهذه خسارة كبيرة لأن سودانيات فيها تشكيلة فكرية ممتازة هرب بعضها وظل البعض الآخر ممسكاً بجمر التمييز الذي خلقه النظام الإنتخابي .. وظائف وألقاب والواحد فيهم ما مستعد يرد عليك.. وهو وضع غير طبيعي في حالة العمل الطوعي علماً بأنني خاطبت مجلس الإدارة من خلال مفترع التظلم الذي كتبته في خاص بالأعضاء ولم أتلقى أي رد حتى الآن..

المهم الآن يدك معانا في رفع درجة التجاهل إلى حرمان من تتجاهله من الكتابة في مفترعاتك حتى لا يخربها.

ختاماً لك التحية أجزلها، وصدقني يا فنان الدنيا بعيونكم جميلة ونتمنى أن تكون دوماً كذلك، ولكن ما باليد حيلة تجاه المتطرفين.

[ناصر يوسف]

المشاركة الأصلية كتبت بواسطة أبو جعفر

سلام يا فنان
تعرف يا حبوب حق التجاهل ده حق أصيل شديد، ويصل في بعض المنتديات درجة حرمان من تضعه في قائمة التجاهل من التداخل في مفترعاتك حتى لا يجد الفرصة لتخريبها، كما حدث معي شخصياً ... وطبعاً النقطة دي ونقطة حقوق الأعضاء في سودانيات عامة ضعيفة جداً ... وهذه خسارة كبيرة لأن سودانيات فيها تشكيلة فكرية ممتازة هرب بعضها وظل البعض الآخر ممسكاً بجمر التمييز الذي خلقه النظام الإنتخابي .. وظائف وألقاب والواحد فيهم ما مستعد يرد عليك.. وهو وضع غير طبيعي في حالة العمل الطوعي علماً بأنني خاطبت مجلس الإدارة من خلال مفترع التظلم الذي كتبته في خاص بالأعضاء ولم أتلقى أي رد حتى الآن..

المهم الآن يدك معانا في رفع درجة التجاهل إلى حرمان من تتجاهله من الكتابة في مفترعاتك حتى لا يخربها.

ختاماً لك التحية أجزلها، وصدقني يا فنان الدنيا بعيونكم جميلة ونتمنى أن تكون دوماً كذلك، ولكن ما باليد حيلة تجاه المتطرفين.

ابو جعفر
سلام يا حبوب

كدي الاحصل الصلاة وارجع ليك برواااااقه

[أمين عام سودانيات]

المشاركة الأصلية كتبت بواسطة أبو جعفر

ونقطة حقوق الأعضاء في سودانيات عامة ضعيفة جداً ...

وظائف وألقاب والواحد فيهم ما مستعد يرد عليك.. وهو وضع غير طبيعي في حالة العمل الطوعي علماً بأنني خاطبت مجلس الإدارة من خلال مفترع التظلم الذي كتبته في خاص بالأعضاء ولم أتلقى أي رد حتى الآن..



ولكن ما باليد حيلة تجاه المتطرفين.

الأخ أبو جعفر مساء الخير

لك ولصاحب البوست التحية والتقدير ثم أسمح لي أن أنظر الى الأمر بزاوية مختلفة وأصدقك القول فأقول:

إنه من المحيّر جداً أن تنتظر اجابة بعد رد الأمين العام على ما أثرته من نقاط تقول أنها تدعو الى تحسين المسارالعدلي تلك الاجابة التي افتتحت الرد عليها بشكر الأمين العام على رده الضافي وختمتها بذات العبارة،تطرق فيها الأمين العام وهو عضو بمجلس الادارة الى كل النقاط التي اثرتها فهل ترغب أن يخاطبك كل أعضاء مجلس الادارة فرداً فرداً حتى لا تصبح ألقابهم ووظائفهم في العمل الطوعي محلاً لاستهتارك بهما؟؟

في تقديري لا يوجد ما يدعو مجلس الادارة الى التدخل في ذاك المفترع الذي وجهت في احدى مداخلاتك فيه حديثك اليه والى ممثل المالك والأمين العام.لكنك تصر على أن تدمغ مخالفيك بما يعنّ لك من أوصاف فقط لكونهم يرون غير ما ترى.

يا أخي الكريم لم تتنزل عليك نية ما اسميته (تحسين المسار العدلي) إلا حين واجهتك الأمانة العامة بما فعلت في حق الحوار والمحاور،إن الذي يتصدى لما تتصدى له من مهام (عظيمة) تنحو الى اعادة قراءة التاريخ بل واعادة ترتيب العقيدة المستقرة في نفوس أهلها،ينبغي أن يتسلح بسلاح مهم هو قدر الذين يتصدون لمثل هذه المهام الجسيمة ألا وهو سعة الصدر حين يخالفك مخالف، أما الذي أراه منك فهو ضيقٌ وتبرمٌ (عظيمين) بكل من خالفك الرؤية.

إن منبر سودانيات من أعظم المنابر في الأسافير طُراً اهتماماً بحقوق الأعضاء يسهر عليها زملاءهم بألقابهم ووظائفهم الطوعية يحملون نظماً تعرض أمامهم ليجيزوها وهي من عمل البشر تستحق قبل محاولات ذبحها احترامها تقديراً للديمقراطية التي ينشدها الجميع.

إن التطرف الذي نذمه على الدوام وتذمه بين الفينة والأخرى تمارسه في الكثير من المواقف باطمئنانٍ عجيب ولا تراه تطرفاً بل حقاً مشروعاً تنافح عنه وتظل تكابر مهما تحدث اليك المتحدثون،ثم تبتكر قاعدة تقول بتجاهل الرأي الآخر ولا تقف عند هذا الحد بل ترغب وتدعو الى أن يتم اغلاق الطريق نهائياً أمام الآخر المختلف وحرمانه من التداخل في مفترعاتك لتسمع فقط صدى صوتك،ومع ذلك لا تظن أن هذا تطرفاً فيا للعجب!

سيظل هذا الموقع يسمح بمشاركة الأعضاء بعضهم بعضاً في الحوار المطروح ولن يغل الموقع يد أحد إلا حين يتجنى على الآخر فيترك المكتوب ويتعداه الى شخص الكاتب.

كن بخير