اقتباس:
المشاركة الأصلية كتبت بواسطة ناصر يوسف
ياخي السودان ده ضييق بشكل
تقوم تجي عرس الرشيد وممني نفسك بملاقاة عمك قرقاش
تلاقيه
تقعد تطك معاه الحنك
يقوم يسألك عن علاقتك بالتلفزيون
يقوم يجيب سيرة واحد حبيباً ليك عليه الرحمة والمغفرة إتوفي إلي رحمة مولاه
يكون الزول الجاب ليك سيرتو ده من أقرباءك شديييد ومتزوج خالتك بت خالة أمك
يبقي الزول المعني ده ،،،
شقيق عمك قرقاش
ياااااااااااااه
ما قلت ليكم السودان ده أضيق من نفق النملة { نفق النملة دي بالله سجلوها لينا كويس ؟ ؟ }
رحمك الله أخي وصديقي وأستاذي الجميل
المخرج التلفزيوني
طارق فريجون
شقيق عمكم قرقاش الأصغر
|
وحين التقينا انا وناصر ...افرد زراعيه واحتضننى قبل السلام والكلام ..وشعرت والله اننى فى حضن اخ لى احبه ...تعارفنا ونحن نتقالد السلام ...وفعلا ...طلع منى ومن اهلى وبيننا لحم ودم فبيننا من يقول له ياخال ويقول لى ياعم ..
نعم ما اصغر هذه الدنيا ...
المدهش ان هانى عربى والذى التقيه اول مره ...هو الاخر بيننا صله نسب حتما ..فلى ابن شاب من شباب قريتهم هو زوج بنتى فلذه كبدى ..
غايتوا ..ما بعرف لكين لو رافت وعسوم قعدوا مع بعض خمس دقائق سيظهر بينهم شئ مشترك ..ولا انتوا رايكم شنو ..؟
