ابو جعفر .. ابو جعفر .. ابو جعفر

[فتح العليم]

: like2:

المشاركة الأصلية كتبت بواسطة اشرف السر

السلام عليكم..

يا ناس اطروا الموت
الموت .. الموت.. اي الموت

كلامكم المكتوب دا كلو بتحفظ وبتأرشف.. ولو مسحتوه من سيرفر سودانيات في مواقع اخرى شغلها انها تحفظ نسخ من المواقع حسب الزمن..

فكل كلمة سيئة ستبقى في الأسافير الى أن يشاء الله..

قول رأيك صحيح...
او طلع غلط؟؟

يسوى الكلام دا شنو أمام الأبدية؟
وأمام ادراكك أنك ميت لا محالة؟؟
انت لا تسوى شيئا ذا بال مقارنة بضخامة هذا الكون
وانت تسوى كل شيء في الدنيا ان ادركت حجمك الحقيقي

فالجموا جماح النفس بذكر الموت يا احباب

[قرقاش]

المشاركة الأصلية كتبت بواسطة قاسم الحاج

محاوله جريئه ان لم تكن انتحاريه من السيد ابا جعفر في مزاحمه الساده علماء الاسلام وفرض موضعاً لقدمه -حمره عين كده-بينهم ،كانت تلك قمه الجراءه من ابا جعفر،ولكن سرعان ماانقلبت جرائته لسرد وقائع حاله انتحار معلنه وذلك بسلبهم جدهم وإجتهادهم وعلمهم-رجاله كده بس-وجعلهم اصنام يتعبدها الناس دون علم ،فتخلو له الساحه فيكون امر الاسلام ..قران مرسل من رب العباد لرسوله صلي الله عليه وسلم ومن ثم ابا جعفر ليبينه للناس ..فما كان من ابا جعفرإلا ان اختزل كل الامر في الديموقراطيه وان القران والاسلام =الديموقراطيه وبث..فيا طويل العمر ابا جعفر اسمح لي اقول ليك ياخ كلفنتا كلفته عجيبه خالص ..وتلك لعمري محاوله كان السلاح المستخدم فيها Magnum44 ولا اظنك من الناحين..

واو ..
الغريبه مكتوب قاسم الحاج كاتب نشط ...مع انه لا نشط ولاحاج ...لكنه مصوراتى درجه اولى
جاب لينا الفلم كله من لغلاليغه ...برافو لا بجد برافو ..
المشكله ياحبيب ما الماغنيوم والكولت ..المشلكه الكلاش والعوزى يكفينا واياك واحبه المنتدى شرهم ..
قلت احييك فقط تحياتى

[يحي عثمان عيسي]

المشاركة الأصلية كتبت بواسطة رأفت ميلاد

والله ده كلام مفترى بشكل عجيب ياخ فعلاً تربية دكتاتوريات .. يا ناصر ده شنو هسة .. حجر .. وصايا .. لماضة .. تحرش

وبعدين نحن لاعبين سيجة .. ياخ رأيو وهو حر فيهو ويقولوا مليون مرة أنت ضايق مالك

يا ناصر إذا فكرتك تغير رتم البورد غيروا بى حاجة جديدة من عندك ياخ .. وقصة عجيبة والله بتاعة (2 قالوا لي راسك مافي) هسة ورينى الراسو فى هنا منو

أنا من وجهة نظرى الإتعدى الحدود ومحتاح لوم هوى يحيى وحضيرى وعيدروس وزول الله وأنت بقيت فى راس القائمة

حاجة تحير ياخ

بالمناسبة الجيلى ما نسيتو لكن موضوع الجيلى وأبو جعر حاجة تانية خالص

حبيبنا رأفت التحية والاحترام

أها انا اتعديت الحدود كيف ووين ومتي والله اعتذر طوالي لو لقيت كلامك صاح
وبعدين يا اخي كان في وقتها تصحينا عشان ما تتطور الامور

[عبد المنعم حضيري]

المشاركة الأصلية كتبت بواسطة رأفت ميلاد

أولاً كلمة (تحشرك) دى كلمة ما كريمة فى حقك ما فى حقى .. وثانياً البينى وبين ناصر يفضل بينا أنت بره منو خالس وبرضو البينى وبين أحمد صلاح

تعرف يا حضيرى الكلام ساهل ولكن زى ما كان بتقول أمى الله يرحما (لسانك حصانك إن صونتو صانك وإن خنتو خانك) .. قول الدايرو بس ما بى شفتنتك وسلاطة لسانك لكن بحجتك .. أوافقك أبو جعفر تخطى حدود كتيرة منها طريقة تعديهو على الشيوعيين .. لاغضاضة نبذه للشيوعية .. مثلاً هناك من يرفض الصوفية البتدين بها أنت ولكم لا حف له فى تبذك شخصياً

بالمناسبة أنا جزء من هذا المكان وأدخل برأيى متى وكيف أريد فلا حجر علىّ منك أو من غيرك

في شافع رباطاب (معليش يا الرباطاب) ابوهو دقاهو مرق في الشارع يبكي جا واحد سألوا يا ولد ملك بتبكي قال ليهو أبوي دقاني قال ليهو دقاك في شنو قال ليهو في جنس تحشرك دا..
عندك إشكالية يا روفي (دي برضو بينك وبين مخير) في فهم الكلام ... الكلمة ماخودة من حشري يعني الشخص البيدخل في موضوع لا يخصه ..... فيها حاجة دي وال هو جر شكل وبس. ووصيتي ليك أمسك في وصية أمك دي قوي مع تعديل بسيط ... ما خنتو وإنما إن تركتو هانك .... لسانك حصانك إن صنتو صانك وإن تركتو هانك ..... الباقي نخليهو شوية.
أرجو أن تكون فهمت المداخلة الآن

وليك مني

[فتح العليم]

[QUOTE=كيشو;634147]

سلام مولانا
ياريت تضعنا في الصورة بتجرد وانا على ثقة من ذلك ،،، عن هذا المدعو أبوجعفر
ماهي اطروحاته ؟
لماذا انتقد من الجميع ؟
هل يرقي في الفكر لفرج فودة .
هل له مؤيدينا في المنبر حالياً ؟
وغيرها مما ترونه ضروري لفهم افكار هذا العضو ؟
هل ايقاف العضو يكون بمثابة منأي لعكود والامين العام عما طلبت به امس ؟

هل يمكن لمجلس الإدارة والامانة العامة اصدار بيان توضيحى عن العضو أبوجعفر

مع احترامي

[جيجي]

سلام عليكم ورحمة الله
يا كيشو
انت ليه شفت الجانب المظلم من الموضوع وطالبت الناس تنجو بنفسهاونسيت ان مثل هذا الطرح في هذا المنتدى له فوايدها أذا ما قوبل بالحجة الدامغة
انت تعلم كثير من الامور فيها اختلافات وهذه الاختلافات هي التي ادت لهذه الشيع والفرق بكل مسمياتها الاترى ان المواجهة بالحجة هي ووضع الحقائق امام الناس مهما ساءت الطرق هي الاجدي نفعا
الست معي ان الزمن يتطلب هذا وخاصة ان العالم الان يتواجه وجها لوجه بكل افكاره من خلال هذه الشبكة العنكبوتية ومواقع التواصل
اليست المواجهة هي الافضل مستصحبين معنا قول الله ولاتزر وازرة وزر اخرى
اليس الاجدي والافيد للاسلام المناظرة في ظل كل هذه الضبابية ام الاعتام والناي هو طريقنا لله
اليس معي ان هذا الدعوة منك بالناي هو وجه من اوجه التطرف
الا ترى ان البعد من النقاش هو السبب الرئيسي الذي ادي لحمل السلاح بين المسلمين كل منتصرا لفكره
هل اغلاق هذا المنتدى افيد الى الله من توضيح الحقائق لمن غابت عن ذهنه ولتبيين الطرق للنشء وهو في مواجهة العالم بكل عقائده وضبابيته
انا ارى عكس ما ترى واتمنى من الله ان يجزي عكود والا مين العام وكل من يقوم على هذا المنتدى
محاولة توضيح السبل ومحاولة ازالة سوء الفهم عند الكثيرين وتقوية المفاهيم من خلال ما جلب الاخوة المختلفين وانساء الطرح ولكن الحقائق كانت اكثر استبيانا اذ ان الطرح السلبي الذي اتي به ابوجعفر هو دوما اجدى للعقل من المحاضرات الدينية الاخرى ف المناظرات هي الاكثر عصفا للذهن واداة من ادوات الايمان الحق
لك اخيرا منى خالص الاحترام ولرؤيتك

[قاسم الحاج]

المشاركة الأصلية كتبت بواسطة قرقاش

واو ..
الغريبه مكتوب قاسم الحاج كاتب نشط ...مع انه لا نشط ولاحاج ...لكنه مصوراتى درجه اولى
جاب لينا الفلم كله من لغلاليغه ...برافو لا بجد برافو ..
المشكله ياحبيب ما الماغنيوم والكولت ..المشلكه الكلاش والعوزى يكفينا واياك واحبه المنتدى شرهم ..
قلت احييك فقط تحياتى

الزول الصبوح قرقاش حياك الله ومتعك بدوام العافيه اتمني ان اكون كما وصفتني ..

[رأفت ميلاد]

المشاركة الأصلية كتبت بواسطة عبد المنعم حضيري

في شافع رباطاب (معليش يا الرباطاب) ابوهو دقاهو مرق في الشارع يبكي جا واحد سألوا يا ولد ملك بتبكي قال ليهو أبوي دقاني قال ليهو دقاك في شنو قال ليهو في جنس تحشرك دا..
عندك إشكالية يا روفي (دي برضو بينك وبين مخير) في فهم الكلام ... الكلمة ماخودة من حشري يعني الشخص البيدخل في موضوع لا يخصه ..... فيها حاجة دي وال هو جر شكل وبس. ووصيتي ليك أمسك في وصية أمك دي قوي مع تعديل بسيط ... ما خنتو وإنما إن تركتو هانك .... لسانك حصانك إن صنتو صانك وإن تركتو هانك ..... الباقي نخليهو شوية.
أرجو أن تكون فهمت المداخلة الآن

وليك مني

كلمة (تحشرك) ما فهمتها أبعد من شرحك ده .. ودى الما كريمة فى حقك بالتحديد .. وبعدين يا ريت تعرف أنك فى بورد حر ما عندو صفة منجازة تحكمه قوانين ولوائح والباقى أخلاق

قوانين البورد واضحة ومحددة فى إهانة العقيدة أىً كانت .. أبو جعفر لم يسب الإسلام ومتمسك بعقيدته ويدافع عنها .. كونه أختلف معك ومع غيرك فى الرأى لم تنقلب الدنيا فأنت نفسك مكفر من الشيعة ومن السلفية كصوفى

بدرايتى المتواضعة للإسلام تقديسكم للصحابة والأئمة معلوم بالإشراك بالله .. وفكرهم كله إجتهاد قابل للتعديل والرفض والنقد وهم بشر لا يوجد ما يميزهم عن البش .. وكتب التراث كلها كاذبة ومعتمة للتاريخ والحقائق

[جيجي]

فاتني ان ااسجل صوت لوم لك ياعزيزنا كيشو لانك لم تكن حاضرا عند ذاك الطرح كما يجب
من منا لايعرف هذا اصل الطرح الذي جلبه ابوجعفر هنا واثره على العالم الاسلاميمن فتن وحروب وغيرها
المشكلة كما ارى ليست في ابوجعفر او ماجلب ففكره مطروح في كل مكان
ولكن المشكلة هنا في سودانيات وعذرا للاخوة ولكنها الحقيقة كانت في اختلاف مستوى المناظرة والاسلوب الذي لجأ اليه الاخوة من شكاوي ومحاولة اثارة حفيظة الناس عليه وعايزين عكود والامين العام يقيفوا ليكم في مواجهتوا باقصائه _بالله دا كلام دا!*
كان يجب محاورته بالحسنى وبالحجج وانت احسن من يجيد ذلك


*
اذ ليس الجدوى في اقصائه او ارجاعه عن فكره بل الجدوى في ضحد الفكر ومقابلته بالحقائق التي ترونه وترك الامر امام الناس ولكل امرء عقل يهديه لقوام السبيل

[عبد المنعم حضيري]

المشاركة الأصلية كتبت بواسطة رأفت ميلاد

كلمة (تحشرك) ما فهمتها أبعد من شرحك ده .. ودى الما كريمة فى حقك بالتحديد .. وبعدين يا ريت تعرف أنك فى بورد حر ما عندو صفة منجازة تحكمه قوانين ولوائح والباقى أخلاق

قوانين البورد واضحة ومحددة فى إهانة العقيدة أىً كانت .. أبو جعفر لم يسب الإسلام ومتمسك بعقيدته ويدافع عنها .. كونه أختلف معك ومع غيرك فى الرأى لم تنقلب الدنيا فأنت نفسك مكفر من الشيعة ومن السلفية كصوفى

بدرايتى المتواضعة للإسلام تقديسكم للصحابة والأئمة معلوم بالإشراك بالله .. وفكرهم كله إجتهاد قابل للتعديل والرفض والنقد وهم بشر لا يوجد ما يميزهم عن البش .. وكتب التراث كلها كاذبة ومعتمة للتاريخ والحقائق

طيب لو فهمتها صاح تبقى ما كريمة في حقي كيف .... فهمني الله يرضى عليك

فيها شنو الما كريم في حقي ومادام فاهم يبققى أكيد فاهم برضو قصدي من إستعمالها.

وأدعو الله لي ولك أن نكون من أصحاب الخلق والأخلاق.

أبو جعفر سب العقيدة وكفر الصحابة والعلماء والتابعين وكل الأجيال حتى جيلنا الحالي كلهم كفرة بنص كلامه الذي شهد به الجميع وتكفيره للأمة شهد به الجميع ونفيك له لا قيمة له ولن يغير في المضمون شئ... أبو جعفر موقفوا بائن وواضح ولا لبس فيه وإنت برضو موقفك من مثل هذا الطرح واضح وبائن وموافقتك عليه ومدافعتك عنه تعتبر مشاركة منك فيه وجريمتك لا تقل عن جريمة أبو جعفر وإن كنّا سكتنا عنك كان ذلك على أمل أن تدرك الحقيقة من خلال النقاش وتعود لتشجب تكفير الصحابة والأئمة والأمة ولكن يبدو أن الأمر من الأهمية عندك بحيث تستميت في الدفاع عنه آملاً إعادته لحاجة في نفسك. فماذا يهمك إن كفر صحابي أو اسلم هل أنت مسلم؟؟؟

يا رأفت نحنا ما عاوزين نعاديك ولكن رجاءاً إبتعد عن إبداء آراءك السالبة تجاه الإسلام وما شغلك أكفر بواسطة الشيعة وال بواسطة السلفين

فرجاءاً وبصدق أكفنا شر معاداتك وناقش في منبر الحرية دا براحتك بس بعيد عن العقيدة الإسلامية

[زول الله]

المشاركة الأصلية كتبت بواسطة جيجي

المشكلة هنا في سودانيات وعذرا للاخوة ولكنها الحقيقة كانت في اختلاف مستوى المناظرة والاسلوب الذي لجأ اليه الاخوة من شكاوي ومحاولة اثارة حفيظة الناس عليه وعايزين عكود والامين العام يقيفوا ليكم في مواجهتوا باقصائه _بالله دا كلام دا!*
كان يجب محاورته بالحسنى وبالحجج وانت احسن من يجيد ذلك


*
اذ ليس الجدوى في اقصائه او ارجاعه عن فكره بل الجدوى في ضحد الفكر ومقابلته بالحقائق التي ترونه وترك الامر امام الناس ولكل امرء عقل يهديه لقوام السبيل

ازييك يابت القبايل

محاورته بالحسنى والحجج كيف وهو يضع كل من يحاوره في قائمة التجاهل؟؟
ولعلمك -ان كنتِ لاتعلمين- فـ قائمة التجاهل تعني ان الموضوع فيها مخفي تماما هو ومشاركاته عن واضعه..
بمعنى انه ماحيشوف مشاركاتك ولاحججك ولابراهينك الجبتها ليهو
ودا انا بعتبره -ومعاي آخرون- جبن وعدم قدرة على ادارة حوار وضعف تأهيل
ضعف تأهيل بمعنى انه غير مؤهل لافكرياً ولاموضوعياً لمناقشة او تبرير ما"يؤمر" بنشره لذلك يلجأ للإبتعاد عمن يحاججه كي لاينفضح موقفه.
ولعلمك -ومعك آخرون- ان المذكور يقوم بنشر نفس كتاباته هذه بطريقة النسخ واللصق في عدد كبير من المنتديات
وبنفس طريقة عدم التحاور وطريقة قائمة التجاهل
وبأربعة أسماء حركية من ضمنها"ابوجعفر" و "الرضي".
تاني شنو؟؟؟








*
يا ابوجعفر و الرضي "وآخرون"
مادام جيتنا كـ "زائر" يبقى شوف كلامي الفوق دا كويس وماتنساه
وانا بهنااااك اسمي "السواح"
عشان تكون عارف

اقول قولي هذا واستغفرالله لي.........................

[جيجي]

ازيك يا ود ابوي
نحن قلنا بالحسنى
الزول دا ما قفل الناس الا بعد التداخل الخشن والاساء ليه بشدة
ارجو ان لاننسى

[زول الله]

المشاركة الأصلية كتبت بواسطة جيجي

ازيك يا ود ابوي
نحن قلنا بالحسنى
الزول دا ما قفل الناس الا بعد التداخل الخشن والاساء ليه بشدة
ارجو ان لاننسى

ارجعي لمواضيعه وردوده على المشاركات الـ بالحسنى من الناس البحاوروه
وشوفي كمية الاوصاف والنعوت والاتهامات البتتدفق عليهم قبلما يتم "بسترتهم" في القائمة الشهيرة.










اقول قولي هذا واستغفرالله لي......................

[جيجي]

يازول الله
الامر في مثل هذا يقتضي الامانة مع النفس لان للاسلوب والتوقيت والخلفيات وقعها
ونحن من المتابعين لما يجري في صمت

[حسين عبدالجليل]

المشاركة الأصلية كتبت بواسطة عبد المنعم حضيري

قبل كدة انت قلت لاحمدصلاح انت دايما اوف بوينت الكلام دا بينطبق عليك بحذافيرو وبعدين جنس تحشرك دا هو البخلينا نقبل عليك وتقوم تحمبك ..اعتذر لناصر .. كلامك الاوف بوينت معاهو ما كان تمام .. انا حقي بعرف اخدو بس ما اسي..

المشاركة الأصلية كتبت بواسطة عبد المنعم حضيري

............
عندك إشكالية يا روفي (دي برضو بينك وبين مخير) في فهم الكلام ... الكلمة ماخودة من حشري يعني الشخص البيدخل في موضوع لا يخصه .....
وليك مني

تحياتي أخ عبدالمنعم :

أسمح لي بالإختلاف معك فيما قلته لأسباب سأبينها أدناه .

العلاقة بين كل من يكتب بسودانيات يحكمها ميثاق ولائحة سودانيات أي أن العهد بيننا هو الميثاق و اللائحة . القرآن شدد وأكد في عدة آيات ضرورة الوفاء بالعهد , إذن أي محاولة لإلزام أﻷخ رأفت بما هو غير متضمن في عهدنا هذا لايجوز خلقيا و لادينيا .

اﻷخ رأفت و الذي هو أقدم مني و منك في هذا المنتدي , و بنص الميثاق و اللائحة من حقه المشاركة في أي بوست .

مثلك أحب الإسلام ولا أرضي أي سب له, وعندما حصلت الإساءة للإسلام و لرسوله الكريم في هذا المنتدي من قِبل عضو مسيحي آخر فيما مضي , لم يجاريه الأخ رأفت, و كان أكثر من تصدي لإلقامه حجرا هو الاخ عبدالله موسي ثم شخصي . لم أذكر لك هذه الواقعة إلا لتطمينك بأننا أيضا لانرضي سب عقيدتنا و ديننا .

ولو منحت نفسك فرصة ياعبدالمنعم ستحب رأفت و عبدالله موسي ذاتو!

مودتي و إحترامي .



*ال underline وال bold في مقتبس مداخلة عبد المنعم هو من عندي ولايوجد في المداخلة الاصلية .