[quote=صديق عيدروس;635054]
اقتباس:
المشاركة الأصلية كتبت بواسطة Hassan Farah
والله يابروف ده كلام هوائي ماعليه اي دليل
ياخي كل الادلة تشير الى ان السودانيين اليوم احسن حالا من العهود الماضية منذ الاستقلال من (الناحية الاقتصادية )
انا عارف حايجي واحد ويقول ليك الناس كانوا مرتاحين او على الاقل ما كانوا بشتكوا ...!!!
والجواب بسيط جدا : فماكانوا بشتكوا لانه حوائجهم كانت بسيطة جدا جدا في المأكل والمشرب والملبس والعادات ،، في امدرمان وعواصم الولايات والمدن اغلب البيوت ما كان فيها تلاجات ،، وكبار التجار كانوا بيعتمدوا على الحمير في تنقلاتهم
لو عايز تقنعنا بان الحال كان احسن ورينا كم كانت صادرات السودان ودخله القومي في الماضي مقارنة باليوم ،، وكم كانت نفقات حكومة السودان على الخدمات والبنية التحتية في الماضي مقارنة باليوم
|
اقتباس:
المشاركة الأصلية كتبت بواسطة الجيلى أحمد
أين هذه الأدلة؟ خليناها كلها,
أدينا يااخى دليل واحد
فد دليل!!
بلد كلها مهاجرة وهاربا من الجحيم وطاحونة الزل والمسغبة والرفت والتنكيل, وكل أشكال مهانة الانسان الذى كان يوما ما عزيزا حتى ولو فقيرا
|
انا اتكلمت عن بعض الادلة يا الجيلي ،، وهي تمثل حياة السودانيين في العقود الماضية وهي حقيقة ،، وانت تكلمت عن (رأي ) ممكن نتفق او نختلف حوله ،، وهو الزل والجحيم والتنكيل الذي ادى الى هجرة السودانيين ،، انا شخصيا قد اتفق مع كلامك ده قبل عام 2005 بعد ذلك انا ممكن اقول انو كل من هاجر من السودان كان سبب الهجرة اقتصادي لتحسين احواله المعيشية
اما حكاية مبادرة (لا لقهر النساء ) برجع ليها تاني ،، لانها لاعلاقة لها بالمجتمع المدني ،، وهي فقط واجهة حزبية وتعمل عكس المقاصد والاهداف التي قامت عليها فكرة المجتمع المدني ،
