الشفيف بدبي في ضيافة الأديب

[بابكر مخير]

المشاركة الأصلية كتبت بواسطة عبد المنعم حضيري

تحياتنا للباذخ بالله
وليك التحية يا أبو بكر

نعمي
حسي قل ليا؛ إن شنهو وشنهو دآك وإن قدرت الأمور وسنحت الظروف
زولك دآك بيوردك ولا بيجيك...
الحبيب النسيب، من عنده وبواعظ ضميره ودواخل ذاته، ركب متحمل عناء السفر مشقة الطريق والجت لآق وقال أصل الصحاب وأشوف الأحباب..
وآهو وصلنا بالسلامة،
مرحب بيهو في أرض زايد الخير وإن شاء الله ليهو القعدة تتسهل وبيهو غربتنا تتمهل وعندهو وحشتنا تتحلحل..
فيصول
مرحب بيك وإتا شاق "المسافة"
وأهلا بيك الحبيب النسيب،
ربنا يقدرنا،
نحسن الضيافة
من قلوبنا، بالعندنا والفي أيدينا والممكن وبنحاول المحال والمستحال...
حللتم أهلاً وأقمتم سهلاً...

[عكــود]

الشفيف حبابو ومرحبابو وجيتو تشرّفنا والله.

كأريحيته، زي ما قلت يا بيكو، حريص جدّاً على ملاقاة الناس،
وسينوبنا من سعادة شوفتو جانب إن شاء الله،
فـ وا حلالنا.

شكراً يا أديب

[عبد المنعم حضيري]

المشاركة الأصلية كتبت بواسطة بابكر مخير

نعمي
حسي قل ليا؛ إن شنهو وشنهو دآك وإن قدرت الأمور وسنحت الظروف
زولك دآك بيوردك ولا بيجيك...
الحبيب النسيب، من عنده وبواعظ ضميره ودواخل ذاته، ركب متحمل عناء السفر مشقة الطريق والجت لآق وقال أصل الصحاب وأشوف الأحباب..
وآهو وصلنا بالسلامة،
مرحب بيهو في أرض زايد الخير وإن شاء الله ليهو القعدة تتسهل وبيهو غربتنا تتمهل وعندهو وحشتنا تتحلحل..
فيصول
مرحب بيك وإتا شاق "المسافة"
وأهلا بيك الحبيب النسيب،
ربنا يقدرنا،
نحسن الضيافة
من قلوبنا، بالعندنا والفي أيدينا والممكن وبنحاول المحال والمستحال...
حللتم أهلاً وأقمتم سهلاً...

زولي الله يديهو العافية

شكلو مدروش ما لاقي يحك راسو

ربنا يسهل أمرو وأمرنا جميعاً

كترو من الشواءات للباذخ دا .... أمرقوهو من مود الخواجات دا لبراحات الشطة والدكوة .... بعدين ما تنسى تديني تقرير عن مستوياتو الوِستية

تحياتي

[بابكر مخير]

المشاركة الأصلية كتبت بواسطة عبد المنعم حضيري

بعدين ما تنسى تديني تقرير عن مستوياتو الوِستية
تحياتي

زولي شكلهو
منقطها
فاجيها وقاعد وسطها
وللدامة بين الشايب والولد موهطآ
السيك ديك
أكييييييييد للخصم سامطها
(مش بيقولوا "كف ساموطي")


بالله عليك أمس القرييييييييييييييييييب دآ،
المساء وزميلي المداوم ود أخو أبو عيسى، غاب وزاملني بداله حبيبنا زمراوي "حلفا ضغيم ولا برلين" وضد شباب حلويين محمد "أوس إتنين" ..
سيكناهم ويا زول مجموعة العشرين صفقوا وطفقوا..
جاني الما بغباهو،، ود ناس أبوعيسى،، وضد إتنين يديهم العافية جوز جمعهم غياب زملائهم الأصليين ومشت كدآ،،
تسعة وأنا عندي سبع بيهة واحدة (أتوو) وآسن كآآآآآآرب وكرت، آها حسب عرف طربيزتنا، قلتا تسعة وعشمان أدبل السيك،،
زميلي عنده أربع كروت، آس وشايب وولد و8 وعندي ليهو البت مع كرتين،، الشمالي نفخ 13،،
أبو عيسى سليل المقاتلين والثوار...
نخآ وناااااااااااااااااااااام..
شيلونا ليك سيك العدو
سيك ما إستهالها !!
إلا الحزب المؤتمر وربيبهم "داعش"

[عبد المنعم حضيري]

المشاركة الأصلية كتبت بواسطة بابكر مخير

زولي شكلهو
منقطها
فاجيها وقاعد وسطها
وللدامة بين الشايب والولد موهطآ
السيك ديك
أكييييييييد للخصم سامطها
(مش بيقولوا "كف ساموطي")


بالله عليك أمس القرييييييييييييييييييب دآ،
المساء وزميلي المداوم ود أخو أبو عيسى، غاب وزاملني بداله حبيبنا زمراوي "حلفا ضغيم ولا برلين" وضد شباب حلويين محمد "أوس إتنين" ..
سيكناهم ويا زول مجموعة العشرين صفقوا وطفقوا..
جاني الما بغباهو،، ود ناس أبوعيسى،، وضد إتنين يديهم العافية جوز جمعهم غياب زملائهم الأصليين ومشت كدآ،،
تسعة وأنا عندي سبع بيهة واحدة (أتوو) وآسن كآآآآآآرب وكرت، آها حسب عرف طربيزتنا، قلتا تسعة وعشمان أدبل السيك،،
زميلي عنده أربع كروت، آس وشايب وولد و8 وعندي ليهو البت مع كرتين،، الشمالي نفخ 13،،
أبو عيسى سليل المقاتلين والثوار...
نخآ وناااااااااااااااااااااام..
شيلونا ليك سيك العدو
سيك ما إستهالها !!
إلا الحزب المؤتمر وربيبهم "داعش"

والله ما عجبتني ليك .... وزعلتني شديد زول بـ موستوياتك دي يتسيك وفي قبول زميلو كمان ... حارة والله ... بس بيني وبينك بيكون إنتكل علي تسعتك دي ونسى أن تسمية التسعة لا يعول عليها في حسابات السيك .... معليش تعيش وتاخد غيرا والعاقبة للسيد الباذخ كمان

[خالد غالي]

المشاركة الأصلية كتبت بواسطة بابكر مخير

زولي شكلهو
منقطها
فاجيها وقاعد وسطها
وللدامة بين الشايب والولد موهطآ
السيك ديك
أكييييييييد للخصم سامطها
(مش بيقولوا "كف ساموطي")


بالله عليك أمس القرييييييييييييييييييب دآ،
المساء وزميلي المداوم ود أخو أبو عيسى، غاب وزاملني بداله حبيبنا زمراوي "حلفا ضغيم ولا برلين" وضد شباب حلويين محمد "أوس إتنين" ..
سيكناهم ويا زول مجموعة العشرين صفقوا وطفقوا..
جاني الما بغباهو،، ود ناس أبوعيسى،، وضد إتنين يديهم العافية جوز جمعهم غياب زملائهم الأصليين ومشت كدآ،،
تسعة وأنا عندي سبع بيهة واحدة (أتوو) وآسن كآآآآآآرب وكرت، آها حسب عرف طربيزتنا، قلتا تسعة وعشمان أدبل السيك،،
زميلي عنده أربع كروت، آس وشايب وولد و8 وعندي ليهو البت مع كرتين،، الشمالي نفخ 13،،
أبو عيسى سليل المقاتلين والثوار...
نخآ وناااااااااااااااااااااام..
شيلونا ليك سيك العدو
سيك ما إستهالها !!
إلا الحزب المؤتمر وربيبهم "داعش"

تسميتك غلط ضللت زميلك، المفروض تسمي ليهو 11
والمفروض يلعب هو طمعا في السيك وليس خوفا!!

مرحبا بالشفيف
ويا اديبنا بالله ماتنسونا من خالص شواءاتكم

[أبوبكر عباس]

المشاركة الأصلية كتبت بواسطة النور يوسف محمد

السرح منو يا بابكر
الأديب ولّ المستنير ،،

لآنو لو المستنير بكون موضوعية أسعد ضربت فى مقتل ،،

في البداية سرحت كمستنير، ثم قلت أحسن نعوّض خسارة العتود الجاب الشكرّة لوجدي بتأمل أدبي.
لكن عشان أوريك كيف معيار الباذخ دا مجلي؟! سألتو عن الجيلي، شكرو لي شكر شديد!!
بسري قلت ليهو: حلال عليك العتود

[الجيلى أحمد]

المشاركة الأصلية كتبت بواسطة أبوبكر عباس

في البداية سرحت كمستنير، ثم قلت أحسن نعوّض خسارة العتود الجاب الشكرّة لوجدي بتأمل أدبي.
لكن عشان أوريك كيف معيار الباذخ دا مجلي؟! سألتو عن الجيلي، شكرو لي شكر شديد!!
بسري قلت ليهو: حلال عليك العتود

يااخى دا عتود كارب
من اللقمة التالتة يخلى الزول يشكر فى الناس

[عكــود]

واكتست الرويس ألقاً بزيارة الشفيف!

أمس بعد صلاة الجمعة شرّفنا الباذخ فيصل ونوّر بيتنا.

الصور والتفاصيل تأتي لاحقاً.

[الجيلى أحمد]

المشاركة الأصلية كتبت بواسطة عكــود

واكتست الرويس ألقاً بزيارة الشفيف!

أمس بعد صلاة الجمعة شرّفنا الباذخ فيصل ونوّر بيتنا.

الصور والتفاصيل تأتي لاحقاً.

حسادة عديل كدا..

ياخى نعم الضيف ونعم المضيفين

[معتصم الطاهر]

لمة ..


جميلين ..

[عكــود]

ومعنا العوض ومحمد أباذر ..

والصور بينزلها العوض (إن بقى سخى).

سلام باش / جيلي.

[ناصر يوسف]

انشاء الله ملمومين ديمه بالمحبة الاخوية الصادقه يا رب

بالله الباذخ ده قولولو دحين وكتين يندلي علي البد

لا ينسانا من صالح اللقاءات وكدي ياخ

تحياتي يا كاتبي المفضل وللباذخ ولضيوف البوست ابو عتوت ده ياخ

[يحي عثمان عيسي]

يا اخوانا لو سمحتو
ابو بكر ده بتين بقي اديب ؟؟ موش كان شفيف
يعني الترقيه دي هبتلي كده ولا عندها ظابط ورابط
ود سعد اديب وشفيف دهي مقبوله وحقتو قطع شك
لكن الرويعي أديب ؟؟ سبحان الله
عموما لمه مباركه وتقبلوا تحياتنا

[الجيلى أحمد]

المشاركة الأصلية كتبت بواسطة يحي عثمان عيسي

يا اخوانا لو سمحتو
ابو بكر ده بتين بقي اديب ؟؟

براهو يايحي براهو برااااااهو
صحى من النوم ولقى روحو اديب..
ياخى ربنا دا عندو حاقات

كلو هين, بس قصة السرحان دى مامبلوعة
أديب وشفيف.. نظام الود بيشتغل فى حتتين
شامبو وبلسم