عثمان حمد عثمان شخباط ولا كتأب؟ ؟ ؟ ؟

[imported_طارق الحسن محمد]

بعـــض مــن بوستــاتى
مابيــن جاكــوليـــــــــــن و ونســـــة الجلاكيــــــــن-
إبداعــات حبـوبـة اب دومـة صاحبـى
فى ذكـرى سِـروال حبوبـتى


بماذا يمكن لنا أن نصنف ما يكتبه صديقى عثمان حمد عثمان ؟؟

أى نوع من الادب يمكن ان يصنف أو أى نوعأ من انواع القص يمكن
ان تاتى تحته تلك الكتابات ؟؟؟
سوال أطرحه لكل من قراء تلك الكتابات ، والتى لا يتورع هو ان
يسميها (شخبطة) ! ! !
واوردت بعض تعليقات من قراء تلك البوستات للتذكير ببعض تلك
الاراء فقط

-- ------------------------------------------------------------------------------

آخر مرة قرأت لك كان تعليقآ علي إسم فنان في بوست للطيب بشير وأنك إعتقدت أنه قاضي
ضحكت حينها من قلبي والله..
عثمان حمد تعجبني النكتة عندك والخيال الخصب فأسماء مثل "الكوكابولا" "أباط المجنونة"
وحوارتك القاطعها من راسك هي ماركة خاصة ل عثمان حمد عثمان وبالعكس

أما الفكرة بصورة مجملة فهي أقسي نقد سياسي للسياسة الدولية والمحلية أقرأه بعيدآ عن مصطلحات
مثل "العولمة" "والنظام الدولي" وحتي "في الحتة دي"
عثمان حمد إنت زول (مبدع) طبعآ الكلمة دي براها ممكن توديني في ستين داهية لو لمو فيها أصحابك في القرية المجاورة والتي تجاورها وهم يتصارعون منذ شهرين في (تهديد سجيمان للثقافة والسلم العالميين)

واصل يا صديقي فأنا العبد الفقير لله أستمتع جدآ بقراءتك


يا ود حمد
سلام
و الله ضحكت حتي بانت النواجز و لي مدة ما ضحكت كدة
يعني سخرية ما بعدها سخرية

المحزن إنو أنا كنت عايزة أشارك أخو الرجبية في المشروع قبل أصل لنهاية القصة
و أصبحت كالراعي الذي كسر زجاجة سمنه بعصاه و هو يسرح في الأمنيات
خسارة..الحلو ما يكملش
و جاتنا نيلة في حظنا الهباب كما يقول الساخر أحمد رجب علي لسان قاسم السماوي في كراكتيراته المشهورة

يا زول خلي شراب الشاي التقيل و ركز و أخد كلامك البتكتبه دة بجدية أكتر
و أنا لا بعرف أجامل و لا غيره

نتابع معك
________________________________________
عثمان حمد لك التحايا العطرات وأنت تعطر سماوات سودانيات بهذا الإبداع المتناهي في الخيال والتعابير الأنيقه ..

تشكراتي التريانات بالحيل
التوقيع
العزيز عثمان ...
بدات قراءة القصة و عين مغمضه .. و عندما انتهيت من قراءتها كانت كلا عينيئ مفتوحتين ... لكونها لم يرد فيها ما يجعلني اغمض العين الثانية.. فخيول ابداعك غير محتاجه الي تعابير عاريه لتيغظها.. مع ودي
بكري
________________________________________
عتمان ياترب الجن

عثمان عثمان
حمد حمد


قلت لك يوما ستتسبب في فصلي .. فانا أضحك حتى البكاء.ز
وبصوت عال .. وتتحدر الدموع مني ..
بالفعل انت موهوب بكل معني الكلمة ..

أراك تسير في الطريق الصحيح ...
الفكرة جرئية وناضجة ... والرؤية السياسية مضمنة في اطار فكاهة .. وبطريقة ذكية

اجدك قد اهتممت باللغة ونأيت عن المفردات الشائكة ..

امنياتي القلبية بسيرك الحثيث تجاه العولمة ...!!!

ود اخوي حمدي ..
لا بأس على عثمان فهو ولد شالق ولكنه موهوب ومجتهد ..
اما حكاية الاستثمار فلي رأي فيها هو يعلمه ...؟؟؟[/font][/B]
التوقيع

________________________________________
صديقي عثمان حمد
الم اقل لك يوما بانك باااااااارع وكتاب؟
نظرتك عميقة يا ود حمد والله العظيم دي صورة من النقد في مجال السياسه الامريكية مافي زول سبقك عليها
لكن ما تقول لي من رجبية (الخترية) بس خسارة ما اتهنينا بي بولها
تسلم وبالله كتر من عيارك عشان الحاجات الظريفة دي تطلع
التوقيع
لأننا نتقن الصمت ..
...
حمّلونا وزر النواي
________________________________________
عزيزنا عثمان
أفرحني هذا القص ، وذاك الخيال المنطلق،
يارجل هذه موهبه فذه

لاذلت اضحك
قد اعود للتعليق
التوقيع
How long shall they
________________________________________
إقتباس:
(القول قولنا والبول بولنا).


أهلين عثمان حمد
كلام جميل و لذيذ
و شعار مدهـش (القول قولنا والبول بولنا
________________________________________
عمتي ( اشرااااااااااااااااااااااااااااااااق)

اين انتي واين نقدك الذي (يغلغل) الود المطموس ده ؟؟

عثمان حمد

وحاة الله انت مابراك

ياود ده كلام شنو القاعد تكتب فوقو ده ؟؟؟


شكيت محنك علي الله الاقوي مني ومنك

ويلا اتنيل ابقي شمس (بس اعدل الخطي ياسجم


________________________________________
صديقي عثمان حمد
الم اقل لك يوما بانك باااااااارع وكتاب؟
نظرتك عميقة يا ود حمد والله العظيم دي صورة من النقد في مجال السياسه الامريكية مافي زول سبقك عليها
لكن ما تقول لي من رجبية (الخترية) بس خسارة ما اتهنينا بي بولها
تسلم وبالله كتر من عيارك عشان الحاجات الظريفة دي تطلع
التوقيع
لأننا نتقن الصمت ..
...
حمّلونا وزر النواي
________________________________________
عزيزنا عثمان
أفرحني هذا القص ، وذاك الخيال المنطلق،
ومجموعة الرصف الخلوق للسرد القصصي
والمرامي بعيدة النظر ، والطرافة ذات المعاني
الدفينة .
شكراً لهذا العمل الرائع .
التوقيع
________________________________________
العزيز عثمان
والله لي خمستاشر سنه منذ هروبي من وطني ما ضحكته ومن جوه اعماقي زي مااضحكني هذا البوست خفيف الظل .
والله ابداع وحضور زهني خلاب في زمن العولمة
التوقيع
أمسكت بالقلم لأكتب همومي فبكى القلم
حمد المطموس،

بوست زي ده يمسكوهو من وين ويجيبوهو بي وين؟
إستمتعت بكل قطرة فيه .. ضحكت وتأمّلت ..
وكما تأسرني دائماً وصف التفاصيل الدقيقة ..
وأعتبرها السهل الممتنع عند المبدع،
فقد كان البوست حافلاً بها، مثال:
إقتباس:
فهذة حاجة مُسنة جاءت والعجين يتقطر من يدها واخرى توبها نصفه على رأسها ونصفه الاخر يتشبث بتراب القرية وهذة صبية جاءت وفى يديها عروسها التى لم يكتمل صنعها من الطين وهذا سرب من الشيوخ جاءوا من مزارعهم منهم من يحمل منجله ومنهم من يحمل سبحته، جاءوا من كل فجٍ عميق، فضاق بهم ذلك المركز الصحى الصغير.


عثمان،
واصل الكتابة ولا تكسل ..
فأنت مبدع،
ومشتاقين،

عكــود
التوقيع
لن يمل الحزن من عينيك أبداً..
فتعلّم..كيف بالدمع تغنّي للجمال
-عبد الله جعفر-




إقتباس:
الضحاية:ــ
انتي آأم ضرع شايلاها في ناري دي مالك ماك نصيحي؟
أم ضرع:ــ
هو النصيح منو الليلي؟


عثمان حمد اخوي..
خبر جنّك مشى لي بعيد..
كم تمنيت ان اجد في نهاية الحكي كلمة (نواصل)..

لكن جلاكينكم اخطر من جاكولينكم.

وعذرا لتاكيد الجن من ام ضرع..

مجنون كتاباتك
حميد...
التوقيع
إذا الإنسان ماليهو قيمة....عليش خلفوا سام وحام
ابوزيد يبداء مرة اُخرى فى شغبه اللذيذ مع ابوعاقلة: لكن يا ابوعاقلة اخوى يبقى لى إنتَ ذاتك كِملتَ تب!!؟؟


ود حمد المطموس،
ليك وحشة يعلم الله وطوّلت غيباتك،
عجبتني دردقة أبو زيد لأبو عاقلة..
بتحصل كتير لمن يكون في واحد لسانو فاكّي (متِل حالاتك) والجماعة عايزنّو يفلّت..
يقوموا يصرفولو جِنْس الجرعات دي، عشان يعبّر عنّهم هم،

يوم بتجيب ضقلها يكركب،

عكــود
التوقيع
لن يمل الحزن من عينيك أبداً..
فتعلّم..كيف بالدمع تغنّي للجمال
-عبد الله جعفر-
________________________________________
ود حمد

هي لكن بالأول كدي الواحد يقول بسم الله دخلنا علي البوست
جاكولين دي هسي هي قااااااااعده في الدنيا دي ؟؟

لا بس بقول يعني لو قااااعده ما تحاول تلمها بي الجلكين عمك أبو عاقله المشوطن ده يمكن تجيب آخره
علي الرغم من عدم إتفاقي معاه في الحته دي :

(ابوعاقلة: والله الحق يتقال يا ابوزيد اخوى، لسة ماضقتو بخشمى دا، عِلا اقولكم كلام، أنا والله حق حريمنا ديل كان ما الخُمرة والدلكة ديل، كان يبقى لى طعمو مِتل حجر البطارية.)

وهذه هي المفاهيم السائدة بين مجتمع الرجال عندنا ....

وبينما أنا أتفسح في سياحتي مع الجلاكين إسترجعت منظر جاكولين وأنت وصديقك ماركو وفنجان القهوة وقلت :

أها وبعد الفنجان ماركو ما إستأذن ومشالو فجة تانيه ؟؟!! أها وجاكو سويت معاها شنو آآآآآآود حمد ؟! !!

زي قول خالد الحاج

شكيت محنك لي الله يا عثمان حمد ....



________________________________________
ود حمد

هي لكن بالأول كدي الواحد يقول بسم الله دخلنا علي البوست
جاكولين دي هسي هي قااااااااعده في الدنيا دي ؟؟

لا بس بقول يعني لو قااااعده ما تحاول تلمها بي الجلكين عمك أبو عاقله المشوطن ده يمكن تجيب آخره
علي الرغم من عدم إتفاقي معاه في الحته دي :

(ابوعاقلة: والله الحق يتقال يا ابوزيد اخوى، لسة ماضقتو بخشمى دا، عِلا اقولكم كلام، أنا والله حق حريمنا ديل كان ما الخُمرة والدلكة ديل، كان يبقى لى طعمو مِتل حجر البطارية.)

وهذه هي المفاهيم السائدة بين مجتمع الرجال عندنا ....

وبينما أنا أتفسح في سياحتي مع الجلاكين إسترجعت منظر جاكولين وأنت وصديقك ماركو وفنجان القهوة وقلت :

أها وبعد الفنجان ماركو ما إستأذن ومشالو فجة تانيه ؟؟!! أها وجاكو سويت معاها شنو آآآآآآود حمد ؟! !!

زي قول خالد الحاج

شكيت محنك لي الله يا عثمان حمد ....



________________________________________
]
عثمان حمد ..
الولد الشالق
او المطموس كمايقول الكامل

اولا .. لست ادعي المعرفة بمنطق او مداخل او مدارس النقد
بقدر ما انا اسعى لاكون قارئة جيدة ....!

هلا سمحت لي بهذه الكلمات ...

قرأت النص مثنى وثلاث ورباع ...
كنت ابحث عن رسالة طي الحروف تبعث بها الينا ..نحن القراء
انت تعلم ان كل نص لابد ان يحتوي او ينطوي على رسالة ما .. على هدف محدد ينبغي الوصول اليه حال الفراغ من قراءة النص ... سواء بطريقة مباشرة او غير مباشرة
لم أستبن هذه الفكرة او تلك الدعوة او الهدف من نصك ... الموسوم مابين جاكولين ..وونسة الجلاكين ..)

انتقالك بالنص من مكان وزمان الي آخرين او هذا المسمى بالفلاش باك .. .. لم يكن يتبع أي تسلسل منطقي ... فالاحداث قد بترت بشكل جعل الفهم يستصعب مع مراحل تطور النص..

اقحامك لبعض الالفاظ قد اخلت كثيرا بالسياق العام للنص ... وجعلت هذه الالفاظ تقف معزولة عن بنية النص .. وبالتالي فقدت هذه الالفاظ القاها .. ولم تأتي بالعفوية المطلوبة ...

أرى ان موهبتك لا غبار عليها .. يمكنك ان تكتب نصوصا مكتملة البناء اذا نأيت بنفسك عن الافراط في الحسية هذه .. التي لا تكمل المعني بقدر ما تنقص منه ...

أرى انك اذا ما بذلت قليلا من الجهد في الاهتمام بالنواحي الاملائية .. اللغوية والنحوية .. فسوف يكتمل بناء نصوصك بشكل ملفت للنظر جميل وانيق .." يمكنك في هذا الاستعانة بمن لهم باع طويل في ذلك .. الم ترى كيف فعل صديقنا صاحب البرتقال .. رغما عن غزارة علمه وموهبته الفذة استعان بمن ظن انهم يضيفون الي نصوصه بعضا من معارفهم ...وخبراتهم ..!"



واخيرا ارجو ان اكون قد اتيت بشئ فيه بعض الفائدة ..
معزتي التي تعرف


اشراق
التوقيع
عيونا محبتك فيهن
بتبقى
وقدر ما يتوهن دموع الشوق بتجلوهن








________________________________________
الغالية اشراق

طبعاً لما كتبت رسالة ورسالة واضحة جداً. لا اعلم كيف لم بتضح لعقلك الحكيم ذلك او هل ربما لم انجح انا فى توصيل ذلك ام يحتاج فهم هذة الرواية لشخص يعيش نفس المناخ الذى يعيشة الراوى؟

على العموم الهدف مضمون فى الصراع مابين ابوعاقلة وهو يمثل النفس التى تحب المغامرات مع الجنس الحلو (حلوة دى مش كدا) خصوصاً اذا وجد الشخص كل الاجواء المهيئة لذلك، وبين شخصية الطاهر وهو يمثل النفس التى هى فى قمة الاحترام والتهذيب واواصل التربية.
حقيقة لا اعرف اوضح الهدف بصورة مباشرة او بصورة اشبة بشرح المسائل الرياضية، فالهدف هنا يُلمح.
والجُبقبق اسفل الجلوقلق والمعنى واضح

ام بالنسبة للنواحى الاملائية، فانا اعترف بعدم براعتى فى هذة الناحية وانا لم ارفض النصح ابداً وعلى إستعداد على تقبل الراى، ولكن هنالك اخطاء يلاحظ القارى انها نتجة لخطاء فى الطباعة، فانا اكتب بكيبورد المانى وحافظ مواقع الحروف بالاحساس واحياناً اكتب بالماوس بطريقة دجاجى يلقط الحبة.

اما بالنسبة للتعابير التى اسميتها تعابير حسية، فانا احترم واقدر رايك بكل صدر رحب وكلامك على العين والراس، ولكن هى فى نظري تعابير نسبية من شخص للاخر، انتِ تريها خشنة بعض الشئ وانا اراها ناعمة وهذا تذوق خاص لكل منا.

لك كل الحب والود وانتِ تعلمى تماماً مابيننا يا اعز اشراق.







عصمت العالم
مشرف


اشترك في: 15 يونيو 2004
مشاركات: 1806 ارسل: الاحد مايو 15, 2005 10:28 pm موضوع الرسالة:

________________________________________
العزيز عثمان حمد..

اريد ان اسال .واريد ان اعرف,,,!!

كيف تعجن كل تلك المشاهد و تفاصيل اللغة .لتخرج بذلك الطبيخ المشكل..!
لك اسلوب متفرد.. فيه سخريه ومستفز احيانا..بخطى الاستدراج..فيتكاثر العدد
ويتم الاغراق..فى طلاوة زمن الطرفه المشهد..

رائع ..لعلك تذكر راى عنك .اياها الجميل..
وواصل فى هذا المنحنى ..المتفرد..
استمتعت بمشهد كل الحكى..

معزتى وتقديرى

انتقل الى الاعلى





Gamar14



اشترك في: 02 مارس 2005
مشاركات: 240 ارسل: الاثنين مايو 16, 2005 1:26 am موضوع الرسالة:

________________________________________
ويييين ياعثمان واحشنا اوي

والله اشتقنا ليك واشتقنا لي حكاويك الحلوة دي

ضحكتا جنس ضحك يا عثمان .. وعجبتني غنية رقيص العروس عجب شديد
_________________
من فؤاد ترعاه العناية

بين ضلوعي الوطن الجريح

انتقل الى الاعلى


Abdullahi Gaafar



اشترك في: 04 يونيو 2004
مشاركات: 565
المكان: Finland ارسل: السبت مارس 05, 2005 7:25 pm موضوع الرسالة:

________________________________________
العزيز عثمان
حمد الله علي سلامة مروقك سالم من الامتحانت ورجوع بوستاتك الضاحة والساخرة
عارف جنبي زول فلندي مشتغرب انو انا الحاصل شنو قاعد اضحك براي...ما قلت سروال حبوبتك كان قماشو شنو.. وان شاء الله تكون محتقظ بيهو لي اسع ما معروف يمكن تحتاج ليهو في الشتاء البارد عندك..طبعا ياخوي زمان السراويل معاها المحفضة ..يعني حشمة تمام خاصة لمن الواحدة ترفع الفستان عشان تمرق القروش..وياخوي معروف في الكورة اي باك سروالو تحت الركبة تختاهو لانو بالو كلو يكون في كرعين المهاجم عشان يكسرو..خليك من يكون سروال حبوبتك الكراعو وحدة صفرة والتاني بيضا..والحمد الله الما قلع منو فردة رجل الراية
الله يديك العافية
عبد الله جعفر
_________________
ما لا تصونه الكتابة لا يصونه الحلم أبن النخيل

خالد الحاج
الإدارة


اشترك في: 03 يونيو 2004
مشاركات: 2322
المكان: The Netherlands ارسل: السبت مارس 05, 2005 10:36 pm موضوع الرسالة:

________________________________________

واحشاني بوستاتك المجنونة يا عثمان
_________________
هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها، وبها تُخَلِّصُ أرضَنا
من رجْسِها، حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

(عالم عباس)

[ناصر يوسف]

لكن يا طارق
الفكرة جد ممتازه إنك تجمع مداخلات الجميع عبر بوستات شخص واحد في بوست واحد

وأقول ليك كلام .....

مش عثمان حمد ده ....


وحاااااااااااااااااات الله زولا كتاب بالحيل ....

وكتاباته جد ممتعه

ولست بالمتخصص (علميا) حتي أعطها اسمها العلمي ولكني أظنها تقع تحت مسمي (القصة القصيره) ..

لك تحياتي

[imported_الطيب بشير]

عثمان حمد دة..ما تشوفوهو كدة
أبوهو مربي جليل
لكن النار تلدى الرماد
أخذ عنه اللغة و الفهم العمـيق و زهـد في الحياء فكتب أدبه ..
لكما التحـية

[imported_أبومناهل]

العزيز / طارق الحسن محمد
تحية ليك . .
وكما قال حبيبنا ناصر يوسف فكرة البوست رائعة بالجد . . وتسلم
عثمان حمد مبدع وكتاب يطوع الفكرةالواحدة ليخرج منها عشرات المفارقات الرائعة وهي بإعتقادي قمة الإبداع والتألق . . والصور التي يعكسها عثمان حمد في رواياته صور مأخوذه من زاوية لا يستطيع الوقوف فيها كاتب عادي . . فهي مأخوذة من زاوية قريبة جداً من الواقع . . . وفي نفس الوقت مأخوذة من مكان أبعد لتعطيك تفاصيل المكان بصورة أشمل ( كلام مصوراتية ) . .
كتابات عثمان من النوع المحبب للقراءة نقرأها بصوت عالي ونضحك لها من الأعماق . .
وأناشد الأخ / عثمان حمد . . بكل ما أحمله له من حب أن يعمل على نشر كتاباته فهي بحق كتابات مبدعة لا يوجد لها مثيل في الساحة الآن . .
تحياتي لك ياطارق على فكرة هذا البوست

[imported_سارة]

وانا ابصم بالعشرة انه متفرد فى كل شىء حتى فى جنو

فهو كما قالت ممكونة الله يمد فى عمرها خرفان حمد خرفان

بس نوع من الخرف اللذيذ ..انا لما كنت بقرأ بوستاته فى المكتب على شوية يرفدونى

لشكهم فى انه اصابنى مس من الجنون لانى اضحك بطريقة يصعب وصفها ودا عثمان حمد

بس احلى شىء فى الدنيا دى لو كلمته فى التلفون

[imported_أم سهى]

عثمان حمد مدهش
وكما قال صديقي ابو مناهل

والصور التي يعكسها عثمان حمد في رواياته صور مأخوذه من زاوية لا يستطيع الوقوف فيها كاتب عادي . . فهي مأخوذة من زاوية قريبة جداً من الواقع . . . وفي نفس الوقت مأخوذة من مكان أبعد لتعطيك تفاصيل المكان بصورة أشمل

تذكرني كتاباته "موسم الهجرة للشمال " وتذكرني البرنامج الاذاعي (دكان ود البصير" حيث يعمل على تصوير واقع معين ويبث الوعي في جانب من جوانب المعرفة

عموما انا الان بصدد جمع كل ادبيات الاخ عثمان حمد لتكون نواة لمكتبة سودانيات في مجال "القصة القصيرة" لاننا كشعب حقيقة نعاني من التوثيق لكل اعمالنا .. ايضا اقوم بتجميع قصص الاخ محمد حميد
ومن هنا ادعو اصدقائي ممن تروق لهم الفكرة ان نكون تيم عمل يعمل على توثيق ادب سودانيات لخلق نواة لمكتبة كبيرة ولي مقترح كبير في ذلك

ولكي لا يضيع هذا الادب الرفيع ان جار الزمن وحصل لينا هكر تاني
وانا اقترح يا طارق ان تكون معي لوجودنا في بقعة مكانية واحدة تسهل علينا عملية المناقشة والتواصل اليومي ان دعا الامر
تخريمة:
خلو ناس الادارة طاشين وتعال نقلبها ليهم ونستولى على ادوارهم كان ما يجو يرفدونا

[imported_الطيب بشير]

المشاركة الأصلية كتبت بواسطة أم سهى

عثمان حمد مدهش
تخريمة:
خلو ناس الادارة طاشين وتعال نقلبها ليهم ونستولى على ادوارهم كان ما يجو يرفدونا

A-MAN

[imported_د.سيد عبدالقادر قنات]

تشرفت بمعرفته من خلال الكلمة
هو فارس أتي ممتطيا صهوة فرس أبيض

يحمل بين جوانحه الكلمة
ينقشها علي جدارسودانيات
تعجب المتداخلون كلهم جميعا
ويفرحون ويمرحون ويسرحون

وتمتليء رئاتهم أوكسيجينا
فيصير الدم في الأوردة والشرايين
أحمر قانيا
ويعطي الحياة طعم خاص
بل بدونه الموت والسكون الأبدي

وهكذا كلمة عثمان
هي أوكسجين وأكسير صفحات سودانيات

وبدونها
تخمد الصفحات
والموات
هو المحصلة


ومع كل ذلك اخونا عثمان فوق الوصف وليس مدهش فقط

ودمت طارق

يديكم العافية
وتدوم المحبة

[imported_عبدالله الشقليني]

[align=center]عثمان والقص[/align]

الأحباء هُنا
تحية لكم
وأخص بها أيضاً الأستاذ طارق .

لستُ ناقد اً،
وأنا أتربص بالنقد وأتوجس من مكره كثيراً .
كل الكٌتاب لا يحبونه ، كالثوم في الطعام : يُجمِّل الطعوم ولا نُحب روائحه .
هو علم وفن ، وهنالك من يتخذونه هزواً ، وهنالك الهواة وبينهم الغث . من أشكاله نقد الانطباع وهو قاتل ، يحترفه الإعلاميون يُدمرون أو يرفعون البشر .
يمكنهم رفع الأديب أو تدميره ، مثلهم وسدنة السلاطين .
أنا لست من كل أولئك ، وأزعم أن النقد في أفضل إبداعه :
درويش يُمسِك الابريق ويتبع الشيخ !
قرأت للكاتب عثمان ،
وأرى له مقدرة هائلة في صناعة القص ،مالكاً لُحمتَها ، و مادة بُنيانها ، وطرائقها من الاستبطان .
من وراء ما يكتُب ينثُر ظلالاً من الفكر الذي لا يتبدى بعلانية ، بل يتخفى من وراء السرد .
يقولون وراء القصاص المُجيد فكرٌ ماهر . في عُنفوان شيطان القص وهو يُرصِّع البناء ، ويرقى به سُلم السماء سابِحاً ، ينتبه الكاتب أن له قضية . عندها يبُث الفكرة بثاً هيناً ، ليناً ، دون التقريرية المُباشرة ، واحتراماً لذهن المُتلقي .
للقص مُتدحرجاً من الرواية إلى القصة القصيرة ، وإلى الأقصوصة ، ثم انتهاء بالكتابة الحُرة ، هي سوق مُنفتحة بها من بضاعة اللُغة كل الاحتمالات المُمكنة :
1ـ التقريرية التي تستعبد اللغة كوسيط لنقل السرد دون النظر كثيراً في تطويرها ، وتلك تتبع منهج تشبه عندي من يستمع لغضُوب يسرد قصة غضبه ، ويشتكي . كل همّه السرد التقريري ذا المعاني الواضحة . منشور يعرض حال ، أو كما يقول الذين يجلسون عندنا في السودان أمام المحاكم لصياغة الكُتب ذات الصبغة القانونية ، كُتاب ( العرض ـ حال ) أو كما عرفتها لُغتنا الدارجة ( العرضَحال ) .
2ـ وللقص أيضاً طرائق يؤاخي فيها الكاتب اللغة التي يكتُب بها ،
ويُحررها من نير العبودية ورسف القيود . يُصادقها ويستشيرها في الصغيرة والكبيرة . يستدعي من ذاكرته ما يُنضِّد به الصور الجديدة غير المَطروقة أو المُستهلكة ، ثم ينعطف إلى اللُغة الشاعرية .
أنني أرى عند الخطاب أي خطاب يتعين على كاتبه تجاوز المُباشرة ذات الدلالة الجافة إلى حلاوة اللفظ ، وانسيابية اللغة وحِليات السرد ، والجماليات التي بصَّرتنا بها اللغة السينمائية بكرِّها وفرِّها ، والفلاش باك ، والغوص في أنفُس الشخوص ، وتحليل بناءها وفق التركيبة النفسية المنطقية . . .
الموضوع يطول لو تحدثنا عن ماهيَّة ما نكتُب ، كُلنا نشترك الهَّم .
عزيزنا عثمان يمتلك جزع الرؤى ، وتخطى ( الخربشات ) منذ زمان . أما عن عبارته في وصفه ما يكتُب فقد تواضع خجلاً أمام إطراء الجميع ، والطريق في عالم الكتابة لا تَحُده الحُدود .
نعود لمسألة التجويد :
كلنا في الهَّم شرق .
نحتاج جميعاً لتجويد قواعد اللغة ،
وأحسبها فُرصة لشكر السيدة النبيلة ( حنينة ) ، ما فتئت تُنبهنا من خلف أستارها لهفواتنا في الكتابة ، كأنها تُذكرنا بمقولة شاعر الحقيبة ( مصطفى بطران) حين أشعر :
أترُك الأحلام يا جميل واصحى .
وتمييز السودانية العَامية بأقواس عن الفصيح من اللغة يفتح للنص العوالم البشرية التي تقرأ بالعربية . للعربية الفصيحة حظها من النشر ، وقراؤها أكبر من العامِّية ، إذ تتلون العامية في كل وطن ، بل وفي الوطن الواحد تتعدد العامية العربية كما هو عندنا رغم أنها أكثر حميمية من العربية الفصيحة . هما يتصارعان منذ زمان ، وتلك مسألة أخرى لا يسعها الحديث هُنا .
سكت النغم سكت الكلام المُباح

عبد الله الشقليني
14/02/2006 م

[imported_3mk-Tango]

تحياتي طارق ....

الشقليني كعادته يصعب علينا الردود بعمقه تحليلاته ..


اقول عثمان زول كتاااااااب عديييل

[معتصم الطاهر]

عثمان يكتب .. نعم

عثمان يحكى .. نعم ..

يملك ناصية الرواية بشروطها ويقود رسن الحكى .. نعم

عثمان يختار مفرداته جيدا ..

ولكنه يحتاج الى نقد شديد .. كى يألف النقد

وتألفه الكتابة ..

يحتاج عثمان ليقرأ .. أكثر ..
فتأتى حكايته أكثر من مقبولة ..

فلا يتحدرج ليصل لمستوى آخرين

بل ليصعد ..

[Ismat]

العزيز طارق..


عثمان عبقرى..ومدهش..له مقدره فائقه على التشكيل بالكلمات..وهو معتق وممتلىء وفائض بكل فلكلور الرؤيا .يختزن وله معجمه الخاص ..وتشكيل مشاهد صوره..وهو فى تقديرى تشكيلى الكلمات..وانت تقرا فى استراحة الالتقاط يرحك ويشجيك ويتسفزك ويستجديك ويضحكك يعاكسك ما يكتب .مجموعة مشاهد متعدده..انا شخصيا ارتاح واقرا له كثيرا ..وكثيرا اتوقف لا اتداخل استمتع به هكذا..
عثمان له محاور رائعه ومتفرده وممتده وفيه ابراز توثيقى ان جاز لى ان استعمل هذا التعبير لانه يستعمل دايلوج لغة لا يعرف تفاصيلها او رسوماتها اجيال اليوم...ممتع ..وفنان.ورائع..واتمنى ان يواصل وان نتداخل معه..
فهو له معاييره وتفهمه وادراكه وخطوط سيره..لكنها تصب فى جماليات وروائع ما يقدم..
اعيب عليه التوقف لا ادرى ظروفه لكن اهتم جدا بان يتواجد على الدوام...
له التحيه والتقدير والاعجاب..
ولك ايها العزيز طارق..ونتواصل..جدا

[عكــود]

طارق يا حبيب،


لك فضل سُنّة الغوص في كتابات مبدعي سودانيات .. وتجدني أؤيّد أم سهى في إقتراحها، عدا الإنقلاب
عثمان يا طارق يتّفق معجبوه في مقدرته الفذّة في فن الحكي وتصوير التفاصيل وتشريح مواطن الخلل في حياتنا بطريقة سلسة وممتعة.
الكل يقرأه باستمتاع، بعضنا تعميه محبته عن مواطن القصور فيما يكتب فيكيل المدح المُستحق، وهو أهل له..
مثلي ومثلك وكثيرين/ات.
والقلّة لا تعميها المحبة عن مواطن القصور، فتنصح نصح المُحِب ..
مثل شقليني فهو يقوده إلى التجويد بسلاسة
مثل معتصم، فهو يقوده إلى التجويد بدفاشة
ومثل إشراق، فهي تقوده إلى التجويد بمحبّة

أنصحه الإهتمام بما تقوله الفئة الثانية..
والإبتسام لما تقوله الفئة الأولى،
فكلّنا نحبّه،

ولا تهمل إقتراح أم سهى يا طارق ..
كدي شوفولنا حمّيد برضو،

عكــود

[أبو الحسين]

العزيز طارق سؤالك يا هو دا.... عثمان حمد عثمان شخباط ولا كتأب؟ ؟ ؟ ؟ موش كدي؟؟؟؟

أها داير الصِح ولة الجَنْبو؟؟؟

لك ودي كله بلا حدود...

أبو الحســـــــــين...

[imported_mamkouna]

الأخ طارق الحسن...
في البداية شكراً على رسالتك الخاصة و شكراً على حُسن ظنك....


بالنسبة للمدعو خرفان حمد....أو في روايةٍ أخرى....العريس معاش خرفان حمد....فأنا ما عارفة إنت إخترتو ليه دوناً عن بقية ناس سودانيات الهديين و رضيين....الزول ده مسخوت عديييييييييييييييييييييل كده...


بالنسبة لكتاباته...أصارحك القول إني بقرا أي كلمة و أي تعليق بيكتبه... لتلاتة أسباب....

الأول ...إنه بيكتب من قلبه و بمنتهى الصدق و العمق و الشفافية....و تحس إنك بتعرف كل أشخاص قصصه حتى لو كانوا من (( الغنماية أم شنب ))...

التاني....إني بريد الزول ده لوجه الله تعالى (( على الرغم من تجاوزه للخطوط الحمراء في كثير من الأحيان ))
التالت...إني قاعدة أونس بيهو الممكون لمن يكون زهجان... و ضحكة الممكون عندي بالدنيا... ...



بالنسبة لعنوان البوست...إنا بفتكر إنو عثمان حمد.... لا كتٌاب...لا شخباط...
لكن أقرب إلى أن يكون......لخباط....