قال عكـود يومآ:.. (الحنينة) هي أرقّ أوتار الطنبور..

[wadosman]

الاخ الطيب...

و برضو نسأل معااك...!!!
والله حقيقة افتدقنا الاخ عكود...

[wadosman]

ياا اخوى الطيب
زول تنقااسى دا كان ما جابو
تاانى مافى فاائدة.....
[align=center]
[media]http://andorra.indymedia.org/uploads/2006/11/algioum.wma[/media][/align]

[الطيب بشير]

المشاركة الأصلية كتبت بواسطة أبوذر بابكر

وحبابين "طيب القوم"

ود أبواتى لحاقين بعيد

تعرف عجبتنى "جيلى القوم" الفوق دى
طوالى قلت أجيرها لسعادتكم

ومعاها كمان "القيام لكم"

وفعلا والله يا ابو البشير أنا مما جيت صاد للحلة النديانة دى
ما شايف اخونا عكود

شريكى فى "جب" الإسم

ياخى أهلنا ديل ذاتن ناس عجيبين
يعنى ما لقو إلا يسمونا على "كنية"

طيب كان يسوها "جُندب" عديل

ما علينا

خلينا فى سؤالنا عن عكود

وكان لميت فيهو أغريهو السلام والتحايا

بعد ما تشيل إنت منها ما يكفيك ويزيد

أهلآ يا مطر ..

أطربني جدآ لقب "طيب القوم"

و شعرت أنني غوث الزمان .. رغم شخيري و انتظام أنفاسي

أما الغالي عكود..فقد هاتفني ..و رددت عليه ..ثم هاتفني .. مرتين أخريين..

كل ذلك كان في يوم واحد ..

و عكود (ما بيحسبها) مع الأخوان ..يهاتفني كل ما قصرت بحقه

سأبلغه هطولك هنا ..

و المنك وصلت كل الناس يا أرقى الناس

.

[الطيب بشير]

المشاركة الأصلية كتبت بواسطة wadosman

الاخ الطيب...
و برضو نسأل معااك...!!!
والله حقيقة افتدقنا الاخ عكود...

.
حباب ود عثمان ..
زول تنقااسى دا غناهو حنين ..كدأب آل عكود
عسى الله أن يأتني بهم جميعآ

.

[الطيب بشير]

.

و سـؤال عن مجموعة من الغائبين توافقآ أو تضامنآ..
الأخـت ملكة سبأ..و ما جابها بوست خاص سابق
العزيز محمد حميد..و كان بالخاطر بوست منفصل ..لكن شكلها فكرة ما ناجحة
أبومناهل (مع ظهور طفيف رغم زعلات الجيلي ع شانو)
نحن سألنا..أكتر من مرة..
لو مافي (أدلة) على الإهتمام..(يحفظ) البلاغ ..
مع الشكر لكل من (فتح) نافذة الجرد (العريضة)

.

[يسرا مصطفي]

المشاركة الأصلية كتبت بواسطة الطيب بشير

تحـســبوا لعــب؟؟

هـلا هلا بالأخــت يسرا مصطفي

جروف..و (حروف)..نغم..دوبيت..و قرّاصــة ذاتو عندنا

مرحب بيك لا داخل

هل أتاك حديث آل عـكــود؟؟

.

[align=center]


نان الكان كديالنمشي اجيب لي غيار واجي ولا اقولك برسل اجيب دولابي هني [/align]

[رأفت ميلاد]

نفتقده والله يا الطيب بشير

روحه السمحة وقلمه الراقص يضعه أين ما يريد وكيف ما يريد
يوزع الفرحة ويغازل الروح

نفتقده بشدة

سلامى

[الطيب بشير]

المشاركة الأصلية كتبت بواسطة يسرا مصطفي

[align=center]


نان الكان كديالنمشي اجيب لي غيار واجي ولا اقولك برسل اجيب دولابي هني [/align]

come casual
يا يسرا ما تعملي تكليف
توب جارات و بس
حبابك تاني

[الطيب بشير]

المشاركة الأصلية كتبت بواسطة رأفت ميلاد

نفتقده والله يا الطيب بشير

روحه السمحة وقلمه الراقص يضعه أين ما يريد وكيف ما يريد
يوزع الفرحة ويغازل الروح

نفتقده بشدة

سلامى

مرحبتين حبيبنا رأفت ميلاد
عكــود بيتدلّـل..
عرف قدره و محـبّـة الناس له
عاوز يزيدنا (كـوز)
شكرآ للمؤازرة يا رأفت يا ميلاد الفرح

.

[عكــود]

جنــــابو الطيّب الحبّــوب،

قرض مرّة قال "سودانيات جارية في دم عكود" ويقيني أنّه صادق . .
سودانيات لم أفارقها ولا أستطيع
فقط إبتعدت عن الكتابة
ولم أبتعد عن من يكتب
فهم أقرب من أن أطيق لهم فراقا
أقرأ بانتظام وأتفاعل بكل ما يحدث هنا
الآن أعود للكتابة وما مناداتك و "ليمك" إلا حقنة طلق
لمولود قد تشكّل واكتمل
ساعدته أنت على الصرخة الأولى

على جنب:
بجيك في بوست السلطة والقرّاصة
وكذلك شملة أبوجهينة

الأحباب،
معتصم
خالد
بابكر
أبوجهينة
يسرا مصطفى
الجيلي
أبوذر المطر
ود عثمان
رأفت

ما دلقتوه تجاهي هنا . .
أكبر من أن أقاومه
أو
من أن يطاوعني قلمي على الرد عليه
أو
من أن أطنّشه
فـ شوفوا لي مخارجة
دام حبّكم

سآتيكم فرداً فرداً لأقبّل الأيادي.

[الطيب بشير]

بركة الجيت يا عكــود
و جبر الخواتر أهم ملامحنا..
أشـكـرك..
و أوّل ما تتوهّــط..عاوزينـك تمســك الرايــة و تنادي معانا الحــلوين

[عكــود]

الباش الطاهر . .
خالد أدّاك المفيد . .
وأنا حالي بلاكم حال "فرخ القطا الأمّاتو ركّن وفرّن".

خالد يا خال الكل . .
نبيشة الأحباب حباااابا ومرحبابا
تزيد ردمية مدماك المعزّة الثابت وراسخ.

بابكر مخيّر الحبيب . .
لقاءك كان كالنسمة
فقد حباك الله القبول عند الناس
وفي قلوب الأطفال خاصة إن كانت هداياهم
عروس مولد وصفاء نيّة
المنطقة الغربية في إنتظار "سعادتك".

أبوجهينة أيّها الروّاسي،
والله ما قرأتك إلا وكنت مبتسماً مبتهجاً
يملأني إحساس أن الدنيا ما زالت بالخير الوفير
وطنابيرك عادة ما "تسعد قلوبنا وتفرحِن"
ولا مجال لغياب "المسيكينة" منّهِن.

[عكــود]

يسرا مصطفى . .
يا شهاباً شَلع في سماء سودانيات،
نصيحة لوجه الله
أينما قرأتِ إسم الطيّب بشير لا تتردّدي في الدخول
تجدين كرنفالاً من الكِلَم الجميل
وأقلاماً مصاحبة لا تقل روعة
وزي ما قال ليك الطيب
توب جارات وسفنجة كفاية
دخول الجروف لا يحتاج قشرة

راجل سيسيليا السمح
صدقت في عوايد جنابو
وحرصو على التمام والنظام
مع حرصه على أشياء أُخرى
ليك وحشة
ولنا لقاء

أبوذر يا "جندب بن جنادة"
(عليك الله دي ما أرحم منها أبوذر؟)
يا زول والله الحجّاج ما قصّروا
ده كلّو هيّن حتى النفي مقدور عليهو
بس الخوف من "يموت وحده" دي.
هطولك في غيابي أرسل برقه العبّادي فوصلني والدُعاش
أسرج طيب القوم راحلتي وملأ جرابي زاداً كلّه محبّة
فغذّيت السير نحو وديانكم الرويانة.

ود عثمان وزول تنقاسي،
زي ركّتك على قلبي باللحن الجميل
مافي متيلها
فكيف أقدر أخالف قليبي؟

رأفت ذو الوجه المريح البشوش،
وجودك هنا وأحرفك يؤكّدان كم كان غيابي أخرقاً
فأنت من جملة من أحبّهم لوجه الله وأتشوّق لقياهم.
لك كل المودّة.

[عكــود]

المشاركة الأصلية كتبت بواسطة الطيب بشير

بركة الجيت يا عكــود
و جبر الخواتر أهم ملامحنا..
أشـكـرك..
و أوّل ما تتوهّــط..عاوزينـك تمســك الرايــة و تنادي معانا الحــلوين

جبر الخواتر أهم ملامحنا . .
جبر الخواتر أهم ملامحنا . .
جبر الخواتر أهم ملامحنا . .

أشكرك يا جنابو . .
إنت الحديس السمح ده قاعد تجيبو من وين؟
الحلوين بناديهم
وادودرهم
وأشتّت (لبعضهم) موية السكّر.

إتذكّرت هسٍّسسسسع ده بيت عاجبني سمعتو في أغنية شايقية ،
بيقول الشاعر:
القمرية رغم النِبلة، صوت الطلقة والحاحاي*
مالي غناها عصريّاتنا يوم ما خلّت القوقاي

*الحاحاي: عملية طرد الطيور من قناديل الذرة والقمح عند إستوائها.

[معتصم الطاهر]

المشاركة الأصلية كتبت بواسطة عكــود

الباش الطاهر . .
خالد أدّاك المفيد . .
وأنا حالي بلاكم حال "فرخ القطا الأمّاتو ركّن وفرّن".

.[/color]

عكود

حبابك ليمون

أها يالحبيب ..

جيتنا بى هنا بنجيك بهناك

قايلنا زيّك .. تذكرة و حق تاكسى

متاكاة
منو هن أماتو ..

وفرّن وين ؟