بيان توضيحي من الجالية السودانية بالطائف حول وثيقة العهد!!!

[imported_محمد حسن العمدة]

بسم الله الرحمن الرحيم

بيان توضيحي من الجالية السودانية بمنطقة الطائف حول وثيقة العهد التي سلمت للرئيس البشير

الإخوة و الأخوات الشرفاء أبناء وطننا في كل مكان
إن الجالية السودانية بمنطقة الطائف ظلت منحازة لقضايا الجماهير وهمومها، تنادي بحقوقهم وتحافظ على مكتسباتهم بعيدا عن التحزب لجهة سياسية أو جهوية أو ثقافية بل وعاء لمختلف أبناء السودان بمختلف أعراقهم وعاداتهم وتقاليدهم وثقافاتهم وأديانهم , بل تعاهد الجميع في الجالية على إبعاد العمل السياسي في الجالية , و رغما عن ذلك توالت الاختراقات من قبل عضوية المؤتمر الوطني ومحاولاتهم المتكررة لاستغلال اسم الجالية لتمرير أجندتهم الخفية بدءً بتجنيد واستقطاب العضوية عبر استمارات توزع باسم " حصر السودانيين العاملين بالخارج " في خداع ظاهر للمغترب السوداني واخذ بياناته وأسرته مقابل وعود بإعفاءات ضريبية وقطع سكنية ورخص تجارية وما شابه ذلك ومن ثم تجنيده بعضوية المؤتمر الوطني , وتصد الشرفاء من أبناء الجالية وعضوية مكاتبها بكل صدق وتجرد وأوقفوا الخداع . ثم سمعنا أخيرا بما يسمى بوثيقة " العهد والولاء للوطن " باسم الجالية السودانية بالمنطقة الغربية للمملكة العربية السعودية !!! لذا ومن هذا المنطلق فإننا في الجالية السودانية بمنطقة الطائف نعلن ألا علاقة لنا بهذه الوثيقة التي سلمها وفد المؤتمر الوطني المتدثر بدثار الجالية السودانية بالمنطقة الغربية بالمملكة العربية السعودية للرئيس البشير.
كما نعلن من هنا أن التدويل وتمزيق البلاد وزعزعة إستقرارها ووحدتها وقتل مئات الآلاف من أفراد الشعب السوداني و تشريد ملايين الأسر هذه الكوارث كلها هي مسئولية من تسبب فيها .
إن مواقف الجالية السودانية بالطائف تعبر عن المواطن البسيط و رجل الشارع السوداني و التي تهدف لخدمة أبناء الجالية بالمنطقة , ومنحازة لقضايا الوطن ليست بمواقف رمادية ولا متذبذبة بل مواقف صلبة لا تتفق وما أراده لها البعض من أن تكون مطية لمواقف انتهازية , كما ندين وبشدة وسائل الغش النقابي و استغلال الجاليات و خاصة الجالية السودانية في منطقة مكة المكرمة التي جعلها زراعاً من أزرع المؤتمر الوطني لتبني مواقفه ولخدمة أغراضه و مآربه دون مصالح البلاد و العباد.
ونطالب من هنا بإلتفات الجاليات لقضايا وهموم منسوبيها من المهجرين السودانيين وحل كافة قضاياهم وأبنائهم * وإعادة ترتيب جهاز شئون المغتربين بدءً بـ :
• إلغاء الرسوم التعسفية المفروضة .
• ومساواة أبناء المغتربين في الرسوم الدراسية .
• وبرامج التامين الصحي .
• والإعفاءات الجمركية على الممتلكات الخاصة .
• وتحمل نفقات الأسر التي توفي أولياء أمورها بالمهجر وليست لديهم المقدرة على تحمل نفقات السفر .
• وختاما بتوفير راتب معاشي بعد العودة نظير ما ظل يقدمه المغترب من خدمات تجاه الكثير من الأسر في السودان والضرائب التي ظل يدفعها سنين عددا ولا زال .
• إلى جانب حقه في العودة النهائية من غير فرض جمارك ورسوم حكومية على ممتلكاته

الجالية السودانية بمنطقة الطائف
24/6/2004

[imported_بنت النيل]

ياعمدة

دا كلام مسئول جداً

بس الأهم من كدا إنو تعملوا خطوات جدية فى كل ( المهاجر) تزيحزا بيها الجماعة ديل من المواقع التنفيذية فى الجاليات . أو تعملو تنظيمات بديلة للجاليات .... لأنهم بالجد كدا هاضمين حقوقهم وفى كل مؤتمر او حاجة تتعمل عشان المغتربين يجيبو إتنين ثلاثة من ناس ديل يطبلو ويقولو دا ياهو رأى المغتريبن
عشان كدا جيد جدا انكم توصلو صوتكم وتعبروا عن مواقفكم

تسلم ياحبيب والتحية عبرك لشرفاء الجالية السودانية فى منطقة الطائف
خالص الود
بنت النيل

[imported_محمد حسن العمدة]

يجيبو إتنين ثلاثة من ناس ديل يطبلو ويقولو دا ياهو رأى المغتريبن
عشان كدا جيد جدا انكم توصلو صوتكم وتعبروا عن مواقفكم

بعدهم يا اميرة عموما هنا في الطائف ما عندهم طريقة يتنفسو او يتحدثوا باسمنا فقد فات اوان الدجل والانتهازية
والتحدث باسم اهل الطائف ولا بد من ان تخطو كافة الجاليات بالمهجر نفس الخطوة وهنالك اجسام بالفعل في الكثير من دول االمهجر اقامها المغتربين هذا الى جانب المنظومات المدنية الثقافية والانسانية عموما

[elmhasi]

المشاركة الأصلية كتبت بواسطة محمد حسن العمدة

ما عندهم طريقة يتنفسو او يتحدثوا باسمنا فقد فات اوان الدجل والانتهازية

العزيز محمد حسن

تحية طيبة حقا تأسفت جدا علي ما وصلت إليه الحكومة من خواء فكري وإصرار علي النفاق السياسي مع سبق الإصرار والترصد ....

وهي التي تجد الاموال عندما يكون الامر لتمكين نفوذها وأرجلها علي كرسي السلطة وتستطيع أن ترسل الوفود الذي يأتون محملون بإستمارات المؤتمر الوطني والوعود الكاذبة ؛ بعفاءات وغيره لإصطياد ضعاف النفوس .
وللإسف عندما يكون الامر لتحسين حال المواطن ؛ لاتوجد أموال في خزينتهم .....

متي يفهم هؤلاء أن السياسة ليست إستعباط الشعوب واللعب بمكتساتهم وحقوقهم ....

تبا لهم من منقذين وتبا لإمتهاهم اللاتي ولدنهم ؛ وليتهم تركونا في ما كنا فيه .....

ولك كل الشكر والتقدير

[imported_نبيل عبد الرحيم]

المحترم العمدة
أحيكم وأحى جاليتكم وأتمنى من كل المواطنين فى المهجر ألا ينخدعوا بهذى الأغراءات
نبيل

[imported_محمد ابراهيم قرض]

أ لا يستحون ؟؟
أ لا يختشون ؟؟؟
لو كنت كوزا لتواريت من الخجل ..
يكفي ما حاق بالبلاد و العباد
من وراء إجرامهم بإسم الدين

[imported_محمد حسن العمدة]

وللإسف عندما يكون الامر لتحسين حال المواطن ؛ لاتوجد أموال في خزينتهم

الاخ الحبيب المحسي
سلام

حينها يحلو الحديث عن ضرورة دعم السلام ودعم الحرب ودعم .......... الخ

المواطن هو اخر من تفكر فيه حكومة المؤتمر الوطني وحينما تفكر فيه تفكر فيه للجباية فقط هات ولكن خذ الا عبر لكمة او وعود زائفة .

ومثل هؤلاء الذين يتحدثون باسماءنا لقاء منافع ذاتية هم اس البلاء ولكن ينبغي علينا جميعا التصدي اليهم وفضحهم لعزلهم اجتماعيا وثقافيا وسياسيا

[imported_محمد حسن العمدة]

المحترم العمدة
أحيكم وأحى جاليتكم وأتمنى من كل المواطنين فى المهجر ألا ينخدعوا بهذى الأغراءات
نبيل

الحبيب نبيل عبد الرحيم

نعم علي الجميع الا ينخدعوا بوسائل الجبهة الاسلاموية فهي هكذا دائما .. في السابق كنت اسكن في مدينة بابنوسة حيث قضيت اجمل سنين العمر وكانت انتخابات ستة وتمانين ... جاءت امراة عجوز فقيرة تحمل - قرعة - وتسال عن الذين اعطوهم الدقيق بالامس ... اها زولتك دي ما تعتر الا في الزملاء وما قصروا معاها تب ساقوها وودوها خيمتم وصوتت ليهم

[imported_محمد حسن العمدة]

لا يستحون ؟؟
أ لا يختشون ؟؟؟
لو كنت كوزا لتواريت من الخجل ..
يكفي ما حاق بالبلاد و العباد
من وراء إجرامهم بإسم الدين

اخي الفاضل قرض

اذا لم تستحي فافعل ما تشاء هكذا هي الجبهة الاسلاموية في كل زمان ومكان يا سيدي هؤلاء تجرأو على رب العزة فقتلوا ونهبوا وعذبوا باسمه عبر هتافهم هي لله هي لله وكل شي لله فحتى اغتصاب الصغيرات في دارفور لله لا حول ولا قوة الا بالله


فهل تريد منهم اختشاء ؟؟؟

[imported_طيب الاسماء]

يا ود العمدة ...
أزيك ... \\

شدو حيلكم ... اصلو في الاخر بتجو السودان وبنتظروكم بالجبايات في ديوانكم (ديوان المغتربين )...
كان وقعتو على وثيقة العهد ام لم توقعو .... فخيرا فعلتم...

تحت تحت: خيمة منو ؟؟؟ ياتو (زملاء ) الكان عندهم خيمة في بابنوسة ؟؟؟!!
شكلك قصدك لواري ناس ......
معليش يا شباب اللواري دي بنعرفا انا وود العمدة بس !!!

[imported_محمد حسن العمدة]

المشاركة الأصلية كتبت بواسطة طيب الاسماء

يا ود العمدة ...
أزيك ... \\

شدو حيلكم ... اصلو في الاخر بتجو السودان وبنتظروكم بالجبايات في ديوانكم (ديوان المغتربين )...
كان وقعتو على وثيقة العهد ام لم توقعو .... فخيرا فعلتم...

تحت تحت: خيمة منو ؟؟؟ ياتو (زملاء ) الكان عندهم خيمة في بابنوسة ؟؟؟!!
شكلك قصدك لواري ناس ......
معليش يا شباب اللواري دي بنعرفا انا وود العمدة بس !!!

طيوب الحبيب يا اجمل من الجمال وانقى من النقاء واصفى من الصفاء

لك عميق محبتي ولهيب شوقي لقد عذبتني كثيرا بذكريات اطارت النوم من عيني فارتوت بذكريات من الزمن الجميل جمال اهله

آآآآآآآآآآه يا طيوب

طبعا الاسم الاصح هو ديوان المغربلين الناس ديل التقول فاكرننا ما سودانيين
زي ابو ضروس الما انفطم
بدو يرضعو الام في نهم
والام عضام لا ثدى فيها ولا لحم

ــــــــــــــــــــــ

اها الزملاء اتذكرتهم ولا لسع ؟

[imported_نزار حسن علي]

المشاركة الأصلية كتبت بواسطة محمد حسن العمدة

بسم الله الرحمن الرحيم

بيان توضيحي من الجالية السودانية بمنطقة الطائف حول وثيقة العهد التي سلمت للرئيس البشير

الإخوة و الأخوات الشرفاء أبناء وطننا في كل مكان
إن الجالية السودانية بمنطقة الطائف ظلت منحازة لقضايا الجماهير وهمومها، تنادي بحقوقهم وتحافظ على مكتسباتهم بعيدا عن التحزب لجهة سياسية أو جهوية أو ثقافية بل وعاء لمختلف أبناء السودان بمختلف أعراقهم وعاداتهم وتقاليدهم وثقافاتهم وأديانهم , بل تعاهد الجميع في الجالية على إبعاد العمل السياسي في الجالية , و رغما عن ذلك توالت الاختراقات من قبل عضوية المؤتمر الوطني ومحاولاتهم المتكررة لاستغلال اسم الجالية لتمرير أجندتهم الخفية بدءً بتجنيد واستقطاب العضوية عبر استمارات توزع باسم " حصر السودانيين العاملين بالخارج " في خداع ظاهر للمغترب السوداني واخذ بياناته وأسرته مقابل وعود بإعفاءات ضريبية وقطع سكنية ورخص تجارية وما شابه ذلك ومن ثم تجنيده بعضوية المؤتمر الوطني , وتصد الشرفاء من أبناء الجالية وعضوية مكاتبها بكل صدق وتجرد وأوقفوا الخداع . ثم سمعنا أخيرا بما يسمى بوثيقة " العهد والولاء للوطن " باسم الجالية السودانية بالمنطقة الغربية للمملكة العربية السعودية !!! لذا ومن هذا المنطلق فإننا في الجالية السودانية بمنطقة الطائف نعلن ألا علاقة لنا بهذه الوثيقة التي سلمها وفد المؤتمر الوطني المتدثر بدثار الجالية السودانية بالمنطقة الغربية بالمملكة العربية السعودية للرئيس البشير.
كما نعلن من هنا أن التدويل وتمزيق البلاد وزعزعة إستقرارها ووحدتها وقتل مئات الآلاف من أفراد الشعب السوداني و تشريد ملايين الأسر هذه الكوارث كلها هي مسئولية من تسبب فيها .
إن مواقف الجالية السودانية بالطائف تعبر عن المواطن البسيط و رجل الشارع السوداني و التي تهدف لخدمة أبناء الجالية بالمنطقة , ومنحازة لقضايا الوطن ليست بمواقف رمادية ولا متذبذبة بل مواقف صلبة لا تتفق وما أراده لها البعض من أن تكون مطية لمواقف انتهازية , كما ندين وبشدة وسائل الغش النقابي و استغلال الجاليات و خاصة الجالية السودانية في منطقة مكة المكرمة التي جعلها زراعاً من أزرع المؤتمر الوطني لتبني مواقفه ولخدمة أغراضه و مآربه دون مصالح البلاد و العباد.
ونطالب من هنا بإلتفات الجاليات لقضايا وهموم منسوبيها من المهجرين السودانيين وحل كافة قضاياهم وأبنائهم * وإعادة ترتيب جهاز شئون المغتربين بدءً بـ :
• إلغاء الرسوم التعسفية المفروضة .
• ومساواة أبناء المغتربين في الرسوم الدراسية .
• وبرامج التامين الصحي .
• والإعفاءات الجمركية على الممتلكات الخاصة .
• وتحمل نفقات الأسر التي توفي أولياء أمورها بالمهجر وليست لديهم المقدرة على تحمل نفقات السفر .
• وختاما بتوفير راتب معاشي بعد العودة نظير ما ظل يقدمه المغترب من خدمات تجاه الكثير من الأسر في السودان والضرائب التي ظل يدفعها سنين عددا ولا زال .
• إلى جانب حقه في العودة النهائية من غير فرض جمارك ورسوم حكومية على ممتلكاته

الجالية السودانية بمنطقة الطائف
24/6/2004

الأخ/ محمد حسن
تحيه طيبه يا سيدي الجماعة ديل الحل الوحيد تعملوا رابطه او منتدي اي حاجة تبعدو بيها الناس من موضوع الجالية كالروابط وكدة لما الناس تبعد من الجالية هم بنسوا عايزين يعملوا شنو عشان كدة شوفو مجموعة مجموعة شوية شوية لما موضوعن يفشل عشان كدة واصلوا بطريقة تانية مع
اخوك
نزار حسن

[imported_طيب الاسماء]

ــــــــــــــــــــــ

اها الزملاء اتذكرتهم ولا لسع ؟[/size][/font][/color][/QUOTE]

يا محمد حسن ...

الزملاء انا ما ناسيهم ... بس الخيمة الخيمة يا فردة !!!

وريني بس الخيمة كانت وين ...
لأني متذكر اللواري بس
ومتذكر كويس الحزب الكان عندو تلاتة مرشحين !!!!
وقدم الدائرة بطبق من ذهب للكيزان (حلوة طبق من ذهب دي مش؟؟؟

[imported_محمد حسن العمدة]

بس الخيمة الخيمة يا فردة !!!

وريني بس الخيمة كانت وين ...

انت يا طيوب بتحك فيها كده كانت في جامع السكة حديد مع شيخ حميدى

ولا كانوا مركبين راكوبة ؟؟


طبعا مشكلة تعدد المرشحين من اكثر الاخطاء التي وقعت فيها قيادة الحزب والان نحن نعد دراسة التجارب الانتخابية الماضية لتلافيها مستقبلا مثل اجراء انتخابات داخلية بين مرشحي الحزب لتحديد المرشح ومن ثم اجماع جميع القواعد عليه .

هنالك سلسة نقاشات دارت وتدور ولكنها قطعا ليست مثل المناقشة العامة للزملاء التي توصلت الى لا شي

[imported_طيب الاسماء]

المشاركة الأصلية كتبت بواسطة محمد حسن العمدة

[size=5]انت يا طيوب بتحك فيها كده كانت في جامع السكة حديد مع شيخ حميدى

size]

لا يا ود العمدة كنت في ميدان (الشبيبة )

المشاركة الأصلية كتبت بواسطة محمد حسن العمدة

[size=5

طبعا مشكلة تعدد المرشحين من اكثر الاخطاء التي وقعت فيها قيادة الحزب والان نحن نعد دراسة التجارب الانتخابية الماضية لتلافيها مستقبلا مثل اجراء انتخابات داخلية بين مرشحي الحزب لتحديد المرشح ومن ثم اجماع جميع القواعد عليه .

size]

والله دا كلام ممتاز جدا ... عارف انا كنت من اكثر الناس حزنا على ضياع تلك الدائرة المضمومنة من حزب الأمة ... أتمنى ان تصلو لحل لهذه المشكلة وسريع .... اذا كنت ناصح لكم فعليكم بتكسير النظرة القبلية .. لأن المشكلة كلها كانت في انو اي (خشم بيت ) عايز يكون المرشح منو... أبحثو عن اشخاص تمتلك القبول عند كافة الاطراف ... وهم كثر جدا في حزبكم ...
عموما يجب ان نتعلم من تجاربنا يا صديق ... وانا متأكد ان حزب الأمة به شباب وروح جديدة يمكن ان تمكنه من ذلك ...
الى الأمام ...

المشاركة الأصلية كتبت بواسطة محمد حسن العمدة

هنالك سلسة نقاشات دارت وتدور ولكنها قطعا ليست مثل المناقشة العامة للزملاء التي توصلت الى لا شي

أنت ما سمعت بي :
على مهلي ... على مهلي
لأني لست كالكبريت ... أضيئ لمرة و أموت ..

أصبر شوية وح تشوف ... دي مناقشة عامة يعني عااااااااامة ... شفت كيف .... وانت براك عارف انو ما شا الله الكترة حاصلة وأي زول لازم يدلي بدلوه فيها ....