يا معلم انت بتتكلم معاي كدة قايلني الله و لا شنو؟
انا مالي و مال سمعك و شوفك ان شاء الله عامرين يا خواجة.
بعدين في بوست بابكر شايفك ساكي شيخ الامين و شغال في ابوة و ارشادات و نصائح و عمل خير و ما جايب سيرتي خالص
انت افهم نص الحديث اخد الزبدة و سيبك من الحروف و الكلمات و الجمل بضم الجيم
بالله ادينا نكتة اخيرة من بيت الكلاوي قبل ما تمشي.
__________________
انت يافيصل بقيت تقول الكلام وتنساهو ولا شنو؟ ما انت القلت :خشمك و سديتوا يا ظريف اضانك و عيونك ديل البسدهم شنو؟
أها دا كلامي ولا كلامك. المهم أنا النكت بطلتها وقلت ليكم عندي اكتئاب ما بقدر اقول نكت لكن اتذكرت آخر مرة كنت في السودان قبل سفر أوروبا حصلت لي حكاية ظريفة مع جماعة أخوانا وبعدين انا ما بحكي نكت أنا الحاجات البحكيها حاجات حصلت حقيقة ما نكت.
مرة كنا قاعدين في بيت أخونا طه في العباسية وبالليل بعد ما خلصنا قعدتنا قلنا نرجع بيوتنا وكان معانا أخونا أبراهيم عقيلي(كركور) الساكن في بانت جنب السينما والزمن داك أنا كنت الوحيد العندي عربية في القعدة فقلت أوصل كركور معاي في سكتي لانو الكوبري كان واحد وكبري شمبات ما كان لسة اتبني ولما جينا نمشي واحد من الجماعة قال طيب ياخوانا أنا البوصلني بيتنا شنو فسألتو انت ساكن وين قال لي أنا ساكن الثورة في العاشرة..لا حول الله نعمل شنو والوقت متأخر جدا ومافي طريقة الزول دا يصل بيتو فقلت أوصلو وأمري لله وأوصل كركور في الرجعة.
المهم وصلنا الثورة ونزلنا الراجل هناك ورجعنا ووقفت العربية قدام بيت كركور واستنيتو ينزل مافي زول نزل افتكرتو نايم قلت ليهو ياكركور ما تنزل ياخي ولما اتلفت وعاينت لقيت كركور مافي والزول بتاع الثورة هو القاعد يعني كركور هو النزل لانو متعود دايما انو اول زول بينزل والحيوان التاني قاعد يتلفت.......طبعا اضطرينا نرجع تاني الثورة عشان نوصل دا ونشوف كركور طار وين نصور لقينا كركور حايم بيفتش في بيتهم وقايل نفسو تايه في بانت..اليوم داك أنا وصلت بيتنا الساعة 4 صباحا..
