اقتباس:
المشاركة الأصلية كتبت بواسطة محمد زين
القول قول الأجاويد
وشكراً لمشاعرك الطيبة برضو لانو نيتك سمحة وشكلك أخو أخوان ، والنصيحة قلتها
إحنا ما بندور ليك تكون مع حزب التآمر
طيب أنا أقتنع أوول.
نجي نختها في الواطة ونتحاور ونشوف التآمر دا هو زاتو شنو. ونجيب لينا عكاز نرسم بيهو مربعات ودوائر ونحن بنتكلم فوق العنقريب.
أنا داير اقتنع. وأول
مشكور بابكر
|
حاج محمد
بيني وبينك، نفسك الهادئ دا ما بتاع الجماعة ديل.
وبفتكر أنك بإسلوب ظريف طرحت موضوع نقاش لكشف ناس المؤتمر دا.
حزب التأمر.
على آي حال يعني تفتكر الإنقلاب دا لمن قام الناس ما عارفة منو النظم ليهو وخطط ليهو ورسم ليهو؟
ولا الناس ما عارفة منو الرشح منو عشان يكون وين؟؟؟؟
مش كان دا كلو الشيخ دكتور حسن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حسي وينو الشيخ مش إتأمرو عليهو؟
وينو الزبير وأبراهيم شمس الدين (شخصياً)؟
وينو دكتور جون؟
المهم لو منهم خلي بالك علي نفسك!! بكرة بعد بكرة بيتأمرو عليك وما بتلقى إلا ألإخوة
ناس إحنا المغلوبين على أمورنا، ما الأخوان، هم بياعيين (باعو شيخهم)
(يا الحبيب، هو إحنا حنلعب حجلة لمن نرسم لينا مربعات ها ها ها)
