اقتباس:
المشاركة الأصلية كتبت بواسطة شبارقة
|
السلام عليكم يا جمع الأسايطة أينما كنتم و كل عام و أنتم بخير و خاصة ناس الغربة البعديين هناك مع الخواجات لأنو ضحيتهم ناقصة الشيات و المرارة اللي شفناها عاملنها في صحون و ناس مكي راحت عليهم لكن نحن غايتو أكلنا ليكم كلكم ما خلينا حاجة شطوط و شربوت و لحوم بمختلف الترتيبات الفنية طبعا معظمكم ما حيتذكرني أنا عمر محمد مرزوق خريج تجارة أسيوط عام خمسة و ثمانين وتسعمائة و ألف يعني دفعة ناس بستم وحافظ عديلة وناس بلال عثمان و عمر محمد عثمان و د. مبارك الهلالي الي كتير منكم قال هو عصام جاويش في صورة ناس زاهر و محمود حسين عمار و علي شنكتة عموما تجارة في زمنا يشار ليها بالبنان كان كورة ولا حفلات و غيرها . أما يا شبارقة الناس الفيي الصورة هم جمال حامد واقف بعيد و الواقفين هم د.مبارك الهلالي جامعة النيلين (تجارة) و زاهر الطيب (حقوق) و محمود حسين عمار (تجارة ) وعمار محمود حسين عمار و أخونا علي حسن شنكتة و لي تعليق أيضا صورة البص فيها مجتبي كامل ابو دقن (زراعة ) و معاه زوجته نفيسة (تربية ) و ده تصويب لأنك كاتب إسمها غلط لكم شكر ي و سعيد جدا بمخاطبتكم
