عايز لي إمرأة خرساء و تتكلم عميانه وتشوف صماء و تسمع

[imported_Osman Righeem]

المشاركة الأصلية كتبت بواسطة مجن81

قل له انني امرأة
يخرسني فن الادهاش
وتعميني الوان الحب
وتطرشني رقة الاحاسيس
عندها سنكون جميعا احراراا
نمتلك انفسنا

لا لا
جنس الكلام ده ما اظنه يفهمو
غايتو أنا وقع لي

[imported_rubs]

والله كلامك جميل انا كمان اكون شاكره لو لقيت لى اخوها بس تكون المساله وراثه مضمونه عشان ما اتمقلب

[imported_rubs]

الغريبه دايما بتاخدوها بتسمع وبتطرشوها وبتشوف كويس وبتعموها واحساسها كامل وبتجردوهامنو ..

[imported_Osman Righeem]

المشاركة الأصلية كتبت بواسطة معتصم الطاهر

يقصد أنها خرساء عن كل ما يشين لسانها ..
وأيضا لا تحتاج لكلمات لتعبر عن ما تقول



تعمى عن الصغائر والعيوب


و تصم أذنيها عن القبائح و تسمع ما يريد زوجها ..

أى أمراة تفهمه تماما ..

استاذنا

تحياتي

والله تقول كنت معانا

[imported_Osman Righeem]

المشاركة الأصلية كتبت بواسطة نعمات حمود

استاذنا وحبيبنا ود رغيم ...
ازيك ...
نكشة ...
صعبتها ..شديد علينا بحاول اجرب الصفات دي ما قدرت على واحدة فيهن ...ممكن تعدل لينا شوية يمكن الحظ يخدمنا ..ويكون من نصيبنا عريسك دا ؟؟

يا نعمات
الراجل ده قال اووووعا من الصحفيات و الاعلاميات و بنات المنتديات
حتي عملية الترشيح من الفئة حقتكم دي قبل بيهو بي صعوبه
يعني ترشحي بس

[imported_Osman Righeem]

المشاركة الأصلية كتبت بواسطة محمد عبدالله محمد موسي

والله يا نعمات حمودة طلبك غايتو قاسي بالحيل

الزنجي

اخونا الزنجي وامين مالنا المحترم

بالله نعمات دي مش بالغت

[imported_Osman Righeem]

المشاركة الأصلية كتبت بواسطة Rihab Khalifa

معليش يا عثمان
صاحبك ده جا متاخر حبه
قر قر قر

بت الخليفه اختنا الغاليه

صاحبي ده من جيل
قبل معيادنا بي ساعتين ابيتو انا واباني البيت
واغالط نفسي بي اصرار و قول يمكن انا الما جيت

عايني

يعني نوهائي

[imported_Osman Righeem]

المشاركة الأصلية كتبت بواسطة rubs

والله كلامك جميل انا كمان اكون شاكره لو لقيت لى اخوها بس تكون المساله وراثه مضمونه عشان ما اتمقلب

لقيت لك اخوها لكن سألني سؤال تعسفي
قالي rubs اختصار لي شنو

غايتو جازفتها و قلت ليهو هي بتسال
Are You Baby Sitter

[imported_Osman Righeem]

المشاركة الأصلية كتبت بواسطة rubs

الغريبه دايما بتاخدوها بتسمع وبتطرشوها وبتشوف كويس وبتعموها واحساسها كامل وبتجردوهامنو ..

يعميني عمي الرقدو لا يوم الليلي
ماشفت مره مركبة سماعة أذن أو نظارة قعر كباية

و الزهايمر ده اصلوا رجالي بس

[imported_rubs]

المشاركة الأصلية كتبت بواسطة Osman Righeem

لقيت لك اخوها لكن سألني سؤال تعسفي
قالي rubs اختصار لي شنو

غايتو جازفتها و قلت ليهو هي بتسال
Are You Baby Sitter

وحالتك عامل ريجييم انت خليت الاسامى دى كلها وجيت تكوس لى اختصاراتى ما كفايه الناس المختصره كلامى فى المنتدى المهم بعتبرها زله حروف وكدا عشان ما ادبرس شدييد وانت بدل تشرع براك ما كان تسأل اصلو دى حالتكم يا أولاد امى تنظرو براكم .حاسى اسألنى

[imported_rubs]

المشاركة الأصلية كتبت بواسطة Osman Righeem

يعميني عمي الرقدو لا يوم الليلي
ماشفت مره مركبة سماعة أذن أو نظارة قعر كباية

و الزهايمر ده اصلوا رجالي بس

عليك الله فى زمتك ما شوفته وكان معرس ,ركز امكن تشوفها قرييييييييييييييييييييبه ولا انتو (الرجال) دايما ما بتشوفو قريب وباقين ذى ضل الدليب بترمو لى بعيد ولا ااااا عامل رجيم انا نسيت .