داا شنو

[نسايم]

المشاركة الأصلية كتبت بواسطة صلاح الحاج

[align=center]
الموضوع مهم للغاية ..

دخلت وفي نيتى الرد على موضوع البوست الاساسى

وكان لا بد من الاطلاع على ماسبق من المداخلات

حتى اتفادى تكرار الاراء التى سبقتني بالرد

نظرا لان الموضوع وقد وصل الي صفحته العاشر ة...

فوجدت ان الامر قد اخذ ابعادا اخرى وتفريعات

عجيبة ...

واصبح :

(عقلي ما قادر يستوعب وما قادر يفهم سر التناقض الاحنا بنعيشو دا
ليش كل حاجة بقت زائفة وباهته الاحساس ... الطيبة... الحب...الصداقة
الخير...والصــــــــــــــــــــــــــــــــــــــ ــــــدق ..

عارفين الخلانى احس بي كدا شنو ....؟)


ولا بلاش منها هذه المداخلة من اصله...


المهم كل عام وانتم جميعا بخير



تحياتى [/align]

خوووي صلاح تحيات
وعيدك سعيد..
الصفحة الاخيرة ايوا اتلخبطت
لكن حتى في اللخبطة في محاور
ولو داير تناقش الموضوع كان فيهو ولا زال
اكتر من محور حتى اللخبطة الحصلت
في اخر صفحتيين ومرحب بيك معارض او موافق
بس ابقي واضح لانو مابعرف اقرا مابين الحروف
وخايفة ارد رد مافي محلو

[نسايم]

المشاركة الأصلية كتبت بواسطة bayan

يا نسايم طولي بالك خلي يبقى سلبة

كدي النشوف آخرتها..

ود ميلاد ما تبطل الزمزغة....

معااااااك يادكتورة

[نسايم]

المشاركة الأصلية كتبت بواسطة رأفت ميلاد

ياخى ما نسيبنا من أستاذ دى وطلعنا كلنا أولاد ميلاد
نخلى البساط أحمدى ..
بجيك راجع خلينا نشوف المفتش

يا نسايم الليل أشهدى

فى شنو يا بيان بنتنوس

انا والله المفتش بقيييت ماسكة في طرفو



ياجماعة راس الخيط راح على مسكونى الدرب

[نسايم]

المشاركة الأصلية كتبت بواسطة محمد أبوعاقلة

لا عليك
فعلى هذي السفوح المطمئنة
نحن قاتلنا سنينا واقتتلنا

المفتش فقد المنطق وأراد بنا سؤا ...
دنقري واكتبي ساي

اكتب على عمااااااااي فهمووووونى
وقلت انا المجنونة

[نسايم]

المشاركة الأصلية كتبت بواسطة معتصم الطاهر

تعرفى لو ما قلتى الكلام دا تكوني زيّك وزى أى واحدة منسية وناسية روحها
ولو ما أفكارك غريبة .. الرماد كال حماد ..
[align=center]طوبى للغرباء[/align]
هم المتميزون ..
هم الذين يعرفون الحقيقة ويبحثون عن الباقى منها ..

طيب ..
عاوزة تغيرى منو ؟
الناس الساى .. ؟ - ديل حتتعبى معاهم دون فايدة ..
الناس الغريبة ؟ -
ديل أجمل ما فيهم غربتهم ..

طيب تغيرى منو ؟ يا نسايم ..
البين بين ..؟ او البتشوفى فيهم خير هم ما مكتشفنوا ..؟

وديل ناس ممكن تؤمنوا بروحهم و روحك تلقى الكويس فيهم براحة ..
ناس براحة ..

طيب تتغيرى انتى !!!
أسألك
ليه ؟؟؟؟
عشان تكوني ضمن القطيع؟
أو عشان فى زول أحسن تتغيرى عشانو ؟
أو تتغيري بيهو
أو تغيّرى ليهو ؟
عشان نشوف نقول شنو ..

وطوبي لملك مملكة الحب ....
عااارف لما اتكلم والقي كل الناس بتاعين بي غرابة
واقرا في العيون سؤال دي عايشة معانا
وزي ما قلت ليك ماف طريقة اتغير
لا علشان اكون ضمن الكل(امعة)
ولا علشان زول لانو بحس انو الغير
لو عاوزنى المفروض يقبلونى حتى وانا غريبة
اتدرك اننا نتحدث عن الروح
ونتحدث عن مالكيها كانهم غرباء مع انو المفترض
ان تكون الارض خالية من الميتيين لنستمتع بالحياة

[نسايم]

المشاركة الأصلية كتبت بواسطة الرباطابي

يادكتورة ، ازيك وازي أيامك
من نفس مداخلة سابقة لي معك أعتقد أن أجيال النساء لم تتغير فعليا وأرجو أن تمعني في كلامي جيدا قبل أن تصحى القرادة ..
النساء من بلغت منهم حدود التغيير بلغته من الخارج فقط -ولست ألومها على ذلك وحدها-جميعهن يأتين في لحظة ويجذبن بحبل متين -يرتضينه أو لايرتضينه-نحو المجتمع
فيعطلن الصحوة الذكورية!
التربية الاجتماعية لحقت التربية الوطنية وأضحت ترفا
ان كانت تغيرت لكنّا تغيرنا يادكتورة
جدي الخامس عشر وأنا ولدتنا وربتنا وأرضعتنا مفاهيم التربية الاجتماعية امرأة !


تخريمة برّة النص(اللي هو أساسا مافيش):

عجبتني قبضة الحنك السنين وليها قعدة

الرباطابي
تحيات
انا عارفة انك موجه الكلام لي دكتورة بيان بس اسمح لي انى اعلق
ما حااسقط كل مشكلات المراة على الرجل بس لكن له فيها نصيب الاسد
انت بتقول انو المرأة من تربي لكن البيئة وابوك البحميك تدخل المطبخ وعمك البشاكلك لما يلقاك قاعك مع
اختك وخالك البقول ليك دق البنت وجدك البفهمك انك راجل البيت وانت مافاهم شنو هي الرجولة
ديل ما اظنك ذكرتهم ديل ليهم نفس التاثير بتاع تربية الام
في حتة عدم الموضوع الاحنا فيهو انا بي العكس شايفاهو عم وشمل
من ماقريت موضوعك بتاع مرضية في زمن الطنابير وانا قريت رجل بدس الكتييير
بين حروفو وانا لقيت الكتير
اقرا البداية واقرا حوار الارواح واقرا كلام كل زول حتى وان اختلف عن الطرح الاصلي ووريني
الوصلك
وعن الحنك لحدي الان ما فاهمة اي حاجة

[نسايم]

المشاركة الأصلية كتبت بواسطة bayan

ازيك يا الرباطابي
اصلى على النبي اسع انت ما مقصر حنكك سنين برضو
تعرف كزولة مهتمة بالدراما
بهتم جدا جدا جدا باللغة والحوار..
بعدين بقرأ وراء النص وقدامو تحتو وفوقو
وطول عمري لما زول يتكلم معاي بكون بشوف في طريقتو
اها دائما بعجبني الحنك السنين
لكن لا يسحرني
خاتي بالك يا ود عمي؟
بين العجب والسحر..
لكن انت اظنك ما مشيت الخرتوم قريب
ياخي الاجيال الجديدة الرائعة من البنات
ذي بتنا نسايم دي
بقو يوصلو ايتها ابني آدم البحر ويجبو عطشان
لا حنك يمشي فيهن لا اي حاجة

والجيل دا ياهو تربيتنا..
لقد مات نموذج ديدمونة في السودان..
اجتهدو مع وليداتكم وحدثو ليهم خطابهم..
بعدين خلينا نتلاقى في بوست تاني مجندر
غير دا لانه شايفاه بقى يجنتر..
والله عندي ليك جنس قصص
..

خالتو بيان ...
الجيل الجديد بقي اتنيين لا ثالث لهما جيل متشبه
وجيل متشبث
المتشبه لا هوية لا قرار لا هم لا امة
وجيل متشبث ببقايا فكر وفهم وثقافة
واشباه ديدمونة لا وجود لها بينهم
لا المتشبهيين لانهم لايعرفونها والمتشبثيين لانهم يرفضونها
علي فكرا انا عندي بوست تانى الوداعية
رقمها عندك
لانو حايفك زي دا

[نسايم]

المشاركة الأصلية كتبت بواسطة محمد أبوعاقلة

تهيؤات عطيلية ومعطوبة ومعصوبة العينين ربما ...
شوف القلب هنا ما شغال تمام ...
شوفي ليك شوف تاني (شوف المستندات والتدقيق على الهوية)
المطلوب مني ...
صورة من شهادة الميلاد اصلية
صورة من جواز السفر
وصورة شخصية بطرفكم على اليمين عمرها اربعة سنوات
أما فيما يخص الحنك السنين ... فأنت خارج دائرة التوقعات
شارلستون الكرمبلين ... لم اسمع عن أحد بهذا الاسم من قبل ... ربما وافته المنية قبل أن اراه ...

فهذا الاسلوب خاسر !!!
خاسر !!!
خاسر !!!

زعللللللللل
زعلللللللللللللل
زعلللللللللل
بما انى صاحبة البوست الفالت دااااا
ومسؤلة منو رسل لي كل الاوراق
وانا حا اشوف
مجنترة انا مووووش

[مهند الخطيب]

نسايم ،،، كل سنة وانت طيبة

ما حااسقط كل مشكلات المراة على الرجل بس لكن له فيها نصيب الاسد
انت بتقول انو المرأة من تربي لكن البيئة وابوك البحميك تدخل المطبخ وعمك البشاكلك لما يلقاك قاعك مع
اختك وخالك البقول ليك دق البنت وجدك البفهمك انك راجل البيت وانت مافاهم شنو هي الرجولة
ديل ما اظنك ذكرتهم ديل ليهم نفس التاثير بتاع تربية الام

أنا ماداير يانسايم أغير ليك اتجاه البوست لجدية زيادة عن اللزوم
بنخلي الدكتورة تفتح البوست ونمشي بهناك نفتو فت وللا شنو يادكتورة ؟
لكن الداير أقولو ليك انو السادة الذكرتيهم فوق ديل عم وخال وأب برضو رضعتم المفاهيم دي برضو امرأة ...... بث

في حتة عدم الموضوع الاحنا فيهو انا بي العكس شايفاهو عم وشمل

وحتّى كان سوّا كده !!!

وعن الحنك لحدي الان ما فاهمة اي حاجة

دي بقى مايفتيك فيها الا اتنان احدهما غائب والتاني خالتو بيان

[أشتر]

المشاركة الأصلية كتبت بواسطة bayan

لالالا حولة انت زعلت؟
ليه كدا
الموضوع كلو هظار ياخي لا خاسر لا مكسب
ياخي نعتذر بشدة اذا افتكرت انه ان بسئ ليك
ولو شايف اي اساءة مستعدة امسح مداخلاتي معاك كولها..
يا زول انا ما شرانية للدرجة دي..
ياخي موش انت ابو عاقلة الكان في رحلة قطر؟
ولا شبه؟
لانه انا اديت نفسي حق انه اهظر معاك لاني بعرفك..
عاد كان زولا تاني ابقى بالجد اتلومتا معاك
والعتب على النظر...
ومع السلامة

لا حولاااااااااا الدكتور فقد المنطق ولا شنو !!!!!!

آخر فصيلة الناس البزعلو
والدليل على كلامك
انا زاتي بهظر على فكرة
وياني زاتي الزول داك
وكلامي معاك كلو (funny) فني كمبيوتر

[أشتر]

المشاركة الأصلية كتبت بواسطة نسايم

انا والله المفتش بقيييت ماسكة في طرفو



ياجماعة راس الخيط راح على مسكونى الدرب

طرف التوب خليني منو !!!!!!!
لو (لفت) لفتين بتلقي في يدك
احسن تعتمدي على نفسك (وتسلكي) طريقك براك
بعد شوية ح تخليك (إمعة) لا مع ولا مع
والخوف عليك

دي حاجة والحاجة التانية
راس الخيط مكسب كبير جدا والحاجات بتبدا كدا

[نسايم]

المشاركة الأصلية كتبت بواسطة محمد أبوعاقلة

طرف التوب خليني منو !!!!!!!
لو (لفت) لفتين بتلقي في يدك
احسن تعتمدي على نفسك (وتسلكي) طريقك براك
بعد شوية ح تخليك (إمعة) لا مع ولا مع
والخوف عليك

دي حاجة والحاجة التانية
راس الخيط مكسب كبير جدا والحاجات بتبدا كدا

بس انا ما امعة......

[نسايم]

المشاركة الأصلية كتبت بواسطة الرباطابي

نسايم ،،، كل سنة وانت طيبة


أنا ماداير يانسايم أغير ليك اتجاه البوست لجدية زيادة عن اللزوم
بنخلي الدكتورة تفتح البوست ونمشي بهناك نفتو فت وللا شنو يادكتورة ؟
لكن الداير أقولو ليك انو السادة الذكرتيهم فوق ديل عم وخال وأب برضو رضعتم المفاهيم دي برضو امرأة ...... بث


وحتّى كان سوّا كده !!!


دي بقى مايفتيك فيها الا اتنان احدهما غائب والتاني خالتو بيان

وانت طيب يا رب


نسيت انو برضو الربي البت دي برضو راجل ودس فيها كل عقد الذكورة
دي زي المعضلة الفلسفية بتاعت الجا اول منو الببيضة ولا الدجاجة
ودي لحدى الان ما اتحلت وانا صدقنى ما كويسة في الفلسفة ولا
الكلام الكباااااااااااااااااار وشغل ماتفكري وتركزي يانسايم



عارف انا بحس انو النساء اشكاليتهم الوحيدة
انهم مامدركيين حقوقهم وجارييين علي المساواة
وهم اكبر من المساواة


وعلي فكرا الحنك لسة ماوصل

[مهند الخطيب]

صدقيني يانسائم من قديم الأزل نحنا الأب عندنا مابربي !!!!!

اللهم الا مرورا على الأمور كمرور النسائم

لن أخرج الرجل من دائرةالمسئولية فقد قلت انها مشتركة ولكن ،،،،

لاتحاولن انتن ادخاله عنوة وتحميله مالم يحمل .....

عارف انا بحس انو النساء اشكاليتهم الوحيدة
انهم مامدركيين حقوقهم وجارييين علي المساواة
وهم اكبر من المساواة

ونسيتي اشكاليات يانسائم ...

وعلي فكرا الحنك لسة ماوصل

ماقلنا ليك أسألي خالتو بيان

[نسايم]

المشاركة الأصلية كتبت بواسطة الرباطابي

صدقيني يانسائم من قديم الأزل نحنا الأب عندنا مابربي !!!!!

اللهم الا مرورا على الأمور كمرور النسائم

لن أخرج الرجل من دائرةالمسئولية فقد قلت انها مشتركة ولكن ،،،،

لاتحاولن انتن ادخاله عنوة وتحميله مالم يحمل .....


ونسيتي اشكاليات يانسائم ...


ماقلنا ليك أسألي خالتو بيان

الراجل ما بربي .....
دي ما صح لانو ربانى ابوووي ....
بس حا امش مع افتراضك مابربي لكن
تعال اوريك كتير من الاباء دخلو مفهوم نهر وشاكل
والنواهي الكتيرة البتحطم شخصية الزول وتخليهو منتظر
الاخر انو يقودو
ودا طبعا ما لي الولد لانو مجتمعنا مابكسر الراجل بكسر المرأة


وعن الاشكاليات كتيرة وتخوف


وعن الحنك
اكتشفت انو انا البت الوحيدة ومشفرة كمان يكونو حنكو منو يا ربي