الحصه الثالثه - مسرحيه تعرض بالمسرح القومى

imported_منال · 21-02-2010, 07:23 PM

ناس الخرتوم المسرحيه سوف تعرض فى هذا الاسبوع - و هى مجهود تنظيمات مجتمع مدنى فى التقيف الانتخابى - حول الديمقراطيه - المشاركه العامه للمرأه و بالاخص السياسيه.

حسب البروفات المسرحيه المؤلف عادل أبراهيم محمد خير ومن اخراج مصطفى احمد الخليفه حسب المشاهدة (بزوايه

)

الأسم الحصة الثالثة وده رمز للديمقراطيه الثالثه

وفيها النساء قيادات لدفة التغيير. وده كان واضح لما والد ست الشاى (الفنان الشبلى) قال انا جاتنى حالة احباط وبيات شتوى من 21 سنه.
أهمية التصويت وحرية الأختيار

كان واضحه من خلال الحوار الدار بين هيثم (الحنكوش) وسميرة وامها وابوها. وكمان لما ستات الشاى شجعن سميرة على الترشيح والأغنية المصاحبه "هببي التاريخ بى هبابة" دى جاءت رد على أغنية "انتى يا الكبرتوك والبنات فاتوك" 3
تمجيد لمهنة بائعات الشاى والأطعمة:-
وده تم تجدهو لما أبوسميرة قال رغم انهزامى فانا فخور بان بنتى بائعة شاى قدرت تحل مشكلتها ومشاكلنا. وقال حاسى انى انا مسئول عن كل ست كسره وشاى وعن كل شماسى فى الشارع لانى ما حافظت على أرث اجدادى لما استلمنا العلم ما كان فى ست شاى فى الشارع ليه خليناهم يمرقوا الشارع ودى مسئولية منو؟

لما سميرة وفى حملتها الأنتخابيه قالت انا ما عايزه يكون فى ست شاى تكون فى الشارع ونحول الشارع لمدرسة مفتوحه تحترم كل الاجناس والديانات والسحنات. عايزاكم تبقوا دكتورات ومعلمات ومهندسات وبالتعليم ح نصل. ودى كانت نقطه حوار ساخن مع المولف والمخرج من ناحيه انها ايجابيه لانه تمكين المرأة مرتبط بالتعليم وده الهدف الثالث للألفيه للتنمية. لكنه هدف بعيد المدى ورد عليه الأستاذ مصطفى بانه ست الشاى الدايره تبقيها وزيرة دى كان هدف قريب المدى. لما برعى موظف المحليه قال وهوفخور انه بكش ستات الشاى ورد عليه والد سميرة

التضامن بين ستات الشاى
وتم الرمز ليه لما سميرة ست الشاى ومعاها زميلاتها من كل ولايات السودان. وامتد التضامن للقرن الأفريقى (ستات الشاى من الحبشة والصومال وارتيريا). ورغم التضامن اتحسدن وبدأت أغنية يا وطنى يا محسود.
شخصية الكنداكة
كانت حاضرة لما ستات الشاى قالن لسميرة احنا دايرين واحدة كنداكة تمثلنا مننا وفينا وحاسه بينا وعارفه وجعنا .

الأغانى القدمت فى المسرحية روعة روعة روعة وفى الصميم
وليها أكثر من معنى رمز انها كبسولة سياسية قويه لكن وضعت بطريقة كل يفسر على هواه.

شخصية (برعى)

رهيب الممثل الرائع الطيب رهيب حقيقى الجسد لينا دور موظف المحليه البطارد ست الشاى من زقاق لزقاق.

للتخلص من برعى ومشاكله وعذابه ليهم كان رائع جدااللوبى والتضامن بين ستات الشاى

المناظرة بين الوزير النائم والمجتمع المدنى الصاحى

والد سميره نائم وبيحلم المشهد رائع وبيعكس الحقيقه انه الوزاراء الجو من زمن الأستقلال حتى الآن سلبيين ونايمين وما هاميهم مصلحه البلد بل يا والله مهتمين بمكاسبهم الشخصية لما ذكر الوزير الصفقه الخارجيه المهتم بيها.

دور المجتمع المدنى كان قوى وصاحى ومتذكر وجاهز بتقرير الظل وبالأحصائيات عن الأراضى البيعت والحيوانات. طبعا كان لازم يتعمل بشكل فكاهى عشان يقدروا ينتزعوا ضحكه من الجمهور المقهور.

مشكلة الجنوب
كانت مجسده فى الصراع الكروى بين الهلال والمريخ وعجبنى جدا لما قال هيثم (الممثل الحنكوش ما عارفه اسمه الحقيقى) ما تقسموا البلد لأتنين لوبقت هلال مريخ ح تحصل فجوة فى النص وللأبد. خلونا نعملها منتخب وطنى يجمع الكل والنسوان فيه القايدات. الرسالة كانت قوية ولما قال لسميرة اترشحى عشان تدعمى المنتخب الوطنى وفيه كل ثقافه محفوظة.

التمجيد لأحزاب معينه فى المسرحية (اتحادى – الأمه والشيوعى)

وتمت معالجته لما قال ابوسميرة انه جده كان عنده طريقته (وسمعنا نحاس الأنصار فى الخلفيه) وووالدى كان عنده طريقته (ونوبة الختميه) وانا عندى طريقتى ( وردى بارفع صوتك)

وردت عليه بته سميره وقالت ليه احنا بننادى بمنتخب قومى يجمع كل الطرق فترنا من الأنقسامات – وده كلامنا فى مسألة التحالفات والتضامن مع بعض.

شعار الكفتيريا

واغنية الكفتيريا مافيش غيرها. دى كانت من اجمل الأشياء اللي تطرقت ليها المسرحية.

الدعم الأسرى للمرشحات:

ودى كمان كانت من النقاط القوية ومهم جدا كل المرشحات يستفيدوا منها ليبدؤا الحملة من البيت وناس الأسرة الممتدة.
2. الوضع الأجتماعى لستات الشاى:

ودى نقطة جدل وحوار ساخن مع المؤلف والمخرج – ام سميرة قالت بتى ح تترشح عشان تعالج مشكلة ستات الشاى كلهن و نشوف الختام كان كيف؟

imported_منال · 21-02-2010, 07:29 PM

دعوة لمشاهدة المسرحيه
طالما كان المسرح أداة فاعلة
في سهولة التلقي
ونشر الوعي والأفكار

وده كله مجرد نقطه فى محيط عميق وياريته يجيب مريسة تام زين زى ما حبوبة بتقول هاها

و بنشكر من هنا كل الرجال الداعمين للحركة النسوية
و الوافقين معانا صف واحد و مساندين لنا لولا دعمهم
و تطلع مسرحيه لخشبه المسرح فى زمن باهت و تعبير عن طموحنا و اهدافنا

الى الامام

imported_AMAL · 21-02-2010, 07:55 PM

منال سلام
دا شكلو عمل جميل فعلا
ادينا فكرة عن الممثلين/ ات
عادل ابراهيم مخرج ومؤلف مجتهد
مشي في الخط البتبني مشاكل المراة
من زمن عنبر المجنونات وبيت بت المني بت مساعد
حاولي نزلي لينا صور

فالحين بس في صور الاكل

مزيد من التحليل بالله

imported_منال · 21-02-2010, 08:06 PM

اقتباس:

المشاركة الأصلية كتبت بواسطة AMAL

منال سلام
دا شكلو عمل جميل فعلا
ادينا فكرة عن الممثلين/ ات
عادل ابراهيم مخرج ومؤلف مجتهد
مشي في الخط البتبني مشاكل المراة
من زمن عنبر المجنونات وبيت بت المني بت مساعد
حاولي نزلي لينا صور

فالحين بس في صور الاكل

مزيد من التحليل بالله

امال كيف امسيتى

الممثلين مجموعة فرقه الاصدقاء مطعمه بالجديدن
عادل ابراهيم كتاب و فى كتاباته عن قضايا المراة بى يبدع كمان و سبقتها برلمان النساء

اختك معطوبه الايد و الكاميرا و قلت لناصر اعتزلت الفن

كمان التصوير قالو فى العرض البقدم متاح لانو البروفات مجهوده كبير وما ح احضر الا نشوف فى 8 مارس او ناس الخرتوم البحضرو يرفعو الصور.
و الباقى نخليه لخبازيه ناصر يوسف ايدك هنا

imported_نادر السماني · 21-02-2010, 10:21 PM

منال كيفك ولم تحددي زمان العرض !

imported_نادر السماني · 21-02-2010, 10:39 PM

اقتباس:

عادل ابراهيم مخرج ومؤلف مجتهد
مشي في الخط البتبني مشاكل المراة
من زمن عنبر المجنونات وبيت بت المني بت مساعد

آمال كيف حالك
لقد ارتبط عادل ابراهيم وعماد الدين إبراهيم بعدد من الأعمال ذات الطابع الجندري (عادل مؤلف أو مسودن (بيت بت المنى)وعماد مخرج وكاتب لبعض الأشعار وفي ذلك أراء متباينة -ربما أعود إليها -
ما قصدت الإشارة إليه هو هو وجود مبدعين كلاهما اسم والده إبراهيم وقد اشتركا في عدد من الأعمال المشتركة ، أما عادل فهو كاتب مسرحي ودرامي وتخرج في جامعة القاهرة الفرع في النصف الأول من ثمانينات القرن الماضي ، وعماد تخرج في معهد الموسيقى والمسرح في منتصف الثمانينات (تمثيل وإخراج ) وقدم بعد تخرجه مسرحية(حكم ابتكو) مع بدايات الانتفاضة . وكان مديرا لتلفزيون الخرطوم وقدم استقالته في أيام (الرسوم المسيئة للرسول (ص)؛ إذ قام التلفزيون بعرض بعض النماذج منها في سياق الحملة الرافضة لتلك الرسوم ، فقامت عليه الميديا المحلية حينها فقدم استقالته حتى لا يحرج الوزير (هكذا قال حينها ) عذرا فأنا أكتب من الذاكرة وربما أعود للجميع التحية .

imported_جعفر بدرى · 22-02-2010, 11:58 AM

اقتباس:

المشاركة الأصلية كتبت بواسطة منال

دعوة لمشاهدة المسرحيه
طالما كان المسرح أداة فاعلة
في سهولة التلقي
ونشر الوعي والأفكار

وده كله مجرد نقطه فى محيط عميق وياريته يجيب مريسة تام زين زى ما حبوبة بتقول هاها

و بنشكر من هنا كل الرجال الداعمين للحركة النسوية
و الوافقين معانا صف واحد و مساندين لنا لولا دعمهم
و تطلع مسرحيه لخشبه المسرح فى زمن باهت و تعبير عن طموحنا و اهدافنا

الى الامام

العزيزة / منال
أشواقى

حديثك رائع .... الدعوة مقبولة .... و نعم لدعم الحركة النسوية .
الواحد و عشرين سنة .. هى عمر الإنقاذ .
و سنوات الديموقراطية الحقيقية ... التى عشناها منذ الإستقلال ...
أصغر من هذا الرقم ... بكل أسف .

و على المحبة نلتقى .

imported_منال · 23-02-2010, 07:19 AM

يا شباب يبدا عرض الافتتاح يوم غدا الاربعاء و ح يستمر و يقال انو ح ينتقل للخرتوم
وفى القتلفزيزن نزل الاعلان - النيل الازرق

المهم ما تفوتكم عشان فترة الحملات الانتخابيه و تعرفو النسوان ديل بفكرن كيف ؟

و بعد داك نشوف الدعم و المسانده

ده لو فى انتخابات ح تقوم
هههههههههه
هذا الصباح بشم فى ريحه طبيخ امس و الكوجين الحاصل ما بين ليبيا و الدوحه

اللهم لا اعتراض فى امرك

ما قلنا تاجيل الاننتخابات
قالو لا
قلنا انتخابات يا كامله يا بلاش
قالو الرئاسه بس

قلنا المقاطعه
قالو بعد ما الشعب دخل فى كشوفات التسجيل
قلنا
ما اصلا بنعرف نسبة المقاطعه من نسبة التسجيل.
و تنفز الكيمان

قالو لا لنا القدرة على خوض الانتخابات

قلنا
انتظروها اكان تكون فى نتيجه
خليك من النزاهه و شنو داك الما عرفتو لى يوم 11/4

وساقيتنا لسه مدوره

لا سبيل غير المقاطعه

imported_فيصل علي · 23-02-2010, 07:51 AM

اقتباس:

المشاركة الأصلية كتبت بواسطة منال

لا سبيل غير المقاطعه

الاخت منال
سلامات
لا سبيل ..لا سبيل

21-02-2010, 07:23 PM	#[1]
imported_منال Banned	الحصه الثالثه - مسرحيه تعرض بالمسرح القومى ناس الخرتوم المسرحيه سوف تعرض فى هذا الاسبوع - و هى مجهود تنظيمات مجتمع مدنى فى التقيف الانتخابى - حول الديمقراطيه - المشاركه العامه للمرأه و بالاخص السياسيه. حسب البروفات المسرحيه المؤلف عادل أبراهيم محمد خير ومن اخراج مصطفى احمد الخليفه حسب المشاهدة (بزوايه) الأسم الحصة الثالثة وده رمز للديمقراطيه الثالثه وفيها النساء قيادات لدفة التغيير. وده كان واضح لما والد ست الشاى (الفنان الشبلى) قال انا جاتنى حالة احباط وبيات شتوى من 21 سنه. أهمية التصويت وحرية الأختيار كان واضحه من خلال الحوار الدار بين هيثم (الحنكوش) وسميرة وامها وابوها. وكمان لما ستات الشاى شجعن سميرة على الترشيح والأغنية المصاحبه "هببي التاريخ بى هبابة" دى جاءت رد على أغنية "انتى يا الكبرتوك والبنات فاتوك" 3 تمجيد لمهنة بائعات الشاى والأطعمة:- وده تم تجدهو لما أبوسميرة قال رغم انهزامى فانا فخور بان بنتى بائعة شاى قدرت تحل مشكلتها ومشاكلنا. وقال حاسى انى انا مسئول عن كل ست كسره وشاى وعن كل شماسى فى الشارع لانى ما حافظت على أرث اجدادى لما استلمنا العلم ما كان فى ست شاى فى الشارع ليه خليناهم يمرقوا الشارع ودى مسئولية منو؟ لما سميرة وفى حملتها الأنتخابيه قالت انا ما عايزه يكون فى ست شاى تكون فى الشارع ونحول الشارع لمدرسة مفتوحه تحترم كل الاجناس والديانات والسحنات. عايزاكم تبقوا دكتورات ومعلمات ومهندسات وبالتعليم ح نصل. ودى كانت نقطه حوار ساخن مع المولف والمخرج من ناحيه انها ايجابيه لانه تمكين المرأة مرتبط بالتعليم وده الهدف الثالث للألفيه للتنمية. لكنه هدف بعيد المدى ورد عليه الأستاذ مصطفى بانه ست الشاى الدايره تبقيها وزيرة دى كان هدف قريب المدى. لما برعى موظف المحليه قال وهوفخور انه بكش ستات الشاى ورد عليه والد سميرة التضامن بين ستات الشاى وتم الرمز ليه لما سميرة ست الشاى ومعاها زميلاتها من كل ولايات السودان. وامتد التضامن للقرن الأفريقى (ستات الشاى من الحبشة والصومال وارتيريا). ورغم التضامن اتحسدن وبدأت أغنية يا وطنى يا محسود. شخصية الكنداكة كانت حاضرة لما ستات الشاى قالن لسميرة احنا دايرين واحدة كنداكة تمثلنا مننا وفينا وحاسه بينا وعارفه وجعنا . الأغانى القدمت فى المسرحية روعة روعة روعة وفى الصميم وليها أكثر من معنى رمز انها كبسولة سياسية قويه لكن وضعت بطريقة كل يفسر على هواه. شخصية (برعى) رهيب الممثل الرائع الطيب رهيب حقيقى الجسد لينا دور موظف المحليه البطارد ست الشاى من زقاق لزقاق. للتخلص من برعى ومشاكله وعذابه ليهم كان رائع جدااللوبى والتضامن بين ستات الشاى المناظرة بين الوزير النائم والمجتمع المدنى الصاحى والد سميره نائم وبيحلم المشهد رائع وبيعكس الحقيقه انه الوزاراء الجو من زمن الأستقلال حتى الآن سلبيين ونايمين وما هاميهم مصلحه البلد بل يا والله مهتمين بمكاسبهم الشخصية لما ذكر الوزير الصفقه الخارجيه المهتم بيها. دور المجتمع المدنى كان قوى وصاحى ومتذكر وجاهز بتقرير الظل وبالأحصائيات عن الأراضى البيعت والحيوانات. طبعا كان لازم يتعمل بشكل فكاهى عشان يقدروا ينتزعوا ضحكه من الجمهور المقهور. مشكلة الجنوب كانت مجسده فى الصراع الكروى بين الهلال والمريخ وعجبنى جدا لما قال هيثم (الممثل الحنكوش ما عارفه اسمه الحقيقى) ما تقسموا البلد لأتنين لوبقت هلال مريخ ح تحصل فجوة فى النص وللأبد. خلونا نعملها منتخب وطنى يجمع الكل والنسوان فيه القايدات. الرسالة كانت قوية ولما قال لسميرة اترشحى عشان تدعمى المنتخب الوطنى وفيه كل ثقافه محفوظة. التمجيد لأحزاب معينه فى المسرحية (اتحادى – الأمه والشيوعى) وتمت معالجته لما قال ابوسميرة انه جده كان عنده طريقته (وسمعنا نحاس الأنصار فى الخلفيه) وووالدى كان عنده طريقته (ونوبة الختميه) وانا عندى طريقتى ( وردى بارفع صوتك) وردت عليه بته سميره وقالت ليه احنا بننادى بمنتخب قومى يجمع كل الطرق فترنا من الأنقسامات – وده كلامنا فى مسألة التحالفات والتضامن مع بعض. شعار الكفتيريا واغنية الكفتيريا مافيش غيرها. دى كانت من اجمل الأشياء اللي تطرقت ليها المسرحية. الدعم الأسرى للمرشحات: ودى كمان كانت من النقاط القوية ومهم جدا كل المرشحات يستفيدوا منها ليبدؤا الحملة من البيت وناس الأسرة الممتدة. 2. الوضع الأجتماعى لستات الشاى: ودى نقطة جدل وحوار ساخن مع المؤلف والمخرج – ام سميرة قالت بتى ح تترشح عشان تعالج مشكلة ستات الشاى كلهن و نشوف الختام كان كيف؟
imported_منال Banned

21-02-2010, 07:29 PM	#[2]
imported_منال Banned	دعوة لمشاهدة المسرحيه طالما كان المسرح أداة فاعلة في سهولة التلقي ونشر الوعي والأفكار وده كله مجرد نقطه فى محيط عميق وياريته يجيب مريسة تام زين زى ما حبوبة بتقول هاها و بنشكر من هنا كل الرجال الداعمين للحركة النسوية و الوافقين معانا صف واحد و مساندين لنا لولا دعمهم و تطلع مسرحيه لخشبه المسرح فى زمن باهت و تعبير عن طموحنا و اهدافنا الى الامام
imported_منال Banned

21-02-2010, 07:55 PM	#[3]
imported_AMAL :: كــاتب نشــط::	منال سلام دا شكلو عمل جميل فعلا ادينا فكرة عن الممثلين/ ات عادل ابراهيم مخرج ومؤلف مجتهد مشي في الخط البتبني مشاكل المراة من زمن عنبر المجنونات وبيت بت المني بت مساعد حاولي نزلي لينا صور فالحين بس في صور الاكل مزيد من التحليل بالله
imported_AMAL :: كــاتب نشــط::

21-02-2010, 10:21 PM	#[5]
imported_نادر السماني :: كــاتب نشــط::	منال كيفك ولم تحددي زمان العرض !
imported_نادر السماني :: كــاتب نشــط::

23-02-2010, 07:19 AM	#[8]
imported_منال Banned	يا شباب يبدا عرض الافتتاح يوم غدا الاربعاء و ح يستمر و يقال انو ح ينتقل للخرتوم وفى القتلفزيزن نزل الاعلان - النيل الازرق المهم ما تفوتكم عشان فترة الحملات الانتخابيه و تعرفو النسوان ديل بفكرن كيف ؟ و بعد داك نشوف الدعم و المسانده ده لو فى انتخابات ح تقوم هههههههههه هذا الصباح بشم فى ريحه طبيخ امس و الكوجين الحاصل ما بين ليبيا و الدوحه اللهم لا اعتراض فى امرك ما قلنا تاجيل الاننتخابات قالو لا قلنا انتخابات يا كامله يا بلاش قالو الرئاسه بس قلنا المقاطعه قالو بعد ما الشعب دخل فى كشوفات التسجيل قلنا ما اصلا بنعرف نسبة المقاطعه من نسبة التسجيل. و تنفز الكيمان قالو لا لنا القدرة على خوض الانتخابات قلنا انتظروها اكان تكون فى نتيجه خليك من النزاهه و شنو داك الما عرفتو لى يوم 11/4 وساقيتنا لسه مدوره لا سبيل غير المقاطعه
imported_منال Banned