*** مصطلحات عامّية سودانية ***

[شبارقة]

المشاركة الأصلية كتبت بواسطة فيصل سعد

نقطة نظام : يا شبارقة ما تسرح لينا بالركاب كثير قعمزي جاتنا من الخليج العربي و معناها اجلس و استريح كان مغالطني اسأل محمد و معتصم و بابكر و عكود. واصل يا حبوب..

صاحب البوست .. سلام

جيت بصورتك عشان تخوفنا وتهددنا عشان إحتلينا بيتك ؟ برضو نحن جداد بره البيطرد جداد البيت .. لكن برضو بنقول ليك : جيتنا وفيك ملامحنا وبنرجع ليك توصينا ونرجع ليك تدرسنا!! (أها عقدتك عدييل كده) .. وبقول ليك برضو : إذا وقفت أمام حسنك صامتاً فالصمت في حرم الجمال جمال كلماتنا في الحب تقتل حبنا إن الحروف تموت حين تقال.

نرجع لموضوعنا ..ناس الخليج بيقولوا إقلط وما بيقولوا قعمز إطلاقاً وأنا عشت وما زلت عائش في الخليج .. قعمز تجدها بكثرة في عموم ليبيا وفي صعيد مصر فقط .. وأنا عشت في صعيد مصر 4 سنوات وفي ليبيا 6 سنوات .. هوووي ما تخمنا يا فيصل لانو البيت بيتك !!وصحصح معانا ...ووينك يا ود أبو عاقلة قال عكود قال