*** مصطلحات عامّية سودانية ***

[منال]

المشاركة الأصلية كتبت بواسطة شبارقة

هووووي .....يكا ...قالوا في المثل : ألمي هامي ما لعب قعوي أها شنو الألمي؟ وشنو الهامي ؟ وشنو القعوي؟

سجمى يا شبارقة قايل ح اقوليك ما سمعته .. وحاتك من حبوبتى الله يرحمها قريب 1987 امى كمان قالته
المى : هو الموية الصافية تقولك اسقنى المى طبعا ممكن ينشلوها بالدلو اى وبكل امانة ما نشلت موية من البير
القعوى : الضفدع البكون صغير يلعب فى المى ينطط كدى
هامى : بشيل الهم
حتى من الدخول فى المى باقى لى لاك بتعوم فى بركة و لا بحر

[شبارقة]

المشاركة الأصلية كتبت بواسطة محمد أبوعاقلة

ألمي ...[color=#FF0000] ...

شايف البوست ده ماخد خمسة نجوم ..وكان ما إنت يا فردة كان لقيناهو في الصفحة الأخيرة من المنتدى

عموماً الإجابات صحيحة والهامي مقصود بها الحامي وهي تعني الحار وخلاصة المثل تعني أن الموضوع جد ما هو نطيط بطان ساااي (والمعروف أن القعونج ما بلعب في الموية الحارة) وده واحد من أقوى الأمثال الشعبية يا فردة (مثل بتاع رجال) وليس هناك عامية خاصة وعامية مستوردة ...

قال الفنان مادحاً ثورة مايو : تحسبو لعب ..شليل ترتار وقيره ...جرى ونطيط بطان فوق الدميره
أها القيره .....البطان.....الدميره ...ديل شنو ؟

[أشتر]

المشاركة الأصلية كتبت بواسطة شبارقة

شايف البوست ده ماخد خمسة نجوم ..وكان ما إنت يا فردة كان لقيناهو في الصفحة الأخيرة من المنتدى

عموماً الإجابات صحيحة والهامي مقصود بها الحامي وهي تعني الحار وخلاصة المثل تعني أن الموضوع جد ما هو نطيط بطان ساااي (والمعروف أن القعونج ما بلعب في الموية الحارة) وده واحد من أقوى الأمثال الشعبية يا فردة (مثل بتاع رجال) وليس هناك عامية خاصة وعامية مستوردة ...

قال الفنان مادحاً ثورة مايو : تحسبو لعب ..شليل ترتار وقيره ...جرى ونطيط بطان فوق الدميره
أها القيره .....البطان.....الدميره ...ديل شنو ؟

يعني كيف هامي مقصود بيها حامي ... ولو انت غلطان في الاسبيلنج تحملنا غلطك ليه !!!
انت عارفني انا بركب ساااااي ... والقدامي بدوسو
اها نرجع لمحور حديثنا

القيره ..... اول حاجة دي كتبتها غلط وهي الوقيرة لكن ما عارف معناها
البطان..... الجلد بالسوط
الدميره ... فيضان النيل

[فيصل سعد]

المشاركة الأصلية كتبت بواسطة شبارقة

شايف البوست ده ماخد خمسة نجوم ..وكان ما إنت يا فردة كان لقيناهو في الصفحة الأخيرة من المنتدى

عموماً الإجابات صحيحة والهامي مقصود بها الحامي وهي تعني الحار وخلاصة المثل تعني أن الموضوع جد ما هو نطيط بطان ساااي (والمعروف أن القعونج ما بلعب في الموية الحارة) وده واحد من أقوى الأمثال الشعبية يا فردة (مثل بتاع رجال) وليس هناك عامية خاصة وعامية مستوردة ...

قال الفنان مادحاً ثورة مايو : تحسبو لعب ..شليل ترتار وقيره ...جرى ونطيط بطان فوق الدميره
أها القيره .....البطان.....الدميره ...ديل شنو ؟

الدميرة البحر لما ينزل على ما اعتقد
القيرة دعوة للمطر

[أشتر]

المشاركة الأصلية كتبت بواسطة فيصل سعد

الدميرة البحر لما ينزل على ما اعتقد

ينزل بى دامة
العكس يا فيصل ياخ (على ما اعتقد)

[فيصل سعد]

المشاركة الأصلية كتبت بواسطة محمد أبوعاقلة

ينزل بى دامة
العكس يا فيصل ياخ (على ما اعتقد)

لا ينزل بجوكر يا مان
اها السمبوهارت و الفرمالة و التعريجة و المخاواة و الالف و المراقة و الاتو بتعرفهم؟ و نضيف للحناكيش الديناري و الشيريا و الاسود و الهارت؟ و للجلاكين الجهار و الدوسة و الدبش و البيش؟

[أشتر]

المشاركة الأصلية كتبت بواسطة فيصل سعد

لا ينزل بجوكر يا مان
اها السمبوهارت و الفرمالة و التعريجة و المخاواة و الالف و المراقة و الاتو بتعرفهم؟ و نضيف للحناكيش الديناري و الشيريا و الاسود و الهارت؟ و للجلاكين الجهار و الدوسة و الدبش و البيش؟

غايتو انا بعرف الديناري و الشيريا و الاسود و الهارت والجوكر بايظي المفضل

[منال]

كدى نواصل
المعراكة : قطعة من القماش معمول فيها زيت او طايوق يمسح يها صاج العواسة
المسديق : اى انا يختو فوقو المعراكة
الكوجين : مرحلة من مراحل الحلومر او الابرى الاحمر تعمل عصيدة فى قدر او حلة كبيرة تسوط او تكوجن الدقيق و عو عبارة عن عيش الدرة ينبت فى الارض يبقى زريعة لمدة ثلاثة يوم و بداك يجفف فى الشمس الحارة و كمان يجرتقو يختو فحمتين كبار فى كل طرف بعد داك يطحن فى الطاحونة ثم يتخت فى الموية الغالية عشان يبقى عصيدة نضيجة بعد داك يجمع فى الزير كبير الاسود داك او اناء كبير (حلة قيزان) ثم يبرد و يضاف ليهو البهارات و الخمار و يغطى لمدة يوم ونص بعد يقوم اى يخمر يكون فى صاج حامى و فزع للعواسة يبقى ابرى السرور يا يمة.

[أشتر]

المشاركة الأصلية كتبت بواسطة منال

كمان يجرتقو يختو فحمتين كبار فى كل طرف بعد داك يطحن فى الطاحونة.

مع الفحمتين ولا بدون ... دي معلومة جديدة
والمسديق برضو جديدة

[شبارقة]

المشاركة الأصلية كتبت بواسطة محمد أبوعاقلة

يعني كيف هامي مقصود بيها حامي ... ولو انت غلطان في الاسبيلنج تحملنا غلطك ليه !!!

القيره ..... اول حاجة دي كتبتها غلط وهي الوقيرة لكن ما عارف معناها:D
هووووي ود أبو عاقلة يا أخوي أوعاك تكتب كلمة ماك عارف معناها ..بتجيب لينا هوا... والقيرة كما تلاحظ مربوطة مع شليل والترتار إذن هي نوع من أنواع الألعاب ....شنو هي؟
البطان..... الجلد بالسوط مظبوط كلامك في تفسير كلمة البطان ولكن ...نطيط بطان هنا مقصود بيها نطيط الجلد بالسوط؟:mad:

الدميره ... فيضان النيل

مظبوط الكلام

[شبارقة]

المشاركة الأصلية كتبت بواسطة منال

كدى نواصل
و كمان يجرتقو يختو فحمتين كبار فى كل طرف بعد داك يطحن فى الطاحونة

أولاً : يا منال عاوزنك تورينا كلمة الجرتق دي أصلها وفصلها شنو ؟ عشان إنتي تبقي إضافة حقيقية لهذا البوست والجرتق في الزواج بنعرفوا لكن زواج الزريعة ده ما بنعرفوا

ثانياً : الزريعة دي بختو فيها فحم كبار من كل طرف ....أشان شنو؟ أسألي لينا كبارك وكلمينا

هل هي عادات ساااي ولا سبر ولا من العين ...أفيدونا أها سبر دي جات من وين وقاصدين بيها شنو

[شبارقة]

المشاركة الأصلية كتبت بواسطة محمد أبوعاقلة

والمسديق برضو جديدة

فعلاً أول مرة أسمع بيها ...نحن ياجماعة عاوزين التأصيل في البوست ده ...وقلنا غلبتنا حيله عشان كدة يا أختنا حاولي جيبي لينا مصدر وأصل كلمة مسديق ...إيمكن تكون بالرطانة

[شبارقة]

بنرجع لوراء كل مرة عشان نشوف الكلمات التي لم يدلو أي واحد بدلوه فيها (يعني بتكون غلبتكم حيله في معرفتها) ونفسرها ليكم (ونأخدها كلمة كلمة لزوم التشويق) ومن تلكم الكلمات التي مرت المحويب والمحويب يا جماعة هو حبل لربط أرجل البقرة الخلفية لمنع حركتها أثناء عملية الحلب .

وهاكم إلى أن ألقاكم:

اللبّاب - الضنّاب - البرجوب - المحريب

[فيصل سعد]

المشاركة الأصلية كتبت بواسطة شبارقة

بنرجع لوراء كل مرة عشان نشوف الكلمات التي لم يدلو أي واحد بدلوه فيها (يعني بتكون غلبتكم حيله في معرفتها) ونفسرها ليكم (ونأخدها كلمة كلمة لزوم التشويق) ومن تلكم الكلمات التي مرت المحويب والمحويب يا جماعة هو حبل لربط أرجل البقرة الخلفية لمنع حركتها أثناء عملية الحلب .

وهاكم إلى أن ألقاكم:

اللبّاب - الضنّاب - البرجوب - المحريب

المحريب و الحزا ؟
دي على وزن الخلاء و لا الرفيق الفسل
او الحراز و المطر

[أشتر]

المشاركة الأصلية كتبت بواسطة شبارقة

بنرجع لوراء كل مرة عشان نشوف الكلمات التي لم يدلو أي واحد بدلوه فيها (يعني بتكون غلبتكم حيله في معرفتها) ونفسرها ليكم (ونأخدها كلمة كلمة لزوم التشويق) ومن تلكم الكلمات التي مرت المحويب والمحويب يا جماعة هو حبل لربط أرجل البقرة الخلفية لمنع حركتها أثناء عملية الحلب .

وهاكم إلى أن ألقاكم:

اللبّاب - الضنّاب - البرجوب - المحريب

اللبّاب هو حزام الحمير ... الحزام الفاصل ...
الضنّاب ... على ما اعتقد والعهدة على الشطحة ... دا من بطانة الرئيس او الذي يطبّل ساي ...
البرجوب ... اول مرة اسمعا
المحريب ... نبتة عشبية تستخدم لطمام البطن ... وعليك الله لو عندك اي كمية الحقني بيها ... لأنو عندي كم حاجة بتطمم البطن ...