*** مصطلحات عامّية سودانية ***

[منال]

المشاركة الأصلية كتبت بواسطة شبارقة

شكراً يا منوله ...وكويس أهو من غير ما تقصدي أضفتي لينا كلمتين للبوست ده هما : مكندك ومعفرت وكمان ذكرتيني بكلمة تراثية هي العفرت ..هو شنو؟ أبقي ما حنكوشة وجيبي الإجابة دون الإستعانة بصديق .
إجابتك على المرحاكة صحيحة ولكن ما إسم الحجر التاني ( الصغير) الذي يتحرك ذهاباً وإياباً على سطح المرحاكة؟

وبالمناسبة أنا أمي إسمها منال ...وتقولي لي الحنكشة جاتني من وين ؟ والخرتوم دي بسمع بيها ساااي لغاية هسي ما شفتها ..والإجازة الجاية ح نحاول نجي السودان أنا وبابا وماما وحمادة ونانسي

شبارقة
ازيك و كيفنك و ليداتك و امهم لعلك طيب
ياخى كان امك اسمها منولة و الخرتوم ح تسمع بيها قريب من النشرة الجوية - بالله انت طارى تجى السودان البركة فى جيتك ... فى شهر خمسة بس ...الكهرباء قاطعة و الموية مافى بعدين تشوف الكنداكة : الرياح الشمالية الشرقية ...الهبوب والتراب و العجاج البجى من صحاريكم جارى يفعرفتك و يزهجك و يركبك الطيارة كان ماقالو ليكم الاجواء غير ملائمة للطيران ترجع تانى بالبص
كدى صلح الكلمة التراثية دى
ما عندى صديق فى داخل الاستديو ....و الشبكة واقعة من قتل الامريكى