حكـــــــــاية موسى

[imported_أسامة معاوية الطيب]

كدا الواحد مرتاح حكى عليكم حكاية هذا الموسى
ساغتسل عنه بهذا ....


وكأن نخلة ماتت بقلبي
وكأن ريحا قطعت أوتار عودي
وكأن نبضا ناح في جسد الربابة
حينا تآنسني الكتابة
حينا تضيّق صدر أغنيتي الكتابة
حينا يغالبني النعاس على الكتابة
حينا تسهّد أحرفي نار الكتابة
والشمع يوقد من صبابتها حنيني
لفرط طفولة فيها فتنطفئ الصبابة
حينما تركت حقائبها بعيني
وسيل الدمع في منديلها الوردي
وبعض الشوق يعلق في حكايات الوسادة
يا لعادة أن تحط على أسوار كعبتها طيوري
فتمضي
تنتف ريش أحلامي العبادة
النصر يجيئها وحدي فأشتاق الشهادة
وأبكيها
أحلفها بأشجار الغناء
أحلفها بأطيار تناثر ريشها من فوق أبواب البكاء
ورشّ على مقاطعها سحاب من لقاء
أن تحطّ على نوافذ غربتي حينا ... وتعرج للسماء



وأمضي ...

بس

[imported_أميرى]

وأمضي ...

بس

أمضي يا صاحبي
فالناس واقفة حيطة والشوتة يادقت في العارضة يا تاوقت للأوت
وأكيد ما قون...
أمضي ياصاحبي
فلا نزال نشتاق للداندورمة بنكهة نبق الشتاء والصيف لساتو بادي ومادي لسانو
نسيناهو ونسانا ...طيب مالو بنادينا
أمضي ياصاحبي
وارفق بموسي ففؤاد أم موسي لا يزال خاليا ويهددها هو الآن بأكذوبة
لا يملك غيرها...
أمضي يا صاحبي

وبس

وكأن نبضا ناح في جسد الربابة
حينا تآنسني الكتابة
حينا تضيّق صدر أغنيتي الكتابة
حينا يغالبني النعاس على الكتابة
حينا تسهّد أحرفي نار الكتابة

[imported_أسامة معاوية الطيب]

المشاركة الأصلية كتبت بواسطة أميرى

أمضي يا صاحبي
.................
أمضي ياصاحبي
................
أمضي يا صاحبي
...............
وبس

مضيت يا صاحبي ... مضيت

[imported_حافظ حسين]

يا سلام يا معاوية و الله كتابة تسكر لكن بعد تفك بجيك راجع

واصل يا حبيب و نحن لك من المتابعون

[مي هاشم]

الكاتب الأديب
أسامة
لك التحية على ابداعك..وعشان ما اكون (كضابة)..لم أكمل قراءة الحكاية بعد..
وحتى استمتع بما تكتب أصبحت أطبعه في أوراق تؤنسني وأنا أستلقي آخر الليل برواقة ومزاج..


وبجيك راجعة ..

مودتي

[imported_أسامة معاوية الطيب]

المشاركة الأصلية كتبت بواسطة حافظ حسين

يا سلام يا معاوية و الله كتابة تسكر لكن بعد تفك بجيك راجع

واصل يا حبيب و نحن لك من المتابعون

والله كان جيت كتبت قبل تفك يكون احسن ... بعد تفك ... بتفك
شكرا يا حافظ ياخي
راجيك ...

[imported_أسامة معاوية الطيب]

المشاركة الأصلية كتبت بواسطة مي هاشم

الكاتب الأديب
أسامة
لك التحية على ابداعك..وعشان ما اكون (كضابة)..لم أكمل قراءة الحكاية بعد..
وحتى استمتع بما تكتب أصبحت أطبعه في أوراق تؤنسني وأنا أستلقي آخر الليل برواقة ومزاج..


وبجيك راجعة ..

مودتي

ياخي لما تكون معاك أوراقي بتبقى سعيدة في (عضما) زي مابيقولو اهلنا
تعالي راجعة عليك الله

[imported_دارمالى]

المشاركة الأصلية كتبت بواسطة أسامة معاوية الطيب

كدا الواحد مرتاح حكى عليكم حكاية هذا الموسى
ساغتسل عنه بهذا ....


وكأن نخلة ماتت بقلبي
وكأن ريحا قطعت أوتار عودي
وكأن نبضا ناح في جسد الربابة
حينا تآنسني الكتابة
حينا تضيّق صدر أغنيتي الكتابة
حينا يغالبني النعاس على الكتابة
حينا تسهّد أحرفي نار الكتابة

وأمضي ...

بس

امضى يا الحبيب وخلينا مع حروفك الشاهقه دى عشان تسعدنا فى عضمنا وتريحنا فى حنانا ذاتو فى يومنا الكان بدايتو خستكا فى خستكا بس بعد المتاوقه دى امورنا ظابطه ظابطه باذن واحد احد...

المشاركة الأصلية كتبت بواسطة أسامة معاوية الطيب

حكاية موسى (4)
بدأ الموسم الزراعي …
… زاد حال البلد الواقف وقوفاً ومضي …
"الزول دة ما بينفع كمساري "
.. نسى السيد الرئيس فقط عام الرمادة …
رجع البلد …
… قالت خالة التومة … فقط جاء بمنطلون (جنز) …
يقول الكتاب " اذكروا محاسن شليقِ ذل" …
" أنا ماشي راجع لي بيوت تفتحلي أول ما أدق … لا مالك الجابك شنو … لا حتى علّ الداعي خير ".
أسامة 15/7/03

يا سلام يا سلام يا سلام ... كتابه طاااااااااااااااااعمه

المشاركة الأصلية كتبت بواسطة أسامة معاوية الطيب

حكاية موسى(3)
منذ طفولتهم الأولى نعلّم أطفالنا الكذب …

(مشروع كاذب كبير)

يقول الكتاب " جابو مننا نحن الله لا كسبنا ولا كسب يومنا ذاتو " الملاحظ أن لغة الكتاب بدأت تتغير قليلاً.

… (ياخي لكن غش ليك الأستاذ كُبُر غشة آمنّا ذاتو) …
( طبعاً نحن في الاتحاد .. أنا رئيس الاتحاد .. بعدين
… تعامل بالشيكات … طارت شيكاته … الطيرة الياها … من ديك تاني ما ركّ لا هو ولا شيكاته … يقول الكتاب " أدخله المجتمع عالم الكذب وبدأ ينتقده … يعني لو من الأول ما ضحكوا في نكتو البايخة ديك ما كان دة كلو حصل " الكتاب يبدو متأثراً بعض الشيء … يقول " أصبح مؤهل جداً بعد دة يبقى رئيس جمهورية … راسمالو سهرة للصباح ودبابتين ومشروع مشروعين حضاريات" عطسة فاترة بعدها تنسحب الأوراق واحدة تلو الأخرى … حركة أرجل غريبة دخلت المكان … (ومن الكتب ما يلاوز) …الجمل الأخيرة مكتوبة على الغلاف الأخير ببنط صغير جداً … حاوي ما يقراها.
أسامة معاوية الطيب 12/7/03

موش قلت ليك كلمات رهيبه...

خارج النص وبين قوسين
الموضوع عندو علاقه بى سوق المواسير؟
(فيه واحد جاب سيرة موتمر وطنى)
يقول الكتاب " تعليم الاولاد الصدق بطرق صادقه ومستقيمه لا اعوجاج فيها يفرخ جيل صادق وعملى ... قد لايكون على راس الحكم (ذى نا س كتار هنا) .. لكنه سيكون جيلا معافى من المواسير واسواقها" يبدو انو لغه الكتاب ما زالت متغيره قليلا

عذرا الاديب الكتــَاب جدا اسامه لهذه الخرمجه ...

[مي هاشم]

مبااااااااااالغة ...
ما تتخيل ضحكت كيف!!
وكنت مبتسمة وأنا أقرأ كل حرف..وأحياناً كانت ابتسامات مُرّة..
أكثر ما أعجبني مفهوم تربيتنا على الكذب..وطبعاً ليس الكذب وحده..الأنانية والـ(فسالة) والكبرياء والـ(عنطزة) الفارغة..
تقول الأم لابنها..أجري سرعة أكل اللقمة دي قبل ما أخوك يجي ياكلا!!فيركض خوفاً على (لقمته) من أخيه..مؤسف جداً
يقول الأب..شاطر أمشي ما تضرب أخوك عشان أديك قروش تشتري حلاوة!!فلا يضرب أخوه ابتغاء الـ(رشوة) ونظراً للمقابل..تربية مقرفة..
وأشياء كثيرة قد يختلف معي البعض فيها ..ولدت شخصية موسى وآخرين..

(للحقيقة) محتاجة كتابك ده سلّفني ليه..


بديع يديك العافية

[imported_أسامة معاوية الطيب]

المشاركة الأصلية كتبت بواسطة دارمالى

امضى يا الحبيب وخلينا مع حروفك الشاهقه دى عشان تسعدنا فى عضمنا وتريحنا فى حنانا ذاتو فى يومنا الكان بدايتو خستكا فى خستكا بس بعد المتاوقه دى امورنا ظابطه ظابطه باذن واحد احد...


يا سلام يا سلام يا سلام ... كتابه طاااااااااااااااااعمه





موش قلت ليك كلمات رهيبه...

خارج النص وبين قوسين
الموضوع عندو علاقه بى سوق المواسير؟
(فيه واحد جاب سيرة موتمر وطنى)
يقول الكتاب " تعليم الاولاد الصدق بطرق صادقه ومستقيمه لا اعوجاج فيها يفرخ جيل صادق وعملى ... قد لايكون على راس الحكم (ذى نا س كتار هنا) .. لكنه سيكون جيلا معافى من المواسير واسواقها" يبدو انو لغه الكتاب ما زالت متغيره قليلا

عذرا الاديب الكتــَاب جدا اسامه لهذه الخرمجه ...

دارمالي سلامات
مش كانت محطة قطر دار مالي دي ؟ غريبة انا عالقة بذاكرتي الشريك ذات الملاح الأخضر جدا والكسرة المرة ونص
سيرة القطر تفتح أبوابا كثيرة ونوافذ لا تنقطع ... بنجيها قريب
شكرا على المرور ... والعمل الجاد على تغيير لغة الكتاب
كنا هنا دائما ... هذا الموسى داير المشايلة

[imported_أسامة معاوية الطيب]

المشاركة الأصلية كتبت بواسطة مي هاشم

مبااااااااااالغة ...
ما تتخيل ضحكت كيف!!
وكنت مبتسمة وأنا أقرأ كل حرف..وأحياناً كانت ابتسامات مُرّة..
أكثر ما أعجبني مفهوم تربيتنا على الكذب..وطبعاً ليس الكذب وحده..الأنانية والـ(فسالة) والكبرياء والـ(عنطزة) الفارغة..
تقول الأم لابنها..أجري سرعة أكل اللقمة دي قبل ما أخوك يجي ياكلا!!فيركض خوفاً على (لقمته) من أخيه..مؤسف جداً
يقول الأب..شاطر أمشي ما تضرب أخوك عشان أديك قروش تشتري حلاوة!!فلا يضرب أخوه ابتغاء الـ(رشوة) ونظراً للمقابل..تربية مقرفة..
وأشياء كثيرة قد يختلف معي البعض فيها ..ولدت شخصية موسى وآخرين..

(للحقيقة) محتاجة كتابك ده سلّفني ليه..


بديع يديك العافية

مي سلامات
تسعدني مقاسمتك لي هواجس (موسى) / نا
وكثير جدا من التفاصيل دايرا ليها قعدة ... كنت بدأت محاولات (إعادة لكتاب التاريخ ) لكن الأهم هو إعادة كتابة الشخصية السودانية / إعادة قراءتها .... المهم
أعد
في كثير من التفاصيل
أعد
تتذكريها أعد ديك بتاعة الإملاء ؟
ياريتا كان وقفت على الإملاء
بخصوص الكتاب ... شيليهو ياستي ... ذاتو تفكيهو من رقبتي دي
اسعد الله صباحك

[imported_مبر محمود]

إحتمال المدير يكون فعلاً "لبع" يا اسامة
( شفت كيف أنا مصاب بعقدة السلطة؟)

سعاد زولة كويسة وبت ناس
وكونو ما يأخد منها قروش مقابل البيض، فدا لزوم الشفقة ما أكتر
( شفت أنا محسن ظن كيف؟ )

كانت نائب الرئيس .. والسكرتير .. والسكرتير المالي … كانت نائب أي واحد وكان أي واحد نائبها … إذا غابت يرفع الاجتماع بدعوى عدم اكتمال النصاب وحين تحضر ينزل الاجتماع بدعوى اكتمال (النصال) … للحقيقة – يقول الكتاب – " كانت شرِط " لذا فإن تلك الدورة هي الدورة الوحيدة التي أخذت موقفاً سلبياً من أغنية العساكر " الليلة يوم الرجال ".
10/7/03

(شفت أنت حكاي كيف؟ )

[imported_سارة]

وأمضي ...

بس

اسامة يا طيب..اعرف انك تستفذنى وتعمل جاهدا لتخرجنى من قوقعتى..لقد عودت نفسى ان اقرأك خلسة وامضى

لاسباب فى نفسى..ولكن ان تجعل من موساك حرا يطاردنا وحقيقة تضرب فى مواطن الالم

وتمضى فهذا يا صديقى غير مقبول

ان قررت الذهاب

فخذنا الى حيث نخلتك التى ماتت بقلبك

موت الجماعة عيد

وبين وبينك لو اميرى وبابكر اتامروا عليك ما خلتانيين


انت برضو الخلتان

[imported_الوليد محمد الأمين]

كعادتك يا أسامة ...

كعادتك .

ولا تزال تلك الشوارع تعيد اجتراح تلك الحكايات ذاتها !

[imported_أسامة معاوية الطيب]

المشاركة الأصلية كتبت بواسطة مبر محمود

إحتمال المدير يكون فعلاً "لبع" يا اسامة
( شفت كيف أنا مصاب بعقدة السلطة؟)

سعاد زولة كويسة وبت ناس
وكونو ما يأخد منها قروش مقابل البيض، فدا لزوم الشفقة ما أكتر
( شفت أنا محسن ظن كيف؟ )


(شفت أنت حكاي كيف؟ )

مبر ياحبيب ... شفت أنت قرّاي كيف ؟ تعرف عندي كمين موسى كدا مادايرين ينزلوا من راسي دا ... وأعرف جيدا أن برأسك أيضا مجموعة أمواس ... نزلها ... خوف الحلاقة
ياخي لكن حسن الظن ما عندك .... عندنا زمان حبوبتن لينا ( الله يرحما ويرحم الأموات جميعا ) كانت بتقول : فلان دا عندو حسن الظن البطّال ) ما كنت أفهم جملتها تلك إلا منك الآن
جمّل الله صباحك ياخي