*** مصطلحات عامّية سودانية ***

[همس الشوق]

المشاركة الأصلية كتبت بواسطة محمد أبوعاقلة

لو ما استفدتي ما بتخسري ...

وعامل السن (عامل) مهم
لكن
.....................

والاخ محامي الدفاع ....................

ولا راس السوط وصلك

محمد ازيك وويييييييييييين الغيبة

[بابكر مخير]

سؤال
بسيط
صريح

ما بين أسماء الوجبات البيسيل ليها اللعاب دي
ناس، أم تكشو وأم شعيفة كم منهن بيدو فائدة غذائية وكم في المية من البروتينات في الوجبة وكم نفر ماتو من فقر الدم الناتج عن تعاطي الوجبات دي وكم نفر ماتو بي جلطة وضغط دم من الربيت وكم واحد كبدتو إنفجرت من البقو والمريسي والعرقي (سواء ذكر أو لم يذكر،،، يمكن نرجع لي وراء)

هو السؤال مركب، يعني من كمين لسان
عبد الرحيم
شبارقة
أبوعاقلة
وفيصل
أفيدونا وبتنا آماسي معاكم

[أشتر]

المشاركة الأصلية كتبت بواسطة حلم الاماسي

والاخ محامي الدفاع ....................

ولا راس السوط وصلك

محمد ازيك وويييييييييييين الغيبة

راس السوط ما وصلني ...
وصلني صوتك ...
عارفه ... لو الناس دي كانت قدّام عيونا ما كنا اتفاصحنا الفصاحة دي كلها ... سؤال ورد وحوار ونقة كتيرة ... لكن البركة في النت خلتنا نسأل من طرف لو دكتور او بروف او استاذ او حتى (عامل بسيط) وبما انو الاعمار بيد الله هنا ما عندها دور تفرض نفسها غايتو الا تكون في (مآرب أخري) وهذا للعلم ...

[أشتر]

المشاركة الأصلية كتبت بواسطة Babiker Mukhayer

سؤال
بسيط
صريح

ما بين أسماء الوجبات البيسيل ليها اللعاب دي
ناس، أم تكشو وأم شعيفة كم منهن بيدو فائدة غذائية وكم في المية من البروتينات في الوجبة وكم نفر ماتو من فقر الدم الناتج عن تعاطي الوجبات دي وكم نفر ماتو بي جلطة وضغط دم من الربيت وكم واحد كبدتو إنفجرت من البقو والمريسي والعرقي (سواء ذكر أو لم يذكر،،، يمكن نرجع لي وراء)

هو السؤال مركب، يعني من كمين لسان
عبد الرحيم
شبارقة
أبوعاقلة
وفيصل
أفيدونا وبتنا آماسي معاكم

غايتو انا شخصيا ما اكلت (اللغاويس دي) ولا شربت الحاجات الذكرتها دي ولا شفتها ... لكن دا ما بمنع اني اعرفها ... وبيني وبينك لو ما الشطوط ماااا اظن في حاجة تتاكل ... وفي حاجة مهمة ... الناس البتاكل الحاجات دي لو جبت ليهم بيرقر او بيتزا ممكن يجيبو ليها الاسعاف لاقرب مستشفى ... ومن زمان بقول ليهم انو الويكة ومشتقاتها عبارة عن (أم بٌقبٌق) مدتها منتهية زيها زي الفسيخ والميلوحة والاكلات الكتيرة البتعتمد التجفيف والتمليح كطريقة حفظ .

[فيصل سعد]

المشاركة الأصلية كتبت بواسطة محمد أبوعاقلة

راس السوط ما وصلني ...
وصلني صوتك ...
عارفه ... لو الناس دي كانت قدّام عيونا ما كنا اتفاصحنا الفصاحة دي كلها ... سؤال ورد وحوار ونقة كتيرة ... لكن البركة في النت خلتنا نسأل من طرف لو دكتور او بروف او استاذ او حتى (عامل بسيط) وبما انو الاعمار بيد الله هنا ما عندها دور تفرض نفسها غايتو الا تكون في (مآرب أخري) وهذا للعلم ...

سلامات يا محمد يا حبوب :
بالله عليك اعمل لي تصميم "لايبود" زي الازرق الكان اصفر، اكتب لي اسمي فيه و املاو لي غناء نضيف و رسلوا لي هدية في اقرب فرصة لاني مغروض فيه شديد و محتاجه بشدة و كمان دايرين تصميم لويب سايد تحت التخطيط و الدراسة و التحليل و دا بزنس و حقك محفوظ تب

الجاعورة ، التنقس ، القورة، الجميزة ، الجهنمية ، الجراية

[أشتر]

المشاركة الأصلية كتبت بواسطة فيصل سعد

سلامات يا محمد يا حبوب :
بالله عليك اعمل لي تصميم "لايبود" زي الازرق الكان اصفر، اكتب لي اسمي فيه و املاو لي غناء نضيف و رسلوا لي هدية في اقرب فرصة لاني مغروض فيه شديد و محتاجه بشدة و كمان دايرين تصميم لويب سايد تحت التخطيط و الدراسة و التحليل و دا بزنس و حقك محفوظ تب

الجاعورة ، التنقس ، القورة، الجميزة ، الجهنمية ، الجراية

أملاو غنا دي قصة طويلة ... الا يكون لنكات ودي حاجة ما جميلة ... وبالنسبة للويب سايت زي القلت لي البحر فيهو سمك امشي اقبض من طرف ...
والموضوع ما زي الجراية ... بالكتير كدنكة

[شبارقة]

المشاركة الأصلية كتبت بواسطة Babiker Mukhayer

سؤال
بسيط
صريح

ما بين أسماء الوجبات البيسيل ليها اللعاب دي
ناس، أم تكشو وأم شعيفة كم منهن بيدو فائدة غذائية وكم في المية من البروتينات في الوجبة وكم نفر ماتو من فقر الدم الناتج عن تعاطي الوجبات دي وكم نفر ماتو بي جلطة وضغط دم من الربيت وكم واحد كبدتو إنفجرت من البقو والمريسي والعرقي (سواء ذكر أو لم يذكر،،، يمكن نرجع لي وراء)

هو السؤال مركب، يعني من كمين لسان
عبد الرحيم
شبارقة
أبوعاقلة
وفيصل
أفيدونا وبتنا آماسي معاكم

[align=justify]دكتورنا ود مخير يا الماك محير...سلامات

نحنا زمان كنا بنقول ناس أم شعيفة وأم تكشوا أم بقبق وأم دقوقه ديل حفظ حياة ساااي ..ولكن الغريبة إنو حبوباتنا وعماتنا النحنا عاصرناهم إنتقلوا إلى الرفيق الأعلى وبدون أي مرض (موت الله ساااي) وبعمر لم يقل عن 90سنة وكانوا بيعتمدوا على الوجبات المذكورة وهذه حقيقة غيرت مفاهمينا عن البروتينات والنشويات والسكريات والكربوهيدرات والشنو شنو بتاعتكم دي ..وكانوا بيأكلو شوية بلح وبيشربوا الحليب بيشربو السمن كمان ...وهل بالبلح والحليب وحدهما يحيا الإنسان ؟...رغم إفتقار هذه الوجبات التراثية لكل شئ إلا أنها أبعدتهم عن أمراض القلب والشرايين والسكر وأطالت أعمارهم ...و الأعمار بيد الله [/align] أها أم دقوقه دي بيعملوها كيفن؟

[شبارقة]

في واحدة من الأخوات سألتكم قبل فترة عن التوريق وعملتو فيها نايمين ..لكن بي وين أنا صاحي ليكم ...أها التوريق شنو؟

[منال]

المشاركة الأصلية كتبت بواسطة شبارقة

[align=justify]دكتورنا ود مخير يا الماك محير...سلامات

نحنا زمان كنا بنقول ناس أم شعيفة وأم تكشوا أم بقبق وأم دقوقه ديل حفظ حياة ساااي ..ولكن الغريبة إنو حبوباتنا وعماتنا النحنا عاصرناهم إنتقلوا إلى الرفيق الأعلى وبدون أي مرض (موت الله ساااي) وبعمر لم يقل عن 90سنة وكانوا بيعتمدوا على الوجبات المذكورة وهذه حقيقة غيرت مفاهمينا عن البروتينات والنشويات والسكريات والكربوهيدرات والشنو شنو بتاعتكم دي ..وكانوا بيأكلو شوية بلح وبيشربوا الحليب بيشربو السمن كمان ...وهل بالبلح والحليب وحدهما يحيا الإنسان ؟...رغم إفتقار هذه الوجبات التراثية لكل شئ إلا أنها أبعدتهم عن أمراض القلب والشرايين والسكر وأطالت أعمارهم ...و الأعمار بيد الله [/align] أها أم دقوقه دي بيعملوها كيفن؟

ام دقوقة ملاح التقلية او الملاح الاحمر او ملاح الشرموط وهو عبارة عن لحم مجفف ومدقوق فى فندك و يفضل ما يكون ناعم (بستعاض عنه باللحمة المفرومة فى الزمن ده )وكمان البصله تكوم مجففة و ناعمة . تقوم تقدح الزيت او السمن عشان حبوباتك ديلاك ... وتضيف البصلة لما تصفر اوعك تكترب اى تكون محروقة تضيف الشرموط تديه قلبتين كده ثم تخلط طماطم حمرا زى انتاج الشتاء فى السودان طماطم كبيرة بنضورة اسمها و بالعدم صلصة و تضيف البهارات وتكون محضر الويكة وهى البامية الخضراء تجفف و تدق اى ان تنضج و ما تسوط الملاح كتير عشان بنقطع اى الويكة بتفصل الملاح يكون ملاح كااااااااااااارب و تظبط العصيدة او اللقمة او القراصة و بالهناء

[شبارقة]

المشاركة الأصلية كتبت بواسطة منال

ام دقوقة ملاح التقلية او الملاح الاحمر او ملاح الشرموط وهو عبارة عن لحم مجفف ومدقوق فى فندك و يفضل ما يكون ناعم (بستعاض عنه باللحمة المفرومة فى الزمن ده )وكمان البصله تكوم مجففة و ناعمة . تقوم تقدح الزيت او السمن عشان حبوباتك ديلاك ... وتضيف البصلة لما تصفر اوعك تكترب اى تكون محروقة تضيف الشرموط تديه قلبتين كده ثم تخلط طماطم حمرا زى انتاج الشتاء فى السودان طماطم كبيرة بنضورة اسمها و بالعدم صلصة و تضيف البهارات وتكون محضر الويكة وهى البامية الخضراء تجفف و تدق اى ان تنضج و ما تسوط الملاح كتير عشان بنقطع اى الويكة بتفصل الملاح يكون ملاح كااااااااااااارب و تظبط العصيدة او اللقمة او القراصة و بالهناء

[align=justify]أختنا منال ...سلامات وإزيك ...طول معاك عمر الهنا يا الفرقتك تمت سنة ...ما طولتي الغيبة لكن

لكن جيهتيها جنس جيهة ...والله شرحك ووصفك الرائع لأم دقوقه دهـ خلانا نكابس المطبخ ونصحي أم العيال من النوم ..شهيتينا أم دقوقه وأخواتها [/align]

[شبارقة]

المشاركة الأصلية كتبت بواسطة فيصل سعد

سلام شبارقة و محمد و الشباب الظريف :

و نحن ماشين سوا في هذا البوست، نسينا بعض المصطلحات و ما شرحنا معانيها. ناخد بريك و نرجع ليها و نواصل معا . اطيب التحايا :

السّلبة : نوع من الحبال

المحَويب : حبل تربط به الأرجل الخلفية للبقرة لمنعها من الحركة أثناء عملية الحلب

المَسور : الحصاد

الشُخب : قال سماعين حسن : أنا يا يمه في دروب البنات إتوكرت دابي ..إلى أن يقول : سنونن يمه زي شخب الحليب الدافي يرهج في الكبابي ..ولونن يمه زي لون القمح ضروهو لوجعي وعذابي ...

الجاكومة : الرأس الكبيرة

الغُشغُش : القش البلموهو من الواطه لزوم وليع النار

الكَدوبَه : الأوساخ التي تتراكم على الجلد من عدم الإستحمام لفترة طويلة

الدَفِيس : الأوساخ المتراكمة مع بعض (قش مع حطب مع فحم إلخ..)

التَرتوس : جذور أشجار معينة تجفف وتستخدم كفحم ولكنها أفضل من الفحم لأنها تظل مستعرة لفترة طويلة جداً

التِعل : أهلنا بقولو : كيل يا ميكاييل بالتعل التقيل وهو السحاب التقيل (السحاب الماطر)

السلعلع : نوع من أشجار تكون غصونها لينة وتحتوي على القليل من الماء ولكنها مرة جداً جداً لا يمكن تذوقها على الإطلاق ...ولذلك كانو لما يداعوك يقولو ليك : تشرب موية السلعلع

الطقطوقة : التربيزة

سلام يأهلنا ...وإستجابة لطلب صاحب البوست الذي إستجاب لطلبنا ..تجدون مشاركاتي باللون الأحمر أعلاه ...أها قصرنا معاكم ؟

[شبارقة]

التوريق : هو المزلاج (بالفصحى) وكان من الخشب بيعملوهو بطريقة معينة لزوم قفل وفتح الأبواب في ذاك الزمن الجميل

[شبارقة]

السهراجه : الحمى الخفيفة ... الواحد يقول ليك : أنا مسهرج ..أو أنا عندي سهراجة ..وهي دائماً ليست دلالة على مرض وغالباً ناتجة من التعب الشديد أو السهر الغير معتاد أو الوقوف في الشمس لمدة طويلة

[شبارقة]

حبايبنا الكرام ....سلامات
نعيد لكم مرة أخرى ما أوردناه في الصفحة رقم 24 من قبل ونديكم فرصة أخرى لغاية بعدين :

قال المغني محمد كرم الله: زنوبة كل ما أفتح كتاب ألقاكي في أول سطر ....إلى أن قال: ما دام عقيل الجن سدر ..يُمه المدرس لو فكر ...يلقاهو قاعد فوق ككر في الدونكه لسع ما فطر ...أها الككر يطلع شنو ؟ وكذلك الدونكه تطلع شنو؟ وسدر كمان تطلع شنو؟

[منال]

اها يا شبارقة فى الصباح و للفطور عازمك قراصة رهيفة بى رايب لو قيلتا فى ضل الضحى جبنة تفوت حقت الادوربات و بعد داك نغديك بملاح ورق ملخبط بي سلج وشمار طااااااااااااااااااااااعم مع الكسرة ...و العشا تبيت القوا عشان ما تجيك تخمة
جنك اكل كدى مالك.................
لكن اصبر لى عرفت منهن
الككر: مقعد خشبى يشبه البنبر و كمان بقولو الشى ده موكر لى جوا يعنى مهكور ...