لماذا تم ايقاف منال وشليل وابوأمانى..؟؟؟؟

[imported_هيفاء عبدالستار]

المشاركة الأصلية كتبت بواسطة مبر محمود

وعادل عسوم برضو يا حاتم


يا ريت لو الاداره عملت كدا
مع انو حتى لو عملت كدا ما كان حيخلوها في حالها



وأنا برضو متحير .. ليه تم إيقاف عسوم ؟

................
تحياتي يا حاتم

مبر سلام ..
ما عايزه اقول ليك مقولة صفات الرّجال ..

لكنك تدري وتدّعي انك لا تدري .....

لك الود ..لو أحببت أن تدري لماذا .؟.؟.

فسلني ....أجيبك بالتفصيل ...

[النور يوسف محمد]

المشاركة الأصلية كتبت بواسطة معتصم الطاهر

تحياتى

انا زعلان غايتو

لأنى لم أقرأ البوستات .. و لذا لا استطيع ان ادلو باكثر مما أرى الآن

ثانيا

قبل هذه المشكلة ..كان الذى بينى و بين ( عادل عسوم) كما تعلمون .. غير عامر
لذا لا يحق لى ان أحكم ..
لكني أقول .. و بملء الفم ... "لا أكذب من قالوا عليه" .. فلا يمكن لأحد أن يتقول على نفسه بالسوء .. ولن يتفق هؤلاء على شخص كان معهم فى كل لقاءاتهم ( افتراء ساى كدا ) ..

وبرضو ..
مادام ارتضينا أمينا عاما .. و مجلس ادارة .. فعلينا طاعة اولى الامر .. و مراجعتهم ايضا ..

السؤال يبقى ..
هذه المسألة خاصة .. انتقلت لسودانيات الموقع ..
الامانة العامة تحاسب وفق ما كتب هنا .. وليس ما تم فى الخارج ..

ولكنها اذا رأت ان عضوا فاسدا بينها فعليها اجتثاثه ..

لأن كل العقوبات فى اللائحة تقديرية ..

السؤال للأمينالعام

هل تم ايقاف منال مع الجماعة وفق تقرير اللجنة أم "براها كدا"

بسم الله الرحمن الرحيم
السلام عليكم أخى معتصم ..

ولك الشكر على مداخلتك .. وتأكد أننا نقبل المراجعة وبابها أبداً لن يغلق ..
أما سؤالك فأحسب اننى قد أجبت عليه ضمناً فى ردى على الأخ رأفت ..
فيما يتعلق بتصديقك من قالوا أود أن اذكرك بأن أبسط قواعد العدالة الإستماع الى كافة الأطراف
بالطبع الميل الى تصديق رواية دون غيرها وارد ولكن تحكمه بينات وتعضده شواهد

[imported_هيفاء عبدالستار]

المشاركة الأصلية كتبت بواسطة مي هاشم

يا جماعة..
الإدارة أوقفت الناس ديل مده محدده وأوقفت المشكو برضو مدة اكثر من غيره..في حين إنها لا تملك أيد دليل غير الكلام، ما يثبت أن الإدارة أنصفت الشاكين بالمعقول وصدقتهم بطريقة غير مباشرة..
وللأمانة ..قرار الإدارة في إيقاف العضو المشكو سنة وغيره أقل عندي فيها رأي..لأنه (حسب فهمي) يجب أن يوقف الجميع لنفس المده دون تفضيل..

ده كله مع العلم إني من أكثر المتضررين..لكن يا عالم الحق حق كمان..

وحكاية عدم نشر تفاصيل الموضوع والتكتم عليه ده كان قبل طرح الموضوع زاتو للإدارة، وإذا على (لواكة الألسن) فأفضل أن يعرف الجميع ما قيل بلا غتغتة حتى لا (يروح فكرهم لبعيد)..
وفي النهاية نحن عالم عادي زينا زي غيرنا..وقد قلتها من قبل السيده عائشة زوجة الرسول صلى الله عليه وسلم وبنت أبو بكر الصديق أعظم صحابي وهي الحميراء التي يؤخذ منها نصف الدين اتهمت في شرفها ومن اتهمها صحابي ممن حضروا بدراً..قبالله ما تدوا المور أكبر من حجمها..لا نحن أخير من السيدة عائشة ولا المشكو أخير من الصحابي البدري..ودي الدنيا..المهم نتعلم..

في نقطة تانية..تخص خالد الحاج وزملائه القدامى..وهي مجرد ملاحظة..خلط الأمور لا يستوي يا جماعة..خالد الحاج صحي مالك الموقع لكن الحقيقة نحن من نملك الموقع بخالد الحاج زاتو..ولا شنو؟؟غايتو انا اذا حصلت لي مشكلة مع خالد الحاج ما بخلي ليه الموقع حتى اذا طردني عديل واذا شال الباس وورد بشتكيه(الشكية لله)..


مودتي للجميع


شكراً للإدارة والأعضاء جميعاً

مي يا حبيبه لك الود ..

ما عارفاكي يامي مستهونه الموضوع لييه .؟.؟...

وما مجرد كلام شايلو الهوا ...

رسائل موجوده وشهود حاضرين وكلام في البيوت ..

وكلام في شرف ...أبدا ما موضوع بسيط ..

ومفروض الإداره تكون على علم ..

العضو الفاسد يجب بتره ..نهائيا ..

والله يا مي رغم قرار الإداره ..

لسّه نار بتفور في نافوخي ...

انا لو لاقيتو في أي مجتمع ..

وهو عضو في منتديات نحن أعضاء فيها

لو لاقيتو ما عارفه حأعمل فيهو شنو ..

يا ريت ما الاقيهو ...

يتبع

[imported_مبر محمود]

المشاركة الأصلية كتبت بواسطة هيفاء عبدالستار

مبر سلام ..
ما عايزه اقول ليك مقولة صفات الرّجال ..

لكنك تدري وتدّعي انك لا تدري .....

لك الود ..لو أحببت أن تدري لماذا .؟.؟.

فسلني ....أجيبك بالتفصيل ...

هيفاء حبابك، واريتك طيبة وشديدة

مابدر من عادل لامس إضنيني بالحيل
ولكن تعقيبي علي حاتم أنما كان إمتداد لحديثة عن اللائحة
فحاتم بقول أنو مافي بند في اللائحة يجيز ايقاف (شليل، ومنال، وابو اماني)
وانا بقول أنو برضو مافي بند في اللائحة يجيز إيقاف عادل
ولو تتبعتي حديث حاتم لوجدتيه أيضاً يقر بذلك " يقر بانو عادل لم يخرق لائحة المنتدى"
والبفهمو انا أنو لا يحق للادارة توقيع عقوبات على الاعضاء الا في حالة خرق اللائحة
يعني الذي بيننا وبين الادارة هو اللائحة
واللائحة معنيه بضبط سلوك الاعضاء داخل المنبر
اما خارجه فدا إختصاص جهات تانية
وبالتاكيد إداره المنتدي ليس من بينها .
وإذا أسقطنا حديثي دا علي قصة عادل نجد الاتي:
عادل أتى بفعل مشين بلا شك
ولكن الجهة التي ينبغي عليها أن تحاكمه ليست هي إدارة المنتدي باي حال
وقد نصحت سابقاً بعرض الموضوع علي الجهات المختصة (المحاكم) وفقاً للبينات المتاحة
وقد رد علي بعضهم بأن الموضوع حساس بالنسبة للاخوات اللواتي طالتهن الاساءة والتعريض وان طرح الموضوع علي المحاكم
قد يلحق بسمعتهن شيئاً من أقاويل هن في غنى عنها
وحقيقة استغربت لهذا الحديث
إذ كيف نرفض عرض الموضوع علي المحاكم خوفاً من "السمعة"
وفي نفس الوقت نقوم بعرضة علي كل خلق الله عبر النت !.

وإن أردتي مني الوضوح أكثر يا هيفاء
فانا أرى إن عادل قام بالتعرض لسيرة أخواتنا ديل بالسر
يعني شغل "قطيعة" ساي
فهل يجوز أن نكيل له الكيل بمكيالين ؟
وذلك بالاساءة له جهراً وبهذا التشفي العجيب
فهو مثلنا تماماً لديه أسره وأبناء
ابناء لا ذنب لهم حتي يلوك الناس سيرة والدهم علي إمتداد الاسافير.
يجب مراعاة ذلك حتي لا نشاركه سقوطه الاخلاقي

تحياتي وساعود مجدداً

[بابكر عباس]

المشاركة الأصلية كتبت بواسطة مبر محمود

عادل أتى بفعل مشين بلا شك

مُبر مداخلتك دي متفق معاها
لكن الجملة الفوق حقو تعدلها الي الآتي:
عادل متهم بفعل مشين بلا شك

[imported_هيفاء عبدالستار]

المشاركة الأصلية كتبت بواسطة بابكر عباس

مُبر مداخلتك دي متفق معاها
لكن الجملة الفوق حقو تعدلها الي الآتي:
عادل متهم بفعل مشين بلا شك

لأ يا بكور أتى ....

أُأكد ليك أتى...

معليش يا شباب الجمره بتحرق الواطيها ...

عذرا على الإنفعال ....

[imported_مبر محمود]

المشاركة الأصلية كتبت بواسطة بابكر عباس

مُبر مداخلتك دي متفق معاها
لكن الجملة الفوق حقو تعدلها الي الآتي:
عادل متهم بفعل مشين بلا شك

ياخ شأن خاطر "مدني" ممكن أغير ليك موقفي من القضية فد مره (شفت أنا عديم زمه كيف؟)

أسمع يا أخوي
لو الموضوع تهمه بس
طيب ليه الاداره وقفتو ؟
عشان تم إتهامو ؟ معقوله؟
غايتو لو كان ظنك دا صاح فانا كل يوم حأوقف لي زول

[بابكر عباس]

المشاركة الأصلية كتبت بواسطة هيفاء عبدالستار

لأ يا بكور أتى ....
أُأكد ليك أتى...
....

يا هيفاء انا بتكلم تكنيكاللي....
..
حتى لو انا نفسي متأكد 100% من الشئ الحصل، ما بقدر أطلق صفة أتى لازم علي أقول متهم

[بابكر عباس]

المشاركة الأصلية كتبت بواسطة مبر محمود

ياخ شأن خاطر "مدني" ممكن أغير ليك موقفي من القضية فد مره (شفت أنا عديم زمه كيف؟)

أسمع يا أخوي
لو الموضوع تهمه بس
طيب ليه الاداره وقفتو ؟
عشان تم إتهامو ؟ معقوله؟
غايتو لو كان ظنك دا صاح فانا كل يوم حأوقف لي زول

أقول ليك الورطة وين...
الإدارة يا أخوي حتى لو إتأكدت يظل هو متهم علي صفحات منتداها
لانو المسألة فيها جانب قضائي هو الوحيد البحدد الإدانة
الإدارة لو إتأكدت 110% برضو ما بتقدر تدينو....
لكنها بتقدر توقفوا من غير إبداء اسباب علي صفحات المنتدى
ودا الكلام البحاول النور و الكاشف يوصلوهوا لينا

ا

[imported_مبر محمود]

المشاركة الأصلية كتبت بواسطة بابكر عباس

أقول ليك الورطة وين...
الإدارة يا أخوي حتى لو إتأكدت يظل هو متهم علي صفحات منتداها
لانو المسألة فيها جانب قضائي هو الوحيد البحدد الإدانة
الإدارة لو إتأكدت 110% برضو ما بتقدر تدينو....
لكنها بتقدر توقفوا من غير إبداء اسباب علي صفحات المنتدى
ودا الكلام البحاول النور و الكاشف يوصلوهوا لينا
ا

كلامك معقول جداً
وانا ح أغير الجملة من (أتي بفعل مشين) الي (متهم بفعل مشين)

[imported_هيفاء عبدالستار]

المشاركة الأصلية كتبت بواسطة مبر محمود

كلامك معقول جداً
وانا ح أغير الجملة من (أتي بفعل مشين) الي (متهم بفعل مشين)

أتى ..أتى..أتى..اتى..اتى..اتى..اتى..اتى.. .. .. .. .. .. .. .. .. .. ..

[imported_رأفت ميلاد]

المشاركة الأصلية كتبت بواسطة النور يوسف محمد

بسم الله الرحمن الرحيم
الأخ رأفت .. تحياتى ..

بالطبع كما تفضلت فإن كل قرار فى هذا الكون قابل للإستئناف ..
وحتى تلك القرارات التى تكون قد استنفدت مراحلها فى التقاضى يمكن أن يلتمس فيها إعادة النظر ..
أي فأنا معك فى أن باب المراجعة غير مغلق أمام كافة الأطراف ..
فقط يبقى السؤال المهم ,
من له حق طلب المراجعة أو الفحص أو الإستئناف أو اية تسمية تفى بالغرض ؟؟
فى تقديرى أنه وباب الأولى فالأولى فإن المعنيين بالقرار هو من لهم الأحقية فى ذلك
ولا يتأتى هذا الحق لغيرهم فى ظل وجودهم ..
بالتأكيد يمكنهم الطعن فى القرار أو فى حتى أهلية وكفاءة اللجنة التى أصدرته

لا أعتقد فى أن إسناد الأمر للجنة خارج منظومة الإدارة سيجلب الرضى المطلوب ..
فمن السهل جداً الطعن فى مثل هكذا لجنة من بقية العضوية ..
وتتعذر بل وتكاد تنعدم الأسس والمعايير التى يمكن أن تكون صالحة لتكوينها .

العقوبات التى طالت من طالت كانت مسببة وحيثياتها واضحة ..
وإعتقادى الشخصى راسخ فى أن هذا الأمر لم يكن منتدى الحوار هو الأنسب لمناقشته
( أعنى جوهر الأمر والإفرازات التى تقود إليه ) وكل من خاض فيه يجب أن يتحمل مسؤولية ذلك بالقدر الذى سببب فيه أذى لهذا البيت الذى يجمعنا

منال عضو فاعل فى منتدى الإدارة وواعية تماماً ومتفهمة بعمق لمقاصد أخوانها فى الإدارة وتدرى معايير وحرص الإدارة فى المعالجة ـ فى حالتى رضاها وعدم رضاها ـ
وموضوعها مختلف , تمت معالجته معها بصورة شفافة وواضحة وصادقة ورائعة فى ذات الوقت
ليس لك يا صاحب تحديداً
ولكن لكل من يرفع موضوعها كقميص عثمان اقول أنها نفسها لم تفصل قضيتها عن بقية أخواتها ..
تقدير العقوبة يعتمد على قراءة لمجمل الإفادات وهذا مالا يملكه أحد سوى اللجنة علماً بأن هناك من الأعضاء من يرى أن العقوبات حتى على المعنى الأول بالأمر كانت قاسية
إذن هذا التقدير نسبى إعتمد على مسببات قدرتها اللجنة جيداً ..
ولك الود

النور سلام
ياخ ماشى أتهرب من الرد تفصيلياً على مداخلتك .. يمكن بابكر عباس عبر أخير منى فى تفنيده بين الإتهام والإدانة .. لست متحامل على الإدارة ولا أطعن فى (أهليتها) .. ولم أطلب تعين لجنة خارج الإدارة لضعفها .. إستثنيتك أنت وخالد وأسامة كوضع طبيعى للإستئناف لقرار تمت صياغته من اللجنة أو نتائج أعمالها .. إذا كان شليل ومنال فى كفة المسائلة فلن يكونوا فى كفة الخصم والحكم .. تبقى شبارقة وعكود .. لذلك طلب (تعيين) خارجى للمساهمة .. ربما أطراف محايدة .. مما يعنى مثلاً (أنا) غير مؤهل لهكذا لجنة .. لعدم حيادى

أقترح إنزال بوست إستفتائى بخيارين .. (1)تأييد القرار .. (2) إستناف

لا أعتقد ذلك يقلل من اللجنة الأولى .. بل ممارسة ديمفراطية جيدة

[مي هاشم]

المشاركة الأصلية كتبت بواسطة هيفاء عبدالستار

مي يا حبيبه لك الود ..

ما عارفاكي يامي مستهونه الموضوع لييه .؟.؟...

وما مجرد كلام شايلو الهوا ...

رسائل موجوده وشهود حاضرين وكلام في البيوت ..

وكلام في شرف ...أبدا ما موضوع بسيط ..

ومفروض الإداره تكون على علم ..

العضو الفاسد يجب بتره ..نهائيا ..

والله يا مي رغم قرار الإداره ..

لسّه نار بتفور في نافوخي ...

انا لو لاقيتو في أي مجتمع ..

وهو عضو في منتديات نحن أعضاء فيها

لو لاقيتو ما عارفه حأعمل فيهو شنو ..

يا ريت ما الاقيهو ...

يتبع

الحبيبة هيفاء..لك كل المحبة والتقدير

ما مستهونة الموضوع..لكن بتكلت بالعقل..
اذا انا كنت بعيده عن الحدث حأعتبر الحاصل مجرد كلام لأني لا املك أن أقول فلان صح وعلان خطأ وإن كنت في دواخلي أميل لرأي محدد!!
ومصرة على رأيي إنه الإدارة لا علاقة لها بذلك..أما فساد العضو فهذا سلوك شخصي بحت يخصه هو ولا يضير المنتدى في شيء طالما هو لا يكتب هنا ما يسيء ومصير كل فاسد (ريحته تطق) ويعزل بدون جدل..

يا هيفاء ياختي هوني عليك وسلامة نافوخك..
والمنتديات الأخرى دي عملت ليه شنو؟؟ولا شي!!إشمعنا هنا؟؟قلت ليكم في شي انا ما واقع لي

وبيني وبينك..المخليني مرتاحة ورايقة وما شايلة هم إنه الزول ده ختّ يدو في المصحف وحلف..يعني كده أنا برة وهو وربه..وأخير لي حقي عند ربي من آخدو براي..بس

المهم انتي أرحمي نفسك وما تهري وتنكتي..لأنه (مرمي الله ما بترفع) كان سكت منك بينضم في غيرك ..وده مرض وديدن الناس العيانين..ومن باب أولى كنا نكتم على الموضوع ونشوف ليه علاج..

[مي هاشم]

المشاركة الأصلية كتبت بواسطة hatim ALi

بالاكتر يا مي و كيف الاولاد انشالله تمام و صحة و عافية



موضوع فيها شتيمة دا موضوع تاني و عنده معالجات تانية منها الحذف و لو راجعتي بوست شليل تداخل فيه النور و امن على استمراريته و لم يحذف شيئاُ الكلام دا كان في صفحة 1 او 2 على ما اذكر ، و حتى لو افترضنا انو دي مخالفة هل العقوبة الايقاف (3 شهور) متناسبة معاها؟ و ين الشتيمة الكانت في بوست ابو اماني ؟ و منال كمان ما شتمت موقفنها مالها ؟



يا مي حسة لو عندك قضية مشيتي المحكمة و القاضي اصدر قرار ما عجبك ما من حققك الاستئناف و لا بتدلدلي راسك و بتمشي ؟

بعدين نحنا هنا - كما اوضحت سابقا- دايرين نعرف الحيثيات و المبدأ البيتوقف بيهو الناس ديل ؟ موش دفاعا عنهم لكن عشان نعرف حدود الديموقراطية هنا و حقوقنا شنو ، ما ممكن انا ذاتي بكرة اتوقف بدون اسباب و انتو ما تعرفوا ذاتو انا اتوقفتا و لو سألتو مني و فتحتوا بوستات البوستات دي تشمعها الادارة بالشمع الاحمر و تطبلها بالطبلة ، دا سبب نقتنا الكتيرة دي يا مي




طيب وقت عارفة روحك ما طويلة في النقاش دخلتي بيجاي مالك

طالما نظرتي في الموضوع مصيرك تتذرذري

يحلني منك الحلال

أبو أماني شتيمته كانت ضمنية وماشاء الله عليه هو حريف جداً..
أما منال جد ما حضرت الحاصل ليها..
انت شايف 3 شهور كتيرة على ايقافهم..رأيك شنو في سنة لعادل؟؟منصفة يعني؟؟
يا حاتم يا أخوي بصراحة كده..انا لو كنت في الإدارة ما كنت سمحت لأي زول يتكلم في الموضوع زاتو..مع احترامي لللأدارة..وبختكم الما بقيت فيها

في حاجة تانية فايتة عليكم يا جماعة ..في نقة مدورة في الإدارة نحن ما عندنا علم بيها..واكيد الإدارة ما عبط منها وقفت الناس ديل..والأسباب طالما إنها متعلقة بالموضوع إياه ما حتقدروا تتفهموه ما لم تعرفوه بالتفصيل..وعلى قول بابكر (متهم ما أتى)..

والمبدأ والحيثيات البوقفوا بيها الناس معلومة لدى الموقوفين والقصة لا تخلو من لخبتة كيمان..بين خالد الحاج العضو والمالك والزميل السابق!!

يا حاتم ارحمني عليك الله..

[مي هاشم]

المشاركة الأصلية كتبت بواسطة هيفاء عبدالستار

أتى ..أتى..أتى..اتى..اتى..اتى..اتى..اتى.. .. .. .. .. .. .. .. .. .. ..

يا حبيبة المن القلب قريبة

أتى دي بالنسبة لي وليك..
لكن باقي الناس هنا لا..كدي ركزي شوية وختي نفسك برة الإطار وشوفي الصورة..
حتلقي انك بتحمسي الناس عشان يعرفوا التفاصيل الانحنا ما عايزنها تطلع عشان بتمسنا..صح؟؟
روقي المنقى وفشي زعلك ده شعر من بيت الكلاوي..وأجدعيني بمسدار خليني أقوم أنوم