سوك على بناتك وابعد البيضة من الحجر

[فيصل سعد]

السلام و التحايا للجميع في هذا البوست الهام :

الخص مداخلتي كأب لبنتين (12 سنة و سنتان) و ابن (10 سنوات) و اقول من وجهة نظري :

1. المأمون على بنوت فريقو ومقنع الكاشفات؟ دا اصبح تاريخ جميل و ناصع يفتخر به ، و رغم ان قناعتي بان اولاد الحلال موجودين بكثرة و الدنيا لا زالت بالف خير ، الا انني مستبعد هذة الفرضية تماما في تربية اولادي لانني متحمل مع والدتهم كامل مسؤلية تربيتهم و نشأتهم و سلوكهم و طريقة تعاملهم مع المجتمع بالاضافة الى التعليم و الماكل و المشرب و الملبس و مريحين المأمون و المقنع تمام الراحة حاليا و داخرنهم للايام و الظروف لانهم في كل الاحوال لا يتحملوا مسؤلية تربية ابنائنا. مع اعترافي الكامل بدورهم الرقابي و الانساني الكبير في صحة المجتمع و خيره و نقائه و كريم خصاله و قوة استقراره .

موضوع مبيت الاولاد خارج البيت دا انا ضده تماما حتي ما مستثني بيوت خيلانهم و اعمامهم و خالاتهم و عماتهم و اقرب الاقربين. و ان اضطروا للمبيت معهم، قطع شك يا انا يا امهم معاهم الحجل بالرجل . الانترنت و الماسنجر و الايميلات بقعد معاهم باستمرار و بشوف " الكونتاكت لست" واحد واحد و بقنعهم يشطبوا منو و يتواصلوا مع منو .. ال CDs و ال DVDs و شرائط الالعاب و التسلية بختارها بعناية .. قنوات الكيبل و الافلام بطبل الخليع و الردئ منها و بخلي ليهم الكرتون و الرياضة و الاخبار. اصحابهم في المدرسة و اساتذتهم بقابلهم معهم باستمرار و عارفين دينا و ثقافتنا و عايشين معاهم في هذا الاطار. كل اسبوع بوديهم مدرسة الجالية (عربي و دين) لحفظ اللغة و الثقافة و احرص على ادائهم للصلوات في مواعيدها ، بوديهم السينما مرتين في الشهر .. الحمد لله قدرت اقنعهم و ازرع فيهم قيمنا الفاضلة و قدرت افرق ليهم ما بين المرح و التسلية و قلة الادب؟؟ غالبا بالاقناع و مرات قليلة بالعين الحمراء و قليل من الهرش و التوبيخ و نادرا باليد كفوف خفيفة و حنينة و حميمة غير مؤذية.. و نسأل الله ان يوفقنا و يوفق الجميع في تربية الابناء و تجاوز التحديات و الصعاب.

2. المحور الثاني في الحديث عن تنامي ظاهرة العلاقات المحرمة و نتائجها و ضحاياها و الموضوع كبير و شائك ، لكن اضافة للفقر و العوزة و الفاقة و الجهل و كثير من السذاجة .. انا و بكل صراحة الوم و اوجه اصابع الاتهام نحو الانانية و استغلال العواطف و المشاعر و الخداع و عدم الصدق و اشباع الغرائز بالتعدي على الحرمات و كثيرا من تلك الظواهر السالبة سببها الاحباط و البطالة و عدم الرقابة الاسرية.

و الحكومة تتحمل جزء من المسؤولية بعدم اهتمامها بالشباب و توفير فرص العمل الكريمة و عدم الرعاية الاجتماعية عموما و مسؤولة عن مظاهر الثراء و البذخ الفاحش و الفقر و الجوع و المرض ، و هنا انا اقف بكل صلابة و قوة مع مقترح و فكرة دكتورة بيان بخلق برامج دعم حكومي لمجانية التعليم و العلاج لكل المحتاجين في السودان و صرف اعانات للفقراء و المرضى و الطلاب و تفعيل برامج جادة لتوظيف الخريجيين و تطوير برامج خدمة اجتماعية لازالة و تقليل الفارق بين الطبقات و التوزيع العادل للثروة و الضمان الاجتماعي للعيش بسترة و كرامة لكل اهلنا في السودان. و اطالب بتجميد و الغاء ميزانية الدفاع و الامن و الدبلوماسية و المؤتمرات و الرحلات الخارجية و الترفيه و السياحة و الاستثمار و تخصيصها كاولوية قصوى نحو خلق و تطوير و تفعيل برامج الخدمة الاجتماعية و الضمان الاجتماعي.

[همس الشوق]

دكتورة بيان

احيك على لمس الجرح الموارى

هي قضية اصبحت ......... مخيفة .............. وزي النبت الاخطبوطي ....... زمان كان الناس بتأمن لاولاد الحلة ... والواحد يبعتبر انه ناس الحلة هو اهل يعني اي راجل في الحله بيعتبر ولي امري ... بس زمان كان الناس في الحله عشرة سنين ........وقاموا وتربوا مع بعض ... في بيوت بعض بس الان النزوح للعاصمة والازدحام هي من الاسباب ........

والعولمة والقنوات الفضائية كل الاشياء دي ليها اثر بالغ في تغيير الحياة حتى التربية للأسف تغيرت ... لذلك كثرة الرذيلة والممارسات الجنسية الخاطئة وعلى قولك انه (الدعارات )دي شغلتهم يعني عاملين حسابيهم لكن ذي الجاهلات وعاملين فيها اد الرقي ودي التربية الحديثة ... لهم الله ......

انا معك قلبا وقالباً في انه الحاصل اليوم في السودان دا بالزات جزئية التربية وتردي الاخلاق بين الشباب الانقاذ ما عندها فيهو اي يد ........... هي التربية من داخل البيت .......... هي وعي الاب والام ... ومتابعة اولاهم من الجنسين ............ عن تصرفاتهم ......... طريقة لبسهم .... اصحابهم ..... خروجهم من والى البيت ........ حتى الساعات البقضوها قدام التلفزيون بيتفرجوا على شنو تحديداً ...

والوجع كثيييييييييييييير ........... وقلبي وجعني
بجيك راجعه .........

[شبارقة]

المشاركة الأصلية كتبت بواسطة نوفل عبد الرحيم

سلامات يا د . بيان وكل المتداخلين الكرام
عايز اتكلم في الموضوع دا بمنظور زول عايش في الخرطوم منذ الميلاد وحتي الآن
تفشي هذه الظاهره بهذه الصوره الخطيره لا يمكن حصره في الفقر فقط - وان كنا
لا ننفي دور الفقر فيه - لان كثير جدا من يقعن في الرزيله من اسر ميسورة الحال
ايضا الحديث عن شماعة الحكومه - حديث غير دقيق ولا يصل الي جزور المشكله
في اعتقادي الشخصي - وحسب ما أري واشاهد - فأن المشكله تكمن في التربيه والاسره
ليس المقصود - قطعا - بالتربيه الحزم والتسلط والكبت , وان كانت هذه الاشياء مطلوبه احيانا
بالقدر الذي يعرفون فيه النواهي والخطوط الحمراء حتي لا يتجاوزها مستقلا فيقع المحظور
بل المقصود بالتربيه , هو القرب دائما من الاطفال والمراهقين ومحاولة معرفة اشكالاتهم وايضا
اصدقائهم وغرس القيم والاخلاق في نفوسهم واعطائهم قدر معقول من الحريه والثقه بالنفس
لان هذه الاشياء هي التي تحرسهم عند غياب الاهل او غيابهم هم عن الاهل وليس الكبت
استطيع ان اقول بملأ الفم ,, ان ما نراه الآن ناتج عن سؤ سلوك وانحراف وليس فقر او غيره
كامل تقديري

أخونا نوفل ... سلامات

تشكر على هذا السرد المنطقي والعقلاني ولا أختلف معك في أي جزئية مما قلت ، ولكن دعني أتسآل معكم هل سوء السلوك والإنحراف يُعدي كما تُعدي الشاة المريضة الأخرى السليمة؟

[شبارقة]

المشاركة الأصلية كتبت بواسطة bayan

ودورنا الان محاولة دعم هذه الدار باي طريقة..

[align=justify]طبعاً كما تعلمين يا دكتورة وكما أسلفنا فإن جميع دور الرعاية سواءاً للفتيات أو الأطفال في كل العالم هي تحت إشراف مباشر وكامل من الدولة ممثلة في وزارة مثل وزارة الرعاية الإجتماعية وذلك من حيث تشييد المباني وتأثيثها والإشراف عليها وخدمات الأكل والشرب .ووو.إلخ .. وهذا بالتأكيد لا يمنع الخيرين وأصحاب القلوب الرحيمة من مد يد العون ونحن السودانيون مشهورين بين كل الجنسيات بالتكافل الإجتماعي ...ولكن لماذا تقصر الدولة أصلاً ؟ .. المهم نحن جاهزون قلباً وقالباً وعلى إستعداد للوقوف معكم في أي دعم تطلبونه منا...لأننا ندرك تماماً أن هولاء الأطفال لا ذنب لهم ..وأكرر مرة أخرى : نعيب الزمان من غير ذنبٍ ولو نطق الزمان لهجانا!! ودمتم سالمين [/align]

[bayan]

2. المحور الثاني في الحديث عن تنامي ظاهرة العلاقات المحرمة و نتائجها و ضحاياها و الموضوع كبير و شائك ، لكن اضافة للفقر و العوزة و الفاقة و الجهل و كثير من السذاجة .. انا و بكل صراحة الوم و اوجه اصابع الاتهام نحو الانانية و استغلال العواطف و المشاعر و الخداع و عدم الصدق و اشباع الغرائز بالتعدي على الحرمات و كثيرا من تلك الظواهر السالبة سببها الاحباط و البطالة و عدم الرقابة الاسرية

.
ولدنا العزيز فيصل
اعلاه ملخص ممتاز لما يحدث
الخداع والغش هي سمة بارزة . المشكلة عندما لا نسلح بناتنا للانتباه للعنف الناعم* دا
وتدفع الثمن هي غاليا بينما ينفلت الطرف الاخر ذي الشعرة من العجين..
السذاجة و الغرقان في شبر الموية هو سمة البنت في هذا العهد..
ايضا الحماية الاكثر من اللازم حيث نجمد تجربة اطفالنا خوفا
يجعلهم لقمة هنية لكل منحرف
اننا لا نريدهم ان يكبروا.فنعاملهم معاملة الاطفال..يكبر الجسد ويظل
العقل والوعي وعي طفل
مثل الحذاء الصيني ودوره في تصغير القدم..
فنحن نضع حذاء صيني في عقولهم
فيسقطون في اول تجرية
ولا يعرفون تقاليد البلد ولا مفاهيمها..
هناك بنت احتفظت بطفلها غير الشرعي في انتظار خطيبها الذي
غرسه في رحمها وذهب
فهل يعود؟
ام ان التقاليد التي خرقها بفعلته ستكون اقوى من حبه؟!!


واعتقد طريقتك في تربية الابناء ومشاركتهم حياتهم بتفاصيلها واحدة من الحلول
يجب ان نكون جزء اساسي من حياة الابناء ولا نتركهم يكبرو بفعل تقدم السنوات ..
ومعا للخروج من عنق الزجاجة...



_______
العنف الناعم مصطلح يخص عشة المبارك في العلاقات التى تغلف بالحب وهي
مصادرة للحق وتبرير للاضطهاد والاستغلال من من الرجل للمرأة

[bayan]

ان

ا معك قلبا وقالباً في انه الحاصل اليوم في السودان دا بالزات جزئية التربية وتردي الاخلاق بين الشباب الانقاذ ما عندها فيهو اي يد ........... هي التربية من داخل البيت .......... هي وعي الاب والام ... ومتابعة اولاهم من الجنسين ............ عن تصرفاتهم ......... طريقة لبسهم .... اصحابهم ..... خروجهم من والى البيت ........ حتى الساعات البقضوها قدام التلفزيون بيتفرجوا على شنو تحديداً ...

سلام بتنا حلم الاماسي

اتفق معك فيما كتبت وعن دور الحكومة المزعوم اسع لو كان ماسكين الشيوعين ولا انصار السنة
كان حركة المجتمع حتتغير
دي حكومات تجي وحكومات تغور.. والناس بتربي اولادها وتعتني بيهم
ما الحكومة البتربي
اتمنى ان يكثر جيلكم من الكتابة في هذه الامور حقيقة نريد ان نعرف كيف تفكرون وكيف ترون حياتكم
كبنات..وليه الحاجات البتحصل الان دي بتحصل..
وليك محبتي واحترامي ومنتظرينك,,

[معتصم اسماعيل محمد نور]

سلامات يا دكتورة
أعتقد أنه عوامل إنتشار هذة الظاهرة متعددة بحيث لأا نستطيع إغفال جانب عن الأخر
صحيح في مقدمتها تأتي الأسرة ولا أظن أن الغالبية من الأسر هناك تجتمع علي صينية الغداء لأكثر من مرة في
الإسبوع والأسباب معلومة . ولعهد قريب كانت التربية مسؤلية مشتركة المدرسة تسهم فيها المجتمع من حولك يسهم فيها والشارع العام يسهم فيها ، السؤال مالذي تغير في الأسرة ، المجتمع والشارع ليصبح إسهامهم في التربية سلبي ؟ تبرأة الحكومة من ما يحدث أعتقد أنه غير صائب علي الإطلاق لأن دورها يتعدي سن القوانيين لأن سلوك الكثير من قادة النظام هو ما شجع عامة الناس للمضئ في نفس الطريق علي طريقة إذا كان رب البيت بالدف ضارب ، والأمثلة علي ذلك لا حصر لها ولم يعاقب النظام اي مسؤول علي تعديه علي رعيته !!! المشكلة بالأساس مشكلة أخلاقية تخص المجتمع بأسره ويتحمل كل طرف فيها جزء من المسؤولية ولكن من وجهة نظري تتحمل الدولة الجزء الأكبر منه
ولك الود

[نوفل عبد الرحيم]

المشاركة الأصلية كتبت بواسطة شبارقة

أخونا نوفل ... سلامات

تشكر على هذا السرد المنطقي والعقلاني ولا أختلف معك في أي جزئية مما قلت ، ولكن دعني أتسآل معكم هل سوء السلوك والإنحراف يُعدي كما تُعدي الشاة المريضة الأخرى السليمة؟

لك التحايا اخي شبارقه
بخصوص سؤالك عن عدوي سؤ السلوك
اهلنا بقولوا - البصله المعفنه بتعفن شوال البصل كلو - فالصديق يؤثر في الصديق
لذلك قيل .. اختر قرينك واصطفيه تفاخرا ان القرين الي المقارن ينسب
خاصه في حالة المراهقين .. لانهم عجينه ويمكن تشكيلها ما لم نسلحها بالاخلاق
يجيب ان نعرف من هن صديقات اخواتنا وبناتنا .. نعرف اعمارهن وسلوكهن .. الخ
كن بخير

[همس الشوق]

المشاركة الأصلية كتبت بواسطة bayan

ان

سلام بتنا حلم الاماسي

اتفق معك فيما كتبت وعن دور الحكومة المزعوم اسع لو كان ماسكين الشيوعين ولا انصار السنة
كان حركة المجتمع حتتغير
دي حكومات تجي وحكومات تغور.. والناس بتربي اولادها وتعتني بيهم
ما الحكومة البتربي
اتمنى ان يكثر جيلكم من الكتابة في هذه الامور حقيقة نريد ان نعرف كيف تفكرون وكيف ترون حياتكم
كبنات..وليه الحاجات البتحصل الان دي بتحصل..
وليك محبتي واحترامي ومنتظرينك,,

أولاً .. أحب ان اعبر ليك عن فخري واعزازي بك ............ وان التقيك ...... واتحاور معك ... لا بل ونتفق في حته معينة ........... فقد كساني الفخر حتى اخمس قدامي

فعلا انه الحكومة عمرها ما بتربي جيل ............
وانا بعتقد انه الحاصل دا هو بفعل عوامل التعرية لكثير من قيمنا واعرافنا السودانية السمحة ... هي موضة الرقي والجري وراء القنوات الفضائية ............. والانفتاح في الجامعات حيث اصبحت صالات عرض للازياء احدث ماركات العربات والموبالات من بعض الاسر التي من الله عليها نعمة المال ... ونفس الانسان ضعيفة وامارة بالسوء ...... وانا اكرر ان التربية بتنبع من المنزل اذا كانت في الاساس تربية سليمة وقويمة ..... اذا كان الوالدين هما من نفس الطينة السامية ....
والحديث طويل عن هذه الازمة وبجيك تاني

لك حبي واحترامي وتقديري

[مهند بشير]

العزيزه بيان

في مركز المايقومة وجدتها
فتاة عمرها سطاشر سنة ايوة سطاشر سنة
عندها طفلة عمرها شهرين
حنكها احدهم عندما استدعاه والدها ليبيت معهم لانهم ماشين بكا
يعني ولد الجيران
بكل براءة اسلمها اهلها الى الذئب
الان هي متمسكة بطفلتها ولا تريد تركها واهلها لا يريدونها بطفلتها...
عندما رايتها اكلني الحزن وتجشأني بشبع
تذكرت امها كيف حتكون عاملة بعد المصيبة دي
واتذكرت كم نغضب عندما بناتنا لا يحرزن درجات عالية
يارب السترة والعافية
التحليلات الخاطئة للظاهرة لا تساعد في دراستها بصورة
جيدة لنجد حلول ناجعة..
كالعادة الكل يرمي اللوم على الانقاذ والفقر
ولكن هل ستربي لنا الحكومة بناتنا وابنائنا حتى لو كانت ديمقراطية
حتى لو على طريقة القوات المشتركة البتغير الانظمة؟
الانقاذ لن تربي لكم الابناء

معقوله يا استاذه
الحكومات بتربي الامم
و خليك من الحيكومات... نحن ما في زول واحد بربي فينا لي يوم الليله اي نعم هو منّزل و منّزه من الخطأ الا الفكره فيّ.
وعشان ما نخش في نقاشات بيزنطيه,زي ما ذكرت في بوست سابق بأنو العتاب على الرأسماليه و هي متبعه بواسطه المؤتمر الوطني سواء ان شأنا ام ابينا.
وان جميع الاشكاليات التي يعاني منها النسيج الاجتماعي السوداني مردها الرأسماليه الطفيليه و الاحتكاريه المطبقه عليه بداً من التعليم و الصحه الصناعه الزراعه وانتهاءً بالاخلاق


من قبل لم تكن متاحة للبنات الاختلاط بهذه الصورة المنفتحة الان
يعني ما كان البنات بيخرجن الا لسبب محدد
ولا يوجد اي ترفيه بدون رفقة الاسرة
صار الان انفتاح في المجتع بصورة مريعة
وكان عدد البنات في المرحلة الجامعية محدود
حيث في الخرطم كان هناك الى ان اتت الانقاذ
جامعة الخرطوم جامعة ام درمان الاسلامية جامعة القرآن الكريم الفرع التكنولجيا
وبعض المعاهد الفردية. يقبل في التعليم العالي حوالي 5 الف طالب
الان الخرطوم بها اكثر من 100 جامعة
وكلية.. وصار هناك اقبال على التعليم من قبل النساء وخلو الثانوي العالي عرس طوالي شعار تلك المرحلة
اذن

يا استاذه حرام عليك ...
انتي ما هسي مره كبيره يعني الداير اقولو دا انتي عشتيه ميه ال100 .
انتي نسيتي السيتينات و السبعينات و البارات لمن كانت مفتوحه طريقه اللبس(الكلوش و القصير و السيور و الموقوشيل) و عرض الجسد و رقيص العروس الانتي ما بتحيبيهو,اخلاق الناس,الخدمه المدنيه و دواوين الدوله,سوق المويه و المورده, الشعر الغزلي و تاريخ اجمل ما كتب في الشعر السوداني, الغنا زات نفسو ما كان قمه في الروعه, الشوارع نضيفه و يا حلاتا, السينمات و الافلام البتتعرض فيها ويطرا لي غنيه يا حمامه مع السلامه إتكتبت في فليم حضرو شاعرنا في السينما...
وكان ود الجيران دا زاتو هو ما اكتر من اخو واكتر من رقيب
وكان لا في شناف لا في قناف الا النفوس الجواها إتغير و معليش ليك لكن برضو غيرتو الانقاذ...
وكان في رأيك انو كترت الجامعات نعمه و انها حلت مشكله ... اها جابت ليك قِله ورينا حلها كيف ودا بصرف النظر عن الجامعات و ال out put حقها ولا هي اصلا نافع او عندها رقابه من وزاره التربيه و التعليم العالي .

المسالة ما انقاذ ولا حاجة طبعا يجو اسع الضاربهم سلك وراميهم الجمل يقولو بيان بتدافع عن الانقاذ

ابدا والله الفكره ما كدي يا دكتوره لكن
المُقارعه بالحُجه
الفقر عمرو ما برر الدعارة..
ياما الان في اسر فقيرة وشريفة الام تبيع الطعمية والمأكولات تساعدها بناتها قاعدين مستورات
الدعارة دي واحدة من سبل العيش تختارها المرأة
وعرفت ان لها سوق وتسعيرات,,

على ايامنا في الجامعات ديل ذاتهن
كان معانا فقيرات كتاااااااااار واصلا السودان دا
من يومو الفقراء كتار
البنات البطلعو بطلعو بمزاجهم ما لاسباب اقتصادية


انا معاك يا دكتوره انو الفقر او الحاله الاقتصاديه للاسره ليست مبرراً كافيا للدعاره
لكنها للاسف من اقوي الاسباب الدافعه له في ظل مجتمع يتم التعامل معه بنظام جوع كلبك يتبعك

لكن الواحد والواحدة لما يختلو مع بعض ما بيكونو مفكرين الموضوع بيصل لكدا
عشان كدا ما بحضرو حالهم ذي ما يدهم لانها وليدة لحظة شيطانية.
ويحصل الخطأ الرومانسي (كما اسمته يوما ماهيتاب)
ههههههههههههههههههههاااااااااااااااي حلوه دي
ليك عليّ في المرات الجايه اكلموم ليك يعملو حسابم ...


ولو جا على بس ابعد البيضة من الحجر

كدا بس نحنا اختلفنا
ماتنسي الحقيقه الدنيويه انو الممنوع مرغوب و كل ما طورت وسيله الإحكام عليهما(الولد و البت) كل ما طورا وسيله الزوغان منكما (الام و الاب)...
انتي عارفا يا دكتوره ... ايام الثانوي ونحنا ممتحنين الشهاده فصلونا ناس تخصص براهم و ناس احياء براهم و ناس ادبي براهم كل قسم فصلين واحد بنات و التاني اولاد
انتي عارفا انو لمن تجي الامتحانات الشهريه كانت المراقبه في الامتحانات بين بعض (يعني اولاد تخصص براقبو بنات تخصص و بنات احياء براقبو اولاد احياء و كدا . و كان قطع زي القطع لانو كل فصل من مصلحتو انو يجيب درجات اعلي من الفصل التاني في نفس القسم و الشماته تدور, وكلها كانت حكمه الاستاذ الجليل محمد عبد الرحيم ربنا يرحمو و يغفر ليه وبي سبب الحركه دي استمرت العلاقه بين بعض لحد يوم الليله رغم زواج البعض و سفر الاخر الا انها مستمره تمام التمام و الحمد لله)


واعمل قوانين لاسرتك ايتها الام ايها الاب

انا معاك في دي لكن بي فهم
ما ساي لانها ممكن تجيب نتيجه عكسيه

بعدين الجامعة دي بتقفل الساعة 2

دا وين الكلام دا
انتي من زمن الجامعات بتقفل الساعه 2
انتي قريتي في الاحفاد و لا شنو.


منع الاختلاط او السك علي البنات لا يفيد بالعكس لابد ان تكون هناك علاقات معرفه بين الجنسين ومن مرحلة ابدر --
رقابة الاسر خاصة في مرحلة المراهقه شي اساسي ومهم وواضح انعدمت اللغه بين الابناء والوالدين اقصد لغة النصح والتوجيه واصبحت العلاقه ماديه فقط


ياسلام عليك يا ام راشد يا وااااااااااااااعيه
ههههههههههااااااااااي

سامعه يا بيان

السذاجة و الغرقان في شبر الموية هو سمة البنت في هذا العهد..

دا وين الكلام دا
انتي من زمن الجامعات بتقفل الساعه 2
انتي قريتي في الاحفاد و لا شنو...

[مهند بشير]

المشاركة الأصلية كتبت بواسطة عمار مكى عمر حسن

اذا عدم توفر العامل المادى عامل اساسى فى تفشى الظاهره اذا هى ليست اصيله فى النفس البشريه بدليل ان الطفله ذات السته عشر ربيعا لم تتنازل عن طفلتها رغم مايسبب ذلك من( عار) اذا تحدثنا بلغه تمثل ثقافه المجتمع البسيط

يا فرده القصه لا غريبه لا حاجه البلد دي بقت المسأله دي فيها عاديه جدا
لكن الغريب انو لحد هسي ما وصلت مسامعي انو في حاله حمل و انجاب تم عن طريق الاغتصاب و بالتالي الامور كلها تمت برضى الطرفين سواء كان بالمال او بالحنك...

المشاركة الأصلية كتبت بواسطة عمار مكى عمر حسن

السيطره الذكوريه على المراه جعل من المساله اسهل خاصه ان البنت اليافعه فى ظل تربيه خاطئه (by defalt) تكون خائفه او منصاعه للسيطره الزهنيه للرجل وطبعا البدنيه مع عدم اغفال التربيه الجنسيه الخطا للمراه زائدا الرغبه الطبيعيه للجنس لدى الطرفين هذا طبعا فى ظل غياب الكابح التربوى و المجتمعى والدينى والنتيجه ضحابا من الشابات الموصومات باشياء هن ابعد ما يكون منها اذا نظرنا للامر من زاويه ان الكل يقع فى الخطا ومن الناحيه الدينيه (كلكم خطاء )
اذا النتيجه :-
اطفال لا ذنب لهم ونساء اخرجو من دائره (العفه) و (الشرف) والنظره السويه ولا ذنب لهم سوى انهم لم يجدوالعائل والدوله التى تقوم بواجبها تجاههم وهنا ..
أ) المجتمع مسؤول وذلك بالنظره السيئه غير الموضوعيه للامر دون الرجوع للاسباب الحقيقيه
ب) الدوله مسؤوله بعدم توفير سبل العيش الكريمه للعائل او اللطالب للعلم
حتى اللائى يحترفن البغاء اعتقد انهن لن يمارسنه اذا وجدن العيش الكريم
خروج : - يجب النظر بعين الموضوعيه والاهتمام بالاطفال خارج دائره الاسره والذين هم نتاج علاقات خارج موسسه الزواج والعمل على اخراجهم للمجتمع كاطفال صالحين وتوفير التعليم والسكن وسبل العيش الكريم عبر المساهمات الرسميه والشعبيه ولنفعل صناديق لدعم هذه الفئه ومطلوب المقترحات من الجميع

هنا انا معاك قلباً و قالباً

[مهند بشير]

المشاركة الأصلية كتبت بواسطة فيصل سعد

موضوع مبيت الاولاد خارج البيت دا انا ضده تماما حتي ما مستثني بيوت خيلانهم و اعمامهم و خالاتهم و عماتهم و اقرب الاقربين. و ان اضطروا للمبيت معهم، قطع شك يا انا يا امهم معاهم الحجل بالرجل . الانترنت و الماسنجر و الايميلات بقعد معاهم باستمرار و بشوف " الكونتاكت لست" واحد واحد و بقنعهم يشطبوا منو و يتواصلوا مع منو .. ال CDs و ال DVDs و شرائط الالعاب و التسلية بختارها بعناية .. قنوات الكيبل و الافلام بطبل الخليع و الردئ منها و بخلي ليهم الكرتون و الرياضة و الاخبار. اصحابهم في المدرسة و اساتذتهم بقابلهم معهم باستمرار و عارفين دينا و ثقافتنا و عايشين معاهم في هذا الاطار. كل اسبوع بوديهم مدرسة الجالية (عربي و دين) لحفظ اللغة و الثقافة و احرص على ادائهم للصلوات في مواعيدها ، بوديهم السينما مرتين في الشهر .. الحمد لله قدرت اقنعهم و ازرع فيهم قيمنا الفاضلة و قدرت افرق ليهم ما بين المرح و التسلية و قلة الادب؟؟ غالبا بالاقناع و مرات قليلة بالعين الحمراء و قليل من الهرش و التوبيخ و نادرا باليد كفوف خفيفة و حنينة و حميمة غير مؤذية.. و نسأل الله ان يوفقنا و يوفق الجميع في تربية الابناء و تجاوز التحديات و الصعاب
.

اصبر شويه الاولاد لسه سُغار ما عرفوليك اصبر خليهم يكبرو شويه و حيوروك النجوم و انتا نايم ...
ثم تانيا
القصه ما فكره الملاحقه الشديده دي
انا بفتكر القصه ممكن تُعول على الثقه اكتر من الملاحقه وما في داعي الواحد يفضح نفسو بي نفسو ويقول زمان كان بعمل شنو

[bayan]

المشاركة الأصلية كتبت بواسطة مهند بشير

العزيزه بيان

في مركز المايقومة وجدتها
فتاة عمرها سطاشر سنة ايوة سطاشر سنة
عندها طفلة عمرها شهرين
حنكها احدهم عندما استدعاه والدها ليبيت معهم لانهم ماشين بكا
يعني ولد الجيران
بكل براءة اسلمها اهلها الى الذئب
الان هي متمسكة بطفلتها ولا تريد تركها واهلها لا يريدونها بطفلتها...
عندما رايتها اكلني الحزن وتجشأني بشبع
تذكرت امها كيف حتكون عاملة بعد المصيبة دي
واتذكرت كم نغضب عندما بناتنا لا يحرزن درجات عالية
يارب السترة والعافية
التحليلات الخاطئة للظاهرة لا تساعد في دراستها بصورة
جيدة لنجد حلول ناجعة..
كالعادة الكل يرمي اللوم على الانقاذ والفقر
ولكن هل ستربي لنا الحكومة بناتنا وابنائنا حتى لو كانت ديمقراطية
حتى لو على طريقة القوات المشتركة البتغير الانظمة؟
الانقاذ لن تربي لكم الابناء

معقوله يا استاذه
الحكومات بتربي الامم
و خليك من الحيكومات... نحن ما في زول واحد بربي فينا لي يوم الليله اي نعم هو منّزل و منّزه من الخطأ الا الفكره فيّ.
وعشان ما نخش في نقاشات بيزنطيه,زي ما ذكرت في بوست سابق بأنو العتاب على الرأسماليه و هي متبعه بواسطه المؤتمر الوطني سواء ان شأنا ام ابينا.
وان جميع الاشكاليات التي يعاني منها النسيج الاجتماعي السوداني مردها الرأسماليه الطفيليه و الاحتكاريه المطبقه عليه بداً من التعليم و الصحه الصناعه الزراعه وانتهاءً بالاخلاق


من قبل لم تكن متاحة للبنات الاختلاط بهذه الصورة المنفتحة الان
يعني ما كان البنات بيخرجن الا لسبب محدد
ولا يوجد اي ترفيه بدون رفقة الاسرة
صار الان انفتاح في المجتع بصورة مريعة
وكان عدد البنات في المرحلة الجامعية محدود
حيث في الخرطم كان هناك الى ان اتت الانقاذ
جامعة الخرطوم جامعة ام درمان الاسلامية جامعة القرآن الكريم الفرع التكنولجيا
وبعض المعاهد الفردية. يقبل في التعليم العالي حوالي 5 الف طالب
الان الخرطوم بها اكثر من 100 جامعة
وكلية.. وصار هناك اقبال على التعليم من قبل النساء وخلو الثانوي العالي عرس طوالي شعار تلك المرحلة
اذن

يا استاذه حرام عليك ...
انتي ما هسي مره كبيره يعني الداير اقولو دا انتي عشتيه ميه ال100 .
انتي نسيتي السيتينات و السبعينات و البارات لمن كانت مفتوحه طريقه اللبس(الكلوش و القصير و السيور و الموقوشيل) و عرض الجسد و رقيص العروس الانتي ما بتحيبيهو,اخلاق الناس,الخدمه المدنيه و دواوين الدوله,سوق المويه و المورده, الشعر الغزلي و تاريخ اجمل ما كتب في الشعر السوداني, الغنا زات نفسو ما كان قمه في الروعه, الشوارع نضيفه و يا حلاتا, السينمات و الافلام البتتعرض فيها ويطرا لي غنيه يا حمامه مع السلامه إتكتبت في فليم حضرو شاعرنا في السينما...
وكان ود الجيران دا زاتو هو ما اكتر من اخو واكتر من رقيب
وكان لا في شناف لا في قناف الا النفوس الجواها إتغير و معليش ليك لكن برضو غيرتو الانقاذ...
وكان في رأيك انو كترت الجامعات نعمه و انها حلت مشكله ... اها جابت ليك قِله ورينا حلها كيف ودا بصرف النظر عن الجامعات و ال out put حقها ولا هي اصلا نافع او عندها رقابه من وزاره التربيه و التعليم العالي .

المسالة ما انقاذ ولا حاجة طبعا يجو اسع الضاربهم سلك وراميهم الجمل يقولو بيان بتدافع عن الانقاذ

ابدا والله الفكره ما كدي يا دكتوره لكن
المُقارعه بالحُجه
الفقر عمرو ما برر الدعارة..
ياما الان في اسر فقيرة وشريفة الام تبيع الطعمية والمأكولات تساعدها بناتها قاعدين مستورات
الدعارة دي واحدة من سبل العيش تختارها المرأة
وعرفت ان لها سوق وتسعيرات,,

على ايامنا في الجامعات ديل ذاتهن
كان معانا فقيرات كتاااااااااار واصلا السودان دا
من يومو الفقراء كتار
البنات البطلعو بطلعو بمزاجهم ما لاسباب اقتصادية


انا معاك يا دكتوره انو الفقر او الحاله الاقتصاديه للاسره ليست مبرراً كافيا للدعاره
لكنها للاسف من اقوي الاسباب الدافعه له في ظل مجتمع يتم التعامل معه بنظام جوع كلبك يتبعك

لكن الواحد والواحدة لما يختلو مع بعض ما بيكونو مفكرين الموضوع بيصل لكدا
عشان كدا ما بحضرو حالهم ذي ما يدهم لانها وليدة لحظة شيطانية.
ويحصل الخطأ الرومانسي (كما اسمته يوما ماهيتاب)
ههههههههههههههههههههاااااااااااااااي حلوه دي
ليك عليّ في المرات الجايه اكلموم ليك يعملو حسابم ...


ولو جا على بس ابعد البيضة من الحجر

كدا بس نحنا اختلفنا
ماتنسي الحقيقه الدنيويه انو الممنوع مرغوب و كل ما طورت وسيله الإحكام عليهما(الولد و البت) كل ما طورا وسيله الزوغان منكما (الام و الاب)...
انتي عارفا يا دكتوره ... ايام الثانوي ونحنا ممتحنين الشهاده فصلونا ناس تخصص براهم و ناس احياء براهم و ناس ادبي براهم كل قسم فصلين واحد بنات و التاني اولاد
انتي عارفا انو لمن تجي الامتحانات الشهريه كانت المراقبه في الامتحانات بين بعض (يعني اولاد تخصص براقبو بنات تخصص و بنات احياء براقبو اولاد احياء و كدا . و كان قطع زي القطع لانو كل فصل من مصلحتو انو يجيب درجات اعلي من الفصل التاني في نفس القسم و الشماته تدور, وكلها كانت حكمه الاستاذ الجليل محمد عبد الرحيم ربنا يرحمو و يغفر ليه وبي سبب الحركه دي استمرت العلاقه بين بعض لحد يوم الليله رغم زواج البعض و سفر الاخر الا انها مستمره تمام التمام و الحمد لله)


واعمل قوانين لاسرتك ايتها الام ايها الاب

انا معاك في دي لكن بي فهم
ما ساي لانها ممكن تجيب نتيجه عكسيه

بعدين الجامعة دي بتقفل الساعة 2

دا وين الكلام دا
انتي من زمن الجامعات بتقفل الساعه 2
انتي قريتي في الاحفاد و لا شنو.


منع الاختلاط او السك علي البنات لا يفيد بالعكس لابد ان تكون هناك علاقات معرفه بين الجنسين ومن مرحلة ابدر --
رقابة الاسر خاصة في مرحلة المراهقه شي اساسي ومهم وواضح انعدمت اللغه بين الابناء والوالدين اقصد لغة النصح والتوجيه واصبحت العلاقه ماديه فقط


ياسلام عليك يا ام راشد يا وااااااااااااااعيه
ههههههههههااااااااااي

سامعه يا بيان

السذاجة و الغرقان في شبر الموية هو سمة البنت في هذا العهد..

دا وين الكلام دا
انتي من زمن الجامعات بتقفل الساعه 2
انتي قريتي في الاحفاد و لا شنو...

الاخ مهند
ما فاهمة ردك دا شنو
قاصد بيه شنو ذاتو؟
على العموم دي وجهة نظر برضو للقراء يطلعو عليها
كواحدة من المداخلات في هذا البوست

[bayan]

المشاركة الأصلية كتبت بواسطة معتصم اسماعيل محمد نور

سلامات يا دكتورة
أعتقد أنه عوامل إنتشار هذة الظاهرة متعددة بحيث لأا نستطيع إغفال جانب عن الأخر
صحيح في مقدمتها تأتي الأسرة ولا أظن أن الغالبية من الأسر هناك تجتمع علي صينية الغداء لأكثر من مرة في
الإسبوع والأسباب معلومة . ولعهد قريب كانت التربية مسؤلية مشتركة المدرسة تسهم فيها المجتمع من حولك يسهم فيها والشارع العام يسهم فيها ، السؤال مالذي تغير في الأسرة ، المجتمع والشارع ليصبح إسهامهم في التربية سلبي ؟ تبرأة الحكومة من ما يحدث أعتقد أنه غير صائب علي الإطلاق لأن دورها يتعدي سن القوانيين لأن سلوك الكثير من قادة النظام هو ما شجع عامة الناس للمضئ في نفس الطريق علي طريقة إذا كان رب البيت بالدف ضارب ، والأمثلة علي ذلك لا حصر لها ولم يعاقب النظام اي مسؤول علي تعديه علي رعيته !!! المشكلة بالأساس مشكلة أخلاقية تخص المجتمع بأسره ويتحمل كل طرف فيها جزء من المسؤولية ولكن من وجهة نظري تتحمل الدولة الجزء الأكبر منه
ولك الود

سلامات اخي معتصم
وجهة نظرك مقدرة جدا .. اركز على نقطة تضافر الجهات كلها قديما للتنشئة
الصالحة..ولكن الان هناك تغير كبير في شكل هزة للمجتمع ككل..
لك كل الود والاحترام