اي شايقي عنصري !!!!!

[نسايم]

دي بقت اللهجة السايدة في السودان
افتح خشمك وقول انا شايقي او انا شمالي
وشوف البيحصل ....
اولا السودان بيتمتع بي تنوع قبلي جميل
فيهو الشرق وفيهو الغرب وفيهو الشمال وفيهو الجنوب
وكل جزء فيهو قبايلو البتفخر وتعتز بي موروث قبيلتها
وكذلك الشمال ....
بقينا نحي تراث اهل الغرب وكمان الجنوب
لكن نكون حذرييين اتجاه الشمال
وبقت اي حاجة او اي كلمة تفسر بي عنصرية
قبل فتره قريت بوست فيهو اسما الشوارع
ومنها شارع بي اسم الملك نمر
جات واحدة من العضوات
وقالت الاسم ينصب ويندرج تحت بند العنصرية
مين السماهو وليش سمهو كدا مامعارفة بس بتعرف انو ملك الجعلييين
فلازم يكون عنصري
والاخوان المثقفاتية بينسلخو عن شماليتهم وبيتجهو للغرب او الجنوب وحتى الشرق
شوفونا صحي شمالييين لكن احنا اتخلينا فاقبلونا

[كيشو]

يا نسايم
شكرا على هذا البوست، أنا ما شايقي
المشكلة في حالة الدفاع الخاتننا فيها الناس
نحنا مسلمين ندافع
نحن شماليين ندافع
نحن عاديين ندافع
شنو الجاذب في حياتنا؟

[فتحي مسعد حنفي]

واحنل الحلب بنكون وين في التصنيف بتاعك عشان لو بالمنطقة بنكون حلب جعليين زي ما في عبيد شايقية

[رأفت ميلاد]

كيفك يا نسايم

الشارع الذى عليه اللغو ليس شارع المك نمر إنما شارع الزبير باشا.. هو ما كان ملك الجعليين .. هو كان شيخ النخاسيين.. يعنى أكبر تاجر عبيد .. العبودية الإتفتحت جراحاتها الآن .. وولدت كل الحاصل هسة .. لامن يكون بأسمه من أكبر وأجمل الشوارع فى الخرطوم .. والله حاجة ما تشرف .. يعنى المستعمر نفسه حاربه ونفاه نجى نحن نفتخر بيه

قالوا شايقى قال لى واحد يا عب ودوهو للقاضى .. القاضى كان شايقى .. سأله : أنت قلت للراجل ده يا عب ? قال ليهو يا مولانا أنا قولى سيبو أنت قولك شنو

العبودية كانت موجودة لعهد قريب .. وتسببت فى آلام فى هذا الوطن.. والشمال مسئول عنها كاملآ .. وهؤلاء أصحاب الذقون فتحوا الجراحات ونخروا القبلية من أجل تفرق الصفوف ويطيب لهم المقام ..

هذه ليست دعوة للعنصرية ولا العنصرية المقابلة .. ولكن يجب أن لا نتعصب ولا نستاء .. فما يحدث الآن فى محاصرة الشماليين بالعنصرية لا شيئ مقابل ممارسة العبودية .. وما أدراك ما هى العبودية .. أن يساق البشر كالأنعام ويباع فيهم ويشترى .. بيان بالذنب وإعتذار موثق ليس بالشيئ السيئ ولا إقلال بالكرامة فى جريمة هكذا فى حق الإنسانية ..



لهؤلاء كان يصدرهم الزبير باشا رحمة

[خالد الحاج]

سلامات نسايم..
القول ما قال رأفت يا إبنة الأخت ...

http://sudanyat.org/vb/showthread.php?t=1473
الزبير باش رحمة ليس أكثر من مجرد تاجرآ للرقيق.

[عكــود]

رأفت
خالد

ياخوانا إستهدوا بالله
الجاب سيرة الزبير باشا منو؟
نسايم بتتكلّم عن شارع المك نمر
وفعلاً كان في موضوع عنّو.

وده كلّو ما الموضوع
الموضوع ياهو ده:

بقينا نحي تراث اهل الغرب وكمان الجنوب
لكن نكون حذرييين اتجاه الشمال
وبقت اي حاجة او اي كلمة تفسر بي عنصرية

سلام يا نسايم،
موضوعك سمح . .
بس الله يعينك علي الجلاكين ديل

[كيشو]

الزبير باشا غلطان، وأهل الشمال غلطانين، طيب المطلوب شنو؟
هل يريد أحفاد المتضررين من أخطاء أجدادنا نقل تجربة اليهود مع المحرقة؟
هل سيركب أحفاد الزبير باشا من المعارضة الحالية لنظام الإنقاذ سفينة حماقة جدهم لمحاربة الحكومة أم لتدمير السودان، وتجيير شرف أخواتهم وأمهاتهم ليوم اثنين آخر جديد؟
هل يكفي الاعتذار ممن لم يشارك في تلك الممارسات البغيضة، ولا يؤيدها الآن؟ هل يقبل مثل هذا الاعتذار أحفاد المتضررين؟
السؤال الذي نريد عنه إجابة:
لماذا تتم محاصرتنا نحن أهل الشمال؟ ولماذا يتهمنا الناس بالعنصرية؟ ولماذا الاتهام بالعنصرية لاتجاه واحد؟ ألا يمكن أن تصدر العنصرية من الطرف الآخر؟ الحلب عندنا يمكن أن يشتكوا من العنصرية أيضاً
إننا الآن محشورون في الزاوية، خلونا نتنفس

[رأفت ميلاد]

المشاركة الأصلية كتبت بواسطة عكــود

رأفت
خالد

ياخوانا إستهدوا بالله
الجاب سيرة الزبير باشا منو؟
نسايم بتتكلّم عن شارع المك نمر
وفعلاً كان في موضوع عنّو.

تعرف يا عكود إذا إنفتح موضوع عن شارع المك نمر .. يكون إمتداد لمؤامرات الكيزان .. ولخبطة الكيمان .. دول أبناء أبالسة ..
لكن أنا عندى راى فى شلرع السيد على والسيد عبدالرحمن
سلام يا كيشو

المشاركة الأصلية كتبت بواسطة كيشو

الزبير باشا غلطان، وأهل الشمال غلطانين، طيب المطلوب شنو؟

الإعتذار ليس شخصى .. الشماليين الحاليين لم يستعبدوا أحد إستعباد فعلى .. لا يوجد عبيد يطالبون بالإنعتاق .. المطلوب وثيقة إعتراف .. مجسم محبة .. يوم وفاق يحتفل به سنويآ .. نصب لضحايا العبودية على نمط الجندى المجهول .. إعادة كتابة تاريخ فى المدارس بالحقائق المجردة وليس تبجيل للنخاسة ومشعلى الحروب .. فى كتابة التاريخ يمر مرور مشبع بالفخر بمذبحة العبدلاب والفنج لمملكة سوبا التى صارت مثلآ للخراب .. وهذا جزء من العنصرية العقائدية فى النفوس .. وهذا لا يقل عن إبادة الإسلاميين الجدد للجنوبيين أو إعدام محمود محمد طه .. هذا لا يختلف عن التغاضى عن العبودية فى عهد الخليفة عبدالله وحروب الإبادة .. لا يختلف عن تبجيل الزبير رحمة .. لا أطالب بتزوير التاريخ ولكن ليروى مجردآ .. لا أعترض على مزابح اليهود ولا الحروب الصليبية ولا الوثيقة العمرية إذا كانت فقط جزء من التاريخ وليس عقيدة وتبجيل .. ومطالبة بتجديدها..
أما التمسك بالكرامة والتمادى فى التحدى .. ينقل ذنب الأجداد الى الأحفاد ..
أما عن الحلب تقصد نا نحن ولا ناس فتحى ؟
كلمة حلبى أو كافر أو يا بتاع الفسيخ أو ... عمرها لم تكن فاصل عنصرية .. إذا تعدت المداعبة تقترن بالجهل .. أهلنا تقلدوا المناصب .. أصابوا الغنى .. كانوا أصحاب وطن وعرض وكرامة .. لم يتحيز ضدهم القانون .. وليس فقط المسييحيين السودانيين .. بل الجاليات الإغريقية والهندية واليهودية والشامية والأرمنية والأثيوبة وقبيلة المولدين من هذا الخليط ..
العنصرية هى هضم الحقوق .. كما يحدث الآن .. وكما بدأ فى عهد نميرى ومستشاره المأفون .. إعتدوا على كرامتنا .. أملاكنا .. هويتنا .. فنحن لا ننتظر الإعتذار فنحن فى صف واحد مع كل المتضررين .. وكلنا نصبوا لهزيمة التخلف والطغاة ..
وليس هناك وجه شبه مع العبودية المعنية

[نسايم]

المشاركة الأصلية كتبت بواسطة كيشو

يا نسايم
شكرا على هذا البوست، أنا ما شايقي
المشكلة في حالة الدفاع الخاتننا فيها الناس
نحنا مسلمين ندافع
نحن شماليين ندافع
نحن عاديين ندافع
شنو الجاذب في حياتنا؟

العزيز كيشو ...
دي بقت اللهجة
وبقت دي لغة الحوار السائدة
انا مابقول ماف عنصرية
بس بقت حتى الحاجات الطبيعية
البتمثل موروث الشمال بقت تحارب
ديل حتى العملة الجديدة في ناااس
حاربوها لانو قالو مشلخة شايقي
دااا كلام دااا

[نسايم]

المشاركة الأصلية كتبت بواسطة فتحي مسعد حنفي

واحنل الحلب بنكون وين في التصنيف بتاعك عشان لو بالمنطقة بنكون حلب جعليين زي ما في عبيد شايقية

تحياااات وسلاماااات يا عمو
دا الكلام البجيب الهوا وهو الجاب لي اهل الشمال المشاكل
الحلب ديل احلي ناس انا اتربيت بينهم نقادة شندي
انا ماخبيرة في الانساب بس ورينى انت نصنفكم وين

[نسايم]

عمو رافت اول حاجة سلامات...
كالعادة بتجيب اصل الكلام
انت بتقول انو الشمالييين هم السببو العبودية في السودان ....
اول حاجة ايوا هم استعبدو ودي عادة ما ابتدعوها ولا جابوها هم كان العالم كلو
يفعلها العرب ...
اوروبا ...
امريكا ...
الكل فعلها ولا زالت توجد لها اثار
وماشايفة زول حاربهم بل بي العكس شايفييين بلاد العم سام هي ارض الحريات
وعلي فكرا انت عارف اعصار كاترينا ضرب احياء الجاااتو او احياء الامريكان
من اصل افريقي او اسيوي او امريكا اللاتينية وامريكا ما حركت ساكن
واتصلحت بي جهود فردية لا اتصدرت الاخبار لا زموووهم بيها لسة هي بلد الساواة والحرية
واحنا احفاد المستعبدييين ديل المفترض نتحاسب بدل اجدادنا
ما اظن
راااجعة ليك تانى

[رأفت ميلاد]

المشاركة الأصلية كتبت بواسطة نسايم

تحياااات وسلاماااات يا عمو
دا الكلام البجيب الهوا وهو الجاب لي اهل الشمال المشاكل
الحلب ديل احلي ناس انا اتربيت بينهم نقادة شندي
انا ماخبيرة في الانساب بس ورينى انت نصنفكم وين

دى حقو يقراها شوقى بدرى عشان يشوف الخواجة منو .. تعرفى يا نسايم ياهم بتوع الفراد والفسيخ .. حلب شندى .. بعد ده راح أناديك يا مقدس

[نسايم]

وتوضيحة انا ماقصدي البوست عن الزبير باشا
قبل فترة اتفتح بوست عن اسماء الشوارع
وجات سيرة شارع المك نمر ملك الجعلييين
وردت عليهو واحدة من المتداخلات انو دي عنصرية
مع انو انا متاكدة انو ماف زول عارف
مين السماهو ولا الاسباب

[فتحي مسعد حنفي]

المشاركة الأصلية كتبت بواسطة نسايم

تحياااات وسلاماااات يا عمو
دا الكلام البجيب الهوا وهو الجاب لي اهل الشمال المشاكل
الحلب ديل احلي ناس انا اتربيت بينهم نقادة شندي
انا ماخبيرة في الانساب بس ورينى انت نصنفكم وين

وبعد لأي فسر الماء بالماء وجيتك يا عبد الموجود تعين لقيتك تتعان..
يعني أنا أسألك سؤال تقومي تردي علي بنفس السؤال وهو أنا كان عارف الاجابة كان سألت من أصلو؟
دي نفوتها بس تقولي لي انت بت منو في شندي عشان اعرف اللسان الطويل دا جا من وين وعشان ما تتلخبطي حأبدأ أنا أهلي أنا في شندي آل شفيق ومحمد همام...وعمي عباس حنفي صاحب اللكوندا الورا لوكاندة المحطة ونسايبنا كتار ...هاشم عباس صبحي وميرغني محمد مصطفي والمرحوم مصطفي محمد مصطفي وأخوهم الكبير حسن وديل بقولوا ليهم أولاد العميد وفي غيرهم كتير..وبالمناسبة أنا من مداخلاتك دايما بكون عندي احساس انك بتعرفيني شخصيا..وللا انا غلطان
بالمناسبة أنا من خلال غربتي اكتشفت ان الحلب وبالذات أقباط السودان هم أكثر الناس انتماءا للسودان ودا كلام قالوا ليك عمك رأفتوأظنك انتي ذاتك حلبية زينا..

[منال]

المشاركة الأصلية كتبت بواسطة فتحي مسعد حنفي

وعشان ما تتلخبطي حأبدأ أنا أهلي أنا في شندي آل شفيق ومحمد همام...وعمي عباس حنفي صاحب اللكوندا الورا لوكاندة المحطة ونسايبنا كتار ...هاشم عباس صبحي وميرغني محمد مصطفي والمرحوم مصطفي محمد مصطفي وأخوهم الكبير حسن وديل بقولوا ليهم أولاد العميد وفي غيرهم كتير..وبالمناسبة أنا من مداخلاتك دايما بكون عندي احساس انك بتعرفيني شخصيا..وللا انا غلطان
بالمناسبة أنا من خلال غربتي اكتشفت ان الحلب وبالذات أقباط السودان هم أكثر الناس انتماءا للسودان ودا كلام قالوا ليك عمك رأفتوأظنك انتي ذاتك حلبية زينا..

كدى يا خواجه خلى السلبطة لمن عمو رافت يجى يورينا الحلب و الاقباط و يفض الاشتباك بعدين نخلى ناس القرير و الطمبارة و خلود يقولو حاجة فى الغنا السمح ده
بعدين يا الجيلى الحقنى .....و افزعنى.... و انجدنى بالسودان الوطن و الهوية ....هسه عمو معتصم فى دقنسو شايل كلامو و جاييك..... و نخلى عمو بابكر لظروفو للرد .... و يا فيصل جهزت الاغنية اللات العرضة حقت الجعليين ....شبارقة اعرض و هز عصاتك و انا بنكع اديك الشبال ...عمو عكود جهز الفصيدة الكاربة ديك ....خلى الحلب يورنا الانتماء دى كيفين