*** مصطلحات عامّية سودانية ***

[منال]

المشاركة الأصلية كتبت بواسطة محمد أبوعاقلة

الشائل شمسك في جواك ...خليها تبين للناس تطلع
والرحراح يعني الواسع

وين تلقى الفرحه وتتهنا في دارا ضيقة ومافي براح...
جم ناسا من عين العطشان تخطف ومضات البرق اللاح ...
سايب اهلك ونخلك راحل قول لي وين ماشي ووين يا صاح ...
الشمس النايري ابت تطلع النيل يازول اصبح رحراح
الضل قصر ماغطى رويس ولدا ساكت عرق الكتاح...
الواطة ابت تديك الخير والانت عليك ما هابي رياح...
قول لي وين ماشي ووين ماشي ولشن سايب بلد الصلاح...
النسمة ان جاتك بتجيك ملياني عبير عند البياح...
الموية ان داير تلقاها نقاعا و اطيب من الراح ...
ان درت نغبم الموج تلقاه وان درت كمان الطير صداح...
ارجع ارجع يازول ارجع...

ما بتسمع (دي مني)

ههههههه حلوة منك

الشمس النايري ابت تطلع النيل يازول اصبح رحراح...

لكن يا محمد فى الشطر الاول المعنى البجى فى ذهنى الشمس ما طلعت و النيل بكون واسع ..كيف يعنى متمدد فى حالة الفيضان و دى بعيدة لانو رحراح لما تربطها مع الشمس بجى معنى لنضب مياه النيل او جفافه ده اجتهاد منى لكن بالجد كدى نعرف المعنى

[شبارقة]

المشاركة الأصلية كتبت بواسطة فيصل سعد

و انت هجيجو دة ما مريحك و لا ما ساري بالك
ولا طرفك من طبعو نعسان

[align=justify] الواحد فيكم زي الدابي ما يطلع إلا لما يكبو ليهو مويه أو شطة مدخنه في جحرو

مشتاقين وبركة الشفناك طيب وجيدن جيت[/align]

[شبارقة]

المشاركة الأصلية كتبت بواسطة محمد أبوعاقلة

الرحراح يعني الواسع

المشاركة الأصلية كتبت بواسطة منال

لكن يا محمد فى الشطر الاول المعنى البجى فى ذهنى الشمس ما طلعت و النيل بكون واسع ..كيف يعنى متمدد فى حالة الفيضان و دى بعيدة لانو رحراح لما تربطها مع الشمس بجى معنى لنضب مياه النيل او جفافه ده اجتهاد منى لكن بالجد كدى نعرف المعنى

[align=justify]يا جماعة للمساعدة فقط .... الرحراح له علاقة بالبحر .. يقولوا ليك فلان ده مباري رحراح البحر (والبحر طبعاً قاصدين بيهو النهر).... وبعدين الرحراح ده أديناهو حقو من زمان .... إنتو الظاهر ما قاعدين تراجعوا دروسكم قال الواسع قال [/align] إنت قاصد البراح يا فردة [align=justify]وسلمولي على القيفه والضفة الغربية كمان[/align]

وهاكم الكلام الحلو ده (لمحتك) بمناسبة القيفه لعبد القادر الكتيابي والراحل المقيم مصطفى سيد أحمد :-
[align=center]أقول يا انتى يا اغرق
تلوح لى مدن عينيك وأخاف الضفة ترجع بيك قبل الحق
أخاف غيم المنى الشايل تسوقو الريح ويتفرق
وأخاف وأخاف [/align]

[أشتر]

المشاركة الأصلية كتبت بواسطة منال

لكن يا محمد فى الشطر الاول المعنى البجى فى ذهنى الشمس ما طلعت و النيل بكون واسع ..كيف يعنى متمدد فى حالة الفيضان و دى بعيدة لانو رحراح لما تربطها مع الشمس بجى معنى لنضب مياه النيل او جفافه ده اجتهاد منى لكن بالجد كدى نعرف المعنى

لو اخدتي الكلام على انو استرسال عادي قد يجوط المعني شويتين في راسك ... وهو في الحقيقة قصد الشاعر (مفروض نعرف اسمو عشان الحقوق الأدبية وكدا) بخاطب الزول الهجّة بصيغة (ما فينا زولن ابى عشاو) أو المسافر ليها شنو ... والله اعلم

[أشتر]

المشاركة الأصلية كتبت بواسطة شبارقة

[align=justify] الواحد فيكم زي الدابي ما يطلع إلا لما يكبو ليهو مويه أو شطة مدخنه في جحرو [/align]

ويجينا يقحقح ... القحة ولا صمّت الخشم يا شبارقة ...
بالمناسبة : في قحة كدا بنسمعا عبارة عن تحذير مهذب ... بتعرفا قحة شنو ؟

[أشتر]

المشاركة الأصلية كتبت بواسطة شبارقة

[align=justify] قال الواسع قال [/align] إنت قاصد البراح يا فردة

وبدون تعليق طبعا !!!
المويه ياها المويه ...

يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح

[أشتر]

يــا أم لســــاناً لســـــع معجّن
كلمة كلمة وحروفــــا ضجّن
ديل خدودك غير داعي وجّن
ديل عيونك من غير سبه لجّن

[فيصل سعد]

المشاركة الأصلية كتبت بواسطة محمد أبوعاقلة

وبدون تعليق طبعا !!!
المويه ياها المويه ...

يا الطبيعه الواديك ساكن
ما في مثلك قط في الأماكن
يا جمال النال في ثراكن
ياحلاة البرعن أراكن
في قفاهن تور قرنه ماكن
لا غشن لا شافن مساكن
في الخزام والشيح والبراح

عرفنا منك البراح اها الخزام و الشيح ديل شنهن
قال يقحقح قال ،، مش اخير من ما اعطس و ما القي مشمتين

[شبارقة]

المشاركة الأصلية كتبت بواسطة محمد أبوعاقلة

ويجينا يقحقح ... القحة ولا صمّت الخشم يا شبارقة ...

[align=justify]ههههههه مع تحياتنا لأخينا فيصل ود سعد السمع الرعد وصنقر قعد [/align]

[فيصل سعد]

المشاركة الأصلية كتبت بواسطة محمد أبوعاقلة

ديل خدودك غير داعي وجّن
ديل عيونك من غير سبه لجّن

غلبك الحفظ بقيت تنجر من راسك و تألف وليد اللحظة
ديل خدودك غير داعي وقن عملتها وجن انت رايحة ليك وجنات و لا كيف
و ديل عيونك من نظرة سجن فرمتها سبة و لجن ، انت داير تسب في اللجج و السلام

برضوا ما منك من العليك عارفك معصور و مزنوق زيي كدة حروفك مشتتة و ذاكرتك عشوائية و سلملي على الشغل الوديته الورشة اخيرا داك كان يجي فازي و قالع منها قريب ..

[فيصل سعد]

المشاركة الأصلية كتبت بواسطة شبارقة

[align=justify]ههههههه مع تحياتنا لأخينا فيصل ود سعد السمع الرعد وصنقّر قعد [/align]

و عليكم السلام و الرحمة يا حبيبنا و عزيزنا شبارقة ..
لكن جد خلعتني و لاوزت بي يا حبوب بحسك الاستخباري العالي دا
انت يا زول حضرت سمايتي و لا سرت معاي البحر ،، و لا الموضوع دا ضرب معاك بالحظ و الصدفة،،
و لا سمعتوا و جابوا ليك بضبانته و كدة لانه السالفة التاريخية دي حصرية فقط لاهلنا ناس بري و التكلة و البشاقرة و التكينة و ودراوة فقط و انت ما منها على ما اعتقد و حتي اهلنا في امدر ما عارفنها و ما جايبين خبرها..

[شبارقة]

المشاركة الأصلية كتبت بواسطة فيصل سعد

و عليكم السلام و الرحمة يا حبيبنا و عزيزنا شبارقة ..
لكن جد خلعتني و لاوزت بي يا حبوب بحسك الاستخباري العالي دا
انت يا زول حضرت سمايتي و لا سرت معاي البحر ،، و لا الموضوع دا ضرب معاك بالحظ و الصدفة،،
و لا سمعتوا و جابوا ليك بضبانته و كدة لانه السالفة التاريخية دي حصرية فقط لاهلنا ناس بري و التكلة و البشاقرة و التكينة و ودراوة فقط و انت ما منها على ما اعتقد و حتي اهلنا في امدر ما عارفنها و ما جايبين خبرها..

[align=justify]أولاً: سمايتك دي ما حضرتها طبعاً لفروقات في التوقيت (لصالحي طبعاً) وعلى مستمعينا في الأقاليم مراعاة ذلك
ثانياً : سيرتك للبحر دي كنت أتمنى حضورها ...بس ما تكون باريت الرحراح
ثالثاً : التكله أبشر ولاّ التكلة رفاعة (تكلة أو تكيلات جمع تُكل والمعنى واضح )
رابعاً : ود راوه حصحاصا حلاوه
خامساً : البشاقرة والشبارقة بنات حفرة واحدة ... قف ..الدايه مشتركة [/align]

[أشتر]

المشاركة الأصلية كتبت بواسطة محمد أبوعاقلة

ويجينا يقحقح ... القحة ولا صمّت الخشم يا شبارقة ...
بالمناسبة : في قحة كدا بنسمعا عبارة عن تحذير مهذب ... بتعرفا قحة شنو ؟

انت قصدك يقحقح ولا ينحنح ؟

ينحنح ...

[أشتر]

المشاركة الأصلية كتبت بواسطة فيصل سعد

عرفنا منك البراح اها الخزام و الشيح ديل شنهن

ارجع خلف كم صفحة ... وكان ما جات منك !!!!

المشاركة الأصلية كتبت بواسطة فيصل سعد

قال يقحقح قال ،،

غيرتها لى ينحنح ...

[أشتر]

المشاركة الأصلية كتبت بواسطة فيصل سعد

غلبك الحفظ بقيت تنجر من راسك و تألف وليد اللحظة
ديل خدودك غير داعي وقن عملتها وجن انت رايحة ليك وجنات و لا كيف
و ديل عيونك من نظرة سجن فرمتها سبة و لجن ، انت داير تسب في اللجج و السلام

برضوا ما منك من العليك عارفك معصور و مزنوق زيي كدة حروفك مشتتة و ذاكرتك عشوائية و سلملي على الشغل الوديته الورشة اخيرا داك كان يجي فازي و قالع منها قريب ..

كلامك فيو شك وكان ما فيو شك ما قال طق ..
طق حنك وكدا يا ابو حنكن سنين ...