لا إعترض على وجود أغنياء .. لماذا هناك فقراء

[رأفت ميلاد]

المشاركة الأصلية كتبت بواسطة مواهب


احيانا عندما افكر فى بعض الشعوب المستضعفة وساكنيها واشعر انهم محرومين من ابسط الاحتياجات الاساسية وانظر الى سحنتهم واجدها تشابه واقعهم البائس من تفاصيل ملامحهم واللون وطبيعة الشعر فأجد انها كلها اجتمعت عندهم مع اتفاق البشر على الشكل الجمالى الآخر فأتعجب فى قرارة نفسى ولكنى اقر بان هنالك حكمة ولابد ..

وإذا ادرت فكرك فى المتفاوتات فى هذه البسيطة ستندهش ...
واستحضر هنا معنى ذكره الطيب صالح فى موسم الهجرة يذكرنا بان حقيقة الاشياء قد لا تكون دائما كما ينظرها الاخرون .
(. نحن بمقاييس العالم الصناعي الأوروبي ، فلاحون فقراء ، ولكنني حين أعانق جدي أحس بالغنى ، كأني نغمة من دقات قلب الكون نفسه . إنه ليس شجرة سنديان شامخة وارفة الفروع في أرض منت عليها الطبيعة بالماء والخصب ، ولكنه كشجيرات السيال في صحاري السودان ، سميكة اللحى حادة الأشواك ، تقهر الموت لأنها لا تسرف في الحياة . وهذا وجه العجب . إنه عاش أصلاً ـ رغم الطاعون والمجاعات والحروب وفساد الحكام . وها هو ذا الآن يقترب من عامه المائة ، أسنانه جميعاً في فمه ، عيناه صغيرتان باهتتان تحسب أنهما لا تريان ولكنه ينظر بهما في حلكة الليل ، ...،

سلامات يا مواهب
تعرفى أكتفيت بإقتباس الجزئية دى لأنها هبشتنى وأصابت الكتير من تساؤلاتى .. فموضوعى تأمل .. والتأمل ما ليهو حدود وما عندو إطار .. جزئية الروحانيات ما سفهتها .. ولكنى أتخطاها لأنها (تحد) من التأمل وأحيناً ترفضه .. فالأعتقاد أحياناً يكون قاطع للأفكار ومحدودية للأبتكار والتفكير الخلاق ..
عندما وصف ماركس الدين بأنه (أفيون) الشعوب لم أجد فى ذلك إلحاد ولا تجديف .. لآن الله وهب الإنسان العقل ليعيش به دنياه .. والدين نور يرى به الطريق فى مسيرته بين سكن الكهوف الى شاهق البنيان .. ولكن الذين يخلطون الدين بالحياة يظلون فى داخل الأجحار .. وهذا هو الخدر والأفيون الذى يقتاتونه .. فهم الآن ينعمون بحضارة غيرهم بدون جهد أو عناء

دى فضفضة جانبة وقتية أتخطى بها جزئية الروحانيات الى جزئية تأملاتك الذاتية فى طبيعة الأشياء ..

أستوقفنى أولاً: وصفك للشعوب بالمستضعفة ..

الأستضعاف له مراحل لتكوين المجتمعات .. إستضعاف الدول المستضعفة لمجتمعاتها من الداخل يسوء بها أكثر .. تفضيل قبيلة على قبيلة .. وحارة على حارة .. وفئة على فئة .. مثلاً حارة الفلاتة لدينا عندما قرروا الإرتقاء بها .. أخرجوا منها (الفلاتة) أولاً .. وكان من الممكن الأرتقاء بها بالإرتقاء بهم .. ولكن هم الذين كانوا التخلف .. ولذا كان يجب حذفهم ليحل مكانهم جنس أكثر رقى ..

ثانياً: تأملك للتشابه لواقع بعض الفئات فى بؤسهم وحتى سحناتهم

خلطت هذه النقطة بملاحظة (قرقاش) عن قوم بنو ساسان فى البخلاء .. فقز تفكيرى الى الغجر كجنس متفرد فى الأنفصال .. والفلاتة أنفسهم وقبائل أخرى تحكمها قوانيين متفردة لا تهتم بقانون أين يسكنون مثل الزبيدية والبنى عامر .. وبما أن الأخيرين أختلاف قوانينهم فقط أجتماعية .. نجد الغجر خير مثال لشمولية قوانينهم وعدم الحياد المطلق عنها
رغم هذه النظرية تعارض الفكرة الأولى بأن التمييز بفعل بفعل فاعل بل بإختيار مطلق .. لا تلغي وجودها بأن هناك فئات تكونت بإنعدام العدالة الإجتماعية وليس بالحكمة الإلهية ..
ولا أعتقد قبائل مثل الغجر حكمة إلهية أيضاً .. ولكنها مكونات مجهولة الجزور .. مثلاً فى (رومانيا) التى تعتبر موطن مجازياً لهم لكثرتهم فيها دون دول العالم الذين يكثرون فيها .. هناك فشلت العدالة الأجتماعية فى إحتوائهم ..

عن إبحارك فى كلام الطيب صالح العميق .. أفوق منه بتأملات أخرى .. بمتاعب العالم المتحضر (الصناعى) الذين يتوقون الى هكذا حياة بسيطة .. ولا يرونا بهذا المنظار القاتم الذى نعتقده .. بل هم يخلقون حياة (صناعية) محاولة للعيش فى بساطتنا وتلقايتنا .. يصنعوها فى الأحراش والمناطق الغير مأهولة وحتى فى أكواخ فى وسط الجليد .. ولكن هيهات أن يعيشونها بتلقايتنا وسليقتنا .. فتخرج مشوهة وبدائية عكس أصالتها عندى .. وذلك يعود بى لأقول نحن (أهل الوسط) الذين نعيش فى وسط هذا وذاك .. وإنحيازنا قليل من هنا وهناك (نعتقد) أن غيرنا يستضعفنا .. فلسنا قنوعين بحالنا الذى نحبه كما نجح فى ذلك الغجر ..

معليش يا مواهب على هذا الكم من التناقضات .. ولكن حديثك الأقرب الى قلبى للقناعة

[الرضي]

المشاركة الأصلية كتبت بواسطة مواهب
فإننا بشر ونظرتنا قاصرة فى كثير من المناحي والخالق عز وجل يدبر كل الامور لحكمة يعلمها .وليست هذه سلبيه ولكنها تيقن من الامر كذلك وليس سواه.

بعد الإذن من عمو ... داير أرد على نقطة تحميل الله سبحانه وتعالى أخطاءنا ... لأن في كل الأديان .... وخاصة الكتابية ... تعرف الدنيا بأنها دار ابتلاء وليست دار جزاء أي دار امتحان على افراد المجتمع تغير حالهم فيها إلى الأفضل عبر الوعي .. والعمل الصحيح.

ومن هنا فالمجتمع الزاخر بالظواهر السلبية .. هو كالفصل البليد ... عليه تحمل مسؤلية بلادته .... وعلى أفراده أن يغيروا ما بأنفسهم ..... وأقرب مثال بلادنا العربية .. مقارنة بالبلاد الأوربية ... ففي بلادنا قضى الطغيان - عبر الاحتيال - على الفرق بين الحاجة والطموح ... بمصطلحات وأساليب فاسدة مثل الاشتراكية .. واستغلال الدين ... وقضايا المهمشين ... ففسدت البلاد وهلكت العباد .. وفي الغرب تم توفير الحاجة .. وفتح الباب أمام الطموح .. فصلحت البلاد وصلح حال العباد.

[الرضي]

المشاركة الأصلية كتبت بواسطة رأفت ميلاد
ياالرضى صباح الخير
تعرف نوع السباحة الذاتية دى ما بتفوتنى .. متابع معاك بصوفية كاملة .. روحانيات الأنسان عندما ترتبط بالطريق أو السفر قمة الشفافية الأنسانية وعمق التأمل .. بجيك فى محلك بس ما قبال ما تكمل تأملاتك

تحياتي رأفت وفي الحقيقة مسالة الفقر والغنى موضوع جيد للتفكر في حالنا ومحاولة التغيير



مؤكد في انتظارك بهناك لإثراء الحكاية.

[هشام ديدي]

المشاركة الأصلية كتبت بواسطة رأفت ميلاد

ياترى هل هكذا الدين .. أم نفهم نحن بـ(الناكوسى) .. ياترى ماهو الناكوسى .. عموماً هكذا تقال وتعبر عن نفسها .. مثل (الجلكين) .. فالأنسان يحس الجلكنة عندما يجلكن .. فكيف حال طفل قد جلكن فى سن العاشرة لأنه لم يضوق من الزاد أفيده ..

الفقير الذى أقصده ليسر الذى أفتقر .. ولكنه أكتسب اللقب وراثة وسيسلم الراية لأحفاده ..

هل هم خلق آخر!!

يا رافت انا هنا غريب واحس بهذه غربه ...اول حاجه بحثت عنها بيت ..

وجدت المسكن لي وبعد كده .. ساااهل ..ولا انت قاصد البلد ..يعني السودان

دي انسي ....وخليك مفتح.... لو كده انت قاصد.

[كيشو]

[QUOTE=رأفت ميلاد;465973] ويا ترى ربنا ماشى بتين يوضح لى ..


[justify]يا زول إتا قاعد وين؟
ربنا وضح ليك من زمااااان
غايتو أنا متمني اللحظة البتضرب فيها جبهتك بباطن كفك وتقول: أخخخخخ
كفاك تجميع داتا ياخ
[/justify]

[يحي عثمان عيسي]

الفقر هو القهر
الفقر يقول لاهل النعمه :
إكره جمع الفقراء
فهمو يتمنون زوال النعمة عنك
ويقول لاهل الفقر:
ان جعت فكل لحم أخيك
الله يقول لنا كونوا احبابا محبوبين
والفقر يقول لنا كونوا بغضاء بغاضين
إكره ... إكره هذا قول الفقر
( صلاح عبد الصبور )
الحبيب رأفت

لم يبرأنا البارئ ليعذبنا
لكن كي نمرح تحت عباءته كالحملان المرحة

فمثقال ذرة من خير
ومثقال ذرة من شر

[بابكر مخير]

المشاركة الأصلية كتبت بواسطة رأفت ميلاد

يحصد الأغنياء الحسنات ويفوزون بكفارة ذنوبهم بتصدقهم على الفقراء ..

ماذا عن الفقراء !!
كيف سيكفرون عن سيئاتهم ..
ربما لن يدخلون النار .. وكفاهم جحيم الدنيا
ولكن ..

ماذا سيكون حالهم فى الجنة .. عشوائى أيضاً

الفقراء ديلآ؟!؟!؟
الفئة المستحقة للإعتذار،،
مش قالوا؛ بعدين بيعتذروا ليهم
وديل أهلي

[بابكر مخير]

إتا يا روفي إتقمصتا شخصية القائل؛
لو كان الفقر رجل !؟
لقتله...

إتا ليه زول "الدين" بيقولوا ليهو "فقير"

[رأفت ميلاد]

المشاركة الأصلية كتبت بواسطة قرقاش
تعرف يارافت ياحبيب ..
انت الان مهياء تماما .. .. لقراءه روايه نجيب محفوظ ...اولاد حارتنا ...خصوصا ..بعد سوالك الرهيب ...هل هو عدل الهى ام ظلم انسانى ..؟
عندنا فى الباص بتاعنا واللى هوه اخر موديل .. معلقين يافطه لوقلبتها على اى جهه..تجد انها فعلا صادره عن جهات عليا بجد ..تقول ما معناه ..اانتم تزرعونه ام نحن الزراعون ..
وهى حقيقه فماذا نفعل نحن غير اننا نضع البذره ونسقيها ثم ننظر لتنتج لنا البذره ملايين البذور ..
وفى النهايه ليس مطلوب منك غير ان تضع البذره فى الارض وتاكل ..
اما الصحه وشيل الكتف ..وطير العيون فى السماء ..وشيل الارض برضه فى لافته فى اخر الباص ..تقول الارض واسعه هاجروا فيها ..
رافت ... غارودى مات امبارح ..الله يرحمه ..

الله يرحمو ياخ .. أنت غارودى كان بيكره اليهود شديد كدى ليه
سيبك من ده خلينا فى باصك العجيب ده .. (باصك) دى تحمل معنايين كلاهما وارد .. أنا مشكلتى البذرة دى .. تديها الموية تقوم تقوم (ده طباق ولَ جناس ولّ جنس جرسة) .. المهم لامن تقوم ليه ناس بتنفعم وناس بتضرهم .. موش ياها نفس التربة الماشين ننكمد فيها .. ليه الفرق فوق ما زى جواها

المشاركة الأصلية كتبت بواسطة قرقاش
الله يسامحك يارافت سوالك زى الجرس البيدق فى دماغى طوال اربع وعشرين ساعه ..وكاننى انا المسئول ..
المهم لايوجد احد معدوم الرزق ..ولكن هناك من يابى ..وهناك من يعرف طريقه للحصول على رزقه طريقه تعجبه هو وقد لاتعجب اخرين
الجاحظ فى كتابه البخلاء حكى عن بنو ساسان ..وهى قبيله متخصصه فى الشحده
ثم ياخى عرفنا من هو الفقير .فى نظرك ..
يعنى ممثلا من يملك صحه هوك هوغن او جون سينا ...وهو لايملك بيت وعشاء بكره ..؟؟
ام من يمكلك كنوز الدنيا والعالمين وهو طريح السرير الابيض ..يحنسوا تحنيس عشان يشرب عصير العنب ولا خلطه الفواكه المشكله

الفقير من هو يفقد ماء وجهه .. تعرف عندى أخوى من النوع الما بقدر على الأزية .. لامن نمر قدام الجامع الكبير بتخارج قوام قوام .. ولامن يجيهو شحاد بخب منو وكان حصلو .. بديهو الفى جيبو سريع عشان يتخارج منو .. بقول دايماً (الحمدلله الناس ديل ما خلقتهم أنا) .. يوم طالعين من أجزخانة لاقتنا مرة عملت فيها بتعرفو .. سلمت عليهو وأدتو نخسة بصباعا فى يدو .. مسكا طلع بيها بره الأجزخانة وأداها قروش كتيرة وركب عربيتو وأتخارج .. قلت ليهو ده شنو ده .. قال لى (يا محتاجة شديد يا أنا شامى كابور)

ياخ بتونس معاك بى صوت عالى ساكت .. لا جرس ولا شيئ ولا تشغل بالك .. لكن السرير الأبيض ده المشكلة .. زى الحلفاوى لا من قالوا ليهو ما تخاف الموت واحد .. قال ليهم (ما ده المصيبة ذاتو)

[رأفت ميلاد]

المشاركة الأصلية كتبت بواسطة عبدالرحيم ابراهيم العبيد
الاخ العزيز/رافت ميلاد والاسره الكريمه
تحياتنا وأشواقنا
وينكم رد علي التلفون
ولا منعوك
دمتم والجميع بالف خير وعافيه

عبد الرحيم كل يوم أشوف مداخلتك دى أعاين للتلفون .. ياخ منعونى شنو .. أنا رمو طوبتى زمااان .. يا حليل زمن المنع لامن الواحد كان فيهو رقشة

[رأفت ميلاد]

المشاركة الأصلية كتبت بواسطة الرضي
بعد الإذن من عمو ... داير أرد على نقطة تحميل الله سبحانه وتعالى أخطاءنا ... لأن في كل الأديان .... وخاصة الكتابية ... تعرف الدنيا بأنها دار ابتلاء وليست دار جزاء أي دار امتحان على افراد المجتمع تغير حالهم فيها إلى الأفضل عبر الوعي .. والعمل الصحيح.

ومن هنا فالمجتمع الزاخر بالظواهر السلبية .. هو كالفصل البليد ... عليه تحمل مسؤلية بلادته .... وعلى أفراده أن يغيروا ما بأنفسهم ..... وأقرب مثال بلادنا العربية .. مقارنة بالبلاد الأوربية ... ففي بلادنا قضى الطغيان - عبر الاحتيال - على الفرق بين الحاجة والطموح ... بمصطلحات وأساليب فاسدة مثل الاشتراكية .. واستغلال الدين ... وقضايا المهمشين ... ففسدت البلاد وهلكت العباد .. وفي الغرب تم توفير الحاجة .. وفتح الباب أمام الطموح .. فصلحت البلاد وصلح حال العباد.

ما قصرت والله
الدين شماعة بنعلق فيها خياباتنا وفشلنا

[رأفت ميلاد]

المشاركة الأصلية كتبت بواسطة هشام ديدي
يا رافت انا هنا غريب واحس بهذه غربه ...اول حاجه بحثت عنها بيت ..

وجدت المسكن لي وبعد كده .. ساااهل ..ولا انت قاصد البلد ..يعني السودان

دي انسي ....وخليك مفتح.... لو كده انت قاصد.

عاد كيف أنسى يا هشام .. ياخ الزول بقى قاعد مع نفسو براهو غريب .. ما وسط الناس بس .. أها البيت ناوى تقعد فيهو وتتاوق بخرم المفتاح

[رأفت ميلاد]

المشاركة الأصلية كتبت بواسطة كيشو
[justify]يا زول إتا قاعد وين؟[/justify][justify][/justify][justify][/justify][justify][/justify][justify]
ربنا وضح ليك من زمااااان
غايتو أنا متمني اللحظة البتضرب فيها جبهتك بباطن كفك وتقول: أخخخخخ
كفاك تجميع داتا ياخ
[/justify]

هسى عليك الله يا كيشو ده ذاتو ما ضرب جبهة .. الله إدينى قناعتك دى .. هى الداتا دى كل ما نجمعا نعمل ونعل ري ستارت نتحير زيادة

[هشام ديدي]

المشاركة الأصلية كتبت بواسطة رأفت ميلاد

عاد كيف أنسى يا هشام .. ياخ الزول بقى قاعد مع نفسو براهو غريب .. ما وسط الناس بس .. أها البيت ناوى تقعد فيهو وتتاوق بخرم المفتاح

بديت احس بغربه براااااي بعد 10 سنين..غايتوا الواحد بقي يكووورك يا الله زوجه وجات الزوجه

تفقدك و تونسك ...الواحد هنا براااهو ..تمسك ولا لا ..غايتوا انا لله

موضوع جميل منك اخ رافت. سلامي

[كيشو]

المشاركة الأصلية كتبت بواسطة رأفت ميلاد

هسى عليك الله يا كيشو ده ذاتو ما ضرب جبهة .. الله إدينى قناعتك دى .. هى الداتا دى كل ما نجمعا نعمل ونعل ري ستارت نتحير زيادة

.. الله إدينى قناعتك دى ..

[justify]آمين يا رأفت، رغم إني كنت عايز ليك احسن من قناعتي
موضوعك دا عايز الناس تتفق وتقسّمو على محاور عشان ما يتشتت، وعشان كمان الواحد على أنواع ىالفقر نوع نوع
انا ربنا جعل رزقي في التعامل مع الفقر الواااحد دا، لكن كل يوم لقى لي واحد يدعي الفقر، أو يدخل فيهو عينك عينك، أها الزي دا فقير ونوع الفقر بتاعو عايز علاج وحرب كمان[/justify]

هى الداتا دى كل ما نجمعا نعمل ونعل ري ستارت نتحير زيادة

[justify]إتا ما سمعت بي (ومن باب الاحتياط)
أها من باب الاحتياط كدا أرسى ليك على بر، وبعد داك أرجع وكمل.. داتا داتا.. وري ستارت(دي عندنا فيها حديث شريف، تلقاك عارفو)
ما عارف ليه اتذكرت معتصم الطاهر في اللحظة دي
رغم إنها لحظة حافظ حسين[/justify]