لحن الخميس

[التربال]

أستميحكم عذراً أحبائي (فطاحلة) لحن الخميس،، لأشغل هذه المساحة (بدري،، بدري) قبل الشمس ما تدخل عندكم.. وأهديكم إحدى روائع الرائع الراحل المقيم عثمان حسين..
أخص بالإهداء الحبيب (أسامة) معاوية.. "عليك الله يا أسامة إتخيل نفسك قاعدلك فوق حجر وراء البيوت في ضو القمرة،، ويجيك اللحن دة من بعيد كدة من (رادي) جبر الله واللا جمال الدين.. آآآآآآآآآآآآآآآآآآآخ..

[rams]http://sudaniyat.net/up/uploading/دمع الحنين.wma[/rams]

[سمراء]

التربال معليش ياخ
اعتبرنى جيت مارة جمب الحجر بتاع صاحبك ده زاتو ..وعتر لى
وفى اثناء كده قعدتهاسمع فى الاغنيه الحلوة دى ،،
مشكور كتييييييييييير

[التربال]

المشاركة الأصلية كتبت بواسطة سمراء

التربال معليش ياخ
اعتبرنى جيت مارة جمب الحجر بتاع صاحبك ده زاتو ..وعتر لى
وفى اثناء كده قعدتهاسمع فى الاغنيه الحلوة دى ،،
مشكور كتييييييييييير

الأستاذة سمراء
مشكورة على تكبدك المشاق،، والمرور بي فوق حجر صاحبي ده.
لكن بيني وبينك إن لحقتي وقعتي فوق الحجار الوراء بيوتنا ديل،، بتبقي في أمراً ضيق (والعجب العجيب إن بقيتي من بنات الصعيد).. إلا غايتو أخونا أسامة (يختف) "كراعو" (مع إنها هسع بتكون بقت رجل).. ويكورك لي (علي أحمد).. واللا يتناولوك سريع بي (حمارة) يودوك لي (محمد علي الحكيم)،، عشان هناك في البلد ما عندنا (999)..
وكمان تبقي (شقية حال) إن بقى (وقعتك) دي شافوها ناس (علي أبوزيد وود الحسين)..
(بس أن متأكد سماع رائعة أبو عفان عند اللزوم حينسيك آلامك كلها..)

[عادل عسوم]

هسعيتي فيييي ضمتك يالتربال كلام سمراء دي صدقتو؟
البنيّي دي بي كعبا العالي أبومسمار دة باقيلك بتقدر تجي علي حجركم داك
أنت كان راديك دة تختو فوووق لي ناس طه حمد ديك في الخلا
كدي سمراء دي بتقدر تجي شاقي السهلي القدام ناس نور الجليل وناس علي حمّد احمد ديك وتصلكم أنت وأسامة

لحن جميل يسوق الناس الى زمن جمييييل ياحبيب
لك الود
ولضيوفك الأعزاء

[التربال]

المشاركة الأصلية كتبت بواسطة عادل عسوم

هسعيتي فيييي ضمتك يالتربال كلام سمراء دي صدقتو؟
البنيّي دي بي كعبا العالي أبومسمار دة باقيلك بتقدر تجي علي حجركم داك
أنت كان راديك دة تختو فوووق لي ناس طه حمد ديك في الخلا
كدي سمراء دي بتقدر تجي شاقي السهلي القدام ناس نور الجليل وناس علي حمّد احمد ديك وتصلكم أنت وأسامة

لحن جميل يسوق الناس الى زمن جمييييل ياحبيب
لك الود
ولضيوفك الأعزاء

الحبيب ود عسوم
مشكور على المرور..
لكن كما يا عادل بتنا سمراء دي (بي كعبها العالي) ده ما بتقدر على الرملة حقت (خور المضواب) دي،، وبعدين دي مسافتن ماها هيني من بيت نور الجليل لا عند بيت المرحوم (غوالي)،، غايتو إلا كان يلحقوها بي (صاجات) من أحمد حامد،، واللا تجيها النجدة بي (سفنجة واللا جزمة عروسة) من بنات الحوشاب..

[عكــود]

[align=center]لا تعاكسيني أنا يا ظروف..
للبلد مشتاق داير أشوف..
أمشي أمر فوق نيلها العطوف..
ولي جناينها فوق الجروف..
(يا آخي وديني أنا للبلد).. [/align]

سلام يا التربال،

الأغنية ما فتحت معاي . .
لكنّي قادر إتخيّلها.
قطع شك ماها "سيلين ديون" ما دام بتجيك من رادي جبرالله.

والشوق للترابلة أهلي.

[التربال]

المشاركة الأصلية كتبت بواسطة عكــود

سلام يا التربال،

الأغنية ما فتحت معاي . .
لكنّي قادر إتخيّلها.
قطع شك ماها "سيلين ديون" ما دام بتجيك من رادي جبرالله.

والشوق للترابلة أهلي.

[font=Times New Roman]الغالي عكود..
تسلم يا الحبيب..

(سيلين ديون) شنو يا آخوي؟؟ (تفها من خشمك)..
أنا أسأل في الله صباح ومساء يوديني البلد،، تجي تقولي (سيلين ديون).. آل سيلين ديون آل!!
بعدين يا الحبيب إنت ذاتك يظهر عليك الغربة (خربتك)،، بقيت تقول (الترابلة) بدل (الترابلي).. الله يسامحك..[/font]

[عكــود]

بعدين يا الحبيب إنت ذاتك يظهر عليك الغربة (خربتك)،، بقيت تقول (الترابلة) بدل (الترابلي).. الله يسامحك.

والله يا التربال باقي لي حديسك ياهو في محلّو،
شوية كدي وأحق خالد الحاج

الحالة دي قع أنزل البلد كل سنة!

[التربال]

المشاركة الأصلية كتبت بواسطة عكــود

والله يا التربال باقي لي حديسك ياهو في محلّو،
شوية كدي وأحق خالد الحاج

الحالة دي قع أنزل البلد كل سنة!

خلاص يا جنا العكوداب سامحناك و (قع) دي جبت ما قبلها..
بالنسبة لي أخونا خالد الحاج دة أنسى موضوعه،، وتاني البركل دي إلا كان يدخلها بي (تأشيرة زيارة وبس)....
تخريمة: بتنا سمراء،، غايتو كان عرفتي (قع) اللت عكود دي،، معناها بتقدري تصلي الحجار الورا بيوتنا وتسمعي معانا رادي جبر الله..