حميد و الصادق الرضي بالشارقة

أبوبكر عباس · 23-02-2010, 04:27 PM

حميد و الصادق الرضي بالشارقة
يستضيف النادي العربي بالشارقة الشاعرين حميد و الصادق الرضي في أمسية شعرية.
الزمان: الجمعة 26/2/2010 الساعة السابعة و النصف مساءا (المواعيد غير سودانية).
الدعوة لناس الأمارات و عمان*

* يؤجد مبيت لناس عمان، بدع زايد و الرويس.

أبوبكر عباس · 23-02-2010, 06:03 PM

لن تكون صفريا أيها الغالي..
فوق... فوق...

فتحي مسعد حنفي · 23-02-2010, 06:05 PM

اقتباس:

المشاركة الأصلية كتبت بواسطة بابكر عباس

لن تكون صفريا أيها الغالي..
فوق... فوق...

آي كدا الا تشحت ليهو ياصفر ملخبت بي نحاس..شوف بعد دا حيدور كيف

رأفت ميلاد · 23-02-2010, 06:08 PM

اقتباس:

المشاركة الأصلية كتبت بواسطة بابكر عباس

لن تكون صفريا أيها الغالي..
فوق... فوق...

البوست ده ما صفرى .. ده إعلان مفروض طوالى يثبتوا ليك زى حق السفير داك

ولّ أنت بتاع جمال ساكت

بجدية كده ألفت إنتباه خالد برسالة داخلية .. بتبتو طوالى .. وبعدين القصة فيها حميد يمكن يضرب ليك تلفون

رأفت ميلاد · 23-02-2010, 06:09 PM

اقتباس:

المشاركة الأصلية كتبت بواسطة فتحي مسعد حنفي

آي كدا الا تشحت ليهو ياصفر ملخبت بي نحاس..شوف بعد دا حيدور كيف

ياخ نفسى الزول ده أدخل قبالو

أبوبكر عباس · 23-02-2010, 06:11 PM

اقتباس:

المشاركة الأصلية كتبت بواسطة رأفت ميلاد

البوست ده ما صفرى .. ده إعلان مفروض طوالى يثبتوا ليك زى حق السفير داك

ولّ أنت بتاع جمال ساكت

بجدية كده ألفت إنتباه خالد برسالة داخلية .. بتبتو طوالى .. وبعدين القصة فيها حميد يمكن يضرب ليك تلفون

يس أعتقد إنو حمبد هجا السفير عشان كدا بنثبتو بضراعنا ساكت..
شكرا ليك و لفتحي و إن شاء الله في الافراح

أبوبكر عباس · 23-02-2010, 06:16 PM

اقتباس:

المشاركة الأصلية كتبت بواسطة رأفت ميلاد

ياخ نفسى الزول ده أدخل قبالو

دا اسمو ابو سريع
المشكلة مرات تكون عملت ليك غلطه إملائية أو نحوبة شينة و تجي راجع بعد نص دقيقة عشان تصلحها، تلقاهو عمل الكوبي اند بيست بتاعو و بعد داك ندخل في التحنيس بالرسائل الداخلية (ما زي حقات معتصم)..

فتحي مسعد حنفي · 23-02-2010, 06:16 PM

اقتباس:

المشاركة الأصلية كتبت بواسطة رأفت ميلاد

البوست ده ما صفرى .. ده إعلان مفروض طوالى يثبتوا ليك زى حق السفير داك

ولّ أنت بتاع جمال ساكت

بجدية كده ألفت إنتباه خالد برسالة داخلية .. بتبتو طوالى .. وبعدين القصة فيها حميد يمكن يضرب ليك تلفون

أها جاك كلامي يابوب أهو جاتك عربية الدعاية بتاعة السينما سايقا عمك علي الأكيد بكون لي هسة مات..
المهم احنا معاك بس التزاكر والفيزا عليك وفي الأول تشيل اسمي من قائمة الأمن السوداء..
أها بالمناسبة انت ورأفت بتعرفو صاحبي المرحوم عفيف الدين مصطفي(عفيفي) الربنا توفاهو في دبي..ما عارف شنو الذكرني ليهو هسة..يللا يا رأفت دق الجرس ويابابكر أوعي تسمع كلام رأفت وخلي البوست قبلو ...فوق زي الخور

مجدي مسعد حنفي · 23-02-2010, 06:16 PM

اقتباس:

المشاركة الأصلية كتبت بواسطة رأفت ميلاد

ياخ نفسى الزول ده أدخل قبالو

يارافت دا حلم ابليس في الجنه
الزول دا بنوم ويصحى على الكيبورد

فتحي مسعد حنفي · 23-02-2010, 06:19 PM

اقتباس:

المشاركة الأصلية كتبت بواسطة مجدي مسعد حنفي

يارافت دا حلم ابليس في الجنه
الزول دا بنوم ويصحى على الكيبورد

يللا علينا جاي ..ياشباب ايدكم معانا نرفع البتاع دا.. يرفعو البلا اليفرطق نافوخو كيتا في طيبان

أبوبكر عباس · 23-02-2010, 06:27 PM

طبعا يا فتحي انا عندي غرض من البوست دا...
داير بعد ما أحضر الامسية أقوم اتصور مع حميد و الرضي و أجيب الصورة هنا أقشر بيها عليكم و بعد دا كلو برضو ما بشكر خالد الحاج علي الفرصة دي..

رأفت ميلاد · 23-02-2010, 06:28 PM

اقتباس:

المشاركة الأصلية كتبت بواسطة مجدي مسعد حنفي

يارافت دا حلم ابليس في الجنه
الزول دا بنوم ويصحى على الكيبورد

يا مجدى مرات بكتب وشايفه أف لاين .. أرسل ألقاه قدامى متحكر .. عندو حاجه كده لله ف لله .. يمكن يكون صالح

عكــود · 23-02-2010, 06:34 PM

اقتباس:

المشاركة الأصلية كتبت بواسطة بابكر عباس

حميد و الصادق الرضي بالشارقة
تستضيف جماعة نادوس وأأصحابهاا الشاعرين حميد و الصادق الرضي في أمسية شعرية.
المكان: النادي العربي بالشارقة .
الزمان: الجمعة 26/2/2010 الساعة السابعة و النصف مساءا (المواعيد غير سودانية).
الدعوة لناس الأمارات و عمان*

* يؤجد مبيت لناس عمان، بدع زايد و الرويس.

تسلم يا بابكر على الدعوة والكرم،
صراحة التحتو خط وخاصة البـ الأحمر، عجبتني بالحيل والعجبني أكتر إستثناء أبوظبي من العرض، يعني عمّك بابكر مخيّر يدبّر حالو (هو زاتو البيخلّيهو يتحاوم أنصاص الليالي في الشارقة شنو؟

).

تسلم يا ملك ويا ريت نقدر نلبّي.

فتحي مسعد حنفي · 23-02-2010, 06:36 PM

اقتباس:

المشاركة الأصلية كتبت بواسطة رأفت ميلاد

يا مجدى مرات بكتب وشايفه أف لاين .. أرسل ألقاه قدامى متحكر .. عندو حاجه كده لله ف لله .. يمكن يكون صالح

أبدا بس بخش appear offline ودي خالد الحاج ذاتو ما بقدر يعملا

أبوبكر عباس · 23-02-2010, 06:37 PM

اقتباس:

المشاركة الأصلية كتبت بواسطة عكــود

...العجبني أكتر إستثناء أبوظبي من العرض، يعني عمّك بابكر مخيّر يدبّر حالو (هو زاتو البيخلّيهو يتحاوم أنصاص الليالي في الشارقة شنو؟

).

الزول دا ما بقدر علي السواقة باليل
غايتو إلا تجي تسوقو و تحنسو و تعمل فيها ما عارف قصة سواقة الليل دي..

23-02-2010, 04:27 PM	#[1]
أبوبكر عباس :: كــاتب نشــط::	حميد و الصادق الرضي بالشارقة حميد و الصادق الرضي بالشارقة يستضيف النادي العربي بالشارقة الشاعرين حميد و الصادق الرضي في أمسية شعرية. الزمان: الجمعة 26/2/2010 الساعة السابعة و النصف مساءا (المواعيد غير سودانية). الدعوة لناس الأمارات و عمان* * يؤجد مبيت لناس عمان، بدع زايد و الرويس. التعديل الأخير تم بواسطة أبوبكر عباس ; 24-02-2010 الساعة 05:27 PM.
أبوبكر عباس :: كــاتب نشــط::

23-02-2010, 06:03 PM	#[2]
أبوبكر عباس :: كــاتب نشــط::	لن تكون صفريا أيها الغالي.. فوق... فوق...
أبوبكر عباس :: كــاتب نشــط::

23-02-2010, 06:27 PM	#[11]
أبوبكر عباس :: كــاتب نشــط::	طبعا يا فتحي انا عندي غرض من البوست دا... داير بعد ما أحضر الامسية أقوم اتصور مع حميد و الرضي و أجيب الصورة هنا أقشر بيها عليكم و بعد دا كلو برضو ما بشكر خالد الحاج علي الفرصة دي..
أبوبكر عباس :: كــاتب نشــط::