موت أير للطيران العالمي

حافظ حسين · 30-03-2010, 07:20 AM

الزمان: التاريخ غير مضبوط و لكن يرجح حدوث هذا الأمر في العام 2063 م
المكان: طائرة موت أير التي تتبع لدولة فيها عندما يسأل مستجد الجيش عن أمانيه و خططه المستقبلية يجيب ب أتمني أن أكون رئيس للجمهورية ,,,و لكن هذه الامنية تحقق فقط لأكثرهم غباءً و مغامرة...في المطار سئ السفلته و البشر تقبع طائرة منهكه متلهلة و ظاهرياً لا تختلف كثيراً عن سائر باقي طائرات الله الأخري .... و بخط ردئي أحمر اللون أجترح بياضها في أكثر من موضع بعبارات مثل:
(موت أير للطيران العالمي)
كما هنالك وشم لحلوف بارز الناب بإضافة قرنين معقوفين... هذا الحلوف الذي يمثل شعار الدولة أيضاً يخترق الجانب الايمن من الطائرة و يغلب الظن انه نقش بنفس ريشة الفنان التي نحتت الجملة أعلاه...
و بنفس الخط و لونه كانت العبارة الأخيرة:
(خارجها العذاب و باطنها الرحمة ).....
عموماً الباطن لا يختلف كثيراً عن الفوضي الخارجية التي لم ينجي منها شئ أو أحد .... علي سلالام الطائرة و المراهقة تعتب شقيات ودعن الطفولة قبل قليل , يحملن قصعات مليئة بالفول السوداني, التسالي, القونقليز ( دقة) و الخ القائمة من مقبلات الفقراء .... يتصايحن بهرج ركيك و جرجرة و مطميط للكلمات للإعلان عن بضاعتهن....
فول تسالي يـــــــا.....
هاك الفول و التسالي يـــا......
يا عمو ما تشيل ليك تسالي يونسك......
و في حال فشل كل العبارات الملحنة في إقناع الراكب بالشراء... تلجأ البائعة الي أخر أسلحتها المجربة صائحة ب:
يا عمو الله يوصلك بالسلامة............
و مهما كان هذا العم غاوي أو متردي إنتحارات سابق فليس مقاومة هذا الدعاء و ساعتها يمكنه شراء كل القصعة و خاصة عندما يقرأ العبارات و الجمل المنحوتة علي ابواب الطواري و جنبات الطائرة ... جمل بعضها إقتباس من أيات قرانية , أحاديث, و أقوال أخري مأثورة ... المحصلة النهائية كلها تذكر و تهيئ الانسان للموت و ذلك مثل:
(و يدرككم الموت حتي لو كنتم في بروج مشيدة)
(الموت حق و الحياة باطلة)
(لا اله الا الله محمد الرسول لله ...... كررها ثلاثة مرات قبل اقلاع الطائرة فالدنيا لم تعد معروفة أو مضمونة أخي المسلم)
بفعل دعاء البائعة و الكلام المنحوت علي جنبات الطائرة المتفرج يشتري دون تردد مصحوب بخوف و أميييييين سرية مدوزنة لتقبل دعاء الصغيرة التي لم تتلوث بعد .... مع بائعات المقبلات كان هنالك اطفال يرتدون قفاطين مهترئة لونها لا يختلف كثيراً عن لون أوجههم المدبوغة بالشمس ,,,, يتأبطون اكياس بها كل شيء بدء بقلامة الأظافر حتي المسدسات كاتمة الصوت ... تنتهي هذه الفوضي لكي تبدأ أخري و هي فوضي طاقم العمل ... هنالك فترة انتقالية بين الفوضتين فيها يتداخل هرج المضيفات مع اصرار و تحدي الباعة عن النزول من الطائرة .....
هوي يا الرضية .... الرضية ... يا بت انا بقول الرضية .... هكذا صاحت كبيرة المضيفات منادية علي زميلتها بالجانب المعاكس من الطائرة ....
سامعاك يا بتول قلتي شنو؟
بتول: تعالي بجاي تجيك الطاوية حبالها إنتي انشاء الله...
الرضية: جيت جيت جيت خلاص ما تنبحيني.....

يتبع بعد الاذن

حافظ حسين · 30-03-2010, 07:28 AM

هذا كان العرض الأول و لطف الله ان بالطائرة بعض الأجانب و لكن لا يعرفون اللغة المحلية جداً....الباعة المتجولون, بائعات التسالي و الفول, عمال النظافة, اضافة الي رجل الراية بالمطار كلهم تأبطوا بموخرة الطائرة بغرض دفرها .... بعد 3 محاولات نجحت الطائرة في الاقلاع بسلام .... تاركة شريط لا نهائي من السواد يفصل بين السماء و الأرض,,,, نساء حي المطار أكثر ما يتجنبنه بعد الخيانات الزوجية شريط طائرة موت أير لان أي محاولة لارجاع الملابس البيضاء الي أصلها الأول تبوء بالفشل ,,, مما حدا بسكان هذا الحي ان يعيدوا تعريف الزوجة الحريفة و ذلك ليس تلكم التي تجيد طبخ الكمونية دون زفارة و إنما تلك التي بمقدورها الإحتفاظ ببياض ثياب زوجها وهي تسكن حي المطار.
الرضية كانت منهمكة بضجر واضح في ربط حزام الامان لسيدة أوفر ويت عندا صاحت بتول كبيرة المضيفات مرة أخري بصوتها المتحشرج:
يا بت انت بتسوي في شنو بغادي؟
الرضية: يا خي المرة دي ما لاقيه ليها رباط قدرها أسوي ليها شنو؟
يسويك كفتة يا بركة رجال بان و السيد عثمان.... خليها و تعالي لي بجاي .... يوم كدا شفت ليك راكب تلب من الطيارة عشان ما مربوط؟...
أثناء مرور الرضية لتلبية نداء كبيرة المضيفات طلب منها أحد الأجانب بصوت هامس قائلاً:
Beer please?
ردت الرضية بكل قرف سائلة جاره الغير أجنبي ....
دا قال شنو؟
المترجم: قال ليك داير بيرة .....
لوت المضيفة فمها مصحوب بتكشيرة في الوجه كالذي إشتم رائحة نتنة و صاحت بما هو أقرب للثكلي:
هييييييييي مقدرة يا ود أمي ....قول ليهو يابا يبربر سواقينك .... هو قايلنا نحن فداديات ... نحن والله بنات أسر ... شوف عليك النبي يا كوستا النصراني الواطي دا..........
كوستا أضخم رجل في العالم و العوالم الأخري ربما .... لا أحد يعرف له أصل أو فصل و تتعدد الروايات حول أصله الأول و كلها روايات مسلية اكثر من انها حقيقية .... عندما عرف الدنيا وجد نفسه عامل نظافة في طائرة و ترقي حتي صار كمساري يجمع النقود الغير شرعية من ركاب الشماعة .... لان حسب قوانين الطيران العالمية يمنع منعاً باتا الشماعة او الدبيل في المقعد الواحد ...... كوستا إضافة الي وظيفته المحددة و لكن لمؤهلاته الجسمانية و طيبته المفرطة أوكلت اليه مهمة فض النزاعات التي لا تنتهي و الا كي تبدأ مرة أخري , مرة بين المضيفات , المضيفات و الركاب, الركاب مع بعضهم البعض .... تدخل كوستا حاسماً الرضية قائلاً:
انتي يا الرضية اخلاقك دايما ضيقة .... و أي حاجة تعملي ليها توم و شمار ... ما تقولي ليهو نحن خطوط ملتزمة ما عندنا بيرة و خلاص ...
هوي ترا يا كوستا انت النصاري الغلف ديل ما بتعرفهم .... تبدأ ببيرة لكن انا عارفاها تنتهي وين... عشان كدا الواحد لازم يقطعوا معاهم بدري بدري....
التفت الأجنبي في اتجاه الذي تطوع للترجمه متسائلاً:
Is she crazy?
بتعبير وجهه ادركت هذه المخلوقة ان هنالك مؤامرة ما تحاك في الخفاء ضدها لذا سألت المترجم متحفزة :
عليك النبي قال شنو؟
المترجم كان طيب و نحيف مما اجبره الكذب علي هذه المستأسدة قائلاً:
لا والله ما قال حاجة كعبة ... بس قال يا خي الزولة دي طيبة و ظريفة؟
قول ليهو طب العجم .... العينة دي ما بتجي الا بالشلوت... هذا كان ردها و أنصرفت...
بعد الانتهاء من عراكها الأول و أثناء مرورها علق أحد الركاب المحليون مادحاً جسدها ب: (ديني انا .... والله دا جسم يودي القسم عديييييييل كدا)
هذه العبارة made her day مما جعلها تبتسم طول زمن الرحلة و هي تتأمل بوقاحة جسدها الذي يؤدي الي القسم .. كما أصابت المتغزل بالتخمة لما حبته به من طعام تكفي إطعام عشرة اناس معقولي الشهية.....
أحد الأطفال حاول أخذ الأكل قبل دوره في الصف فما كان من المضيفة الا ان صرخت في أمه صائحة:
دي شنو عدم التربية دي ... ولادة بلا هيادة
الأم: معليش ما هو شافع صغير
المضيفة: صغير شنو ما بربي بيهو .....

يتبع

حافظ حسين · 30-03-2010, 07:33 AM

عندما إنتهت المضيفات من إطعام الكل و تفرغن لقراءة الحظ بحبات الودع و بقايا رواسب البن انطلقت صرخة رعب و ألم من أحد السيدات الجالسات في المقاعد الأمامية أثر هذه الصرخة هرولت جموع المضيفات و المتطفلون الي مكان الحدث حيث سيدة أربعينية العرق يفصد وجهها المكفهر ....عيونها تستجدي في ركاب الطائرة و الله ..... هرولت الجوقة الي إتجاه الصراخ و عندما عرف السبب ضربت كبيرة المضيفات علي صدرها قائلة:
سجمي والله جنس دا ما سمعنا بيهو لا شفنا.....
مضيفة أخري: وقت الواحدة عارفة روحها تامة البوديها تركب طيارة شنو غايتو نسوان مهملات كيف؟
يا بناتي خلاص الحصل حصل و إنتن ذاتكن نسوان عليكم الله باصروا اختكن دي.... هذا كان رد الرجل الجالس بجوارها و الذي لم يكن سوي زوجها و والد الطفل القادم
أحد المضيفات ردت بعجرفة قائلة: أسمع هنا نحنا مضيفات ما دايات ....
الزوج: عارف و الله لكن للناس ظروف
وسوست الرضية في إذن كبيرة المضيفات قائلة: أسمعي نحن نجازف المرة دي ... ولدت أهلاً و سهلاً و نلقي لينا قرش قرشين و إحتمال يكون في أجر ذاتو.... ماتت ... لا هي اول مرة تموت بالولادة و لا أخر واحدة ... نبدا يا بلدة و نحن في الحالتين ما خسرانين حاجة ......
بعد مدة ليست بالطويلة أطلق الطفل صيحات العذاب المصحوبة بزغاريد اتت من غرفة الولادة المرتجلة ... عند سماع الزغاريد هب والد الطفل مسرعاً حتي وقعت عمامته التي كشفت عن رأس يشبه رأس أحد الصقور المقتاتة علي الرمم , صاح مخاطباً جاره ( شكلوا جابوا لي ولد)
خرجت الرضية بتثاقل الدايات المعروف و صافحت الوالد قائلة:
أدينا البشارة
أخرج حزمة من النقود دافعاً بها بفرح غير خفي في إتجاه المبشرة ....
الرضية : أها كيف الوضع التاني...
رفع والد الأطفال حاجبيه إستفهاماً .. فعالجت الأخيرة هذا الإستفهام ب:
لكن شكلك جلكنت خلاص أحسن نخلي ليك كدا....
الزوج: أفوا ........ و اشار الي ذكورته بجلافة لا تخفي علي أحد
الرضية: ما عندنا مشكلة لكن كلو بحقوا....
يتبع

حافظ حسين · 30-03-2010, 07:35 AM

الرضية بصوتها الرجولي أعلنت للجميع قائلة:
أسمعوا يا فرد أنا عندي ليكم اربعة أخبار , تلاتة كويسات و واحد كعب أبدا ليكم بشنو؟
الكويسات يا أخت , لا يا خي الكعب........ الكعب , الكويسات...... الكويسات ,الكعب... هكذا صاح و عج جمهور ركاب الطائرة.
هي ذاتها الديمقراطية الليكم شنو أنا خلاص ببدأ و السلام و حأبدا بالكويسات واضح....
واضح ....... كطلاب مجتهدون رد الكل لتساؤل واضح من قبل المضيفة
الأول: وصلنا البلد
صفق الجمهور علي سلامة الوصول
الثاني: الحكومة إتقلبت قبل شوية
مع التصفيق كان هنالك صفير و صراخ بالإنتشاء.... و لم يخلو من بعض الهتاف الذي ضاع وسط زحمة التصفيق...
الثالث: لا في طيارة تدخل و لا واحدة تمرق .... يعني بالعربي كدا الجوا جوا و البرا برا... و أردفت قائلة: أها سمعتوا لما الجوا يطلع برا..... بس دا الحاصل
إذداد التصفيق و الصفافير المصحوبة بالتعليقات مثل ( هو الداير يمشي زاتو منو .... يا خي الله رحمنا نقعد لينا يومين تلاتة برا)
علا صوتها بنبرة حزن لم تخفي علي أحد و لكن لم تري نتيجة للهرج الذي عم الطائرة..... علا صوتها ( أصبرو أصبروا شوية الكعب جاي)
الخبر الكعب الطيارة قطرة جاز ما فيها
صمت فجأئي خلفيته تلاوة جميلة من كتاب الله ( يا أيها الإنسان انك كادحاً الي ربك كدحاً فملاقيه)
(يعني يا شباب كلنا في الهوا سوا و أرحمنا يا رب العباد ) و هنا تكسرت الدموع علي الخدود و إنتهي كل شيئ....

انتهي

الفاتح · 30-03-2010, 07:36 AM

أهلين.. يا حافظ
دي كتابة قبل المريسه وللا بعد ؟
داير أعرف لأنو لو (فكًت)
بالحاجه الشايفا دي
مابعيد سنة 2063 تلقى الركاب بيلعبوا كورة شراب ،
والمضيفة تورق في الملوخية
والكابتن محوًص
وأنا أعيًط

حافظ حسين · 30-03-2010, 07:40 AM

أهلين.. يا حافظ
دي كتابة قبل المريسه وللا بعد ؟
داير أعرف لأنو لو (فكًت)
بالحاجه الشايفا دي
مابعيد سنة 2063 تلقى الركاب بيلعبوا كورة شراب ،
والمضيفة تورق في الملوخية
والكابتن محوًص
وأنا أعيًط

شليل وين راح ... شكلها دي قبل الميلاد يا منقة
تشكر علي المرور و انا و رافع هذا البوست مثل هذين
-----------------------------
شليل مالك متور علينا الأحزان بصورة عمدتنا دي

حافظ حسين · 30-03-2010, 11:00 AM

يا اخوانا لو في حد داير ترجمة لاي من العبارات يقول......
فليس هنالك حياء في العلم

زول الله · 30-03-2010, 11:19 AM

اقتباس:

المشاركة الأصلية كتبت بواسطة حافظ حسين

انا و رافع هذا البوست مثل هذين
-----------------------------

حافظ حسين اول تبادي مرحبمبك وتاني تبادي برضو مرحبمبك مليون

تدرج صوري رهيب ونقل نوعي بإحترافية عالية
حضور ومتابعة ورفع للبوست - عشان هذين حقتك دي -
بس ماوريتنا مثل هذين وين ؟؟
ماتقول لي في الطيارة

يديك العافية

اقول قولي هذا واستغفر الله لي .............

منال · 30-03-2010, 11:23 AM

اقتباس:

المشاركة الأصلية كتبت بواسطة حافظ حسين

يا اخوانا لو في حد داير ترجمة لاي من العبارات يقول......
فليس هنالك حياء في العلم

خافظ ازيو

اقتباس:

الثاني: الحكومة إتقلبت قبل شوية
مع التصفيق كان هنالك صفير و صراخ بالإنتشاء.... و لم يخلو من بعض الهتاف الذي ضاع وسط زحمة التصفيق...

انتشاء شنو يا عمك

الناس دى من الجوع و الفقر غالبا تصفق قامو السغار صفرو

واقوم اوسع الخيال مرات
و نتاوق الهتاف ده جاى من وين

ويييييى ويييييى

وجات مضفية تقدل و زعردت
ايووووووووووووى اخوان فاطنة جو
كضب
الليلا و الليلا
شوف دى بالاى

مرحبتين و تلاته و الاخيرة مطرشقا
والركاب قالو
ماسورة
حلم الجعان

وفاطنة مستمرة
تكبر ياعلى تشيل حملى

ما تكتر الحلم ياخ

حافظ حسين · 30-03-2010, 11:38 AM

بس ماوريتنا مثل هذين وين ؟؟
ماتقول لي في الطيارة

زول الله في بلاد الله الجميل سلام و محبة .... سعيد بمرورك و انشاء الله تمر في
درب الصراط *ون قو بدون اي تعثر او ملاحق.... شكراً ليك علي الكلمات الجميلة في حقي و دا بالتأكيد ذوقك

يا زول الله انا ابداً ما كنت قاصد الطيارة لكن وقت براك اخترت فلك ذلك يا جميل

--------------------------
* بالله حاول تشرح درب الصراط للناس محدودي الثقافة الدينية يا مان

حافظ حسين · 30-03-2010, 11:44 AM

منال ازيك يا ملكة و انشاء الله كويسة .... لكن لقيتك مبالغة يا منال

حكومة ويييييييييييييي
انقلاب وييييييييييييييييي
انتفاضة ويييييييييييييي
جنة وييييييييييييييييي

حافظ اسماعيل احمد · 30-03-2010, 12:14 PM

السلام عليكم حافظ حسين

انت يازول سكران مريسة بالجد ولا شنو انا فاتح ليك بارت ترحيب
تقوم تخليني انت والجيلي وتفتح ليك مطار كدي
يا عمي واحدة واحدة شنو عايز تطير طوالي انت
في الواطة ماقادر تمشي عديل عاوز تطير
كدي قوم غسل وشك ورحب بناس البار ديل واحد واحد

انت لو ما قادر عليهو بتشربو ليه
قوم جاك حجر ينزلك من السماء طيران اير قال
والله انت جاي من الباقير
دا سلسيون بنكهة شجر العوير ياعمك

حافظ حسين · 30-03-2010, 12:55 PM

حافظ سلام و سجمك رفعت البوست دا ( انا و رافع هذا البوست مثل هذين)... يعني نحن في سرج واحد و أرحمنا يا رب السماء

سمراء · 30-03-2010, 01:17 PM

غايتو كتااااااابة رهيبة جنس رههوبية ..

بس ماقريته شديد

اركز واجيك ياحافظ ...
باقى لقيت سيد التسالى حايم ودايرة اقزقز شوية فى سوق الطير ده
كتاب انت ياخ

حافظ اسماعيل احمد · 30-03-2010, 01:18 PM

اقتباس:

المشاركة الأصلية كتبت بواسطة حافظ حسين

حافظ سلام و سجمك رفعت البوست دا ( انا و رافع هذا البوست مثل هذين)... يعني نحن في سرج واحد و أرحمنا يا رب السماء

سجم خشم سودان طير تقوا لي صن اير
دان كان تزود بالكحول اقصد بالوقود ونواصل الطيران
وطيري ياطيارة وطيري

30-03-2010, 07:20 AM	#[1]
حافظ حسين :: كــاتب نشــط::	موت أير للطيران العالمي الزمان: التاريخ غير مضبوط و لكن يرجح حدوث هذا الأمر في العام 2063 م المكان: طائرة موت أير التي تتبع لدولة فيها عندما يسأل مستجد الجيش عن أمانيه و خططه المستقبلية يجيب ب أتمني أن أكون رئيس للجمهورية ,,,و لكن هذه الامنية تحقق فقط لأكثرهم غباءً و مغامرة...في المطار سئ السفلته و البشر تقبع طائرة منهكه متلهلة و ظاهرياً لا تختلف كثيراً عن سائر باقي طائرات الله الأخري .... و بخط ردئي أحمر اللون أجترح بياضها في أكثر من موضع بعبارات مثل: (موت أير للطيران العالمي) كما هنالك وشم لحلوف بارز الناب بإضافة قرنين معقوفين... هذا الحلوف الذي يمثل شعار الدولة أيضاً يخترق الجانب الايمن من الطائرة و يغلب الظن انه نقش بنفس ريشة الفنان التي نحتت الجملة أعلاه... و بنفس الخط و لونه كانت العبارة الأخيرة: (خارجها العذاب و باطنها الرحمة )..... عموماً الباطن لا يختلف كثيراً عن الفوضي الخارجية التي لم ينجي منها شئ أو أحد .... علي سلالام الطائرة و المراهقة تعتب شقيات ودعن الطفولة قبل قليل , يحملن قصعات مليئة بالفول السوداني, التسالي, القونقليز ( دقة) و الخ القائمة من مقبلات الفقراء .... يتصايحن بهرج ركيك و جرجرة و مطميط للكلمات للإعلان عن بضاعتهن.... فول تسالي يـــــــا..... هاك الفول و التسالي يـــا...... يا عمو ما تشيل ليك تسالي يونسك...... و في حال فشل كل العبارات الملحنة في إقناع الراكب بالشراء... تلجأ البائعة الي أخر أسلحتها المجربة صائحة ب: يا عمو الله يوصلك بالسلامة............ و مهما كان هذا العم غاوي أو متردي إنتحارات سابق فليس مقاومة هذا الدعاء و ساعتها يمكنه شراء كل القصعة و خاصة عندما يقرأ العبارات و الجمل المنحوتة علي ابواب الطواري و جنبات الطائرة ... جمل بعضها إقتباس من أيات قرانية , أحاديث, و أقوال أخري مأثورة ... المحصلة النهائية كلها تذكر و تهيئ الانسان للموت و ذلك مثل: (و يدرككم الموت حتي لو كنتم في بروج مشيدة) (الموت حق و الحياة باطلة) (لا اله الا الله محمد الرسول لله ...... كررها ثلاثة مرات قبل اقلاع الطائرة فالدنيا لم تعد معروفة أو مضمونة أخي المسلم) بفعل دعاء البائعة و الكلام المنحوت علي جنبات الطائرة المتفرج يشتري دون تردد مصحوب بخوف و أميييييين سرية مدوزنة لتقبل دعاء الصغيرة التي لم تتلوث بعد .... مع بائعات المقبلات كان هنالك اطفال يرتدون قفاطين مهترئة لونها لا يختلف كثيراً عن لون أوجههم المدبوغة بالشمس ,,,, يتأبطون اكياس بها كل شيء بدء بقلامة الأظافر حتي المسدسات كاتمة الصوت ... تنتهي هذه الفوضي لكي تبدأ أخري و هي فوضي طاقم العمل ... هنالك فترة انتقالية بين الفوضتين فيها يتداخل هرج المضيفات مع اصرار و تحدي الباعة عن النزول من الطائرة ..... هوي يا الرضية .... الرضية ... يا بت انا بقول الرضية .... هكذا صاحت كبيرة المضيفات منادية علي زميلتها بالجانب المعاكس من الطائرة .... سامعاك يا بتول قلتي شنو؟ بتول: تعالي بجاي تجيك الطاوية حبالها إنتي انشاء الله... الرضية: جيت جيت جيت خلاص ما تنبحيني..... يتبع بعد الاذن
حافظ حسين :: كــاتب نشــط::

30-03-2010, 07:28 AM	#[2]
حافظ حسين :: كــاتب نشــط::	هذا كان العرض الأول و لطف الله ان بالطائرة بعض الأجانب و لكن لا يعرفون اللغة المحلية جداً....الباعة المتجولون, بائعات التسالي و الفول, عمال النظافة, اضافة الي رجل الراية بالمطار كلهم تأبطوا بموخرة الطائرة بغرض دفرها .... بعد 3 محاولات نجحت الطائرة في الاقلاع بسلام .... تاركة شريط لا نهائي من السواد يفصل بين السماء و الأرض,,,, نساء حي المطار أكثر ما يتجنبنه بعد الخيانات الزوجية شريط طائرة موت أير لان أي محاولة لارجاع الملابس البيضاء الي أصلها الأول تبوء بالفشل ,,, مما حدا بسكان هذا الحي ان يعيدوا تعريف الزوجة الحريفة و ذلك ليس تلكم التي تجيد طبخ الكمونية دون زفارة و إنما تلك التي بمقدورها الإحتفاظ ببياض ثياب زوجها وهي تسكن حي المطار. الرضية كانت منهمكة بضجر واضح في ربط حزام الامان لسيدة أوفر ويت عندا صاحت بتول كبيرة المضيفات مرة أخري بصوتها المتحشرج: يا بت انت بتسوي في شنو بغادي؟ الرضية: يا خي المرة دي ما لاقيه ليها رباط قدرها أسوي ليها شنو؟ يسويك كفتة يا بركة رجال بان و السيد عثمان.... خليها و تعالي لي بجاي .... يوم كدا شفت ليك راكب تلب من الطيارة عشان ما مربوط؟... أثناء مرور الرضية لتلبية نداء كبيرة المضيفات طلب منها أحد الأجانب بصوت هامس قائلاً: Beer please? ردت الرضية بكل قرف سائلة جاره الغير أجنبي .... دا قال شنو؟ المترجم: قال ليك داير بيرة ..... لوت المضيفة فمها مصحوب بتكشيرة في الوجه كالذي إشتم رائحة نتنة و صاحت بما هو أقرب للثكلي: هييييييييي مقدرة يا ود أمي ....قول ليهو يابا يبربر سواقينك .... هو قايلنا نحن فداديات ... نحن والله بنات أسر ... شوف عليك النبي يا كوستا النصراني الواطي دا.......... كوستا أضخم رجل في العالم و العوالم الأخري ربما .... لا أحد يعرف له أصل أو فصل و تتعدد الروايات حول أصله الأول و كلها روايات مسلية اكثر من انها حقيقية .... عندما عرف الدنيا وجد نفسه عامل نظافة في طائرة و ترقي حتي صار كمساري يجمع النقود الغير شرعية من ركاب الشماعة .... لان حسب قوانين الطيران العالمية يمنع منعاً باتا الشماعة او الدبيل في المقعد الواحد ...... كوستا إضافة الي وظيفته المحددة و لكن لمؤهلاته الجسمانية و طيبته المفرطة أوكلت اليه مهمة فض النزاعات التي لا تنتهي و الا كي تبدأ مرة أخري , مرة بين المضيفات , المضيفات و الركاب, الركاب مع بعضهم البعض .... تدخل كوستا حاسماً الرضية قائلاً: انتي يا الرضية اخلاقك دايما ضيقة .... و أي حاجة تعملي ليها توم و شمار ... ما تقولي ليهو نحن خطوط ملتزمة ما عندنا بيرة و خلاص ... هوي ترا يا كوستا انت النصاري الغلف ديل ما بتعرفهم .... تبدأ ببيرة لكن انا عارفاها تنتهي وين... عشان كدا الواحد لازم يقطعوا معاهم بدري بدري.... التفت الأجنبي في اتجاه الذي تطوع للترجمه متسائلاً: Is she crazy? بتعبير وجهه ادركت هذه المخلوقة ان هنالك مؤامرة ما تحاك في الخفاء ضدها لذا سألت المترجم متحفزة : عليك النبي قال شنو؟ المترجم كان طيب و نحيف مما اجبره الكذب علي هذه المستأسدة قائلاً: لا والله ما قال حاجة كعبة ... بس قال يا خي الزولة دي طيبة و ظريفة؟ قول ليهو طب العجم .... العينة دي ما بتجي الا بالشلوت... هذا كان ردها و أنصرفت... بعد الانتهاء من عراكها الأول و أثناء مرورها علق أحد الركاب المحليون مادحاً جسدها ب: (ديني انا .... والله دا جسم يودي القسم عديييييييل كدا) هذه العبارة made her day مما جعلها تبتسم طول زمن الرحلة و هي تتأمل بوقاحة جسدها الذي يؤدي الي القسم .. كما أصابت المتغزل بالتخمة لما حبته به من طعام تكفي إطعام عشرة اناس معقولي الشهية..... أحد الأطفال حاول أخذ الأكل قبل دوره في الصف فما كان من المضيفة الا ان صرخت في أمه صائحة: دي شنو عدم التربية دي ... ولادة بلا هيادة الأم: معليش ما هو شافع صغير المضيفة: صغير شنو ما بربي بيهو ..... يتبع
حافظ حسين :: كــاتب نشــط::

30-03-2010, 07:33 AM	#[3]
حافظ حسين :: كــاتب نشــط::	عندما إنتهت المضيفات من إطعام الكل و تفرغن لقراءة الحظ بحبات الودع و بقايا رواسب البن انطلقت صرخة رعب و ألم من أحد السيدات الجالسات في المقاعد الأمامية أثر هذه الصرخة هرولت جموع المضيفات و المتطفلون الي مكان الحدث حيث سيدة أربعينية العرق يفصد وجهها المكفهر ....عيونها تستجدي في ركاب الطائرة و الله ..... هرولت الجوقة الي إتجاه الصراخ و عندما عرف السبب ضربت كبيرة المضيفات علي صدرها قائلة: سجمي والله جنس دا ما سمعنا بيهو لا شفنا..... مضيفة أخري: وقت الواحدة عارفة روحها تامة البوديها تركب طيارة شنو غايتو نسوان مهملات كيف؟ يا بناتي خلاص الحصل حصل و إنتن ذاتكن نسوان عليكم الله باصروا اختكن دي.... هذا كان رد الرجل الجالس بجوارها و الذي لم يكن سوي زوجها و والد الطفل القادم أحد المضيفات ردت بعجرفة قائلة: أسمع هنا نحنا مضيفات ما دايات .... الزوج: عارف و الله لكن للناس ظروف وسوست الرضية في إذن كبيرة المضيفات قائلة: أسمعي نحن نجازف المرة دي ... ولدت أهلاً و سهلاً و نلقي لينا قرش قرشين و إحتمال يكون في أجر ذاتو.... ماتت ... لا هي اول مرة تموت بالولادة و لا أخر واحدة ... نبدا يا بلدة و نحن في الحالتين ما خسرانين حاجة ...... بعد مدة ليست بالطويلة أطلق الطفل صيحات العذاب المصحوبة بزغاريد اتت من غرفة الولادة المرتجلة ... عند سماع الزغاريد هب والد الطفل مسرعاً حتي وقعت عمامته التي كشفت عن رأس يشبه رأس أحد الصقور المقتاتة علي الرمم , صاح مخاطباً جاره ( شكلوا جابوا لي ولد) خرجت الرضية بتثاقل الدايات المعروف و صافحت الوالد قائلة: أدينا البشارة أخرج حزمة من النقود دافعاً بها بفرح غير خفي في إتجاه المبشرة .... الرضية : أها كيف الوضع التاني... رفع والد الأطفال حاجبيه إستفهاماً .. فعالجت الأخيرة هذا الإستفهام ب: لكن شكلك جلكنت خلاص أحسن نخلي ليك كدا.... الزوج: أفوا ........ و اشار الي ذكورته بجلافة لا تخفي علي أحد الرضية: ما عندنا مشكلة لكن كلو بحقوا.... يتبع
حافظ حسين :: كــاتب نشــط::

30-03-2010, 07:35 AM	#[4]
حافظ حسين :: كــاتب نشــط::	الرضية بصوتها الرجولي أعلنت للجميع قائلة: أسمعوا يا فرد أنا عندي ليكم اربعة أخبار , تلاتة كويسات و واحد كعب أبدا ليكم بشنو؟ الكويسات يا أخت , لا يا خي الكعب........ الكعب , الكويسات...... الكويسات ,الكعب... هكذا صاح و عج جمهور ركاب الطائرة. هي ذاتها الديمقراطية الليكم شنو أنا خلاص ببدأ و السلام و حأبدا بالكويسات واضح.... واضح ....... كطلاب مجتهدون رد الكل لتساؤل واضح من قبل المضيفة الأول: وصلنا البلد صفق الجمهور علي سلامة الوصول الثاني: الحكومة إتقلبت قبل شوية مع التصفيق كان هنالك صفير و صراخ بالإنتشاء.... و لم يخلو من بعض الهتاف الذي ضاع وسط زحمة التصفيق... الثالث: لا في طيارة تدخل و لا واحدة تمرق .... يعني بالعربي كدا الجوا جوا و البرا برا... و أردفت قائلة: أها سمعتوا لما الجوا يطلع برا..... بس دا الحاصل إذداد التصفيق و الصفافير المصحوبة بالتعليقات مثل ( هو الداير يمشي زاتو منو .... يا خي الله رحمنا نقعد لينا يومين تلاتة برا) علا صوتها بنبرة حزن لم تخفي علي أحد و لكن لم تري نتيجة للهرج الذي عم الطائرة..... علا صوتها ( أصبرو أصبروا شوية الكعب جاي) الخبر الكعب الطيارة قطرة جاز ما فيها صمت فجأئي خلفيته تلاوة جميلة من كتاب الله ( يا أيها الإنسان انك كادحاً الي ربك كدحاً فملاقيه) (يعني يا شباب كلنا في الهوا سوا و أرحمنا يا رب العباد ) و هنا تكسرت الدموع علي الخدود و إنتهي كل شيئ.... انتهي
حافظ حسين :: كــاتب نشــط::

30-03-2010, 07:36 AM	#[5]
الفاتح :: كــاتب نشــط::	أهلين.. يا حافظ دي كتابة قبل المريسه وللا بعد ؟ داير أعرف لأنو لو (فكًت) بالحاجه الشايفا دي مابعيد سنة 2063 تلقى الركاب بيلعبوا كورة شراب ، والمضيفة تورق في الملوخية والكابتن محوًص وأنا أعيًط
الفاتح :: كــاتب نشــط::

30-03-2010, 07:40 AM	#[6]
حافظ حسين :: كــاتب نشــط::	أهلين.. يا حافظ دي كتابة قبل المريسه وللا بعد ؟ داير أعرف لأنو لو (فكًت) بالحاجه الشايفا دي مابعيد سنة 2063 تلقى الركاب بيلعبوا كورة شراب ، والمضيفة تورق في الملوخية والكابتن محوًص وأنا أعيًط شليل وين راح ... شكلها دي قبل الميلاد يا منقة تشكر علي المرور و انا و رافع هذا البوست مثل هذين ----------------------------- شليل مالك متور علينا الأحزان بصورة عمدتنا دي
حافظ حسين :: كــاتب نشــط::

30-03-2010, 11:00 AM	#[7]
حافظ حسين :: كــاتب نشــط::	يا اخوانا لو في حد داير ترجمة لاي من العبارات يقول...... فليس هنالك حياء في العلم
حافظ حسين :: كــاتب نشــط::

30-03-2010, 11:38 AM	#[10]
حافظ حسين :: كــاتب نشــط::	بس ماوريتنا مثل هذين وين ؟؟ ماتقول لي في الطيارة زول الله في بلاد الله الجميل سلام و محبة .... سعيد بمرورك و انشاء الله تمر في درب الصراط ون قو بدون اي تعثر او ملاحق.... شكراً ليك علي الكلمات الجميلة في حقي و دا بالتأكيد ذوقك يا زول الله انا ابداً ما كنت قاصد الطيارة لكن وقت براك اخترت فلك ذلك يا جميل -------------------------- بالله حاول تشرح درب الصراط للناس محدودي الثقافة الدينية يا مان
حافظ حسين :: كــاتب نشــط::

30-03-2010, 11:44 AM	#[11]
حافظ حسين :: كــاتب نشــط::	منال ازيك يا ملكة و انشاء الله كويسة .... لكن لقيتك مبالغة يا منال حكومة ويييييييييييييي انقلاب وييييييييييييييييي انتفاضة ويييييييييييييي جنة وييييييييييييييييي
حافظ حسين :: كــاتب نشــط::

30-03-2010, 12:14 PM	#[12]
حافظ اسماعيل احمد :: كــاتب نشــط::	طيران اير السلام عليكم حافظ حسين انت يازول سكران مريسة بالجد ولا شنو انا فاتح ليك بارت ترحيب تقوم تخليني انت والجيلي وتفتح ليك مطار كدي يا عمي واحدة واحدة شنو عايز تطير طوالي انت في الواطة ماقادر تمشي عديل عاوز تطير كدي قوم غسل وشك ورحب بناس البار ديل واحد واحد انت لو ما قادر عليهو بتشربو ليه قوم جاك حجر ينزلك من السماء طيران اير قال والله انت جاي من الباقير دا سلسيون بنكهة شجر العوير ياعمك
حافظ اسماعيل احمد :: كــاتب نشــط::

30-03-2010, 12:55 PM	#[13]
حافظ حسين :: كــاتب نشــط::	حافظ سلام و سجمك رفعت البوست دا ( انا و رافع هذا البوست مثل هذين)... يعني نحن في سرج واحد و أرحمنا يا رب السماء
حافظ حسين :: كــاتب نشــط::

30-03-2010, 01:17 PM	#[14]
سمراء :: كــاتب نشــط::	غايتو كتااااااابة رهيبة جنس رههوبية .. بس ماقريته شديد اركز واجيك ياحافظ ... باقى لقيت سيد التسالى حايم ودايرة اقزقز شوية فى سوق الطير ده كتاب انت ياخ
سمراء :: كــاتب نشــط::	التوقيع: