بين ابنوسة ونخلة!!

حسين يوسف مكى · 22-05-2010, 04:40 PM

[align=center]بين ابنوسة ونخلة!!

بين ابنوسة ونخلة

ونيلا خاوى الضفة

موج الفرحة العانق

طيف الشيمة يدارى
اللهفة ..

نفحة دغشا سالت

فوق خد الحلة

النور وجفة..

طفلة بكرة تقاوم

وسن الزمن الفيها

شان الدرس الاول

شعره مقفّى..

بين الناس ترياق بسمة

صدق مشاعر يوم م تصفا..

مرقت من بين اللُقيا

هشاشة احزان وستف فرح

اللحظة مواطن العفة ..

فى شان الولد البدّر

وراجى مسورو نغم الساقية

الشوق واللهفة..

ديك الهجعة الناغم سامر

القعدة الفوق السهلة

من فرح اللمة دعاش

الروح إتكفى

صحية بدرى فجر الامل النوّر

رجّح كفة..

ريحة البن القلوة البِكرِ

همس الصدق الجمّل بيتاً

عايش فقرى بالصبر إتدفّأ

تبقى رفقة نيلا ولدا تبّ

بين النخلة الخيرها معبأ

وابنوسة العشق الانضر

شان م تربى فى دا الزمن

الاخضّر ناخد وقفة..

ليل الغربة الطوّل هضلم

حال الولد الهمّو مقسم

ناغم نخلة وابنوسة

حنين ترحالو مع اشواقو

شان بترجى زمن الرأفة

فى ديك اللحظة بياخد جمّة

ذكرى السافر ضمة

سلام الام الخالة العمّة

يافرح

الذكرى فوق حارتنا

اخد لك وقفة..

كلّم بنوت الحلة

اسال عن عرس الولد

الختّه المسرة شوف

فى وجوههم نور الفرحة

بتعرف انه اوان الزفة..

تسمع نقرة طار الشوق

الدفق وجرتق طيف

الناس الحائم الفة..

تتلقاك شموع فى ايد

الحلوة وباب الريدة

فاتح ضلفة..

حسين يوسف مكى
جدة /3/11/2009م[/align]

حافظ اسماعيل احمد · 22-05-2010, 05:02 PM

سلامات
حسن يوسف

الابنوسة في وسط الصحرا
تعنق فجر النيل السامق
تتحاشي ظهور الليل القاتم
تنور فجرها بروح العودة
والامس الطال في قوافي
تجدد شجن الذكري
للغابة طرف الحلة
والبنوت البردو الموية
والاطفال الضاحكو عيونها
لشوقك ما اظن تهجر فرحها
عود تلقي الحلة بيك طربانة
والخالة والعمة بيك فرحانة
والفرح عليهم من غيرك حرمان

لك الشكر الجليل حسن يوسف مكي بكم نعود

hamza · 22-05-2010, 07:13 PM

اقتباس:

المشاركة الأصلية كتبت بواسطة حسين يوسف مكى

[align=center]

ديك الهجعة الناغم سامر

القعدة الفوق السهلة

من فرح اللمة دعاش

الروح إتكفى

صحية بدرى فجر الامل النوّر

رجّح كفة..

ريحة البن القلوة البِكرِ

همس الصدق الجمّل بيتاً

عايش فقرى بالصبر إتدفّأ

حسين يوسف مكى
جدة /3/11/2009م[/align]

شكرا يا رفيق الحرف

صور غاية في الجمال والروعة

اسرجت خيالي معك فارتحلت الي الابيض الدفاق

وعلي ضفتيه كل الخير

شكرا نديا حسين

حسين يوسف مكى · 22-05-2010, 08:56 PM

اقتباس:

المشاركة الأصلية كتبت بواسطة حافظ اسماعيل احمد

سلامات
حسن يوسف

الابنوسة في وسط الصحرا
تعنق فجر النيل السامق
تتحاشي ظهور الليل القاتم
تنور فجرها بروح العودة
والامس الطال في قوافي
تجدد شجن الذكري
للغابة طرف الحلة
والبنوت البردو الموية
والاطفال الضاحكو عيونها
لشوقك ما اظن تهجر فرحها
عود تلقي الحلة بيك طربانة
والخالة والعمة بيك فرحانة
والفرح عليهم من غيرك حرمان

لك الشكر الجليل حسن يوسف مكي بكم نعود

حافظ يا اسماعين !!

مشتاق لمة صفاكم يووت

شوق الفارق ديارو وراح

جافت رحاله بيوت

من تطوافو بح الصوت

وكان مكبوت

ياحافظ مكتوب علينا فراق

منه وين ح نفوت؟

شكرا مطر حافظ الجميل..

حسين يوسف مكى · 22-05-2010, 09:01 PM

اقتباس:

المشاركة الأصلية كتبت بواسطة hamza

شكرا يا رفيق الحرف

صور غاية في الجمال والروعة

اسرجت خيالي معك فارتحلت الي الابيض الدفاق

وعلي ضفتيه كل الخير

شكرا نديا حسين

حمزة يا غنواتنا التساب!!

مرة كنا فى جلسة ادبية برفقة

الرائع الحلمنتيشى حدباى حفظه الله فى

حله وترحاله.. فقال لى :

تمُر ايام وتتعدا

ونقعد نحسب فى المدة

نرجع من جدة لامبده

ونبدل للهدوم بالعدة..

فكان ردى :

منو القال ليك يا حدباى

تسيب الحلة بالفيها؟

ومين اداك لمحة طيف

عشان تأسر اماسيها؟

صحيح انك بعيد بلحيل

وكيف اهواك ترسّيها؟

تعال يا خويا للاوطان

عشان تهنا وتهنيها..

شكرا انيق الحرووف حمزة وانت حامل مسك الكلام الجميل..

22-05-2010, 04:40 PM	#[1]
حسين يوسف مكى :: كــاتب نشــط::	بين ابنوسة ونخلة!! [align=center]بين ابنوسة ونخلة!! بين ابنوسة ونخلة ونيلا خاوى الضفة موج الفرحة العانق طيف الشيمة يدارى اللهفة .. نفحة دغشا سالت فوق خد الحلة النور وجفة.. طفلة بكرة تقاوم وسن الزمن الفيها شان الدرس الاول شعره مقفّى.. بين الناس ترياق بسمة صدق مشاعر يوم م تصفا.. مرقت من بين اللُقيا هشاشة احزان وستف فرح اللحظة مواطن العفة .. فى شان الولد البدّر وراجى مسورو نغم الساقية الشوق واللهفة.. ديك الهجعة الناغم سامر القعدة الفوق السهلة من فرح اللمة دعاش الروح إتكفى صحية بدرى فجر الامل النوّر رجّح كفة.. ريحة البن القلوة البِكرِ همس الصدق الجمّل بيتاً عايش فقرى بالصبر إتدفّأ تبقى رفقة نيلا ولدا تبّ بين النخلة الخيرها معبأ وابنوسة العشق الانضر شان م تربى فى دا الزمن الاخضّر ناخد وقفة.. ليل الغربة الطوّل هضلم حال الولد الهمّو مقسم ناغم نخلة وابنوسة حنين ترحالو مع اشواقو شان بترجى زمن الرأفة فى ديك اللحظة بياخد جمّة ذكرى السافر ضمة سلام الام الخالة العمّة يافرح الذكرى فوق حارتنا اخد لك وقفة.. كلّم بنوت الحلة اسال عن عرس الولد الختّه المسرة شوف فى وجوههم نور الفرحة بتعرف انه اوان الزفة.. تسمع نقرة طار الشوق الدفق وجرتق طيف الناس الحائم الفة.. تتلقاك شموع فى ايد الحلوة وباب الريدة فاتح ضلفة.. حسين يوسف مكى جدة /3/11/2009م[/align]
حسين يوسف مكى :: كــاتب نشــط::

22-05-2010, 05:02 PM	#[2]
حافظ اسماعيل احمد :: كــاتب نشــط::	الابنوسة سلامات حسن يوسف الابنوسة في وسط الصحرا تعنق فجر النيل السامق تتحاشي ظهور الليل القاتم تنور فجرها بروح العودة والامس الطال في قوافي تجدد شجن الذكري للغابة طرف الحلة والبنوت البردو الموية والاطفال الضاحكو عيونها لشوقك ما اظن تهجر فرحها عود تلقي الحلة بيك طربانة والخالة والعمة بيك فرحانة والفرح عليهم من غيرك حرمان لك الشكر الجليل حسن يوسف مكي بكم نعود
حافظ اسماعيل احمد :: كــاتب نشــط::	التوقيع: عندما نلمس الجانب الطيب في نفوس الناس، نجد أن هناك خيرًا كثيرًا قد لا تراه العيون أول وهلة. ... لذك يجتاز الكثيرون مرحلة الشدة بنجاح، حتى إذا جائهم الرخاء سقطوا في الابتلاء.