رسالة الى القائمين بالامر ---

[عبداللطيف النقر]

[align=right]هل موضوع -- رسالة الى الله -- لمبر محمود --- رغم ما فى العنوان من تنفير - وما فى داخله من رسائل من بعض الصغار الغربيين -- او المسيحيين -- ومن أدلو بدلوهم فيه من الاعضاء -- وقد يوصلك الى الشرك بدون ان تدرى -- لانك لا توجهها الى شخص تعرفه ولكن هذا التوجيه للذات الالهية --- وسبحان الله ان يسأل عما فعل ----

هل موضوع مبر هو السبب فى ان تكتب أم التيمان -- رسالة صداقة الي الله ---

و هل يمكن ان يكتب من شاء كل ما شاء --- الاخ ناصر وكتابته عن المخنثين -- كان يمكن ان يكتب الموضوع بصورة اكثر احتشاما -- واكثر حرصا من المتداخلين وان لا يتوسعو فى الشرح -- وبى دلوكتو -- وكباريتو --

هل سيستمر الوضع -- هكذا --- سؤال يجب الاجابة عليه ---



ام نتبع امر الله تعالى --- وننصرف حتى يخوضوا فى حديث غيره ---[/align]

[أميرى]

النقر سلامات
عنوان رسالتك ما ماشي مع المضمون يا صاحب
إنت بتنتقد مواضيع أعضاء معينين والمتداخلين معاهم
من باب أولي توجه رسالتك ليهم بالاسم
أو لكل الاعضاء
لي كبرت اللفة واشتكيتنا للألفة؟

[النور يوسف محمد]

بسم الله الرحمن الرحيم
الأخ عبد اللطيف .. تحياتى


الإدارة تتابع البوستات المعنية ..
وتتدخل متى ما رأت داعياً لذلك ..
فى مثل هذه الحالات بمكنك أن تلفت نظر الأمين العام برسالة داخلية كما يفعل كل الأعضاء حين يرون أن هناك ما يستدعى تدخل الإدارة ..
وغنىٌ عن القول أنه يمكنك أن تضع رأيك داخل البوست وتحاور مفترعه


الأمين العام

[أحمد طه]

عبداللطيف اريتك طيّب ...
نصيحة لوجه الله ،،، أقرا المفيد ،،، و فطّ الما عاجبك ،،، و أوعى تتقرن في زول ولاّ تخلي زول يتقرن فيك
الحرية لنا و لسوانا

[عبداللطيف النقر]

المشاركة الأصلية كتبت بواسطة النور يوسف محمد

بسم الله الرحمن الرحيم
الأخ عبد اللطيف .. تحياتى


الإدارة تتابع البوستات المعنية ..
وتتدخل متى ما رأت داعياً لذلك ..
فى مثل هذه الحالات بمكنك أن تلفت نظر الأمين العام برسالة داخلية كما يفعل كل الأعضاء حين يرون أن هناك ما يستدعى تدخل الإدارة ..
وغنىٌ عن القول أنه يمكنك أن تضع رأيك داخل البوست وتحاور مفترعه


الأمين العام

[align=right]الاخ الامين العام ---

الاخ اميرى

اسعد الله مساءكما ---

اولا --- سعدت بأن اتحدث اليك ---

ثانيا ---- انا حديث عهد بالمنتدى --

ثالثا --- ان كنت تداخلت مع المتداخلين فى البوست -- لتوضيح رايئ -- لضاع كما ضاعت الكثير من الاصوات هناك --

رابعا -- اتبعت حديث عثمان بن عفان رضى الله عنه --- ان الله ينزع بالسلطان ما لا ينزع بالقرآن --

كيف احاور من يخاطب الله كزميله -- او من تخاطبه بالآلة الصماء ---

خامسا -- ان هذا الكلام من باب الشرك الصريح والطعن فى الذات الألهية وهو غير مقبول لدى ولقطاع عريض تداخلو فى الموضوع ---

هذا اضعف الايمان عندى -- كتبته لكم -- اما الاجراءات وان أكتب لمن فهذا ما ليس لى به علم --

وتتدخل متى ما رأت داعياً لذلك .. -----( متى يكون داعى الادارة للتدخل ---؟؟؟ )

والسلام عليكم[/align]

[عبداللطيف النقر]

المشاركة الأصلية كتبت بواسطة أحمد طه

عبداللطيف اريتك طيّب ...
نصيحة لوجه الله ،،، أقرا المفيد ،،، و فطّ الما عاجبك ،،، و أوعى تتقرن في زول ولاّ تخلي زول يتقرن فيك
الحرية لنا و لسوانا

[align=right]ازييك يا أحمد --- شكرا على النصيحة وهو دائما ما أتتبعه -- ولكن هناك اشياء لا يمكن السكوت عليها -- والحرية لها مسميات مختلفة فى هذا الزمان ---

شكرا ليك --[/align]

[بابكر مخير]

الحبيب عبد اللطيف
آنقر كلامك دآ صايب ولا
لآ..
في رأي
من هنا شويآ ومن هناك شويآ..
لكن ما الياهو في حدود المسموح وذي ما قال أمينا العام
قول يا لطيف آزول

[عبداللطيف النقر]

المشاركة الأصلية كتبت بواسطة بابكر مخير

الحبيب عبد اللطيف
آنقر كلامك دآ صايب ولا
لآ..
في رأي
من هنا شويآ ومن هناك شويآ..
لكن ما الياهو في حدود المسموح وذي ما قال أمينا العام
قول يا لطيف آزول

[align=right]ازييك يا مخير -- اكيد ما حأقدر ادخل فى نفسك واعرف الكلام ده صايب والا لا -- بس الانسان علي الفطرة --وانا لست بالمتشدد الصرعة -- وكتاباتى القليلة فى سودانيات -- توضح ذلك وزيادة -- بس يا هو ذاتو دينا فى السودان -- على الفطرة وبدون تشدد -- بنعمل السته وذمته -- السابعة دى ما عارفا شنو عشان كده ما بدخل روحى فيها ---

البوست ده ليهو اكتر من ايام وانا اتجنب الدخول فيه -- الا ان قريت موضوع لأم التيمان واستغربت كلامها -- ورديت عليهو -- وربطت الموضوعين مع بعض -- وقريت موضوع مبر -- لا مانع ان اقتصر الامر على اولاد الخواجات فلهم دينهم ولى دين -- ولهم طرقهم فى التعليم -- لكن ان يتبارى الجميع فى ذلك -- - كما لا يوجد استماع لحديث العقل --

قلتا احسن تجى من الادارة ---

كلام الامين العام موزون -- بس نعرف حدود المسموح به --

تحياتى ---[/align]

[مبر محمود]

سلام ومحبة يا أستاذ النقر، واريتك طيب وشديد

ياخ كلامك دا مُوحش بالحيل، ويجافي الدين والمنطق والعدل من كل الجهات
وحتى لا أتقول عليك بما ليس فيك، فسأتتبع بعضاً من أثرك هنا

المشاركة الأصلية كتبت بواسطة عبداللطيف النقر

[align=right]
كيف احاور من يخاطب الله كزميله -- او من تخاطبه بالآلة الصماء[/align]

أول حاجة كلامك دا في الدين غلط فد مره!
لانو الدين في الاساس إتبنى علي الحوار والحجه، ولو تتبعت سنة النبي بس لوجدت فيها الكثير من الحوار والحجة
ياخ الله سبحانه وتعالى قال ادعوا لسبيلي بالحجة والموعظة الحسنة
والدعوة طبعاً ما موجهه للمؤمنيين، الدعوة موجهه للمشركين والعصاءة والخطائين
ياخ هسي في زمتك لو النبي قال زي كلامك دا زمان، لي يومنا دا كان بتلقى ليك زول مسلم ؟
يعني لو قال ناس مكة ديل بعبدو الحجر، وبدفنوا النسوان حيات، وبزنوا، وبسكروا، عشان كدا أنا ما عايز معاهم . هل بتفتكر أنو كان الإسلام وصل لما وصل ليهو هسي .
ياخوي الزول لو طلع للفتوى والدعوه المفروض يركز ليها، ويعملها زي ما الرسول كان بعملها
يعني تتحاور مع الكافر والمسئ والملحد عديل .

[align=right]خامسا -- ان هذا الكلام من باب الشرك الصريح والطعن فى الذات الألهية وهو غير مقبول لدى ولقطاع عريض تداخلو فى الموضوع ---[/align]

كدي بالتبادي عرف لي الشرك ؟ ماهو الشرك يا أستاذ النقر؟
وعليك الله ما تخم لي أي شئ من قوقل وتجيبو لي هنا وتقول لي دا الشرك
أبحث عن معنى الكلمة في التفاسير الصحيحة وجيبها وبعداك خلينا نتم نضمينا

وتحياتي مجدداً

[أحمد طه]

و الله يا عبد اللطيف أنا أكثر منك دهشة و حيرة إزاء كثير مما يكتب هنا، لكن نقول شنو؟؟
الشكية لله
... و من لم يستطع فبقلبه ، و ذلك أضعف الإيمان !!.. ربنا يصلح الحال و يهدي الضال،،،مودتي